اغنية شعبولا الجديدة لبوش..بصراحة ملهاش حل....

[essamalshaaer]

اغنية شعبولا الجديدة لبوش..بصراحة مش خسارة فيك جزمة معفنة

وتقول كلمات الأغنية :

خلاص مالكش لازمة .. يا بوش يا بن اللذينه

تستاهل ألف جزمة على اللي انت عملته فينا

والله وجه اليوم يا واطي ووشك إتفضح

وشافوك الناس مطاطي من جزمتين شبح

الجزمة كانت مفاجئة .. تمام زي الزيارة

والدنيا بحالها فرحت والناس فضلت سهارى

يا قلوب كتير حزينة قومي ياله اتبسمي

شوفي بوش وهو خايف والجزمة بتترمي

بصراحة ما قدرش أغشك وأقول زعلت عليك

ياريتها جت في وشك وخزقت عينك

صدام اللي دبحته في أول يوم العيد

أهو ربك خد بتاره وفي نفس المواعيد

تحية عشان منتظر وتحية لجزمته

فرحنا في بوش أخيراً على آخر خدمته

بجزمتين في وشك هتسيب أمريكا على نارك

ويا عيني مش هتلحق يا بوش تاخد بتارك

في ناس كتير بسببك في الدنيا متبهدلة

بتقول يا ريتها كانت صاروخ أو قنبلة

العالم ده كله شافك وبالسعادة حس

والجزمة زي الكورة وداخلة في المقص

مليون شهيد وأكتر في الجنة فرحانين

ربك كبير وقادر يهد المتفرعنين

ضيعت شعوب كتيرة من هنا ومن هنا

بصراحة مش خسارة فيك جزمة معفنة

وهههههههههههههههه :blush2: :blush2:

[عصام]

تم نقل الموضوع من باب السياسة الداخلية إلى باب الابتسام

الإدارة

[ام بلال]

زمن أهله يثيروا العجب ، واحد مثل شعبان عبد الرحيم لو قال الكلام ده لا يستطيع أي أحد لمسه بل سيعدوه بطلا ، لكن أتخيل لو طلع واحد ملتحي طلع قال كلام يشبه كلامه بعد التعديل : طبعا ارهابي، يا ترى كان هيحصل فيه إيه ،

و بصراحة إحنا ده آخرنا واحد مغنواتي، رقاصة ، مسرحية هزلية ، ممثل هلس يضحك الناس مسموح له ، غيركده لأ.عشان كده الطبقة دي من الناس سادت و ارتفعت حتى ألفاظها البذيئة أصبحت تحكم ألسنة الشباب و لا حول ولا قوة إلا بالله

خلي شيخ ، أو صحفي محترم ، أو قاضي أو أي إنسان محترم يتحدث بالحجة و المنطق ، و شوفوا اللي هيجرى له ؟؟؟

و بعدين سؤال: للقبطان الفيلد مارشال شعبان أفندي: هو لو صدام حسين كان مكان بوش ، و ضربه منتظر الزيدي بالجزمة ، كان هيكون مصيره إيه ؟؟؟؟

هم الشيعة كانوا يحلموا إنهم يوصلوا للحكم في العراق إلا في عهد سيدهم بوش ؟؟؟

أكيد هيعامله بكل الديمقراطية ههههههههههه طبعا العيلة بتاعة " منتظر " و الجيران بتوعه وولاده ، و كل بلده كان هينوبهم من الحب جانب من صدام الهالك ، بصراحة بوش و صدام وجهان لعملة واحدة ، كل عهد منهم له مساوئه، و ربنا يلطف بالمسلمين

[ام بلال]

هو مش شعبان ده هو اللي كان واخد جرعة مخدرات زايدة من كام يوم ؟؟؟ صح و لا أنا غلطانة؟؟؟

[لولا]

حقيقىى .. حقيقى .......مقدرش اقول اغنيه .. لكن اقدر اقول كلمات ... ....................... هابطه !!!

كنت قد سمعت لشعبان اغانى سابقه شعبيه احببتها وكانت تحمل فكره .. اما كلمات كهذه .. فلا ارى انها تمثل شيئ !

تحياتى

لولا

[newcomer]

:lol: :lol: :lol: smk: -_-

[Torontotruk]

المطرب والفنان شعبولاا عبد الرحيم يستحق لقب امير الاغنية العربية بجدارة.. :fight:

[Torontotruk]

هو مش شعبان ده هو اللي كان واخد جرعة مخدرات زايدة من كام يوم ؟؟؟ صح و لا أنا غلطانة؟؟؟

هو بعينه ... :fight: