حواديت قبل النوم

[msayed]

كان ياما كان يا سادة ياكرام فى سالف العصر والأوان

كان ياما كان يا سعد يا إكرام ولا يحلى الكلام إلا بذكر النبى عليه الصلاة والسلام

بدايات جميلة اتربينا عليها وبعدها تأتى الحكاية الرائعة والتى كنا لا ننام إلا بها، وكان هناك شرط أساسى إن الحكاية تكون جديدة ما اتحكتش قبل كده ...

وكلنا كان يشعر عندما يعجز الأب أو الأم عن الإتيان بحكاية جديدة فيؤلف أى كلام علشان يضحك علينا وكنا غلابة جداً فبنبلعها ونمشيها .

لكن الجيل الجديد بتاع اليومين دول وبتاع القنوات الفضائية والكمبيوتر فاصبح أصعب وما بيبلعهاش.

ابنى بدأت له بقصص الأنبياء -بتصرف- وكان مشدود ليها جداً ثم بدأ يطلب قصص أنبياء جديدة وكل ما احاول أقنعه أنهم خلصوا كده مش مقتنع ومتخيل إن هناك أنبياء جداد وأنا مخبيهم.

استفدت من قصص الأنبياء إنى شرحت له باسلوب بسيط شكل الحياة فى السابق وإن الناس دى ماكانش عندهم تليفزيون ولا سيارة وأن دى من نعم ربنا علينا.

تعليق ظريف وأنا أحكى له قصة سيدنا يوسف وأن له 11 أخ فقال لى : ياها دول كثير قوى .. بيناموا على سرير واحد إزاى؟

المهم إنى حكيت له بعد ذلك بعض القصص التى حكاها الرسول صلى الله عليه وسلم، وبعض ما قرأته من قصص أطفال لكن أنا حريص أن لا أحكى له إلا ما يفيده وليس حكايات أمنا الغولة وألف ليلة وليلة والعفاريت والوحوش.

ولغاية هنا ومش لاقى حكايات أحكيها أبداً وبدأت أدخل طور التأليف الغير محبوك ويقفشنى كل مرة

لذا أردت أن نتشارك بتجميع القصص التى تصلح كحواديت قبل النوم ولكن باختصار شديد.

يعنى القصة تكون فى حدود أربعة أسطر وممكن سرد بعض الدروس المستفادة منها ولكن السرد فيكون كل واحد وطريقته مع ابنه.

يلا مين ها يبدأ

[nifro]

انا معنديش حواديت بصراحة... لكن حبيت اقول ان ده موضوع لذيذ جدا.

اللى خالنى اكتب تعليق هوه الكلام اللى فى بداية الموضوع, كان ياما كان, يا سعد يا اكرام... و ما يحلى الكلام الا بذكر النبى علية الصلاة و السلام...

رجعتنى لأيام جميلة, ايام حواديت ابل النوم على السرير و الواحد صغير.

يلا اللى عنده حدوته يجود بيها

[msayed]

أبدأ أنا .. بسم الله

حكاية مختصرة جداً وأظنها من قصص كليلة ودمنة

كان فيه حمار تعبان وشقيان فى الشغل وكل ما يبص على صاحبه من شباك الدار يلاقيه قاعد بيلاعب القط ويطبطب عليه والقط يلعب ويتنطط حوليه، فيقول فى نفسه، هو ليه بيدلع القط كده وبيضربنى أنا بالعصاية لما هرى جتتى. هو يعنى القط ده بيعمل إيه؟ و فى يوم استغل إن باب الدار مفتوح وراح داخل بسرعة وهاتك يا تنطيط على الكراسى والترابيزات وراح ناطط نطة قوية فى حجر صاحبه. وطبعاً النهاية معروفة والدرس واضح.

[Emo]

فكرة توووووووحفة..

عندي حواديت كثيير اووي..بس هرجع ان شاء الله أكتبها..

حبيت بس اسجل مرور..واعجاب بالفكرة..

*_*

خليه مرة ابنك يحكيلك حكاية...هتشوف الإبداعات اللي حضرتك غرستها فيه..

الله يقر عينك بتربيته..

كن بخير..

[الدكتورة أم أحمد]

كان ياما كان يا سادة ياكرام فى سالف العصر والأوان كان ياما كان يا سعد يا إكرام ولا يحلى الكلام إلا بذكر النبى عليه الصلاة والسلام بدايات جميلة اتربينا عليها وبعدها تأتى الحكاية الرائعة والتى كنا لا ننام إلا بها، وكان هناك شرط أساسى إن الحكاية تكون جديدة ما اتحكتش قبل كده ... وكلنا كان يشعر عندما يعجز الأب أو الأم عن الإتيان بحكاية جديدة فيؤلف أى كلام علشان يضحك علينا وكنا غلابة جداً فبنبلعها ونمشيها . لكن الجيل الجديد بتاع اليومين دول وبتاع القنوات الفضائية والكمبيوتر فاصبح أصعب وما بيبلعهاش. ابنى بدأت له بقصص الأنبياء -بتصرف- وكان مشدود ليها جداً ثم بدأ يطلب قصص أنبياء جديدة وكل ما احاول أقنعه أنهم خلصوا كده مش مقتنع ومتخيل إن هناك أنبياء جداد وأنا مخبيهم. استفدت من قصص الأنبياء إنى شرحت له باسلوب بسيط شكل الحياة فى السابق وإن الناس دى ماكانش عندهم تليفزيون ولا سيارة وأن دى من نعم ربنا علينا. تعليق ظريف وأنا أحكى له قصة سيدنا يوسف وأن له 11 أخ فقال لى : ياها دول كثير قوى .. بيناموا على سرير واحد إزاى؟ المهم إنى حكيت له بعد ذلك بعض القصص التى حكاها الرسول صلى الله عليه وسلم، وبعض ما قرأته من قصص أطفال لكن أنا حريص أن لا أحكى له إلا ما يفيده وليس حكايات أمنا الغولة وألف ليلة وليلة والعفاريت والوحوش. ولغاية هنا ومش لاقى حكايات أحكيها أبداً وبدأت أدخل طور التأليف الغير محبوك ويقفشنى كل مرة لذا أردت أن نتشارك بتجميع القصص التى تصلح كحواديت قبل النوم ولكن باختصار شديد. يعنى القصة تكون فى حدود أربعة أسطر وممكن سرد بعض الدروس المستفادة منها ولكن السرد فيكون كل واحد وطريقته مع ابنه. يلا مين ها يبدأ

الأخ الفاضل جزاك الله خيرا وبارك في ذريتك

لي تجربة جميلة مع حدوتة قبل النوم

وكان لها أثر طيب في تربية أولادي

كنت سأكتبها في موضوع تربية الأولاد للعزيزة أم بلال والوقتي محتارة أكتب هنا ولا هناك

ولكني الآن مشغولة ولكن أردت أن أحييك

ومرة أخرى بارك الله في أولادك وجزاك الله خيرا

[شاب مصري]

انا جربت الموضوع دا مع قرايبي الأطفال

واكتشفت اني خيالي مش خصب :blink:

وبقعد اشتغلهم بأي حاجة نظام كان في واد اسمه فارس وراح المدرسة ورجع عمل الواجب ونام وتوتة توتة خلصت الحدوتة :lol:

بص كان عندي كتاب روعة حلو قوي وفيه قصص من التراث العربي وكلها هادفة

هو بتاع ابن المقفع او بيدبا الهندي مش فاكر بالزبط

بس هو اللي انت قلت عنه فيه حكايات كليلة ودمنة

كنت بحب اقراه ايام ما كنت في اعدادي وثانوي

كلها حكايات حيوانات وليها مغزى وهدف وبتعلم الطفل قيمة وحكمة

ربنا معاك يا مان .

[Scorpion]

اتفضل حضرتك موسوعة قصص كاملة

حد يعرف حواديت حلوة

للعزيزة مدام فريدة

حكايات قديمة.....لها معانى دايما جديدة

للرائعة مدام سلوي

[newcomer]

موضوع حلو اوى

هادور على قصص جديدة و أجى

بس نصيحة...... احسن وقت ممكن تقول فية حكاية مؤلفة مقصود بيها تعديل سلوك

قبل النوم...... يعنى و العينين بتفتح بصعوبة

ساعتها بقى ...... نحول على قناة السلوكيات

يعنى الولد الجميل اللى بيصحى الصبح علطول ...... و هو بيضحك ....من غير عياط

مامته عملتله مفجأاااااااااه جميلللللللة.......

و ادعيلى ..... متجربة الحكاية دى

[ام بلال]

فعلا قصص الأنبياء مبسطة بيكون لها أثر عظيم جدا في غرس الأخلاق الجميلة في نفوس الأطفال ،

في قصص حيوانت ظريفة فعلا ذات مغزى هادف

دردشة قبل النوم ، ممكن جدا تحكي ذكرياتك مع أبناءك ، بيضحكوا من قلبهم ( بس مش هيناموا)

أنا من يوم ما عرفت من خبراء التربية إن القراءة للطفل الصغنن جدا ربع ساعة يوميا مهم جدا و أنا بحاول أعمل كده مع أصغر أبنائي ، لأن الكبار فلتوا و أصبحوا فعلا يحبون القراءة ، و بيصدعولي نفوخي بالقصص التي يقرأونها ،

الصغنن عمره سنتين ، يحضر القصص ، و يجري ورايا ، .. و يقول : ماما ... توته ... توته ( حدوته حدوته )

يشدني من هدومي ، و يخبط على الكنبة ...إنا إنا ( يعني أقعدي هنا ، واحكي يا هانم و ما تكروتنيش ).

[msayed]

الموضوعين جامدين يا Scorpion شكراً

وفى الموضوع ده نحاول جمع القصص مرة أخرى بتركيز أكبر وبتلخيص أكبر

[الدكتورة أم أحمد]

الأخ الفاضل :

بعد ما انتهيت من قصص الأنبياء

تدخل أن شاء الله على قصص الصحابة

وفي ذلك كتب كثيرة مثل كتاب صور من حياة الصحابة للدكتور عبد الرحمن رأفت الباشا

وصحابيات حول الرسول للشيخ محمود المصري

ثم صور من حياة التابعين

ولا تنسى قصص المشرقة من لأبطالنا مثل نور الدين وصلاح الدين وقطز

وعندما تنتهي من ذلك إن شاء الله سيكون ابنك عرف القراءة ويبدأ يقرأهم مرارا وتكرارا كما يفعل أبنائي

وهي مناسبة طيبة نثقف بها أنفسنا ونعوض ما فاتنا

على حس أبناءنا.

اللهم بارك لنا في أولادنا وانفع بهم البلاد والعباد

وجزاك الله خيرا

[msayed]

شكراً يا دكتورة أم أحمد

بالفعل حاولت أبدأ له بقصص الصحابة والتابعين والعظماء إللى حضرتك ذكرتيهم لكن الموضوع مش سهل فقصصهم فوق سنه ومحتاجة شوية تعب لإخراج قصص شيقة من بين هذه القصص مش شرط أحكي له القصة كاملة لكن ممكن أنتقى موقف شيق من بين الحكايات وأحكيه له،

إيه رأيكم يكون من ضمن أهداف الموضوع بتاعنا أن نركز على مواقف شيقة ومثيرة من حياة العظماء؟

وأيضاً لو فيه مواقف وقصص شيقة لمخترعين وعلماء.

يلا الهمة يا أصدقائى علشان نعمل مجموعة قصص جديدة نحكيها لأجيالنا القادمة.

[سهل جدا]

في قصة جميلة جدا في صحيح مسلم

وهي قصة الغلام والراهب , اولا شيقة جدا ثانيا فيها فوائد عظيمة

لو عندك برنامج المكتبة الشاملة تبحث بكلمة الغلام أو الراهب في صحيح مسلم

ولو عندك برنامج الكتب التسعة للحديث تبحث أيضا فيه ..

القصة جدا رائعة

إن شاء الله لما معاذ ابني يكبر شوية هاحكيهالو

[msayed]

وأنا برضه إبنى معاذ

وحكيت له القصة وعجبته جداً جداً.

شكرا يا أبو معاذ