ممكن استفسار

[زهــZــرة]

اختكم جديدة هنا

شكرا شكرا لترحيبكم بي

ممكن لو سمحتم تعرفوني احط صورة في توقيعي ازاي ؟؟

ونفسي بالمرة بقى اعمل توقيع بخط ملون

حاولت بس للاسف لم يظهر

هل هذه الاكواد مقفولة في التوقيع ولا ايه ؟؟

افيدونا افادكم الله

ولا اصابكم مكروه في توقيع لديكم

اختكم زهرة الذابلة حاليا في انتظار عمل التوقيع

[زهــZــرة]

ايه ياجماعة

مافيش حد يعرفني الون التوقيع ازاي واضيف فيه صورة ازاي !!!!

( وش زعلان جدا )

[se_ Elsyed]

في أنتظار رد إبننا لانسلوت ....

لأ بجد يا زهره لازم تتصفحي موضوع " كيف تكتب فى المنتدى " لأن لانسلوت عامل شغل عالي قوي هناك .

على فكره . أنا بأشوف نفسي أيام ما كنت شباب فى لانسلوت بجد .. حماس وشباب وحيوية ...

هــــية الأ ليت الشباب يعود يا ساده ... فأخبره بما فعلت بي السياسة

[Lancelot]

ربنا يخليك يا سي السيد بيه .. و الله كلامك ده بييسعدني جدا جدا ... و أنا تحت أمركم دايما .. كفاية بس الواحد ينال شرف رضاكم ...

أختي العزيزة زهرة ... أولا أهلا بيكي في المنتدي ... منورة و الله ...

ثانيا ... تلوين التوقيع ....

للأسف تلوين التوقيع ليس بسهولة تلوين الكلام العادي ... من أجل التعرف علي كيفية تلوين الكلام العادي إقرأي موضوع "كيف تكتب في المنتدي" (حتة دعاية) ....

في تلوين التوقيع لازم تكتبي الكود الخاص بذلك بنفسك ...

فمن أجل التلوين باللون الأزرق مثلا ....

[color=#1200ff][/color]

و اللون الأحمر ...

[color=#ff002d][/color]

و الأخضر ....

[color=#09ff00][/color]

لو عايزة أي لون تاني أنا تحت أمرك .. المهم الخطوات .. ضعي الجملة المراد تلوينها بين القوس الأول ...

[color=#001bff]

و القوس الثاني ...

[/color]

إضغطي Submit في نهاية الصفحة من أجل التعديل ...

[Lancelot]

ثالثا .... إضافة صورة في التوقيع ....

بنفس طريقة إضافة صورة في الكتابة العادية ...

إضغطي بالزر الأيمن علي الصورة لتظهر قائمة ...

إضغطي علي Properties ....

من أمام كلمة Address URL أشري علي العنوان المكتوب و إضغطي ..

Ctrl + C

من أجل النسخ ...

في المكان المخصص للتوقيع ... إكتبي ...

[img]

و بعدها إضغطي ...

Ctrl + V

يظهر العنوان بتاع الصورة ...

إكتبي ..

[/img]

بس خلاص ....

أي خدمة و علي أتم الإستعداد لأي إستفسار ..... إطلبي 08002222 (سعر الدقيقة ربع جنيه إسترليني) ... "وش مستغل" ....

[زهــZــرة]

ياسعدي ياهنايا

اغيب شوية ارجع الاقي مين رادد على

سي السيد

وسي لانسلوت

مش عارفة ياجماعة اقول لكم ايه على الاهتمام ده

ياربي ( وش مكسوف ) اودي وشي من ذوقكم فين بس ( وش مكسوف اكتر )

ربنا يكرمكم

اصل الصراحة التوقيع شيئ مهم جدا وبيعبر عن شخصية صاحبه ... وكونه بلا الوان مسالة مش ح تؤثر على معنى التوقيع ... ولكن ح تريح العين .

مسالة نفسية مش اكتر

شكرا كمان مرة

وياسير لانسلوت ربنا يخليك ويعلى مراتبك وتكون مراتب ملونة ( وش بكل الالوان )

ح اجرب وانتم بقى عليكم تشوفوا النتيجة

شكرا شكرا شكرا ( بالتلاتة )

[فــيــروز]

يا جدعان

حاولت سبعتلاف مره احط صوره رمزيه تحت اسمى مش نافع

دخلت على البروفايل بتاعى .. و نزلت لغاية اختيار الصوره من URL

ورزعت ال URL

وبردو الصوره مش بتطلع

افيدونا افادكم الله :(

[هشام عبد الوهاب]

الاخت فيروز

اولا مرحبا بك وبالأخت زهرة

اضفت لك صوره مؤقته حتى اتأكد من ظهورها فقط ......يمكنك الان وضع اى صورة .

يالمناسبه ال emoticons لا تعمل الان.

[فــيــروز]

شكرا جزيلا يا استاذ هشام على الترحيب و على الصوره

عنوان الصوره التى حاولت وضعها اهه

***************

انا عارفه انه طويل حبتين لكنى استخدمته فى منتدى آخر من قبل و شغال بس مش عارفه ليه مش شغال هنا

[White heart]

لدى استفسار ايضا...

اردت الرجوع الى موضوع " Global Announcement: قواعد الكتابة في منتدى محاورات المصريين" للاتطلاع و لكن مع الأسف عند الضغط على الرابط تظهر هذة الجملة:

The topic or post you requested does not exist

[farasha79]

بعد 12 سنه خدمه حتى الان

مش عارفه الون ال FONT

وش وشه احمر من الكسوف

حاولت بس للأسف لم افلح

لماذا

هل من اجابه؟

[farasha79]

كيف تغير لون النص و حجمه ....

أسهل حاجة في الدنيا .....و في خطوات بسيطة ....

إكتب النص ....

أشر بإستخدام الماوس علي النص الذي تريد تغيره .....

قم بالضغط علي اللون المطلوب التحويل إليه .... لاحظ إنك عند المرور علي شريط الألوان تظهر اللون اللي إنت واقف عليه دلوقتي في مربع صغير علي اليمين ... و ده علي التسهيل يعني ....

قم بإختيار الحجم الذي تريده من قائمة Font size ...

يمكنك القيام بعملية واحدة أو بالعمليتين لنفس النص ....

أظن بسيطة ..... اللي بعده ...

[farasha79]

فعلا الواحد لازم يدقق في طريق التعليم علشان يتعلم

Lancelot نصيحه يا ابني ادي دروس خصوصيه

هتلم دهب

اشكرك من جديد

[زهــZــرة]

ياجماعة فيه سوء تفاهم

انا باعرف الون الخطوط كويس

بس يبدو الاكواد في التوقيع غير مفعلة ... وهو ده اللى خلاني مااعرفش الون التوقيع

بس

[Lancelot]

يا زهرة ... أنا جربت بنفسي ألون التوقيع و إشتغل كويس ...

[فــيــروز]

يا لانس

اظن عيب نبقى غاويين سيما زى بعض و تكون مستشار التقنيات فى المنتدى وانا مش عارفه اظهر التوقيع بتاعى .. دى حتى عيبه بقى .. طيب الصوره الرمزيه اللى حطيت عنوانها ومش عاوزه تظهر استعوضت ربنا فيها طيب و التوقيع بقى ..

[Lancelot]

و عندك واحد ظهور توقيع للناقدة السينمائية الكبيرة أوي فيــــــــــروز ...

في البروفيل تأكدي أن تقومي بإختيار ظهور التوقيع ....

و تحت المربع اللي بتكتبي فيه الرد تأكدي من إختيار ظهور التوقيع ...

Attach signature (signatures can be changed in profile)

بسيطة خالص ....

[kokowawa1979]

فيروز كتبت :

حاولت سبعتلاف مره احط صوره رمزيه تحت اسمى مش نافع

خلليهم سبعتلاف وواحد علشان خاطري ياست فيروز

شوفي ياست فيروز : أولا روحي للموقع اللي انت عايزه ترفقى منه الصورة الخاصة بك ولابد أن يكون موقع فعال على النت مثل موقع عيون : www.3oyoon.com هاتلاقي فيه الكثير من الصور المتحركة اختاري اللي يعجبك وضعي الماوس على الصورة ثم اضغطي باليمين واختاري properties وبعدين أشري بالماوس على عنوان الصورة أو ال URL وبعدين اضغطي بيمين الماوس مرة تانية واختاري copy وبعدين ok ثم اخرجى من موقع الصورة وعودي إلى البروفايل profile واضغطي عليها ثم اختاري أوصل مع شخصية خارج الموقع ( آخر مستطيل في مكان وضع الصورة ) واضغطي بيمين الماوس داخل المستطيل ثم اختاري paste ثم اضغطي قدم في النهاية

وأي خدمة يا ست فيروز

[فــيــروز]

للاسف الشديد فشلت المحاوله رقم سبعتلاف وواحد --> وش محبط جدا

وحتى تلوين التوقيع فشل -->> وش حاسس انه منحوس جدا

انا جربت كل ما قلتم عليه يا لانس انت وكوكو واوا من قبل ما اسال عشان عملت الموضوع قبل كده فى منتدى تانى و الموضوع مشى كويس .. بس مش عارفه ليه فشل هنا ...

استنوا .. وانا باكتب الرد ده قلت اعمل محاوله اخيره .. اخترت صوره للتجربه من موقع عيون و لقيتها طلعت .. الله اكبر يحيا العدل .. وحقيقى لا ضاع حق وراؤه مطالب وما نيل المطالب بالتمنى ولكن تؤخذ الدنيا غلاسه .. الف شكر يا جماعه الف شكر

[هشام عبد الوهاب]

الأخت فيروز لونتك التوقيع .

اضافة لون التوقيع يتم بوضع كود اللون وليس اسمه .

ولمن يرغب تلوين التوقيع يضع الكود بهذه الطريقه دون ترك اى فواصل داخل الأقواس

يكتب التوقيع هنا ثم [ /color ]

وهذه هى اكواد اغلب الألوان

000000>Black

730200>DarkRed

231800>Brown

044302>DarkGreen

0D09A3>Dark Blue

444444>Gray

FF0400>Red

EFE800>Yellow

05EF00>Green

0206FF>Blue

AE08EF>Violet

FF8C8A>Mauve

FFCCCC>Peach

FFCC99>Orange

D5CCBB>Tan

DDDDDD>LightGray

FBFF73>Light Yellow

7CFF7D>LightGreen

A6BEFF>Light Blue