هتخليها تسوق عربية ....بعد رفع الحظر...؟؟؟

[essamalshaaer]

أخواني أخواتي .... صباح الخير

طبعا زي ما انتم عارفين موضوع منع السواقة للسيدات بالسعودية

وعارفين ان ده ممنوع وشبه محرم عندهم هنا والناس كلها رافضة الموضوع ده..

طيب في حال ان تم رفع الحظر ده على سواقة السيدات .... سؤال

هل ممكن تخلي زوجتك تسوق عربية لوحديها هنا زي ما كانت في مصر ...؟؟؟؟!!

ولا تفضل انك توديها وتجبها ......؟؟

أحب لو الجميع يشاركنا برأيه .... وشكرا

[ssmaly]

فى كل بلاد العلم العربى والاسلامى السيدات بتسوق سيارات

يعنى اذا رفع الخظر سوف يكون فى البداية عدم تعود من الناس ثم يصبح عادى بدون اى مشاكل

انا لست اعيش فى السعودية ولكن اذا كنت اعيش هناك سوف انتظر حتى يصبح عادى وتسوق زوجتى واختى السيارة

تم تعديل 18 ديسمبر 2008 بواسطة ssmaly

[tarek nokia]

اعتقد ان هذا السؤال مش وقته :lol:

[pharaon]

السلام عليكم

مطنش انى هسمحلهم يسوقوا

حتى لو رفعوا الحظر

خوفا عليهم :lol:

[الطير السافر]

السلام عليكم

الموضوع بجد كويس وانا اعتقد انى هكون من الاوائل اللى هيخلوا زوجتهم تسوق ..... بس بالراحة هقولكم

دلوقتى بس على اغلب السعوديين وغيرهم كمان اغلبهم عندهم سواق مظبوط وبيروحوا مشواريهم بالسواقين تفتكر ان اى واحد يامن ان مراته تروح الشغل كل يوم او تخرج للسوق تتسوق او اى مكان اكتر

ولا تكون بعربيتها ومعهاش راجل غريب معاها فى العربية او راكبة تاكسى مع باكستانى ولا بيفهم حتى هى عايزة تروح فين

هتقولى متوصلها انت على فكرة ده اللى انا بعمله بسس مش كل الاوقات ولا كل الظروف بتسمح بالموضوع ده وده رايى الشخصى

[newcomer]

أخواني أخواتي .... صباح الخير

طبعا زي ما انتم عارفين موضوع منع السواقة للسيدات بالسعودية

وعارفين ان ده ممنوع وشبه محرم عندهم هنا والناس كلها رافضة الموضوع ده..

طيب في حال ان تم رفع الحظر ده على سواقة السيدات .... سؤال

هل ممكن تخلي زوجتك تسوق عربية لوحديها هنا زي ما كانت في مصر ...؟؟؟؟!!

ولا تفضل انك توديها وتجبها ......؟؟

أحب لو الجميع يشاركنا برأيه .... وشكرا

طب ماهو لو القانون اجاز و مفيش مشاكل

ايه المشكلة

انا مش عايشة فى السعودية ..... و ما اقدرش احكم

بس بيتهيأ لى اللى بتسوق فى مصر هاتسوق فى اى بلد تانيه

طالما ده ....مش ضد قانون البلد

و اللى عندها مشكلة فى السواقة فى مصر

من قلة خبرة .... او خوف زايد من الزوج او الاب

مش هاتسوق فى اى بلد تانيه

[mffaswan]

لأ طبعاً مش هأخليها تسوق ..

لإني العقليات اللي موجودة هنا من أهل البلد.. و أسلوب اللي عمرهم ما شافوا ستات .. و اللي بيحصل في المولات و في الشوارع من معاكسات و قلة أدب .. على الرغم من أن اللي بيعاكس مش شايف قدامه إلا خيمة سوداء مش باين منها حاجة .. لكن بكل بجاحة بيعاكسها و كلاكسات و صفافير و قلة ادب .. ما بالك لو الست دي كاشفة وشها .. كانوا هايعملوا فيها ايه .. و المصيبة الكبرى .. تخيل لو أن الست دي راكبة عربية و سايقاها .. تفتكر الأطفال اللي بتسوق عربيات هنا دي .. هتعمل ايه لو شافت واحدة راكبة عربية و بتسوقها ..

يا ناس .. الأطفال هنا 10 و 11 سنة و بيسوقو سيارات .. قولولي بالله عليكم .. ازاي طفل مش شايف الطريق و هو قاعد على كرسي القيادة .. يسوق و يمر من دوريات و كماين .. والله ده بيحصل و شوفته بعيني ..

شيء تاني .. عادي جداً أنك تلاقي سعودي يكسر عليك الطريق .. علشان يغلس و يتمنظر لمجرد انه راكب عربية كويسة أو حتى تعبانة بس معاه أصحابة و حابب يترسم عليهم .. مابالك دول لو شافوا واحدة ست سايقة سيارة .. هايعملو ايه ..

لا طبعاً مش هأخليها تسوق .. و مش هاتسوق سياره هنا ولا بعد 100 سنة .. xxxxxxxxxxxxxxxxxxx

شوفو ( تفكير البعض ) .. و بعدين قرروا

http://www.youtube.com/watch?v=K9uOQF502Qc

تم تعديل 20 ديسمبر 2008 بواسطة Scorpion
تعميم خاطئ

[Virus]

xxxxxxxxxxxxxxxx

تم تعديل 20 ديسمبر 2008 بواسطة Scorpion
حذف اصل الأقتباس و التعليق عليه

[mffaswan]

xxxxxxxxxxxxx

xxxxxxxxxxx .. أن لم اخطأ في حقهم .. و أنا استشهدت بمقطع موجود على اليوتيوب للقاء في الشارع لشباب سعودي .. ده بالإضافة إلى الخبرة الحياتية اللي انا كونتها من فترة وجودي في السعودية .. يعني رأيي مبني على خبرة و أدلة .. و اليوتيوب مليان ..

و بعدين الحضارة مش فلوس و بيوت و سيارات .. الحضارة فكر و علم و اسلوب حياة .. أنا ما أتكلمتش عن الأخلاقيات ولا السمات الشخصية .. أنا بأتكلم عني كمغترب في بلد مش بلدي .. و عن قراري بإني لا أسمح لزوجتي (اللي أنا مسئول عنها قدام الله و قدام أهلها و قدام نفسي) إنها تسوق هنا سيارة ..

و أكيد يا أخ فيرس لو أنت عايش في السعودية .. هتفهم اللي انا باقوله

[Mohamed Fayek]

xxxxxxxxxxxxxxxxالأخ الكريم

أتفق مع الأخ الكريم / فيرس .... فالسؤال كان هل تسمح لزوجتك بقيادة السيارة أم لا ؟

وأعتقد بأنك ذكرت أمورا لاتعنيك وهل اليوتيوب دليل واقعى على الأحداث التى نشاهدها فأنت تعلم والكثيرين بأنها أمور مفبركة وليست حقيقية لذا آمل تحرى الدقة فيما تكتب وألا يكون كلامك للتشويه ...

أما عن رأى فى قيادة زوجتى للسيارة فأنا فعلا أتركها تقود السيارة فى السعودية وخاصة فى طريقنا الى جدة

تم تعديل 20 ديسمبر 2008 بواسطة Scorpion
حذف اصل الأقتباس

[mffaswan]

xxxxxxxxxxxx

الأخ الكريم .. محمد فايق

كلامي كله في سياق الموضوع و لم أخرج عنه .. السؤال واضح .. و اجابتي أوضح .. السؤال .. هل توافق على قيادة زوجتك للسيارة في السعودية؟ .. أنا أجابتي كانت لأ طبعاً .. و شرحت الأسباب اللي أنا شايفها مخلياني أرفض الفكرة من أصلها ..

لكن يعني ايه لا تعنيني؟؟ ياريت توضح

و مسألة اليوتيوب و متفبرك .. و الكلام ده .. يا ريت تشوف المقطع قبل ما تتكلم .. لأن المقطع عبارة عن تسجيل لحلقة تليفزيونية من التلفزيون السعودي .. مذيع سعودي و الشباب اللي بيتكلم سعودي .. يعني كله سعودي في سعودي .. و لو أنت شفت المقطع .. هاتعرف انه مش متفبرك ولا الكلام ده ..

و بعدين كلامي مش دقيق ف ايه بالظبط .. يعني أي اتحرى الدقة .. و يعني ايه كلامي للتشويه .. وضح كلامك علشان أرد عليه .. مش مجرد اتهام و خلاص ..

بالنسبة لرأيك .. أنت حر فيه .. زي ما أنا حر في رأيي تماماً .. أنا شايف إني مش هأخليها تسوق هنا من اللي أنا باشوفه .. و أنا حر .. زي ما أنت حر !!!

تم تعديل 20 ديسمبر 2008 بواسطة Scorpion
حذف اصل الأقتباس

[ايهاب سالم]

أعتقد بأنك ذكرت أمورا لاتعنيك وهل اليوتيوب دليل واقعى على الأحداث التى نشاهدها فأنت تعلم والكثيرين بأنها أمور مفبركة وليست حقيقية لذا آمل تحرى الدقة فيما تكتب وألا يكون كلامك للتشويه ...

إزاي لا تعنيه و هو يعيش هناك هو و زوجته و أولاده ويتأثرون بها

ما ذكره الفاضل / mffaswan معروف لكل من عاش أو يعيش في السعوديه خاصة و الخليج عامة

وما أشار إليه في اليوتيوب هو لقاء تلفزيوني مع شباب سعودي

إزاي يكون متفبرك

تم تعديل 20 ديسمبر 2008 بواسطة Scorpion
حذف اصل الأقتباس

[Mohamed Fayek]

الأخ الكريم

أولا أسلوبك فى الكتابة جانبه الكثير من الصواب وكان عليك ألا تكتب مثل هذا الكلام ( xxxxxxxxxx ) أنت ضيف فى هذا البلد وعليك أن تتحرى الدقة فيما تكتبه وأعتقد بأننا نشهد هنا فى المملكة التقدم فى شتى المجالات مقارنة بما هو لدينا فى بلدنا ولو البلد دى مش عاجبه سعادتك ممكن ترجع بلدك يمكن تلاقى الراحة هناك

ثانيا بخصوص اليتيوب فأغلب الناس تعلم جيدا أنه لامصداقية لما ينشر والدليل على ذلك ماينشر عن مصر ونسائها فهل تصدق ذلك ؟

تم تعديل 20 ديسمبر 2008 بواسطة Scorpion
حذف اصل الأقتباس و التعليق عليه

[الباشمهندس ياسر]

السلام عليكم جميعا

بعد اذن الفاضل عصام

انا عندى اعتراض غلى عنوان الموضوع

يعنى مينفعش ابدا انى اتكلم عن مراتى بصيغة هخليها تعمل او متعملش

و كأننا بنتكلم عن كائن مريخى ما هو الا تابع و ملوش اى شخصية او استقلالية

انا شخصيا مرضاش ان جوز بنتى ( باعتبار ما سيكون ان شاء الله ) يتكلم عنها بالطريقة دى ابدا

و مرضااااااااش ابدا ان زوجتى ( برده باعتبار ما سيكون ان شاء الله ) تكون بالشخصية اللى مش موجوده دى

و طبعا الموضوع يحتمل اكتر من وجهة نظر

و بمناسبة اصل الموضوع نفسه

فلو كنت من المقيمين هناك وقتها

اكيد هنتناقش ف الموضوع

و عموما كل غربال جديد وليه شده

يعنى من المنطقى ان العطشان يحلم بالمايه

فأكيد مش هينفع يعنى

و بعدين حضارة ايه اللى هناك عشان نبقى فاهمين بس

هى الحضارة شوية الفلوس ولا العربيات الزيرو

الحضارة فكر ورقى و ثقافة قبل اى كلام تانى

تم تعديل 19 ديسمبر 2008 بواسطة الباشمهندس ياسر

[mffaswan]

الأخ الكريم

أولا أسلوبك فى الكتابة جانبه الكثير من الصواب وكان عليك ألا تكتب مثل هذا الكلام ( xxxxxxxxxx ) أنت ضيف فى هذا البلد وعليك أن تتحرى الدقة فيما تكتبه وأعتقد بأننا نشهد هنا فى المملكة التقدم فى شتى المجالات مقارنة بما هو لدينا فى بلدنا ولو البلد دى مش عاجبه سعادتك ممكن ترجع بلدك يمكن تلاقى الراحة هناك

ثانيا بخصوص اليتيوب فأغلب الناس تعلم جيدا أنه لامصداقية لما ينشر والدليل على ذلك ماينشر عن مصر ونسائها فهل تصدق ذلك ؟

بالله يا أخونا الكريم توضح حكاية أتحرى الدقة دي يعني أيه بالظبط .. دقة ف ايه يعني؟؟ أناشايف أن التحضر مش معناه اني ابني عمارة طويلة ولا أني اركب سيارة بمليون ريال .. دي وجهة نظري .. و أنت حر تقبلها أو لا تقبلها .. ده شيء يرجعلك ..

و برضه ما فهمتنيش ايه حكاية كلامي للتشويه دي .. خليك واضح و وضح كلامك ..

و لو هاتتكلم ع التقدم هنا في المملكة و عندنا في مصر .. لا يا سيدي الكريم .. التقدم اللي انت بتتكلم عليه ده .. مالوش علاقة بالتحضر اللي أنا اتكلمت عليه .. أنا بأتكلم على وعي الناس .. مش على شكلهم و لا بيوتهم .. فيه فرق لغوي بين لفظة (تقدم) .. و لفظة (تحضر) يا أخونا الكريم .. و كلامي مفهوم طبعاً !

و بعدين أفرض ان بلدي فقيرة و حالتها سيئة .. يا أخي أنا أفخر أني منها و لو كانت ادنى بلد في الدنيا .. وده غير صحيح .. إحنا قلب العروبة و عندنا خير أجناد الأرض .. و متهيألي كل الناس عارفة كده كويس .. و هنفضل كده .. زي ما السعودية بلد الحرمين و معروف عنها إنها أطهر أرض ! .. و هتفضل كده .. كل بلد و ليها ميزاتها و عيوبها ..

و مين قالك اني مش مرتاح .. و مين اعطاك الحق تطلب مني ارجع بلدي و لا ما ارجع .. ده متهيألي لا يعنيك .. مين فينا اللي بيتدخل فيما لا يعنيه دلوقتي !!

و بخصوص اليوتيوب .. والله كل انسان عاقل قادر على التمييز السليم يقدر يفرق بين الحاجة المتفبركة و اللي مش متفبركة .. و واضح انك لم تشاهد المقطع اللي أنا حطيته .. و لا أنت شايف انه متفبرك ؟؟ رد؟؟

أما اللي بيجي ع اليوتيوب عن مصر و غير مصر .. فأنا بأعتبرها حركات صبيانية من شوية مراهقين لا يعلمون ما يفعلون .. و علشان كده أنا مش بأديها إهتمام .. و زي ما فيه لقطات عن مصر و نسائها .. في لقطات عن السعودية و نسائها .. و لقطات عن سورية و نسائها .. و لا توجد استثناءات .. لكن الرك على اللي بيتفرج !

تم تعديل 20 ديسمبر 2008 بواسطة Scorpion
حذف جزء من أصل الأقتباس

[mffaswan]

أعتقد بأنك ذكرت أمورا لاتعنيك وهل اليوتيوب دليل واقعى على الأحداث التى نشاهدها فأنت تعلم والكثيرين بأنها أمور مفبركة وليست حقيقية لذا آمل تحرى الدقة فيما تكتب وألا يكون كلامك للتشويه ...

إزاي لا تعنيه و هو يعيش هناك هو و زوجته و أولاده ويتأثرون بها

ما ذكره الفاضل / mffaswan معروف لكل من عاش أو يعيش في السعوديه خاصة و الخليج عامة

وما أشار إليه في اليوتيوب هو لقاء تلفزيوني مع شباب سعودي

إزاي يكون متفبرك

أنا بأشكرك يا أستاذ إيهاب على التدخل و الإنصاف ..

هل أنت شايف المقطع متفبرك ؟؟ الرجاء الرد

تم تعديل 20 ديسمبر 2008 بواسطة Scorpion
حذف جزء من أصل الأقتباس

[Virus]

xxxxxxxxxxx

يا عزيزي أنا عشت في السعودية وعارف بالظبط اللي انت بتقوله..أنا كنت بقول إن عندك حق 100%

أنا كان قصدي إنه من غير اللائق أن نصف الشعب بأكمله بالتخلف الحضاري..لو كنت سعودياً لغضبت بشدة من هذا الوصف..تماما كما نغضب نحن جداً لما ينعتونا بالحرامية مع إنهم يُسرقون 100 مرة لما يزورون مصر للسياحة!!

تم تعديل 20 ديسمبر 2008 بواسطة Scorpion
حذف اصل الأقتباس

[mffaswan]

اعزيزي أنا عشت في السعودية وعارف بالظبط اللي انت بتقوله..أنا كنت بقول إن عندك حق 100%

أنا كان قصدي إنه من غير اللائق أن نصف الشعب بأكمله بالتخلف الحضاري..لو كنت سعودياً لغضبت بشدة من هذا الوصف..تماما كما نغضب نحن جداً لما ينعتونا بالحرامية مع إنهم يُسرقون 100 مرة لما يزورون مصر للسياحة!!

الأخ الفاضل .. فيرس

أنا لست عدواً للسعودية .. و لا لغيرها .. كلهم مسلمين .. و كلهم عرب .. و نحن من ضمن .. و كما يُسرَقون في مصر 100 مرة على حد قولك .. فالكثير من المصريين هنا يتم سرقتهم و سرقة اموالهم و عرقهم و مستحقاتهم و يتعرضون للإهانة .. أنا لم أعمم و لم أقل ان الشعب السعودي متخلف .. أنا كنت باقول ان الشعب السعودي بتحكمه عادات و تقاليد و أعراف بتحكمه .. حتى لو ركبوا أفخر السيارات و سكنوا في أفخم المساكن .. ده عرفهم و تقاليدهم .. و هم أحرار في تقبل ده أو رفضه !

الرقي الحضاري هو إن كل فرد في المجتمع يكون عارف كويس حقوقه و بيمارسها و قبل ما يمارسها بيعرف واجباته و بيأديها .. مع وجود نظام يحكم بدستور واقعي .. و قوانين ملائمة و واقعية ..

الفكر و العقلية هنا بيحكمها أعراف و تقاليد .. xxxxxxxxxxx .. مع العلم إنهم بيحبوا الأرتباط بالعرف و التقاليد .. يعني هم مش متضررين .. هم طبعاً أحرار !

و أنا حر إني أمنع مراتي انها تسوق هنا برضه .. الموضوع بسيط ..ده لو أصلاً هم وافقوا على إنهم يخلوا المرأة تقود سيارة .. مع العلم إن الشعب نفسه رافض الفكرة!!!

لما هما يقولو علينا حرامية .. تفتكر ده كلام سليم ؟؟ لان التعميم بصفات و سمات زي دي .. تعميم ظالم .. لكن أنا عممت عليهم الإرتباط بالتقاليد و العادات .. و هم معترفين بده و بيحبوه .. يعني هما حابين ده !! و العينة بينة في المقطع اللي انا ارفقته .. أنا ما شتمتهمش .. لكن لما يقولوا علينا حرامية .. كده هما بيشتمونا !!

xxxxxxxxxxxx

تم تعديل 20 ديسمبر 2008 بواسطة Scorpion
حذف اصل الأقتباس و التعليق عليه

[essamalshaaer]

أولا سلام عليكم .... وصباح الفل

ثانيا .... هو في اه ...مالكم كده

انا مشفتش حد بصراحة لغة الحوار عنده كده

يا ريت يكون في سعة صدر ونطول بالنا عل بعد كده

حبيبي المحاورين .... السوؤال بسيط ( ي اه يا لا )

وغير كده الموضوع ده نظرة المقيمين في السعودية تختلف عن الناس بره السعودية لسبب

فيا ليت تكون لغة الحوار اهدأ شوية

[MZohairy]

قيادة المرأه للسياره في السعوديه مرتبطه بثقافة الشعب و تم ايجاد صيغه دينيه لهذا المنع لتناسب الثقافه السائده

و عودة المرأه للقياده في السعوديه لن يكون فجائيا

بل سيصرح للسيدات اللائي فوق ال 45 سنه مثلا في البدايه و بمواعيد معينه

حتى يعتاد الشعب على هذه النقله ثم تتم تدريجيا حتى تصل للمستوى الطبيعي