مساعدة فى تقييم عقد عمل فى سلطنة عمان

[doctorzero]

بسم الله الرحمن الرحيم

اولا انا سعيد باشتراكى فى المنتدى و بجد محتاج مساعدة اهل الخبرة و المشورة

انا مهندس ميكانيكا قوى دفعة 2008 هندسة عين شمس

و عمات مقابلة مع شركة اسمها ( شامل العالمية للصناعة و التجارة و المقاولات)و مكانها مسقط لوظيفة

HVAC site Engineer و بعدين بعتولى العرض دة:

1- الراتب: 250ريال+100ريال بدل

2-الاقامة: سكن اعزب شامل الكهرباء و المياه مجانا

3-الانتقالات: 90 ريال بدل اول ما اشترى سيارة و لحد ما دة ما يحصل

هما هيوفروها من السكن للعمل و العكس

4-العلاج: هما هيوفروه

5-السفر: تذكرة كل سنتين (مسقط القاهرة مسقط) و المغادرة من هنا(القاهرة) عليهم

6- فترة اختبار من 3 الى 6 شهور بعدها سيتم اعادة النظر الى المرتب طبقا الى ادائى فى العمل

دة اللى هما كتبينه مع العلم ان اثناء المقابلة سألنى ان كنت هتجوز قريب عشان انا خاطب وانا قلت ايوا فقالى ساعتها ممكن نوفرلك سكن متزوج بس متذكرش حاجة عن دة فى العرض

انا بقى عايز اعرف شوية حاجات:

1-هل العرض دة مناسب بالنسبة لحديث تخرج مثلى و يستاهل الغربة عشانه

2-لو حد يعرف معلومات عن الشركة دى يفيدنى بيها مثلا :سمعتها-امكانياتها-نوعية السكن اللى بتوفره للناس اللى بيشتغلوا فيها-مصداقيتها

3-هل فعلا العمانيين صادقين و معاملتهم كويسة ولا ايه النظام

4-مستوى المعيشة عامل ايه و هعرف احوش ولا لأ مع العلم انى مش مسرف اوى يعنى عادى

بجد يا جماعة ردكم عليا هيفرق معايا اوى اوى ويا ريت يكون بسرعة عشان هما مستنيين ردى خلال الاسبوع دة

و كل سنة وانتوا طيبين

[MZohairy]

اصعب حاجه في مسقط هي السكن

غالي و مش متوفر

طالما موفرينلك السكن يبقى 60% من مشكلاتك محلوله

حقيقة انا معرفش اذا كان 250 ريال يعتبر مناسب ولا لأ لخريج 2008 نظرا لعدم وجود خبره مطلقا

لكن اعتقد ان 350 ريال كإجمالي يعتبر لا بأس به مقارنة بحداثة خبرتك

ربنا يوفقك

[hgalal]

يالنسبة ليك يا أخي كحديث التخرج ومع توفيرهم للسكن لك فممكن يكون عرض مناسب، لكن اللي الواحد اتعلمة من الخبرة انهم مادام مكتبوش حاجة عن موضوع العائلة فدة معناه انك ممكن ما تقدرش تاخد منهم حاجه وممكن يرجعوا في كلامهم مادام ما فيش حاجه في العقد.

المهم دلوقتي انك تتخطط لنفسك كويس يعني لو انت عايز تجرب معاهم تشتغل سنة مثلاً قبل زواجك هل دة مناسب ليك؟. يعني لو معجبكش الشغل معاهم والوضع ترجع علىطول بعد سنة وتكون استفدت بعض الخبرة ولو كنت منظم حياتك تكون قدرت تحوش جزء جيد. بس ترجع علطول علشان تقدر تبني لنفسك خبرة اكبر في مصر وان شاء الله يجيلك عروض احسن بعد كدة.

يعني اهم حاجة ان السنين ما تاخدكش ورا بعضها بهذا الدخل المناسب فقط لحديث التخرج.

[makarawad]

انا عشت فى مسقط خمس شهور

المرتب ده ضعيف جدا

وانتا لو عرفت تحصل شغل فى مصر ب الف وخمسيمه جنيه هيكون افضل بكتير من الغربه دى هتتعب لان مسقط بلد فاضيه غير مصر خالص

ولكن لو انتا هاوى السفر كسفر روح وجرب بس متنساش انك خاطب هتصرف تلفونات واكل وشرب ولو بتدخن

ربنا يوفقك

[الباشمهندس ياسر]

انا اتعرفت على مهندس ميكانيكا فلبينى و عنده خبرة سنتين و جه عمان على 350 ريال و توفير السكن بالطعام والشراب والانتقالات و شهر اجازة بعد 3 شهور عمل

و طبعا كله مدفوع الراتب بس الراجل ده مكنش فى التكييف زيك

عموما المرتب ده بعد السكن والانتقالات لو حياتك عادى جدا جدا يعنى يبقى هتصرف منهم ع الاقل 200 ريال

و بالنسبة للشعب العمانى الناس هناك محترمة بزياده شوية

الشركة معرفش عنها حاجة

بالنسبة للاتصالات فالنت حل الموضوع تماما

فاضل سؤالى انا ليك

هل لديك ما تخسره؟

بناءا ع السؤال ده تقدر تقرر تروح ولا لآ

خلى بالك نقطة خبرة خليجية هتفرق معاك لو رحت قعدت هناك 6 شهور وقررت ترجع مصر على الاقل هتعرف تخش شركة انترناشيونال

[doctorzero]

انا اتعرفت على مهندس ميكانيكا فلبينى و عنده خبرة سنتين و جه عمان على 350 ريال و توفير السكن بالطعام والشراب والانتقالات و شهر اجازة بعد 3 شهور عمل

و طبعا كله مدفوع الراتب بس الراجل ده مكنش فى التكييف زيك

عموما المرتب ده بعد السكن والانتقالات لو حياتك عادى جدا جدا يعنى يبقى هتصرف منهم ع الاقل 200 ريال

و بالنسبة للشعب العمانى الناس هناك محترمة بزياده شوية

الشركة معرفش عنها حاجة

بالنسبة للاتصالات فالنت حل الموضوع تماما

فاضل سؤالى انا ليك

هل لديك ما تخسره؟

بناءا ع السؤال ده تقدر تقرر تروح ولا لآ

خلى بالك نقطة خبرة خليجية هتفرق معاك لو رحت قعدت هناك 6 شهور وقررت ترجع مصر على الاقل هتعرف تخش شركة انترناشيونال

بصراحة انا معنديش حاجة اخسرها هنا و عشان كدة فكرت فى السفر

[doctorzero]

انا عشت فى مسقط خمس شهور

المرتب ده ضعيف جدا

وانتا لو عرفت تحصل شغل فى مصر ب الف وخمسيمه جنيه هيكون افضل بكتير من الغربه دى هتتعب لان مسقط بلد فاضيه غير مصر خالص

ولكن لو انتا هاوى السفر كسفر روح وجرب بس متنساش انك خاطب هتصرف تلفونات واكل وشرب ولو بتدخن

ربنا يوفقك

ويا ترى النت هناك اخباره ايه ؟

يعنى متوفر ولا قليل

[doctorzero]

اصعب حاجه في مسقط هي السكن

غالي و مش متوفر

طالما موفرينلك السكن يبقى 60% من مشكلاتك محلوله

حقيقة انا معرفش اذا كان 250 ريال يعتبر مناسب ولا لأ لخريج 2008 نظرا لعدم وجود خبره مطلقا

لكن اعتقد ان 350 ريال كإجمالي يعتبر لا بأس به مقارنة بحداثة خبرتك

ربنا يوفقك

شكرا لردك اخى بس ياريت لو تقدر تقولى تكاليف المعيشة و الحياة و لو هصرف فى المعقول هصرف اد ايه و النت كافيه هناك متوفر ولا لأ و اسعاره ايه

[doctorzero]

يا ريت يا جماعة لو حد يعرف اى حاجة عن الشركة دى يبلغنى عشان دة سؤال مهم اوى و كمان انا عايز اعرف ساعات العمل فى عمان اد ايه و من كام لكام و الاجازة الاسبوعية امتى؟

[الباشمهندس ياسر]

طبعا نوع العقد بيحدد ساعات العمل و الاجازات والاضافى و الكلام ده كله

بس عموما بياخدوا يومين اجازة اسبوعية و عدد ساعات العمل لا يتجاوز 48 ساعة ف الاسبوع

النت فى كل شارع و ساعة النت كافيه ب 300 بيسه و البيسه بحوالى 1.4 قرش لآن الريال = 14.20 جنيه مصرى

و اى اوامر يا هندسة و متنساناش من دعائك

[doctorzero]

طبعا نوع العقد بيحدد ساعات العمل و الاجازات والاضافى و الكلام ده كله

بس عموما بياخدوا يومين اجازة اسبوعية و عدد ساعات العمل لا يتجاوز 48 ساعة ف الاسبوع

النت فى كل شارع و ساعة النت كافيه ب 300 بيسه و البيسه بحوالى 1.4 قرش لآن الريال = 14.20 جنيه مصرى

و اى اوامر يا هندسة و متنساناش من دعائك

مش عارف اقولك ايه ولا ايه انا متشكر جدا على اهتمامك يا باشمهندس ياسر و جزاك الله كل خير

[doctorzero]

انا بس محتاج اعرف اى معلومات عن الشركة لو حد سمع عنها يقول يا جماعة

[الباشمهندس ياسر]

يا اخى متقولش حاجة كل اللى نفسى فيه ان ربنا يرزقنا الاخلاص و مش اكتر من كده

بالنسبة للشركة انا عملت بحث صغير كده ولقيت اسمها فى وزارة المالية لسلطنة عمان زادها الله عزا ع الموقع ده

http://www.mof.gov.om/ministryservices/supplier29.htm

و سامحنى انا مليش علاقات بالجماعة بتوع التكييف و الا كنت خدمتك والله

[ابن الصعيد]

العرض غير مرضي ولكن

انت بدون خبرة

لذلك سافر وبعد 3 سنوات اكيد كل شئ سوف يتغير

بالتوفيق

[doctorzero]

معلش يا جماعة انا عارف ان اسئلتى كتيرة بس معلش اصل دى اول مرة

هما قالولى قبل العيد ب 3 ايام انهم هيبعتوا الفيزا بعد العيد و ادينا اهو بقالنا 3 ايام و مافيش اخبار

هيا بتاخد اد ايه الفيزا؟

[doctorzero]

معلش يا جماعة انا عارف ان اسئلتى كتيرة بس معلش اصل دى اول مرة

هما قالولى قبل العيد ب 3 ايام انهم هيبعتوا الفيزا بعد العيد و ادينا اهو بقالنا 3 ايام و مافيش اخبار

هيا بتاخد اد ايه الفيزا؟

[doctorzero]

معلش يا جماعة انا عارف ان اسئلتى كتيرة بس معلش اصل دى اول مرة

هما قالولى قبل العيد ب 3 ايام انهم هيبعتوا الفيزا بعد العيد و ادينا اهو بقالنا 3 ايام و مافيش اخبار

هيا بتاخد اد ايه الفيزا؟

[doctorzero]

هيا بتاخد اد ايه الفيزا؟