بأحبك يامصر .... بأعشق ترابك ... ناسك هم أهلي...نيلك ياما رواني

[ebregi]

والله بأحبك يامصر و بأحب ترابك مش ناسي ناسك

هناك في مصر الناس الطيبين و الناس الحلويين

هناك في مصر أهلنا و اللي بنحس معاهم بالدفا

هناك في مصر أصحابنا ..أصحاب طفولتنا ذكرياتنا

في كل شارع في كل حارة في كل شبر خطينا عليه

لينا فيه ذكريات حلوة و مرة و لكن الأكيد أننا لما بنفتكرها

بنفرح لأن بنحس إن لنا تاريخ وو ماضي

والله بأحبك يا مصر مها قسيتي علي والله بأحبك

و ليكي و لأهلك دين و ديون في رقبتي يارب يقدرني

وأرد و لو جزء بسيط منها وأرتاح شوية

والله بأحبك يامصر لما بأقرب منك بأحس بالدفا بأحس بالحياة

ولما بأبعد عنك بأحس بالوحدة والعزلة و البرودة والغربة

لما بأشرب من نيلك بأرتوي بجد بالرغم من اللي بيقوله على

ماء النيل بس بيرويني و بأشرب وأنا مبسوط أفضل مليون مرة

من المياه المعدنية اللي بنشربها برة تشرب لتر أو أتنين و تحس

أنك لسة عطشان لسة ما إرتويتش لسة عايز كمان

والله بأحب مصر ... على فكرة عندي فايل فيه تقريبا معظم الأغاني الوطنية

اللي إتقالت في مصر على مر العصور لما بأسمعه بأحس بالفخر و بأحزن

عالبعد و بأبكي على حالنا و على حال البعاد

يارب جمعنا مع حبايبنا و يارب بارك لنا في مصر و أهل مصر و أرزقهم الخير

دي كلمات مرسلة مش مرتبة حبيت أقولها و اشارككم بيها

شاكر لكم وتحياتي [وسط][/وسط]

تم تعديل 16 ديسمبر 2008 بواسطة ebregi

[ايهاب سالم]

تسجيل متابعه

[اسماعيل امين]

الاخ العزيز ايهاب كلمات جميله .يشعر بها كل المصريين وخاصه في لحظات السمو .

مره قلت لواحد زميلي نفس الكلمات .قلي

الحب عمايل مش كلام واماني

الحب يتحس مايتحكيش .فأصابني بأكتئاب (مع الاعتذار ).مش عارف ليه ؟؟؟

[ebregi]

من قال أن الحب أو المشاعر يجب أن تحس ولا تعلن

إعلان الحب هو تجسيد لقوة و عمق و صدق المشاعر

حب الله ...حب الرسول عليه الصلاة و السلام

حب الأرض و الوطن ...حب الأهل .. حب العمل

لابد من الإعلان عنها و اظهار هذه المشاعر وعدم إخفاءها

عموما عندما أعلن أنني أحب مصر فانا لا أبغي من وراء

ذلك أي مكسب أو جائزة و لكن فقط تسجيل موقف وإظهار

أننا و لو قست علينا الظروف و لو قسى علينا بعض المسئوليبن

فكل هذا لن ينتقص من حبنا لمصر و لا حبنا لأهل مصر قيد أنملة

وتقبلوا تحياتي