عيد ميلاد جرانديزر

[Scorpion]

النهارده مش حقول شعر و لا معلقات ...

النهارده حفتح كتاب تاريخ المحاورات علي صفحة 78 علشان ارجع لأول معرفتي بيه ... اياميها كان لسه جرانديزر صغير اسمه كان قالب الدنيا و لو كنت عايز تستفزه كفاية انك تحطله في اي مداخلة : والنبى جركنين 90 لو تكرمت

تلاقيه اتزربن و مزعق و يقول بعلو حسه : باقولها تاااانى ....أنا ماليش علاقة بالبنزيييييييين

و تمر الأيام و خدماته و نصايحه تملا المحاورات ...

ميكانيكا ماشي ..

كومبيوتر ماشي ..

ساتيلايتات ماشي ..

ديكورات ماشي .. تصليح عربيات .. دبابات .. تريسيكلات ماشي

و الأهم من ده كله لسانه الباتر اللي ما يعرفش نفاق دايمآ كان مخلي الناس واخدة فكرة غلط عنه .. اللي علي قلبه علي لسانه بدون تذويق ... علشان كده في رأيي انه اكتر واحد اتظلم من الأعضاء في فريق المشرفين ...

لكن النهارده مافيش غير تورتة كبيرة و كل اللي بيحبوه حواليه

و بنغنيله

أبو الفصااااد

كل سنة و انت بخير و صحة و سعادة يا صاحبي .. ربنا يباركلك دايمآ في شخصك و في كل اللي بتحبهم ...

:blush2:

[أسد]

عصام باشا ..

كل سنة وانت طيب ..

وعقبال 100 سنة ..

[Scorpion]

ارزاااااااق ...

ناس ليها ملوخية أرديحي في عيد ميلادها و ناس ليها تورتة افراح .... :blush2:

جاتهم نيلة في حظهم الهباب

[لولا]

اكيد من حسن حظى انى ادخل والاقى مناسبه مميزه زى دى لشخص مميز جدا من اسرة المحاورات

غرندايزر العزيز كل سنه وانت طيب وبالف خير ... عيد ميلاد سعيد جدا جداجدا وعقبال الف سنة .

ربنا يحقق كل احلامك ويوفقك .......... ومن كل قلبى ربنا يسعد كل ايامك وسط اسرتك واولادك .

اختك .. هيكارو :blush2:

النت هنا بطئ جدا .. مفيش وقت الون التهنئه تقبلها منى ساده المرادى

[أسد]

ارزاااااااق ...

ناس ليها ملوخية أرديحي في عيد ميلادها و ناس ليها تورتة افراح ....

جاتهم نيلة في حظهم الهباب

دي دي تورتة فرح ؟؟؟؟

:blush2:

الراجل مقاليش

أنا قلت له عايز أجدعها تورتة عندك ..

كده يامعلم جوجل

[se_ Elsyed]

حبيب قلبي عصام ...

كل سنة وانت طيب بمناسبة عيد الاضحى المبارك

عصام يا جماعة بجد من الشخصيات المحببة الى قلبي وراجل دماغه دي حاجة بتاع ستين في سبعين ومطاطه بيكبرها وقت ما يحب

[حسام يوسف]

كل سنة وانت طيب يا عم عصام

يجعل أيامك كلها أفراح

ويديك الصحة

وهناوة البال

ويديك كل ما تتمنى

لو كنت عندك كنت جيتلك بنفسى ومعايا التورتة

كل سنة وانت طيب :blush2:

[أبو محمد]

جريندايزر .. أجدع واحد يلبد فى الدرة .. بس من غير مقروطة clp::

ما يتكلمش كتير ، لكن فجأة تلاقيه وقت اللزوم طالعلك بالرزة المزدوجة أو برعد الفضاء

:wub: :wub:

:yahoo: كل سنةوانت طيب يا جريندايزر :cry1:

[Alshiekh]

معقول يكون عصام بك شوقى هو " جريندايزر "

وانا اللى مفكر انى مذاكر التاريخ كويس !!!!!!!

حكم السن بقى

كل سنة وانت عصام ياطيب

تاااااااااااااانى

كل سنة وانت طيب ياعصام ، واليك هذه التورتة والبيبسى واطباق الفاكهة اللى انا عاملها مخصوص لاعضاء المحاورات

[mohamed]

كل سنة وإنت طيب...ربنا يبارك في عمرك

[se_ Elsyed]

أو برعد الفضاء

تحصيح بس يا عم ابو محمد

اسمها عاصفة الفضاء

نعتذر للأخ جرنديزر على الاستخدام الخاطيء لسلاح من اهم اسلحته ..

سامح عمك ابو محمد لإن جرنديزر والمتحولون وبوكيمون حاجات جديدة عليه

لن لما تكلمه عن بقلظ وبابا شارو وماما سلوى عاصم .. تلاقيه موسوعة اللهم صلي عالنبي

بالمناسبة يا جدعان .. انا عايز افتن على عصام حبيبي واقول على سر من اسراره الكامنه في مكانينه .. والسر ده اللي بيعرفه بيموت بعدها على طول لأسباب مخفيه

السر هو اني كل ما اشوف الواد رمزي اللي في مسلسل " راجل وست ستات " او هو نفسه الممثل اللي بييطلع في اعلان شيبسي مصراوي ( رمضان كريم يا مصراوي ) ... افتكر عصام على طول في خفه الدم وخفه الحركة لانه شبهه صورة تبكل الاصل ......

سامحني يا رمزي .. قصدي يا عصام

[محمد عبدالعزيز]

الأخ الفاضل عصام من الشخصيات المحترمة جداً جداً جداً من اللى الواحد بيقابلهم هنا فى المحاورات.

كل سنة وانت طيب يا حاج عصام وربنا يبارك لك فى عمرك ويمتعك بالصحة والعافية دايماً.

[Modest]

مع إنه راكن الحتة الأمريكاني اللي جبتهاله في عيد ميلاده السنة اللي فاتت و شكلُه مستعر منها

لكن واجب برضه نهني أسطى الاسطوات

أسطى الجدعنة و الشهامة

اسطى الاربعة سرندل و التمانية كمان

الحتة الجديدة بتاعت السنة دي بقى ما تطلعش إلا للغاليين

كل سنة و انت طيب و عقباااااااااااااااااااال

السنة الجاية

أخوك بلية

[shahd]

استاذ عصام كووووووووووووووول سنة وحضرتك طيب وعقبال دشليوووووووووووووووووووووووووووون سنة خير وسعادة وهنا ويارب يحلي ايامك ويحقق احلى احلامك

[alsaher]

كل سنة وحضرتك طيب

وسنة سعيدة إن شاء الله

[أبو محمد]

أو برعد الفضاء

تحصيح بس يا عم ابو محمد

اسمها عاصفة الفضاء

نعتذر للأخ جرنديزر على الاستخدام الخاطيء لسلاح من اهم اسلحته ..

سامح عمك ابو محمد لإن جرنديزر والمتحولون وبوكيمون حاجات جديدة عليه

لن لما تكلمه عن بقلظ وبابا شارو وماما سلوى عاصم .. تلاقيه موسوعة اللهم صلي عالنبي

شكرا يا سين سين على التصحيح ... وعندك حق .. الواحد مش مفروض يلعب فى الأسلحة الختشيرة دى

وشكرا كمان إنك صغرتنى فى السن ..

هو فى الحقيقة أنا من أيام بابا شارو .. ودبدوبة التخينة .. وابو الفصاد .. وقطتى نميرة .. ويا عسكرى يابو بندقية .. وكانت أغنيتى المفضلة هى " كل يوم أصحى الصبحية آكل رز عليه شعرية" .. أصل أيامنا كنا بنتغدى الصبح

[Mohamed Fayek]

ميين ده اللى عيد ميلاده النهارده ... حد يتولد فى نص الشهر

كل سنه وانت طيب مع خالص تمنياتى لك بتحقيق جميع احلامك

[عصام]

إيه دا كولو .. إيه دا كولو؟

كل دى تهانى؟

طب وربنا ... وربنا .. إنتوا ناس زى العسل

باعتذر عن التأخير ... ولحظة لما اشمر

النهارده مش حقول شعر و لا معلقات ...

النهارده حفتح كتاب تاريخ المحاورات علي صفحة 78 علشان ارجع لأول معرفتي بيه ... اياميها كان لسه جرانديزر صغير اسمه كان قالب الدنيا و لو كنت عايز تستفزه كفاية انك تحطله في اي مداخلة : والنبى جركنين 90 لو تكرمت

تلاقيه اتزربن و مزعق و يقول بعلو حسه : باقولها تاااانى ....أنا ماليش علاقة بالبنزيييييييين

يابن الإيه؟ إنت لسا فاكر؟

... علشان كده في رأيي انه اكتر واحد اتظلم من الأعضاء في فريق المشرفين ...

إنت برضه لسا فاكر؟

كل سنة و انت بخير و صحة و سعادة يا صاحبي .. ربنا يباركلك دايمآ في شخصك و في كل اللي بتحبهم ...

وانت طيب يا كيمو يا عسل ..

إلهى ينصرك دنيا وآخرة .. يا رافع معنوياتى

[عصام]

عموما تتهنى بالتاج يا كبير كفر الجرندازريه :sad:

لولا

أهو دا اللى كنت عامل حسابه n2&(

الناس بتكتب لقبى اللى خلعه عليا ياسر غلط

إسمها الجريندايزرية يا لولا

نركز مش فضلك n2&(

[عصام]

بس من غلاوة جرانديزر عندي ما جيبتلوش سلطانية أي كلام .. دي سلطانية فضة و بغطا ... n2&(

أهو الغطا دا أهم عندى م السلطانية .. تعرف ليه؟

عشان طول الأسبوع ألبس السلطانية

والغطا ألبسه طاقية يوم الجمعة :sad: