لو ضاقت بيك الدنيا اتصل بالرقم ده

[fatfouta]

السلام عليكم

ده رقم لينا كلنا ساعات الدنيا بتضيق بينا وبنبقى مش عارفين نعمل ايه خدوا الرقم وبجد اتصلوا بيه وهو:

222

وبدون مفتاح او كود يعنى

ال2 الاولى هى : الساعة 2 بالليل

ال2 التانية هى: ركغتين لله

ال2 التالتة هى: دمعتين شكوى لله

يعنى فى الاخر هقولكم لو انت متضايق او حاسس بالظلم او الدنيا ضاقت بيك او عندك اى مشكلة ومش عارف تنام يبقى قوم فى نص الليل واتوضى وصلى ركعتين لله و سيب نفسك لدموعك لانه هيبقى سمعك وشايفك وقريب منك اوى فى اللحظات دى

لانى مرة سمعت الشيخ الشعراوى بيقول اللى عاوز ربنا يكلمه يقرأ القرأن واللى عاوز يشتكى ويكلم ربنا يصلى ركعتين فى جوف الليل ويتكلم معاه ويشتكيله وكنت ناسية الكلام ده ومن كام يوم قريت الموضوع ده فى منتدى تانى وعملت بيه وفعلا بعد ماصليت ونمت مش هقولكم ان مشكلتى اتحلت ماهى طبعا مافيش حاجة بتيجى علطول كده بس انا قمت من النوم فرحانة كده ومش زعلانه ذى كل يوم وحاسه ان ممكن كل مشكلة يبقى ليها حل

وكمان هقولكم حاجة وانا بصلى حسيت ان فعلا ربنا قريب جدا منى ذى ماهو علطول قريب مننا لكن فى اللحظات دى بتبقى مختلفة جدااااا

ده بجد نفسى كلنا نعمله وخصوصا المظلوم بيحس ان دى حاجة بتنصره جدااا ويا رب ينصرنا جميعا

ويارب كلكم تستفيدوا بيه ويزيح عننا كلنا كربنا يا رب

[student]

بارك الله لك

[ام بلال]

جزاك الله خيرا في مقولة " لا تقل يارب عندي هم كبير ، و لكن قل يا هم عندي رب كبير "

[alaa elshafiey]

بجد تسلمى على الكلام الجميل دة

شكرا

[الدكتورة أم أحمد]

عليكم السلام ورحمة الله وبركاته

موضوع جميل وخفيف ولك مني هذه

:winner:

الرقم الحقيقة سهل جدا وغير مكلف لا مال ولا جهد وأدعو الله أن ييسر لي هذا الإتصال ولكن سأبدل رقم الساعة اثنين برقم قرب الفجر لصعوبة النوم مرة أخرى وجزاك الله خير الجزاء

ونسأل الله الهداية والصلاح لنا وللجميع

[newcomer]

ربنا يبارك فيك

و نعم النصايح و الارقام يا دكتورة

طالما حضرتك عايزة تغيرى الرقم

فاقترح يكون 022

و 0 هايكون لاى وقت الواحد حاسس انه عايز يروح ويفضفض و يشتكى

لله .....رب العالمين

[قلب ابيض]

فعلا دى وصفه مجربه ونتيجتها مضمونه بأمر الله

هو فى احن من ربنا بعباده

هو اللى خلقنا وفى النهايه هو اللى بامره تنتهى حياتنا فى الدنيا

فكيف نلجأ لسواه

انا بحس انى قريبه منه جدا والله فى همى وفى فرحى دايما قدامى وبزعل من نفسى اوى لما اكون عاوزه اقوم اصلى ويغلبنى التعب او النوم اقول ياربى ده انا لو عندى معاد مع حد يهمنى كنت هاظبط منبهى واقوم له

ما بالى وربى دايما موجود ويحب لقاء عبده المحب

يارب سامحنا على التقصير

واعنا على ذكرك وشكرك وحسن عبادتك

[capitshino]

بارك الله فيكى

[بركة]

رفعته لجمال ما فيه

بارك الله فيكي يا فتفوتتنا الطيبة :blush2:

[سهل جدا]

جزاك الله خيرا أخت فتفوتة

وإن شاء الله أي واحد يطبق الكلام ده يكون ليه أجر , وانتي كمان يكون ليكي أجر مثله

[سهران]

فعلا أختنا الفاضلة و ربنا يبارك في حضرتك ........ كتير بننسى و بنتصل بأرقام غلط ...... مع أن الرقم سهل و متاح و سبحان من نتصل به ...... له ملك السموات و الأرض و ما بينهما ......... و كما قال الفاروق ما معناه أنه لا يحمل هم أجابة الدعاء فقد تكفل بها المولى عز وجل ........ لكنه كان يحمل هم الدعاء ...

شكرا جزيلا على التذكرة .

[rewsha]

بارك ا لله فيك يافتفوته .فعلا في ناس كتير قوي نسيت الرقم ده . بس كمان مع الرقم ده في صباح الخير (اذكار الصباح) ومساء الخير (اذكار المساء) دي باللغه بتاعتك بجد والله عن تجربه اذكار الصباح والمساء لهم فوايد كتيره ووقع جميل ومريح للنفس جربوهم وادعوا لي

[ناوية ع الهجرة]

جزاكي الله خيرا يا فتفوته فكرتيني بالموقف ده عمري ما هنساه

وابني صغير كان حوالي شهرين ونص جاله فيروس في الصدر وساعات ما كنش بيقدر ياخد نفسه

وفي يوم فجأة فضل يكح كتير وبعدين نفسه تقريبا وقف وطبعا مش قادرة اقولك على اللي حصالي

وفي نفس الليلة كنت خايفة ان الموضوع يتكرر تاني وفضلت صاحية طول الليل ابكي واصلي وادعي ربنا

وزي ما بتقولي كنت حاسة ان ربنا قريب مني قوي

وبعدها بفضل الله الولد خف تماما لدرجة ان الدكتور نفسه ماكنش مصدق .. سبحان الله

[doha]

جزاك الله خيرا موضوع رائع وكلام سليم مية في المية ..

[fatfouta]

للرفع والتذكرة

[نجماية]

جزاك الله كل الخير يا فتفوتة، سأتصل الليلة بإذن الله تعالى، لعل الله يزيل عني همي وكربي، وكل المؤمنين، آمين يارب العالمين.

[kitkat]

رقم سهل خالص

لكن الدنيا حلوة وأرض الله واسعة وده من فضل الله علينا

والحمد لله كل ما يصيب المؤمن خير

ان اصابه خير شكر ، فكان خير له ... وان أصابته ضراء صبر فكان خير له

قابلوا مشاكلكم بابتسامة واعلموا ان نظر ابن أدم قاصر ومحدود

مهما أصابك فاعلم انه خير ، هل تريد الاطلاع علي الغيب ؟![وسط][/وسط]

[لماضة مصرية جدا]

السلام عليكم و رحمة الله و بركاته

دايما كنت بسال نفسي طب ليه بالليل....طب ليه في جوف الليل....طب ما هو النوم احسن؟؟؟

سكون الليل بيخلق حالة متوحدة اوي...حالة متجردة اوي....حالة راقية جدا تليق بمعية الله سبحانه و تعالي

الصلاة في جوف الليل ليها طعم خاص جدا

لانك تستطيع ان تبكي...و يراك الله...و يكفي جدا

لانك تستطيع ان تتحدث و تناجيه...دون ان يسترق احدهم السمع...سوي السميع الرقيب الرحيم

لانك تستطيع ان تحلم و عيناك مفتوحتان.....دون ان يسرق النوم احلامك...و ستجد دوما الله الوهاب الرزاق

موقفنا الازلي....ليس في الايمان و لا في الصلاة ...بقدر ما يستقر في القلب من تسليم...تفويض و يقين ان كل عطاؤك و منعك يا الهي خير...كلمة يرددها استاذي لي دوما...و تظل ترن في اذني كل ما ضاقت الدنياو شعرت ان الامور دوما تاخذ منحي معاكس...

لما اراه معاكسا...ان كنت اوقن أني أسلمت و سلمت....فليحدث إذن ما قدر لي....و ليكن ما يكون

نسالكم صالح الدعاء

[نوارة]

222وبدون مفتاح او كود يعنى

ال2 الاولى هى : الساعة 2 بالليل

ال2 التانية هى: ركغتين لله

ال2 التالتة هى: دمعتين شكوى لله

اتصلت على الرقم دة ولاقيت فعلا شغال كلام خضرتك مضبوط وتمام التمام.....بس حبيت العب فى الارقام وعملت معاية نفس النتيجة وحققت نفس الاتصال...382...ورقم تانى4112 الساعة اربعة...11ركعة دمعتان....وكل الارقام دى شغالة ولليلة الحمعة ...كان الاتصال اقوى و الاجابة كانت اسرع.....شششششكرا ليكى كتير....وانتى على طول وطيوبة

[صافى]

للرفع والتذكرة

جزاكى اللة خيرر فعلا اختى الغالية مفيش افضل من صلاة قيام اليل فعلا ربنا بيكون قريب جدااا والملائكة بيكونو محوطينا :rolleyes: اللهم ما ذكرنى بقيام الليل وصلاة الفجرواشفع والوترر اللهم ما امين :blink:

تم تعديل 7 يونيو 2010 بواسطة صافى