طريقة جديدة لتتبيل صدور الفراخ (البانيه)

[fatfouta]

السلام عليكم

هقولكم على طريقة جديدة وهتعجبكم جدااااا لتتبيل البانيه

معظمكم بتبلوا صدور الفراخ بالبصل بعد تقطيعها لعمل البانيه

لكن خدوا طريقة احسن وافيد كمان لان مكوناتها افيد من كده

المقادير

1- علبة زبادى(روب)

2- 2جزر مقطع حجم متوسط(غير مسلوق)

3- خمسة فصوص ثوم كبيرة او استعملى الثوم البودرة

4- مكعب مرقة دجاج

5- ملح وفلفل وبهارات

6- ملعقة صغيرة جنزبيل

7- نصف فنجان خل

ولو عندك بهارات فراخ كمان قومى بوضع معلقة

ثم يضرب الخليط مع بعضه فى الخلاط ويفضل الفرامة او الدشداشة نظرا لصلابة الجزر

وبعدين قطعى الصدور على هيئة بانية وضعيها فى التتبيلة واتركيها لمدة ساعتين على الاقل فى علبه مغلقة فى الثلاجة

وبعدين طبعا انتوا عارفين الباقى هطلعيها تنفضيها من التتبيلة فى الدقيق الاول وبعدين البيض وفى الاخر البقسماط(الخبز المطحون) ثم القلى فى الزيت واوعى تنسى تحطى شوية ملح وفلفل على البيض والدقيق وكمان البقسماط ده بيعطيه طعم جميل

وكمان اقولكوا على حاجة لو عاوزه تعطيه له طعم الشواء ابقى حطى فحمة على النار وبعد ماتخلصى قلى ابقى حطيه فى علبة مغلقة وهاتى الفحمة المتجمرة وحطيها معاه ورشى على الفحمة نقطتين زيت واقفلى العلبة بسرعة هتلاقى الفحمة بتطلع دخان وهو ده اللى هيديه طعم المشوى

وبالف هنا وشفاhoriat23

[سهيلة]

شكرا يا فتفوتة

هنجربهااااااااااااااااااااااااااااااااااااا

[مصطفى عبد الوهاب]

حلوه و جديد

بس فيه توضيح

الفراخ البانيه لا يوجد لها تتبيلة غير خلطة البانيه لأنها هي التتبيله الخاصه بها أي

دقيق ثم خليط من البيض و اللبن متبل بالملح و الفلفل ثم فتات الخبز أو البقسماط و هي دي التتبيلة

واذا تم استخدام زبادي أو ماء بصل أو أي سوائل أخرى تصبح الفراخ طريه جدا بعد فترة بسيطة من تحميرها و من باب العلم بالشئ أيضا تسوى الفراخ البانية في كمية وفيرة من الزبد و ليس الزيت و على درجة حرارة منخفضة نوعا ما و شكرا