ممكن استفسار

[هشام عبد الوهاب]

لوضع صوره فى التوقيع

[img ]

عنوان الصوره .......لا تنسى : عدم ترك اى فاصل داخل الأقواس

مثال للعنوان : http://square.jeeran.com/Allah_names1.gif

[/img ]

لمعرفة عنوان اى صوره اضغط عليها بالماوس اليمين ثم اضغط على properties ستجد العنوان

[Lancelot]

ألف مبروك التوقيع أخيرا ظهر و كمان الصورة ظهرت ... الحمد لله ..

معلهش ممكن نعرف مين "ب. ك." ...

أستاذ هشام .... حلوة أوي حتة الألوان ديه ...

[فــيــروز]

شكرا يا استاذ هشام

الحقيقه انا بالفعل جربت الاكواد قبل ان اجرب اسماء الالوان لكنها لم تعمل ايضا ولذلك قلت اجرب اسماء الالوان يمكن تشتغل .. شكرا على اى حال

عزيزى لانسلوت :)

بارك الله فيك :) ب.ك. ده اختصار لاسم باولو كويلو -البعض بيقولها كويلهو- وانا مش عارفه مين فيهم الصح .. هو مؤلف ذاع صيته فى السنوات الاخيره و من اشهر اعماله روايه فى منتهى الروعه اسمها ساحر الصحراء اصدرت من خلال روايات الهلال .. انما ايه يا لانس مزيييييييييييييييييييكا :)

[فــيــروز]

معلش سؤال آخر ولو فيها رذاله

هو ليه بعض الاعضاء يظهر فى مداخلاتهم -الحديثه- ايموشنز و انا لا؟ هل هذا مرتبط بعدد المشاركات مثلا او لانهم مشرفون؟ انا لاحظت فى مداخله للاخ M.H.M حديثه جدا ان بها ابتسامات !! ولم ارد ان اساله فى نفس الموضوع حتى لا نخرج عن الموضوع الاصلى وحبيت اعرف بس مش من باب النق ولا الحسد ولا اى حاجه .. مجرد فضول

[White heart]

فــيــروز كتبت:

هل هذا مرتبط بعدد المشاركات مثلا او لانهم مشرفون؟

هو احنا كدة لازم نظلم حد و خلاص !!!

العملية بسيطة خالص يا فيروز...

الأيموشينز معطلة حاليا مثلما أوضح العزيز "هشام عبد الوهاب"

و علشان تستخدميها اتعاملى معاها على انها صورة عادية!!

يعنى كليك يمين -Properties - ظللى على العنوان كاملة - Copy - ثم حددى المكان التى تريدين و ضع الايموشينز او الصورة فى مداخلتك و من ثم Paste و تظليليها تانى و هى داخل المداخلة و كليك على!! سهلة خالص مش كدة؟!!!

بس عقبال ما تعملى الهيصة دى كلها يكون الموضوع بقى فى الBYE_BYE !!!

[فــيــروز]

يا لهوىىىىىىىىىى

ايه كل ده !! ده ولا سر اختراع برنيطة الاخفا لا شكرا خلاص مش عاوزه مشاعر قصدى ايموشنز ....

On second thought

yes yes yes

وحطيت صور ياهوووووووووووووو

[White heart]

فــيــروز كتبت:

وحطيت صور ياهوووووووووووووو

براااااااااااااااافو يا فيروز...

طالما انت شطورة كدة تبقى تستاهلى المرة الجاية نخدك معانا لفة...

[se_ Elsyed]

فــيــروز كتبت:

وحطيت صور ياهوووووووووووووو

براااااااااااااااافو يا فيروز...

طالما انت شطورة كدة تبقى تستاهلى المرة الجاية نخدك معانا لفة...

لأ والف لأ لن أسمح بكده ... أنا اللى واخد توكيل البسكلتات فى المنتدى ... أنظر الكتاب فى موضوع عندي أمتحانات .. باب شئون المحاورات ( إنت فين يا فراشه هي أول واحده أخدت لفه بالبسكلته )

( اللهم أجعل كلمنا خفيف على اللي بالي بالك أبو اسم بيبدأ بـ ع ومايزحمنيش فى التوكيل )

[White heart]

se_ Elsyed كتب:

لأ والف لأ لن أسمح بكده ... أنا اللى واخد توكيل البسكلتات فى المنتدى ... أنظر الكتاب فى موضوع عندي أمتحانات .. باب شئون المحاورات ( إنت فين يا فراشه هي أول واحده أخدت لفه بالبسكلته

طيب .. طيب، يا س.س ما تزعلش قوى كدة، ماحنا عارفين ان انت صاحب التوكيل بتاع البسكلتات و مش بس كدة كمان "الحواوشى" اللى كان زماني قاعد أكل فيه على الكورنيش فى استراحة قصيرة من "التصوير"!!! و علشان كدة انا قلت:

تستاهلى المرة الجاية نخدك معانا لفة...

ما قلتش "اخدك" - "معايا" ...!!!

معلهش اعتبرت نفسى ممكن اشجع احد "المستجدين" بشئ من ابتكار "المستقدمين" .

بالظبط زى "الطورطة" بتاعة "الطوراطاتى"!!!

بس انت عندك حق كان لازم اقول البسكيلتة بتاعة س.س...

المرة الجاية هاخد بالى ... معلهش.

[farasha79]

ليه ال Emoticons مش بتظهر عندي مع اني بتبع الارشادات؟ :(

[Lancelot]

الإيموشنز مش شغالة في المنتدي كله ... خطأ فني .. و اللي بيحطوا إيموشنز في كتابتهم بيستخدموا طريقة طويلة أوي ... إستخدمي الإيموشنز المكتوبة ... "وش بيبتسم" "وش بيدحرج التماسي" ...

[White heart]

White heart كتب:

لدى استفسار ايضا... 

اردت الرجوع الى موضوع " Global Announcement: قواعد الكتابة في منتدى محاورات المصريين" للاتطلاع و لكن مع الأسف عند الضغط على الرابط تظهر هذة الجملة: 

Quote: 

The topic or post you requested does not exist

Scorpion كتب:

للأسف عند البحث اجد دائمآ ان الموضوع المطلوب غير موجود او شيء من هذا القبيل.. اعتقد ان بعض الأعضاء قد أثاروا نفس المشكلة.. فرجاء التحقق من هذا.

Faro كتب:

The topic or post you requested does not exist 

http://www.egyptiantalks.org/bforums/viewtopic.php?t=34

الطفشان كتب:

Faro wrote: 

The topic or post you requested does not exist 

http://www.egyptiantalks.org/bforums/viewt...topic.php?t=345 

تم اصلاح العطل 

هل ممكن التجربة مرة اخرى و اخبارنا بالنتيجة؟

شكرا لأهتمامكم...

الوصلة تعمل الأن...

[الطفشان]

الشكر واجب لهشام عبد الوهاب لقيامه بمتابعة الموضوع و عمل الازم فنيا

[زهــZــرة]

اتوجه بالشكر لكل من تفضل بالرد على استفساراتي او استفسارات الآخرين

فقد حدثت استفادة للجميع من كل الاستفسارات

شكرا لكم ( وش خجلان من طول الغياب )

[فــيــروز]

يرحمكم الله واضح انها كانت نزلة برد طويله سمدلله عالحلامه

[زهــZــرة]

يرحمكم الله واضح انها كانت نزلة برد طويله سمدلله عالحلامه

الله يسمدلك يافيروز هو كان دور برد قطف اوراقي كلها الصراحة