سؤال : هوه احنا عندنا دم .. ؟؟

[ابو خليل]

يعني اصل انا من يومين شفت سي دي للشيشان .. و شفت فيه مجاهدين عرب كثير .. منهم واحد صورته مابتفارقش خيالي .. مصري هوه .. و جايبين تصوير له وهو بيحتضر .. بس الغريب العجيب انه بيبتسم وهو بيحتضر .. حتي بعد وفاته .. وجهه مبتسم !

وفكرت.. هوه احنا.. انا وانتم عندنا دم ؟؟

الناس بيجاهدوا في سبيل الله .. وانا هنا غرقانين في مناقشة القضايا التافهة ..,انا اولكم ..

طيب وبعدين ..

النهاردة الشيخ في صلاة الفجر كان بيدعي للمسلمين : في القدس - العراق - سوريا - الفلبين - الشيشان - مصر - الجزائر - ليبيا - السودان - المغرب - كشمير - كوبا(الاسري ) - اوزباكستان - افغانستان ...

انا فاكر ان من خمس عشرة سنة بس كان الشيخ بيدعي بس للقدس .. بسرعة كده حصلت كل الاهانات دي في كل العالم ..واحنا لسه قافلين علي نفسنا المنتدي ده ولك المنتديات وكل الانترنت وكل الفضائيات ووسائل الاعلام .. و بنناقش في سهرة 3 ساعات اغنية نانسي عجرم الجديدة .. و بنجادل بعض عن احقية الاهلي بكاس مصر .. و بنألف الكتب عن عبقرية فيلم اللمبي .!!

هوه احنا عندنا دم ؟؟

انا عن نفسي خلاص زهقت .. ومكسوف قوي من نفسي ...

مش عارف ..

حاسس ان الواحد وصل لمرحلة لازم ياخد فيها قرار... زي الجهاد في سبيل الله .. علي الاقل .. بمقاطعة كل التفاهات والكلام الفارغ ..

بس ده مش كفاية ...

للاسف انا بقرأ في الصحف المصرية و السعودية والكويتية .. كل يوم .. اخبار مؤلمة .. جايز الخبر يعدي علي ناس كثير ... مر الكرام ..

بس لو دققتوا هتلاقوا .. بين الكلمات مآسى كثيييييير ..

هوه احنا عندنا دم ؟؟

مش عارف بافتكر الان قصيدة مظفر النواب :

القدس عروس عروبتكم .. فلماذا ادخلتم كل زناة الليل الي حجرتها .. ووقفتم تصتنطون السمع لصراخات بكارتها .. و نزعت كل خناجركم و تنافختم شرفا .. و صرخت فيها ان تسكت صونا للعرض ... ابناءالـ(.... ) هل تسكت مغتصبة؟؟!!

صحيح احنا فعلا ابناء ( ... ) تمام زي ما قال مظفر النواب ...

ولا انسي ان اوجه شكري لوزير الاعلام علي قناة (ميلودي) الجديدة