عندما غمرني الحنين .. إلى محاورات المصريين ...

[مصرية الهوى]

الله عليكي يا دُنيا .........

كنا فين وبقينا فين ........

الله يرحم ايام النت والسرمحة وخلو البال ...

سقى الله تلك الأيام ..........

هو بجد أنا هنا وإلا بيستهيألي .......

بجد وحشتووووووووووووني كلكم :wub: ...

الحاجة جيجي أم عبد الرحمن

لنا لقاء وحديث إن شاء الله md2: ...............

[MZohairy]

ياااااااااااااااااااااااااااااااااااااااااااااااااااااااااااه

ازيك يامصريه الهوى ياأم عبد الرحمن

الف مبروك md2: :wub:

[newcomer]

يا أهلا يا أهلا يا أم بودى

نورتى المحاورات و المنتديات المجاورة

md2: :wub:

[لولا]

جيجى انا رغم انى مكنتش متابعه للمحاورات فى الفترة اللى كنتى انتى فيها متواجده لكن انا قريت ليك

مداخلات كتير اوى فى مواضيع مختلفه قديمه ... حقيقى اعجبت بيك وبروحك .. رجوعك خبر حلو اوى

نورت المحاورات وان شاء الله عوده بدون انقطاع .

دمت بكل خير .

لولا

[سهيلة]

لولولولولولولىىىىىىىىىىىىىىىىى

موش ممكن

اخيراااااااااااااااا

جيجى ظهرت

ولا نقول ام عبد الرحمن

عوداااااااا احمدااااااااااااا

وحشتيناااااااا جداااااااااااااااا

يلا احكى لنا كنتى فين كل المدة دى؟

ومشغولة ف اية؟

نورتى المحاورات

md2: :wub:

[ذهبية]

اهلا بيكى يا مصرية الهوى فى احلى منتدى يجمع كل المصريين المهموين ببلادهم و مشاكلهم و احزانهم و سعادتهم و يحبوا يشار md2: كوا اخواتهم معاهم فى كل لحظات حياتهم

نورتى المنتدى انا عضوة اعتبر نفسى جديدة عليكم اسمحيلى ارحب بيكى فى بيتك

اختك ذهبية

[se_ Elsyed]

نقطة للتوضيح : جيجي او مصرية الهوى او ام عبد الرحمن هي سعودية ... لكنها مصرية الهوى وتحب مصر والمصريين بشدة .. ولا نملك الا ان نبادلها حب اكثر ونشيلها فوق راسنا من فوق

---------------

حمد الله عالسلامه يا ام عبد الرحمن والف الف مبروك على ولي العهد وربنا يبارك لك فيه - لو قريتي كام موضوع كده عني من كام شهور هاتعرفي ان احنا برضوا جبنا حته في الاخر كده وسميناه عبد الرحمن ... بس عسوووول وزنان وصوته وهو بيعيط بيصحي العمارة كلها .... محسوبك جاي الشغل النهاردة وعينه متنفخه ومش غاسل وشه ولابس البيجاما الممقطعة .. لإني ما شوفتش النوم انا ومامته من امبارح الضهر لإن عبدو بيه اتطعم تطعيم الـ 6 شهور وقالوا لنا في المستشفى انه هايتعب شويه ... لكن نسيوا يقولوا اننا هانتعب احنا كمان -

واحتفالاً برجوع ام عبد الرحمن بالسلامه .. قررنا نحن سين سين وكيل نيابة قسم شبرا الخيمة .. توزيع رضعة سيريلاك مجانية على كل عضو بالمحاورات يتصرف بها كيفما يشاء

مع واحدة بامبرز من نوع " انطلق " من ابو ريال الحبه - وهايبر بنده عامل عرض هايل اليومين دول وبقى الكيس ابو عشرين ريال بسبعة عشر الحين :blush2: -

ومش مهم ميزانية الشهر ده تخرم مننا .. فكله فدى رجوعك

[shahd]

جيجي موووووووووووووووووووش ممكن pht: يامرحباااااااااااااااااا

جيجي العسولة.. منوره ياقمرررررر.. ويارب يخليلك عبد الرحمن ويباركلك فيه ياااااااااارب :blush2: :blush2: :blink:

[Diab]

نظرا لإنشغالي الشديد فأني نادرا ما أجد وقت للكتابة

لكن عودة واحدة من أرقي من كتب في المحاورات كان دافعا لأرحب بها

كيف حالك يا أم عبد الرحمن ؟

كيف حال زوجك ؟

كأنها بالأمس هي تلك الأيام التي كنت تحكي فيها قصة زيارتك لمصر انت وأبو عبد الرحمن في بداية زواجكم

كما قال الله

(وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ )

أبشرك أيضا

أختفي كثير من الحرس القديم ولكن أنضم هنا أقلام رشيقة وواعية ستستمتعين بكتباتهم وإسهاماتهم

تحياتي لكِ أختي الكريمة ولكل أهل الديرة الطيبين

دياب

:blush2: :blush2: :blink:

[galaxy]

الاخت الفاضله جيجي ............ام عبد الرحمن.................. :lol:

والله انا سعيده جدا بقراه موضوعك هذا ورجوعك المشوق جدا جدا جدا :wub: ...................يمكن مش تعرفيني لكن انا اعرفك جدا جدا من مداخلاتك الرائعه الراقيه ويسعدني اني اكتبلك هنا واعبر لك عن مدي سعادتي بوجودك مره اخري في بيتك وبيتنا جميعا المحاورات...... :wub: :wub: :wub: :wub:

ويا ريت بقي المره دي ما تطووليش الغيبه يا ام عبد الرحمن...............ربنا يخليه ليكي ويفرحك بيه يا رب ............بجد بجد بجد منورة :wub:

[النجم الثاقب]

يمكن انا زى كتير من الأعضاء لم اعاصر الفترة اللى تواجدت فيها مصرية الهوى ( جيجى ) فى محاورات المصريين .. لكن زى كتير من الأعضاء أيضا استمتعت برقى مداخلتها و خفة دمها .. و تسائلت كثيرا عن سبب انقطاعها عن المشاركة فى المحاورات كسابق عهدها ولم أصل لإجابة .. لكن اليوم سعدت جدا عندما قرأت هذا الموضوع و وجدت اسمها عاد ليضىء سماء المحاورات .

حمدا لله على سلامتك يا مصرية الهوى .

ربنا يبارلكك فى عبد الرحمن و يجعله لكى و لزوجك قرة عين لا تنقطع .

[se_ Elsyed]

انت يا ست ياللي غمرك الحنين .. ايه مش كفايه رضاعه لعبد الرحمن وتلتفتي لاصحابك هنا شويه ؟

انتي لو موظفة فهايكون مسموح لك ساعة رضاعة في اليوم فقط ..

وانتي كده بقى لك سنة وشوية اهو

[شاب مصري]

اهلا وحمدا لله على السلامة :fight:

[مصرية الهوى]

ده نوركم والله ...

معليش اعذروني بقى لو اختفيت بالأسابيع أو الشهور هأظهر تاني إن شاء الله ومسير الحي يتلاقى :wub:

خالي زهيري الله يبارك فيك

ازيك وازاي العيال ... ياااااااه انت لسه موجود هنا والا مشيت

newcomer منورة بأهلها

لولا تسلمي ياحبيبتي .. ان شاء الله يكون لنا لقاء

دودو ..... ازيك ؟وحشااااااااااااااااني موووووووووووت .. اخر اخبارك ايه .. اخر مرة شفتك فيها كنتي حامل .. اكيد ولدتي

جبتي ايه ؟؟؟

والله يا ستي الدنيا خدتني في طريقها بقوووووة .. البيت والعمل والبيبي والمسئوليات التي لاتنتهي .. ومريت بظروف صعبة وايام الله لا يعيدها

الحمد لله على كل حال ..........

ذهبية اهلا بيكي ده نورك ياحبيبتي

س س ..مش معقول ..ازيك يا ابو عمر وازاي العيال ... الف مليون مبروك بمناسبة قدوم عبدالرحمن جعله الله من مواليد السعادة

ولو انها متأخرة ...

ابني الباشا بقى عنده 10 شهور تعال بقى شوف الشقاوة والعفرته على اصولها :)

موريني النجوم في عزالظهر :blink:

وميرسي جدا على هدية المراكبية دي طول عمرك صاحب واجب

شهووووودة ازيك ؟؟ وحشاني .... اخبارك ايه ؟؟ ميرسي ربنا يخليكي

استاذ دياب ... ربنا يخليك يشرفني ردك والله ...

بجد وحشتني المحاورات ايام زمان ...

جالكسي ميرسي ياحبيبتي ربنا يخليكي .. كلك ذوق والله .....

النجم الثاقب .. شكرا لك اخي الكريم .. الله يسلمك ويخليك

س س مرة اخرى

والله ياسيدي الباشا واخد كل وقتي بجد .. استغليت وقت نومه عشان ادخل

شاب مصري .. الله يسلمك ويخليك

ربنا يسهل يارب ونفسي والله ارجع اكتب زي الاول .. بس وقتي ليس ملكي .. وسأحاول قدر ما استطيع الدخول

اوعدكم ان شاء الله بقصة تجنن

تحياتي / جيجي

[النسر المصري]

يخرب مطنك باجيجي....يااااااااااااااااااه.....ايه الغيبة دي ياحجة كلها....

بالمناسبة انا لسة ربنا رزقني ببنت قمر وسميتها فيروز ...لو اعرف انك راجعة كنت سميتهالك جيجي :)

اييييييييييييييييه دونيا...فين ايام مراخيري والتريقه والضحك والبراءه.....الهي يعودها ايام يارب!!! (بس من غير مراخيري)

عارفه ياجيجي.....من فترة جيبت ف سيرتك هنا في المحاورات انت بالذات...وكنتي حديث المدينة.....بس هاسيب تريحي الاول وبعدين نبقى نتكلم!!

الف الف حمدالله عالسلامه يا جيجي يابنت ام جيجي (مش عارف ليه مش مقتنع اناديكي حجة او ام عبدالرحمن,.. :blink: )