تأخير فيزا العمل في الإمارات

[Dexter]

اخواني الأعزاء انا اخوكم محمد :blink:

يوم 29 اكتوبر الشركة الي انا رايح اعمل فيها في الإمارات ارسلت ورقي لوزارة العمل عشان تجيلها الموافقة علي الفيزا ... وحتى الآن لا أخبار عن الفيزا أو الموافقة عليها وانا قلقان بصراحة خايف ليكون موقفين ورقي عشان الازمة الاقتصادية مع ان الشركة عملت الاوفر وانا مضيت علية خلاص وورقي بقالو حوالي شهر ونص دلواقتي في وزارة العمل مستني الموافقة ...

ياريت لو حد عندة معلومات لية الفيز بتتأخر وهل دا طبيعي ؟؟

شكراً ليكو

[eritrea]

على فكرة يا استاذ انا مثلك تماما و كمان ورقى من قبل رمضان فى وزارة العمل و انا كل ما اكلم الشركة فى دبى يقولوا لسة يعنى تقريبا الازمة الإقتصادية السبب و الله اعلم انا قلقان زيك بالظبط و ربك كريم علشان انا حاطط على السفرية دى امل كبير

[elshafey]

يا جماعة ما تقلقوش من الازمة الاقتصادية انا تأشيرتي طالعة بتارخ 6/11/2008 يعني بعد التواريخ اللي بتقولوا عليها

وعايز اقول ان تأشيرتي اخدت شهر تقريبا علي ما طلعت

[dongol]

الازمة الاقتصاديه بدأت فعلا تأثر علي سوق العمل في الامارات خصوصا في قطاع العقارات و بعض الشركات بدأت تسرح العماله الغير أساسيه فيها

و أعتقد ان في الحالات المذكوره فان الشركات فضلت ان تتمهل في اصدار التأشيرات حتي تتضح الرؤيه بدال ما يتكلفوا مصاريف التأشيره و بعد كده تحصل مشاكل لما الناس تيجي

و الحل دايما هو ان الصبر مفتاح الفرج

[Dexter]

على فكرة يا استاذ انا مثلك تماما و كمان ورقى من قبل رمضان فى وزارة العمل و انا كل ما اكلم الشركة فى دبى يقولوا لسة يعنى تقريبا الازمة الإقتصادية السبب و الله اعلم انا قلقان زيك بالظبط و ربك كريم علشان انا حاطط على السفرية دى امل كبير

استاذ اريتريا ربنا يوفقك يارب وتجيلك الفيزا ان شاء الله وتجيلي انا كمان والواحد مش قدامو يعمل حاجة الا انو يصبر انا لما تيجي ان شاء الله هاقولك وانت كمان ياريت لما تجيلك قولي..

يا جماعة ما تقلقوش من الازمة الاقتصادية انا تأشيرتي طالعة بتارخ 6/11/2008 يعني بعد التواريخ اللي بتقولوا عليها

وعايز اقول ان تأشيرتي اخدت شهر تقريبا علي ما طلعت

شكرا استاذ شافعي وربنا يوفقك في شغلك ان شاء الله

الازمة الاقتصاديه بدأت فعلا تأثر علي سوق العمل في الامارات خصوصا في قطاع العقارات و بعض الشركات بدأت تسرح العماله الغير أساسيه فيها

و أعتقد ان في الحالات المذكوره فان الشركات فضلت ان تتمهل في اصدار التأشيرات حتي تتضح الرؤيه بدال ما يتكلفوا مصاريف التأشيره و بعد كده تحصل مشاكل لما الناس تيجي

و الحل دايما هو ان الصبر مفتاح الفرج

شكرا استاذ دنجل وعندك حق الصبر مفتاح الفرج :hi:

[Dexter]

مفيش حد يسألنا يا جماعة في وزارة العمل عن الموضوع دا ربنا يكرمكوا ؟؟ كان الله في عون العبد مادام العبد في عون أخية

[Dexter]

للرفع للأهمية

[Dexter]

قريت في جريدة الإتحاد ان النظام الالكتروني بتاع ادارة الجنسية والاقامة والي وزارة العمل تابع لية كان متعطل من يوم الأحد الي فات واتصلح امبارح ورجع يشتغل تاني امبارح ممكن دا يكون احد الاسباب في التأخير .... وربنا يسهل

تم تعديل 19 ديسمبر 2008 بواسطة Dexter

[magedo]

سلام عليكم

يا جماعه انا متهئلى ان السبب ان الحكومه كانت واخده اجازه من يوم العيد الوطنى 2/12 لغاية 14/12

[Dexter]

الحمد لله الفيزا جت يا جماعة بعد طوووووووووووووول انتظار :lol:

انا كنت وعدتكو اني لما الفيزا تيجي هاطمنكو واهي جت الحمد لله ... اتمنى من الله ان اي واحد فيزتة متأخرة تجيلة ان شاء الله ... وشكرا ليكو :lol:

[eritrea]

مبروك يا سيدى و عقبال الجميع هو مهنتك حضرتك إى

[leh ps keda]

كل الاخوةاللي مستنين الفيزا يا ريت ميقلقوش ..دا طبيعي جدا هنا خصوصا ان شهر 12 كان فيه حوالي 17 يوم اجازة للحكومة! والله كانت هيصة -- ولو حد عنده استفسار عن اي حاجة في الامارات يا ريت يسأل وانا تحت امره..وخللو بالكو من السكن عشان الدنيا هنا نااااااار.

اخوكم هيثم - ابوظبي

[bbb]

كل الاخوةاللي مستنين الفيزا يا ريت ميقلقوش ..دا طبيعي جدا هنا خصوصا ان شهر 12 كان فيه حوالي 17 يوم اجازة للحكومة! والله كانت هيصة -- ولو حد عنده استفسار عن اي حاجة في الامارات يا ريت يسأل وانا تحت امره..وخللو بالكو من السكن عشان الدنيا هنا نااااااار.

اخوكم هيثم - ابوظبي

السلام عليكم ورحمته وبركاته اولا

انا عضو جديد معاكم فى المنتدى هنا ب متابع حديثكم من فترة انا عارف فيزا كانت متاخرة فى الفترة الاخيرة بس الحمد لله وصلت تمام الايام الفاتت القريبة

ما تقلقوش

[ahlawycatalony]

على فكره واحد صاحبى بئاله اربع شهور مستنى برضه

تقريبا نفس السبب