ابشرررررروا el medysem جالها update

[samehelassad]

ربنا يكون معاك

وان شاءالله تتبعت الفيزا قريييييييييييبا جدا

لكن المرة دى لازم تفرحنا معاك

الحقيقة الموقف اللى انت اخدته ينم عن شخصية محترمة وده ما نعرفه عنك

ربنا معاك

الله يخليكي والف شكر.

انشاء الله اي جديد هقولهولكم. بس دعواتكم معايا.

[medopharm]

الف مبروك ياساامح

وزى مانت قولت فعلا دى حاجه مش بأيدينا

وكل شئ نصيب

ومين عارف بكره فيه ايه

المهم يارب الفيزا على خير

وعقبالنا جميعا يارب

[newcomer]

. بس دعواتكم معايا.

يارب يكتب لك كل خير فى كل مكان .

[samehelassad]

الف مبروك ياساامح

وزى مانت قولت فعلا دى حاجه مش بأيدينا

وكل شئ نصيب

ومين عارف بكره فيه ايه

المهم يارب الفيزا على خير

وعقبالنا جميعا يارب

الف شكر ليك يا ميدو. وفعلا كل شيى نصيب (وما تدري نفس ماذا تكسب غدا وما تدري نفس باي ارض تموت) صدق الله العظيم.

محدش عارف بكرة فية اية. احنا علينا التفكير وربنا سبحانة وتعالي علية التدبير.

ربنا يوفقك ويكرمك يارب وكل الناس الحلوة اللي في المنتدى دة انشاء الله.

[samehelassad]

. بس دعواتكم معايا.

يارب يكتب لك كل خير فى كل مكان .

الف شكر ليكي اختي الفاضلة. وربنا يكرمك لما فيه خير ليكي. ويسهلك امورك.

شكرا.

[elmadysm]

سؤال بخصوص حساب البنك

هل لابد ان يكون حساب البنك باسمى ام ممكن ان يكون فى حساب زوجى علما بان الطلب فى السفارة مقدم باسمى

يعنى شهادة البنك باسم زوجى من حسابة تصلح ام يجب ان افتح حساب باسمى و اضع فيه الرصيد ؟

[samehelassad]

سؤال بخصوص حساب البنك

هل لابد ان يكون حساب البنك باسمى ام ممكن ان يكون فى حساب زوجى علما بان الطلب فى السفارة مقدم باسمى

يعنى شهادة البنك باسم زوجى من حسابة تصلح ام يجب ان افتح حساب باسمى و اضع فيه الرصيد ؟

كل تعاملات السفارة مع ال Main applicant وبالتالي كشف حساب البنك لازم يكون باسمك.

[issamsiph]

سؤال بخصوص حساب البنك

هل لابد ان يكون حساب البنك باسمى ام ممكن ان يكون فى حساب زوجى علما بان الطلب فى السفارة مقدم باسمى

يعنى شهادة البنك باسم زوجى من حسابة تصلح ام يجب ان افتح حساب باسمى و اضع فيه الرصيد ؟

بالنسبة للمهاجرين المستثمرين يطلبون مجموع رأس مال بأسمك أو بأسم زوجك

حيث أن القوانين بكندا لا تفرق بين الزوجين حتى أنهم يعطون المرأة نصف مايملكه الرجل عند الطلاق لاسمح الله

و ممنوع على المواطنين الكنديين الزواج بزوجة ثانية

لذلك هم بنظر القانون شركاء بما يملكون

بس لازم تسألي في شباك السفارة عند التقديم وماعندهم مشكلة سوف يعطوك الجواب

[abohagar]

انا قدمت للسفارة خطاب البنك باسم زوجى عند التقديم فى السفارة مع الابلكيشن و موظفة السفارة اخذتنا منى بدون ابداء اى اعتراض

فهل عندما ياتينى الابديت اغير الحساب باسمى و لا ايه؟

[elmadysm]

ايوم الخميس 8-1-2008

قمت بتسليم كل اوراق الابديت للسفارة الكندية بالقاهرة

اشكر كل من ساعدنى

و خاصى الاعضاء اصحاب القلم المحترم و كلمات التبشير

ارورا

عماد فوزى

سامح السيد

قناوى

و شكرا لكم جميعا

و انا فى الانتظار لباقى الاجراءات

و ربنا يقرب الابديت بتاعك يا ارورا

و ربنا يوفق الجميع

[znaty]

بالتوفيق ان شاء الله :ninja:

[arora]

الف مليون مبروك يا اختى العزيزة وعقبال الميديكال ان شاء الله والفيزا

وياله بسرعه اسبقينا على كندا ......... يارب بالتوفيق

الف شكر على دعواتك لى وربنا يسمع منك

بس احكى لنا بقى عملتى ايه فى موضوع البنك ؟؟؟؟

وموضوع تواريخ الخبرة اللى كنتى عاوزة تفتكريها ؟؟؟؟

[samehelassad]

الف الف مبروك وعقبال الفيزا.

[bent misr]

الف الف الف مبروك لك يا أخ سامح معلش أنا شوفت المشاركه

متأخر شويه و ربنا يسهلك باقي المشوار و يوفقك فيه ان شاء الله

و يارب نتقابل كلنا مع بعض هناك على خير يا رب :)

[bent misr]

الاخت elmedysem

الف مبروك لك انتهائك من أوراق الابديت وان شاء الله

تخلصي باقي الاخرآت على خير و تخدي الفيزا علطول

و تكوني فتحة خير علينا جميعا يا رب بس بالترتيب طبعا

الاخت أرورا الاول .........و هكذا

وبالتوفيق ان شاء الله :)

تم تعديل 8 يناير 2009 بواسطة bent misr

[Torontotruk]

الف مبروك و عقبال الجنسية الكنادوية... :aslam:

[samehelassad]

الف الف الف مبروك لك يا أخ سامح معلش أنا شوفت المشاركه

متأخر شويه و ربنا يسهلك باقي المشوار و يوفقك فيه ان شاء الله

و يارب نتقابل كلنا مع بعض هناك على خير يا رب :aslam:

الله يبارك فيكي والف الف شكر يابنت مصر. انتي اخبارك اية ووصلتي لحد فين؟.

[elmadysm]

شكرا لكم جميعا على التفاعل الحلو ده

ساحكى باختصار حكاية ال25يوم منذ وصول الابديت

كان مطلوب منى مجموعة من الاشياء و حاولت بقدر الامكان اعدادها معتمدة فى ذلك على توفيق الله اولا و اخيرا

و كان المطلوب الضبط

(X) Updated CV with detailed job duties.

(X) Proof of current employment.

(X) 4 new photos for yourself and for each of your dependents.

(X) Copy of your new born baby's birth certificate and passport.

(X) Payment of processing fees for your baby.

(X) Proof of settlement funds (minimum required funds for 4 persons is $19,700 Canadian). Funds must be available, transferrable and un encumbered.

(X) You and your spouse are required to fill new applications for permanent residence

(X) You and your spouse are required to provide us with original police certificates from Egypt.

اولا : ( Updated CV with detailed job duties ) كتبتها انا وزوجى يوم الاربعاء 7-1 و اعتقد انه لم يكن فيها مشكلة بس على ماجهزناها و كتبناها على الكمبيوتر بعد الاولاد مانامو اخذت مننا حوالى 4 ساعات و دا جعلنى لم انام انا و زوجى يوم الاربعاء

ثانيا : ( Proof of current employment )انا اعمل فى مركز لغات معروف فى طنطا و كلمت صاحبة المركز و هى لم تقصر فى اعطائى شهادة باننى مازلت عندها فى العمل

و لكن كان فيها اكثر من مشكله (اولا :صاحبة المركز حدث عندها حالة وفاة الاسبوع الماضى و لم تذهب الى المركز و لازم هى اللى تكتب الشهادة و الختم معاها *** ثانيا مش فاكرين انا عملت عندها من شهر كام عام 2000 شهر اغسطس و لا سبتمبر المهم يوم الاربعاء اتصلت بالمركز و علمت انها ستاتى اليوم الساعة 5.30 مساء فذهبت اليها الساعة السادسة و الحمد لله ربنا وفق زوجى فى انه وجد نسخة من الابلكاشن القديم يومها الساعة 7 مساء و انا فى المركز استلم الشهادة اتصل بى وفرحنى _شوفو توفيق ربنا_ و الحمد لله خلصت على خير)

ثالثا :(4 new photos for yourself and for each of your dependents) و دى مافيهاش مشكلة ذهبنا للتصوير بعدما جاء الابديت بومين و لكن مقاس الصور لم يكن مظبوط فاضطر الاستديو الى طبعا مرة الخرى على حسابة لانى كنت معرفاة المقاس المظبوط و لكنه اخطأ ثم صحح خطأه

رابع :( Copy of your new born baby's birth certificate and passport ) و دى مافيهاش مشكلة لان شهادة الميلاد اصلا بالانجليزى لانه مولود فى امريكا و الباسبور الامريكى بتاعه معايا

خامسا :( Payment of processing fees for your baby)و دى ايضا مافيهاش مشكلة ذهب زوجى يوم الخميس الصبح قبل السفارة الى سيتى بنك و دفع ال780 جنية و اخذ الايصال و صوره 4 نسخ 3 للسفارة و واحدة لنا

سادسا :( Proof of settlement funds (minimum required funds for 4 persons is $19,700 Canadian). Funds must be available, transferrable and un encumbered)

و هنا كانت المشكلة اللى ملخبطانا **مفيش فلوس كفايه **و من ناحية اخرى الحساب باسم زوجى **وربنا وفقنا بالاحباب و الاقرباء فى استكمال المبلغ الباقى و قدمت الايصال باسم زوجى

سابعا :( You and your spouse are required to fill new applications for permanent residence ) و دى كتبناهم من الابلكاشن القديم بعد التعديل طبعا

بس المشكلة الوحيدة و هى الاساسية كانت فى رقم الوظيفة من ال (NOC) و بتوفيق ربنا ارسلت ايميل استفسر منه عن حالتى _مدرسة انجليزى _الى (NOC) و ارسلو الرد ثانى يوم رغم انهم فى الموقع يقولون ان الرد بعد 10 ايام عمل و الحمد لله كتبتها 4131

على فكرة ارسلت نفس الايميل الى السفارة فى مصر _محدش رد عليا_

على فكرة ارسلت نفس الايميل الى جروب الهجرة فى ياهو _و رد عليا و احد تقريبا من جنوب شرق اسيا بانه 4131 ايضا_

ثامنا : ( You and your spouse are required to provide us with original police certificates from Egypt. ) و مفيش مشكله فى الفيش الا بطاقة الرقم القومى و ربنا وفقنا فى عمله باستخدام الباسبورات كاثبات شخصية و الحمد لله

طبعا هناك احداث كثيرة لا داعى لذكرها هنا و لكن قصدت ان اذكر المهم فقط لكى ياخذ كل العضاء و خاصة المقبلين على الابديت مثل الاخت ارورا (وش الخير )كل الاحتياطات و تجهيز مايمكن تجهيزة حتى لا تتعطلو مثلى و حتى لا ياخذ الموضوع منكم وقت

فى النهاية اولا اشكر الله على التوفيق الكبير الذى حالفنا طوال تجهيز الابديت

ثانيا اشكر الاعضاء اصحاب البصمة الحقيقية فى المساعدة فى تجهيز الاوراق و الذين لم يبخلو بمعلومة و بخاصى

د _ارورا

د_ عماد فوزى

د_ سامح اسد

د_ قناوى

خلاص الكلام لولا توفيق الله ماتم هذا

و ادعو الله انه اذا كان فى كندا خيرا لى فوفقنى لها

[arora]

الف مبروك يا اختنا العزيزة

لا شكر على واجب

بس انا اول مرة اعرف انك من طنطا

عموما ارسلت لك رسالة على الخاص واتمنى تردى على

مبروووووووووك

[ام بلال]

ربنا يبارك لكم جميعا ، مبروك أستاذ سامح ربنا ييسرلكم كل أموركم لما يحب الله و يرضاه ، و يرزقكم خير كندا و يكفيكم شرها اللهم آميين