ساعدونى اذاى اخرج من الاكتئاب اللى عندى

[اسمعلاوى]

السلام عليكم ورحمه الله وبركاته

طبتم وطاب ممشاكم وتبوأتم من الجنه مقعدا

والله انا نفسى من زمان اوى اعمل مداخلات بس يعنى عارف انه الاخوه الافاضل المديريين بيحبو يحذفو كتيير ويلغو اكتر ويتنرفزو اكتر واكتر كمان الله يعيينهم احنا ساعات من خنقتنا بنقول اى كلام اهو نشغل نفسنا وهما يجهزو وينقلو وينسقو واهو كله بيحاول يملى فراغه

بس فى موضوعك ده يا اختى الغاليه مش هقولك الا انك حاولى تلونى حياتك باللون اللى بتحبيه يعنى زى ما كل المغتربيين بيتعاملو فى اشغالهم وشركاتهم بشىء اسمه المروووووووونه خلييكى انتى كمان مرنه مع نفسك يعنى لما تحسى انه فى حاجه انتى مكنتيش بتتمنيها اقعدى واقنعى نفسك بانها حلوه وجميله ونفسك تعمليه من زمان وده وقتها وتعايشى معاها هو فى الغربه محدش بيكسب اى حاجه واللى يقول كده غير كده ربنا يسامحه بقا لانه اكيد زى ما الكل بيعمل بيحاول يضحك على نفسه ويلون حياته باللون اللى بيحبه بس طبعا ده غلط بس هوا حل مؤقت لحد ما ربنا يقضى امرا كان مفعولا واستعيينى بالدعاااااااااء ومش هقولك انا بفضل الله عملت كل حاجه عشان اتغلب على الموضوع ده لدرجه انى بنزل مصر يمكن تقريبا كل شهريين او كل شهريين ونص وبحس وانا راجع انى مش بنى ادم انى ماكيينه هاجى اعمل شغل معيين باسلوب معين وارجع تانى اعيش اسبوع واحد زى الحلم بس هوا اللى بينفس عليا وبيملى حياتى امل فى بكره وطبعا احمدى ربنا انك الموضوع ده وانتى فى البيت وبس يعنى مش فى شغل ولا مسؤله عن اسره ومصاريف وما الى ذلك لو كنتى موظفه مثلا وزى معظم الشركات تتعاملى بالمرونه فى العمل كنتى ممكن يجرالك حاجه هما تقريبا هيجيبولنا انفصام فى الشخصيه يعنى لما تعملى شغلك وشغل مديرك وشغل مدير مديرك وكل اللى مش عايز يشتغل ده مش عيب دى مروووووووونه ولما كلهم مثلا تجيلهم زيادات وانتى لا برده اوعى تقولى لا لانه ده نصييب ورزق وقضاء وقدر ولما كل الشغل اللى انتى عملتيه وتعبتى فيه يتنسب لغيرك وخاصه لو كان فلسطيينى مثلا فبرده متزعلييش اهو احنا المصريين بنشتغل عشان ضميرنا ورزقنا على الله فقولى الحمد لله انه الاكتئاب قاصر على وجودك فى البيت كان ممكن تحسى معاه كمان بالقهر والظلم بس ربنا كان رحيم بيكى

واسأل الله لى ولكى ولجميع المسلميين وخاصه المغتربيين المصريين ان يرجعنا جميعا الى اهليينا سالميين غانميين

[rewsha]

السلام عليكم

انا كنت زيك بالضبط زوجى اجر شقه فى مكان جميل وجهزها وكان كل اصحابه هناك وانا اول زوجه تسافر فيهم فلكى ان تتخيلى كانوا عايشين محلها عيشه العزوبيه

شباب مع بعضهم وبالاضافه ان زوجى استعجل على سفرنا جدا بدون ان ياخذ الرخصه او يشترى سياره فكانت الحياه فل

كنت بعيط ليل ونهار ولانى كنت واخده هنا على الحياه فى مدينه جديده شمس وهوا ونادى اهم شئ جيران اكتر من الاخوه العماره كلها مفتوح ابوبهاعلى بعض وولادى واخدين على اللعب مع اصحابهم والتنقل من شقه لاخرى ونروح النادى والجنينه

رحت لقيت العماره اللى هسكن فيها كلها هنود ومعرفش اقارب ولا اصحاب ولا ايه كلهم بيزوروا بعض ومع بعض وانا المنبوذه اللى فيهم قعدت 3شهور قبل مامشى وحده بس قالت انتى مصريه قولتلها يس بس

المهم مطولش عليكى خست بدون رجيم اكتر من عشره كيلو وصحتى تعبت

لكن لقيت الحل انى اعزل لقيت ابراج اسمها الخالديه او بيسموها الملكه فى شارع الخزان هى اغلى من السكن العادى اتنزلت عن المساحه الكبيره وخت حجره وصاله هى مش حجره وصاله هو استديو كبير وفيه بارتشن المهم هو نص مفروش اغلبه مصريين ونسبه سوريين واقليه اجانب وسعودين هما حوالى700 شقه

وفيه مكان للعب الاولاد وجيم رجالى مجانى ونسائى باشتراك وناى نسائى تقعدى براحتك مع اصحابك فيه كوافير وكافتريا والعاب للنساء فقط(بلياردو وبينج) ومش فاكره الباقيه

والنادى بيقام فيه كل يوم تحفيظ قران ودروس فقه وسنه(مجانى) واهم حاجه حضانه للاولاد من 9الى9 حسب احتياج ممكن ساعه فى اليوم

وايضا حمام سباحه للاطفال واخر للرجال وصيانه للشقه دش مركزى

واهم شيئ خالص باص التسوق سبت واتنين واربع يخرج مرتين الصبح وبالليل كل شهر ليه جدول يخرج على حسبه كل المولات والاسواق وينتظرك حوالى 3ساعات (مجانى)

وبالليل فى طابق اللعب و اللى فيه البسين تتجمع النساء مع اطفالهم ومن السهل جدا تكوين صداقات كثيره جدا واغلب السكان محترمين جدا والدور الارضى محلات بها كل ماقد تحتاجينه من ضروريات البيت ولا تتضطرى للخروج او الاتصال بمحل ويرد عليكى واحد تقعدى ساعه تفهميه انتى عايزه ايه وفى الاخريجبليك حاجه تانيه خالص

وبعد كل ده اتحدى يكون عندك اى فراغ او اكتئاب

انا كنت فى نعمه حمدت الله عليها وعرفت قيمتها اكتر لما زوجى نقل الامارات علشان اخدربع المميزات ديه ومن غير جيران مصريين ادفع 6او سبع اضعاف

بمناسبة الموضوع ده بقه عاوزه اساْل ......زحد يعرف اسعار الايجار في عمارة الملكه كااااااااااام؟؟؟؟؟؟؟ :wub:

[mama nona]

السلام عليكم

انا كنت زيك بالضبط زوجى اجر شقه فى مكان جميل وجهزها وكان كل اصحابه هناك وانا اول زوجه تسافر فيهم فلكى ان تتخيلى كانوا عايشين محلها عيشه العزوبيه

شباب مع بعضهم وبالاضافه ان زوجى استعجل على سفرنا جدا بدون ان ياخذ الرخصه او يشترى سياره فكانت الحياه فل

كنت بعيط ليل ونهار ولانى كنت واخده هنا على الحياه فى مدينه جديده شمس وهوا ونادى اهم شئ جيران اكتر من الاخوه العماره كلها مفتوح ابوبهاعلى بعض وولادى واخدين على اللعب مع اصحابهم والتنقل من شقه لاخرى ونروح النادى والجنينه

رحت لقيت العماره اللى هسكن فيها كلها هنود ومعرفش اقارب ولا اصحاب ولا ايه كلهم بيزوروا بعض ومع بعض وانا المنبوذه اللى فيهم قعدت 3شهور قبل مامشى وحده بس قالت انتى مصريه قولتلها يس بس

المهم مطولش عليكى خست بدون رجيم اكتر من عشره كيلو وصحتى تعبت

لكن لقيت الحل انى اعزل لقيت ابراج اسمها الخالديه او بيسموها الملكه فى شارع الخزان هى اغلى من السكن العادى اتنزلت عن المساحه الكبيره وخت حجره وصاله هى مش حجره وصاله هو استديو كبير وفيه بارتشن المهم هو نص مفروش اغلبه مصريين ونسبه سوريين واقليه اجانب وسعودين هما حوالى700 شقه

وفيه مكان للعب الاولاد وجيم رجالى مجانى ونسائى باشتراك وناى نسائى تقعدى براحتك مع اصحابك فيه كوافير وكافتريا والعاب للنساء فقط(بلياردو وبينج) ومش فاكره الباقيه

والنادى بيقام فيه كل يوم تحفيظ قران ودروس فقه وسنه(مجانى) واهم حاجه حضانه للاولاد من 9الى9 حسب احتياج ممكن ساعه فى اليوم

وايضا حمام سباحه للاطفال واخر للرجال وصيانه للشقه دش مركزى

واهم شيئ خالص باص التسوق سبت واتنين واربع يخرج مرتين الصبح وبالليل كل شهر ليه جدول يخرج على حسبه كل المولات والاسواق وينتظرك حوالى 3ساعات (مجانى)

وبالليل فى طابق اللعب و اللى فيه البسين تتجمع النساء مع اطفالهم ومن السهل جدا تكوين صداقات كثيره جدا واغلب السكان محترمين جدا والدور الارضى محلات بها كل ماقد تحتاجينه من ضروريات البيت ولا تتضطرى للخروج او الاتصال بمحل ويرد عليكى واحد تقعدى ساعه تفهميه انتى عايزه ايه وفى الاخريجبليك حاجه تانيه خالص

وبعد كل ده اتحدى يكون عندك اى فراغ او اكتئاب

انا كنت فى نعمه حمدت الله عليها وعرفت قيمتها اكتر لما زوجى نقل الامارات علشان اخدربع المميزات ديه ومن غير جيران مصريين ادفع 6او سبع اضعاف

بمناسبة الموضوع ده بقه عاوزه اساْل ......زحد يعرف اسعار الايجار في عمارة الملكه كااااااااااام؟؟؟؟؟؟؟ :closedeyes:

لى صديقة ساكنة فيه شقة 3 غرف وصاله ب 40 الف فى السنة

[قطرة ندى]

شكرا على ردك الجميل ده واقتراحاتك الهايلة

بس انا كنت عاووزة اسالك سوال انا نفسى اشترك فى جيم ومش عارفة ازاى اوصل لواحد منهم ممكن تقوليلى اسم واحد فيهم وتساعدينى

انا فى الامارات ....... يا ريت كنت فى الرياض....... بس علشان نبقى صحاب

و نحط الاكتئابات على بعض

و نعمل نصب تذكارى محترم...... wst::

اضحكى بقى ...... قمر و الله!!

انا فى الامارات

انتى فين فى الامارات؟

[قطرة ندى]

بالنسبة للاخت كاتبة الموضوع انا عشت سنين طويلة فى السعودية وغلطة عمرى اللى بندم عليها انى كنت بخاف من الناس ورفضت كل الصحوبيات خصوصا ان زوجى كان بيشجعنى على كده

انتى هتلاقى هناك المصريين شلل اختارى الشلة اللى تلائمك ..هم بيخرجوا مع بعض ويتفسحوا وكده...اذا انتوا من النوع اللى واخد جنب اتعرفى على اى واحدة خارج الشلل بس انا رايى الشلل احسن ... لان لو صاحبتى واحدة بتحسى انك معاها كانك فى صحرا

فيه كمان مراكز التحفيظ هتلاقى فيها مجتمع كبير ودى انا متوائمتش معاها معرفش ليه يمكن كان فيها بعض نماذج من السعوديات شوية تكبر ..يمكن المنطقة اللى انتى فيها احسن جربى مش هتخسرى حاجة

[MZohairy]

انا فاتح موضوع مخصوص لمساعدة الإخوه الاسكندرانيه للخروج من الامهم و اكتئابهم

ادخلي اقريه وانتي لما تشوفي بلوة غيرك تهون عليكي اي بلوه يا فتفوته :blush2:

[doudy]

انا فاتح موضوع مخصوص لمساعدة الإخوه الاسكندرانيه للخروج من الامهم و اكتئابهم

ادخلي اقريه وانتي لما تشوفي بلوة غيرك تهون عليكي اي بلوه يا فتفوته :blush2:

ليه يا زوهيرى

حكيم روحانى حضرتك :lol:

[الفقير الى الله]

السلام عليكم

يا جماعة انا من ساعة ماجيت الرياض وانا عندى اكتئاب جامد جدا وبقالى اربع سنين على كده وحاولت انى اشتغل لكن قابلتنى مشكلة اودى ولادى فين وهما لسه تلات سنين وسنه ونص

والفكرة ان جوزى حابب البلد دى اوى لكن انا لا وحتى مش لاقيه صحاب وحاولت اكتر من مرتين انى انزل انا ولادى نقعد فى مصر ونسيب جوزى هنا لكن المحاوله بتنتهى بالفشل لاننا مش بنقدر هو مش بيقدر على الغربة لوحده وانا كمان مش ببقى مبسوطة لانه بعيد عننا وبيصعب عليا جدااا

الله يخليكوا قولوا لى اعمل ايه عشان الاكتئاب زايد جدا لدرجة انى مش ببقى عاوزة اخرج ولا اشوف حد وبس بقعد اعيط طول النهار والليل لدرجة ان جوزى زهق وقاللى انتى نكدية وبصراحة عنده حق

انا مش قادرة احب غيرك يا مصر بكل التعب اللى فيكى لكن انا روحى فيكى والله

[الفقير الى الله]

السلام عليكم ورحمة الله

اختى فى الله أسأل الله العظيم ان يفرج همك وكربك ويجعلك من السعداء انة ولى ذلك والقادر علية

ولكن اتمنى من الله العلى القدير انة اذا كان زوجك بخير والحمد لله وكذلك اولادك بخير والحمد للة فأن تحمدى الله عز وجل وان كانوا غير ذلك فلتحمدى الله ايضا وان تتجهى للعبادة فهى خير الدليل وخير السبيل بدلا من البكاء على مصر وغربة مصر فمصر لن تستفيد شىء من بكائك المستمر عليها ولكن اجعلى وقتك الفارغ فى حفظ اجزاء من القران الكريم مثلا او الاحاديث النبوية هذا هو خير الدنيا والاخرة وارضى بما قسمة لكى ربك فأنة اعلى واعلم واعطي زوجك واولادك وقتك وحبك فهم اولى من البكاء ولنا ولكى الله واعلمى ان هناك اخريات من دونك من هم فى كدر وابتلاء اشد واعظم ومنهم من لايجد عمل ومنهم من علية كثير من الديون والمشاكل ومنهم لم يرزقهم الله نعمة الاولاد .... فالمال والبنون زينة الحياة الدنيا ......ارجو منكى ان لاتدعى للشيطان سبيلا فهو لا يرضى لكى ولزوجك السعادة تغلبى علية بالعبادة واستعينى بالله واصبرى .

[egyptawy]

معلش سوال برة الموضوع كم سعر السكن لشقة غرفة وصالة فى ابراج الخالدية