الإستثمار في الذهب

[engmido]

انا كمان ارجو الافادة

[بنت الشاطئ1]

عموماً أنا لما بنزل مصر بكون الذهب طالع فلا اشتري و أجي بعد عام أنزل أجد ان الذهب طلع عن العام اللي مضى

أنا فاكرة سنة ٢٠٠5 في شهر ابريل تقريباً كان جرام ٢١ ب٨٠ جنيه .. كنت قبلها بشهرين في مصر كان عيار ٢١ ب ١٠٠ جنيه و لم اشتري وقتها

اليوم عيار ٢١ ب١٦٩ جنيه و تكرر هذا الموقف .. طيب الصيف إلي فات كان الذهب ٢١ ب ١٤٦ لم اشتري قبل ما أنزل بشهر كان عيار ٢١ ب ١٢٠ جنيه طيب ازاي الواحد يقدر ياخد قرار صح

أنا إن شاء الله رايحة عمرة كمان أسبوع أنا سألت ناس هناك قالوا الجرام ب ١٣٥ .. لو هشتري الغرام ب ١٣٥ ريال يعني في حدود ١٩٥ جنيه مصري و في مصر الغرام ب ١٦٩ فرق ٢٥ جنيه في الغرام .. خايفة لو مشترتش من السعودية ألاقي لما أنزل مصر في الصيف إن جرام الذهب يطلع تاني وارجع أندم اني لم اشتري من السعودية ... بصراحة أنا محتارة خصوصاً اني معايا مبلغ كبير و عايزة استثمره في الذهب

[بنت الشاطئ1]

عندي هنا في ألمانيا عيار ٨ .. عيار ٨ اشكاله روعة جبت خاتم .. هل لو أردت بيعه في مصر يتباع ..ده مجرد سؤال هو مش هيجيب كتير بس عايزة أعرف عموماً ... و كمان عايزة أعرف عيار ١٤ يتباع في مصر واللا لأ

[عطر الجنة]

السلام عليكم و رحمة الله و بركاته

طبعا الاسواق السعودية للذهب رائعة و فيها تنوع كبير

فنجد ذهب شركة طيبة و ذهب لازوردى و الذهب البحرينى و الذهب المغربى و الذهب الهندى

و كل نوع له سعر جرامه

و ذهب طيبة و لازوردى كل قطعة بيكون معلق بها تيكيت و هذا يعبر عن ان القطعة جديدة

و اذا ازيل هذا التيكيت فتعامل معاملة الذهب القديم و له سعر غير

طبعا الغالب فى السعودية عيار 21

و طبعا وجدت تلك الانواع فى مصر لكن بسعر عالى و طبعا لما حددتى سعر الجرام هنا فده بدون المصنعية

و عند اضافة المصنعية ستجدى سعر الجرام سيتعدى 200 جنيه

لكن سعر الذهب فى الكويت و السعودية المعلن بيكون شامل المصنعية و بيكون عياره مضبوط بدون خداع

انا لما ببيع ذهب اشتريته من الخليخ بيخطفه من يدى الصائغ و بيكون حريص على شراءه منى

تحياتى

تم تعديل 2 أبريل 2010 بواسطة عطر الجنة

[ذهبية]

سعر الذهب ملوش قاعدة عامة تقدرى تتحكمى فيها الا بمتباعة اسعار الدولار و الازمات العالمية و الحروب

يعنى لو حصل اى قلق من اى نوع هيرتفع الذهب لان رجال الاعمال بيتجهوا فورا الى الذهب باعتبارة ملجا امن

لان وقتها البورصة بتتضرب

ام من ناحية هيرتفع انااتوقع فعلا ارتفاعة بسبب الظروف اللى احنا داخلين

من ناحية الذهب فى السعودية انا انصحك بذلك لاسباب كتيرة اهمها نقاوة الذهب دة انهو انقى كتير من بتاع مصر الى منضاف علية نسبة كبيرة من النحاس

و ناحية تانية لو حبيبتى تبيعة سهل جدا

و بيتخانقوا علية بتوع مصر لانة بيسيحوة و يضيفوة علية من عندهم كمان نحاس

من ناحية سؤال العيار 14 لا مش معترف بية هنا حسب علمى الا 18 و 21 و 24 و دة برضة قليل اى عيار اخر بينزل يعنى لو عيار 22 بيحسبوة على انة 21

[مهندس محمد ابراهيم]

على فكره

سعر الذهب فى مكه حاليا شامل المصنعيه 130 ريال للجرام (لسه سائل عليه يوم الجمعه) فى ناس بيقولو 140 و145 لنفس القطعه على فكره وبعد الفصال وصل ل 130

سئلت كمان على اللازورد كان 138

بس لى سؤال ازاى اعرف الفرق بين عيار 21 وعيار 18 وقت الشراء

وايه الافضل بالنسبه للاستثمار جنيه دهب ولا قطع

[طبيبة بالخارج]

نصيحة اللي عايز يشتري ذهب يشتري من السعودية بلاش مصر. نسبة النحاس في الذهب المصري عالية. أنا لسه كنت ببدل حلق لابنتي هنا في السعودية و رفض الصائغ قبول الذهب المصري. انا شخصيا ناوية بإذن الله ابيع الذهب المصري في مصر و شراء مكانه ذهب سعودي. انا فاكرة كمان من 12 سنة لما جيت اشتري شبكتي من مصر الصائغ كان بيتباهى بإعطائي حتة سعودي

[engmido]

افيدونا من فضلكم اكثر واكثر

وسؤال على جنب كده....ما حكم زكاة الجنيهات الذهبية

[doha]

افيدونا من فضلكم اكثر واكثر

وسؤال على جنب كده....ما حكم زكاة الجنيهات الذهبية

لو ذهب اشتريته للاستثمار يعني عشان تخزن فلوسك فيه وترجع تبيعه لما يغلى ومر عليه سنة عندك يبقى عليه زكاة

لو ذهب اشتريته للبس فقط مش بنية الاستثمار او كده حتى لو مبتلبسوش يبقى معليهوش زكاه

بس في قول اقنعني برضه وهو ان اي ست بتشتري ذهب بتقول اهو ( فلوس منشاله ) حتى لو كانت اشترته شبكه او لبس او ماشابه النهايه اننا بنجيبه ونقول حاجه للزمن وبناء عليه فالبعض افتى ان حتى الذهب الملبوس او المعد للبس عليه زكاه برضه

عن نفسي واحتياطي بدفع الزكاه على الي بلبسه والي مبلبسوش هي احيانا بتكون زنقة واحيانا الواحد مبيكونش معاه اصلا غير هم القرشين دول الي هيطلعهم بس سبحان الله بتفرج بعدها وكأن ربنا بيرد لك الي دفعته وزياده كمان ..

[من بعيد]

عندي هنا في ألمانيا عيار ٨ .. عيار ٨ اشكاله روعة جبت خاتم .. هل لو أردت بيعه في مصر يتباع ..ده مجرد سؤال هو مش هيجيب كتير بس عايزة أعرف عموماً ... و كمان عايزة أعرف عيار ١٤ يتباع في مصر واللا لأ

هو فعلا شكل مصوغات الذهب عيار 8 شكلها افضل من عيار ال14 وال18 بس فيه عيب انه هش زياده عن اللزوم وقابل للكسر بسهوله وفى مصر لا توجد الامكانيات اللازمه للحامه اذا اقتضت الحاجه وليش له اى قيمه عند جواهرجيه مصر على اساس اسضا انه غير قابل للاذابه لما يحتويه على معادن يستحيل فصلها عن الذهب المكون للسبيكه

[alitof]

اخوانى الاعزاء العيارات القانونيه التى تدمغ فى مصر من قبل مصلحه دمغ المصوغات والموازين هى عيارات 9- 12 -14 -18 -21- 24

وعيار 24 هو الذهب البندقى النقى وهو احد معيار جودة الذهب وهو مقياس القيراط

دعونا ننطلق من شيء متفق عليه ...

ألا وهو عيار ال 24 .. أغلينا يعرف انه الأربع وعشرين هو الذهب الخاص النقي .. معنى هذا أن نسبة الذهب فيه تصل إلى 100 بالمية ..

لكن لماذا عيار 24 بالذات

نقول الشيء ما هو إلا اتفاق بين الناس في وقت سابق ان الذهب النقي هو عيار 24 فهي عبارة عن اتفاق ولا يمت للرقم بأي صلة ... واتفق كذلك انه الذهب 24 يحتوي على 1000 سهم من الذهب يعني 1000 من 1000 ، ولكن من الصعب الحصول على نقاوة 100 بالمية والنقوة العاليه جدا تبدا من 995 سهم بالأالف فكلما ثم تزداد 999 و 999.5 و 999.9 ... وكل هذا يؤثر على سعر الذهب .. لذلك يعبر عن العيار برقم او عدد أسهم الذهب في كل عيار

وهذا الذهب النقى جدا لا يكون غالبا الا فى السبائك لانه سهل الكسر وهش لضعف تماسك ذرات الذهب وجزئياته مع بعضها البعض ولذلك يضاف النحاس والفضه والرصاص والنيكل بنسب ومقادير مختلف فتقل نسبه الذهب النقى حتى يكون قابل للسحب والطرق وعمل المشغولات الجميله من سلاسل ودبل وخواتم وخلافه

لذلك عندما نريد معرفة كم سهم في العيارات المختلفة فاننا نقوم بالتالي

نقوم بقسمه العيار على 24 ونضرب فى الف

لحساب النسبه الالفيه بالاسهم

عيار 22 =22 / 24 * 1000 = 916.66 سهم فى الالف

عيار 21 = 21 / 24 * 1000 = 875 سهم فى الالف

عيار 18= 18/24 * 1000 = 750سهم فى الالف

لذلك لابد ان تكون القطعة مختومة اما بالرقم 22 او 917 لمعرفة العيار

ويوجد على كل قطعه ذهبيه ختم يوضع العيار الذى تنمى اليه القطعه الذهبيه لان التجار تقوم بعمليه الدمغه فى مصلحه دمغ المصوغات والموازين وهى بالجماليه بجوار مسجد سيدنا الحسين

اما ذهب السعوديه وبعض دول الخليج يقوم المصنع ((مصنع الذهب بوضع ختم عليه اسم المصنع وتنزل البلديه بالتفتيش على الصياغ واخذ عينات وتحليلها بالطرق الكيميائيه المعروفه للتاكد من صحه العيار ومن يخالف تقع عليه غرامه كبيرة والسوق هناك منتظم ولا توجد عمليات غش كالتى تحدث عندنا رغم اتباعنا لنظام الدمغه منذ عهد الانجليز وتشرف مصلحه دمغ المصوغات والموازين عندنا فى مصر على عمليه الدمغ التى تقوم بها وكذلك مراقبه السوق ولكن لكثرة التجار وكميات الربح الهائله فى عمليات الغش والتى قد تكون بضعه اسهم قليله فى العيار الواحد ولكن تتدر ارباح طائله على الصايغ الذى يقوم بتصيع ما لا يقل عن مائه كيلو فى المشغول الواحد فى بعض الاحيان فتفرق معها الاسهم المختلسه معه فى الكميات الكبيرة وعمليات الغش ولكن اقول لكم من عندة قطعه من الذهب ولتكن مثلا عيار 22 كما اشارت الاخت يذهب للمصلحه بالعنوان الذى ذكرت ويختمها ويدفع مصاريف الدمغه وهى عدة جنيهات والصياغ يعرفون جميع العيارات بما فيهم عيار 22 الغير معروف لدى كثير من المصريين لا ن العيارات القانونيه واقصد التى نص القانون على ان تقوم المصلحه بختمها هى 24-21-18-14-12-9

ام الذهب الخليجى مشهور بعدم التلاعي فى عيارته فلذلك له سمعه طيبه لكن والله المصريين شاطرين فى صناعه الذهب وينقصهم امكانيات ميكانات التصنيع التى تقوم بعمل اشكال تحفه فى الذوق والجمال

وعندنا عايب قاتل بمصر حب الغنى السريع وكثرة الاعيب وخصوصا فى مجال هام وحساس ومربح كتجارة الذهب

وان تحت امركم فى اى تساول

[Abu Reem]

هقول لكم شوية معلومات على السريع ، بها اجابة على بعض تساؤلاتكم حول موضوع الاستثمار في الذهب....ز

- من يريد تحويل السيولة التي معه الى ذهب فالحل الامثل له هو احد هذه الخياراات

1- السبيكة الذهبية او ما يسمى بالأونصة ، وهي المعيار التي يقاس به سعر الذهب عالميا وهي 31 جرام وتسعر بالدولار وسعرها يختلف خلال اليوم الواحد فهي الان سعرها 1214 رغم ان سعرها اليوم في الصباح ايضا كان وصل الى 1224 دولار للاونصة

ويوجد اوزان مختلفة للاونصة فمنها 50 و 100 واوزان مختلفة ، المهم ان السعر العالمي الذي يقاس عليه هو سعر الاونصة 31 جرام ، كما ذكرت...وطبعا الاونصة هي عيار 24 ، وعندما تشتريها يضاف عليها سعر التأمين وبعض المصاريف الاخرى وهي مكسب البائع...

يعني لو سعر الاونصة عالميا الان 1214 دولار فبالتاكيد حتى تشتريها انت مثلا فستأخذها بحوالى 1220 دولار تقريبا,,

والاونصى هي افضل السبل للادخار لان ليس عليها مصنعية ...ولكن المشكلة لو سعر الذهب انخفض مثلا بعد عدة اشهر واصبحت الاونصة ب 1100 دولار ...فساعتها ستخسر عند بيعا

2- المصدر الثاني لادخار الذهب والذي يلي الاونصات في الاستثمار هو الجنيهات الذهبية وهي لا تفرق كثيرا عن الأونصة ولكنها تتميز بأن منها اوزان خفيفه مما يسهل شراؤها

3- الشيء الثالث هو شراء الذهب المستمل او الكسر ، واعادة بيعه ، وهذه طريقة اعتقد موجود عنها موضوع بالمحاورات به بعض التفاصيل...

إذن مما سبق فإن الاونصة هي الاكثر شيوعا واهمية وطلبا بالنسبة لمن يريد الاستثمار في الذهب ولكن الشاطر من يشتري في اوقات هبوط الذهب...والبيع عند وصول السعر لارقام جديدة...

الان كما قلت سعر الذهب عالميا 1214 دولار للاونصة وغالبا سيصل الى 1300 : 1400 خلال سنة ، وهذا الاحتمال الأكبر ولكن حدود هبوطه خلال العام الحالي لا اظن وصولها الى اقل من 1000 دولار باي حال من الاحوال ..

لكن اللي عاوز يمشي في الموضوع ده لازم يكون على دراية بالتحليل الفني لمؤشرات سعر الذهب وعنده خلفية عن الاخبار اليومية الاقتصادية التي تصدر وتؤثر يوميا على اسعار الذهب والعملات..

ولازم يكون سريع في البيع والشراء..لانه لو اتبع مبدأ الاستثمار طويل الامد يعني سنتين او اكثر ممكن يخسر كثير لو اشترى بسعر يعتبر عالي وبعدين انخفض سعر الذهب في دورة زمنية..قد تاخذ سنوات لذلك البيع والشراء السريع قد يكون أفضل

[Abu Reem]

هقول لكم شوية معلومات على السريع ، بها اجابة على بعض تساؤلاتكم حول موضوع الاستثمار في الذهب....ز

- من يريد تحويل السيولة التي معه الى ذهب فالحل الامثل له هو احد هذه الخياراات

1- السبيكة الذهبية او ما يسمى بالأونصة ، وهي المعيار التي يقاس به سعر الذهب عالميا وهي 31 جرام وتسعر بالدولار وسعرها يختلف خلال اليوم الواحد فهي الان سعرها 1214 رغم ان سعرها اليوم في الصباح ايضا كان وصل الى 1224 دولار للاونصة

ويوجد اوزان مختلفة للاونصة فمنها 50 و 100 واوزان مختلفة ، المهم ان السعر العالمي الذي يقاس عليه هو سعر الاونصة 31 جرام ، كما ذكرت...وطبعا الاونصة هي عيار 24 ، وعندما تشتريها يضاف عليها سعر التأمين وبعض المصاريف الاخرى وهي مكسب البائع...

يعني لو سعر الاونصة عالميا الان 1214 دولار فبالتاكيد حتى تشتريها انت مثلا فستأخذها بحوالى 1220 دولار تقريبا,,

والاونصى هي افضل السبل للادخار لان ليس عليها مصنعية ...ولكن المشكلة لو سعر الذهب انخفض مثلا بعد عدة اشهر واصبحت الاونصة ب 1100 دولار ...فساعتها ستخسر عند بيعا

2- المصدر الثاني لادخار الذهب والذي يلي الاونصات في الاستثمار هو الجنيهات الذهبية وهي لا تفرق كثيرا عن الأونصة ولكنها تتميز بأن منها اوزان خفيفه مما يسهل شراؤها

3- الشيء الثالث هو شراء الذهب المستمل او الكسر ، واعادة بيعه ، وهذه طريقة اعتقد موجود عنها موضوع بالمحاورات به بعض التفاصيل...

إذن مما سبق فإن الاونصة هي الاكثر شيوعا واهمية وطلبا بالنسبة لمن يريد الاستثمار في الذهب ولكن الشاطر من يشتري في اوقات هبوط الذهب...والبيع عند وصول السعر لارقام جديدة...

الان كما قلت سعر الذهب عالميا 1214 دولار للاونصة وغالبا سيصل الى 1300 : 1400 خلال سنة ، وهذا الاحتمال الأكبر ولكن حدود هبوطه خلال العام الحالي لا اظن وصولها الى اقل من 1000 دولار باي حال من الاحوال ..

لكن اللي عاوز يمشي في الموضوع ده لازم يكون على دراية بالتحليل الفني لمؤشرات سعر الذهب وعنده خلفية عن الاخبار اليومية الاقتصادية التي تصدر وتؤثر يوميا على اسعار الذهب والعملات..

ولازم يكون سريع في البيع والشراء..لانه لو اتبع مبدأ الاستثمار طويل الامد يعني سنتين او اكثر ممكن يخسر كثير لو اشترى بسعر يعتبر عالي وبعدين انخفض سعر الذهب في دورة زمنية..قد تاخذ سنوات لذلك البيع والشراء السريع قد يكون أفضل

[engmido]

كمان يابو ريم

قول وافدنا

[Abu Reem]

كمان يابو ريم

قول وافدنا

ياباشا طلباتك اوامر ....

بس ...انت....اسأل على الشيء اللي عاوز تعرفه..وأنا اجواب.....

المهم تكون جاهز ....بالكاش....

[engmido]

لا متخافش وانا هافتح مخى ..

بصراحة انا حابب اشترى جنيهات ذهبية لانها استثمار كويس ..وكمان معليهاش مصنعية

يعنى بيع وشراء بدون مشاكل ( ورقة بوسطة زى ما بيقولو)

تنصجنى بايه علما بان المبلغ اللى معايا مش كبير....وهل من خبرتك الجو اليومين دول مناسب للشراء ولا هينزل ولا هيعلا

وايه افضل الاماكن اللى نشترى منها الجنيهات الذهبية واامنها

وشكرااااااا لك :D

[engmido]

اين انت يابو ريم

[Abu Reem]

لا متخافش وانا هافتح مخى .. :sad:

بصراحة انا حابب اشترى جنيهات ذهبية لانها استثمار كويس ..وكمان معليهاش مصنعية

يعنى بيع وشراء بدون مشاكل ( ورقة بوسطة زى ما بيقولو)

تنصجنى بايه علما بان المبلغ اللى معايا مش كبير....وهل من خبرتك الجو اليومين دول مناسب للشراء ولا هينزل ولا هيعلا

وايه افضل الاماكن اللى نشترى منها الجنيهات الذهبية واامنها

وشكرااااااا لك :blush2:

طبعا منين تشتري ، هذه لابد ان تجتهد وتسأل وتعرف..وطبعا اسأل في محلات الصاغة...وكما قلت لك الأونصة افضل من الجنيهات...لان الطلب عليها بيكون أكثر....ولكن لا بأس في مسألة الجنيهات..ايضا..

بالنسبة للوقت المناسب للشراء ، فالذهب من اشهر قليلة تخطى اعلى سعر وصل لها على مر التاريخ..وبالتالي..يكون من الصعب التنبؤ بدقة عن اهدافه السعرية بعد ذلك..ولكن طالما هناك ازمات اقتصادية سواء في اورويا او امريكا..فلابد للذهب ان يرتفع او يستقر على نفس سعره ، أما في وقت انتهاء الازمات...وزيادة الانتاج وتحقيق ارباح كبيرة من الشركات الكبرى ، وارتفاع بورصات العالم..فعندها الذهب ينخفض سعره...

- الذهي امس كان 1220 ، واليوم هبط الى 1190 ، ويتذبذب بين هذه الارقام الان...والمتوقع من غالبية المحللين ان يصل سعر الاونصة خلال اشهر قليلة الى 1300 الى 1400 ،، وبعدها..يبدأ الانخفاض....

- أما متوسط سعره الذي كان دائما يتحرك حوله كثيرا ويعتبر سعر الشراء المناسب للاستثمار طويل المدى فهو حول سعر من 700 الى 800 دولار للاونصة...وهو السعر الذي قد يصل اليه بعد انتهاء موجة ارتفاع السعر الذي استمرت منذ بداية الازمة الاقتصادية العالمية الاخيرة

وأي خدمة...

[Abu Reem]

نسيت اقول لك أهم حاجة تحتفظ بفاتورة الشراء ، لان من غيرها لن تستيطع بيع الاونصة أو الجنيهات..

[طبيبة بالخارج]

نسيت اقول لك أهم حاجة تحتفظ بفاتورة الشراء ، لان من غيرها لن تستيطع بيع الاونصة أو الجنيهات..

طيب يا أخ ابو ريم سمعت ان في انواع من الجنيهات و توجد شهادات تعطى مع كل نوع و لا هي دي اللي قصدتها بفاتورة الشراء؟