الإستثمار في الذهب

[ذهبية]

الأخت ذهبية ..

أشكر حضرتك جداً يا فندم ع التوضيح .

طيب دلوقتي فيه أنواع كتير من الجنيه الذهب مثلاً الجنية المصري و الجنية الإنجليزي و حسب كلام التاجر بيقول أن الجينه الإنجليزي أفضل لان وزنة 8 جرام بالظبط

مش هو بس اللى وزنة 8 جرام المفروض ان كلة وزنة كدة

الســؤال الأول : هيفرق نوع الجنيه سواء شكل الجنيه مصري أو جنيه إنجليزي ؟ و ايهما أفضل ؟

اة هيفرق لو بتبيع و انهو مكان هتبيع فية لو حضرتك اشتريت الذهب برة مصر و حبيت تبيعة جوة مصر الافضل لا سعودى لا اماراتى اى نوع تانى لا انصحك بية مش اى تاجر هيقبل يشترى منك

السؤال الثاني : هتفرق معايا خامه الذهب إذا كان ذهب هندي أو ذهب سعودي أو غيره ؟ و أيهما أفضل ؟

الافضل الاماراتى و يلية السعودى و دة بالنسبة للتاجر فى مصر دة اللى بيطمنوا لة اى نوع تانى هيكون فية قلق دة لو جنيهات لكن لو سبيكة الامر يختلف

السؤال الثالث : هل فيه جنيهات ذهب عيار 21 و 24 و لا كله بيكون 24 ؟ و إزاي أتأكد من الموضوع دا ؟

لا فية 21 و بيكون مكتوب علية على الختماللى لازم تشوفة بمكبر من بتوعهم و تطلب منة كدة انك تشوف الختم بنفسك لكن السبيكة بيكون مكتوب عليها عيارها ووزنها و دة الاحلى فى شراء السبيكة لان مفيش فيها كلام ابداا لا قلق فى الشراء و لا البيع و تفضل دائما السبيكة عن الجنيه

السؤال الرابع : إجراءات دخولة مصر من المطار سهله و هل هدفع عليه رسوم جمارك ؟ السؤال دا مهم أوي أصل سمعت ان فيه ناس بتقول هيكون اسمه تهريب لو مدفعتش عليه جمرك ..

المووضع دة مش هاقدر افيدك فية لانى عمرى ما اشتريتة من برة بس اعتقد انة عادى يعنى هو حضرتك هتشترى كام بالكيلو دة بيكون بالجرام يعنى

السؤال الخامس : المصنعية عندي في الإمارات هنا 15 درهم ياعني في حدود 25 جنيه كدا معقولة ولا إية ؟

على اية بالضبط السعر دة على الجنيهة ككل و لا الجرام لو على الجرام بس يبقى غالى طبعا يبقى مش استثمار دة فى الحالة دى حضرتك بقى لو اشترتية ب 25 جنبهة على الجرام يبقى تنسى انك تبيع الدهب لمدة لا تقل عن 3سنين علشان تعوض سعر المصنعية و تقدر تقول دة استثمار

السؤال الأخير : هل فيه علاقة بين خبرتك بالذهب و إسم حضرتك ( ذهبية ) :)

ايوة بالضبط

و أخيراً أشكر حضرتك ع التوضيح و تذكرة سيادتك بخصوص الزكاه ، جزاك الله خيراً

لا شكر على واجب

[ذهبية]

الاخت ذهبية

ممكن تقوللنا يعنى ايه ذهب استثمار هل تقصى الذهب المستعمل وهل عندك خبرة فى الشراء من السعودية

لا انا معنديش خبرة فى الذهب فى السعودية فى مصر بس

[ذهبية]

نصيحة لاى حد عايز يستثمر فى الدهب

و هو خارج مصر الافضل السبائك افضلها كتير عن الجنيهات لكذا سبب اولهم انها سهلة فى البيع مش هتلاقى فيها قلق من التجار هنا بالنسبة للجنيهات اللى مش سهل بيعها زى ما انتم وانا كنت متخيلة

السبيكة بيكون مكتوب عليها عيارها وووزنها و دة بيكون ثقة ليك و للتاجر

بعد السبيكة افضل الذهب العادى اللى اى ست بتلبسة بس لا يكون فية فصوص و يكون عيار 21 او 24 دة فى حالة الاستثمار طويل المدى يعنى سنتين تلاتة مش شهور

لانة سهل فى البيع و بيتخطف فى ساعتها بالذات من محلات الدهب المستعمل اللى فاتحين جنب محلات الدهب

لو بتشترى برة مصر يبقى لا سعودى لا اماراتى اى نوع تانى لا لو هتبيع فى مصر لو هتبيع خارج مصر يبقى تبيع من نفس المحل اللى اشتريت منة و يكون معاك فاتورة و تحتفظ بيها

يلية الدهب المستعمل

بس لازم من واحد ثقة قوىى و دة ميزتة مصنعيتة لا تتعدى 3 او 5 جنيهة لو من مصر للجرام الواحد لو القطعة حلوة قوى يبقى 7 جرام

اخر حاجة الجنيهات لو المبلغ ضغير خاصة ان التجار هنا بيشكوا قوى فى الجنيهات و هتسمع اسطوانة من كل التجار اللى هنا ان الجنيهة الدهب انضرب من ساعة من وجية اباظة عملها هدية على عربيتة يعنى اللى يشترى عربية منة ياخد جنيهة هدية

من ساعتها و التجار كلهم بيقولوا ان الجنيهات بتاعة وجية اباظة مضروبة ووزنها مش مضبوط و دهبها مخلوط علشان كدة لو بتبيع فى مصر بلاش الجنيهات المصرية محدش هيرضى ياخدها بسهولة

يارب اكون فيدتك

[الغريب]

نفس الموضوع ده فكرت فيه في الفترة الماضية بشكل قوي

وترجح لي :

بلاش أحسن

كلام تيمور مظبوط 100% ، العقارات أفضل

من أحد مشاكل الدهب في وجهة نظري هو موضوع تخزينه أو الاحتفاظ به لانه لا يتوافر لها الأمان الكافي

وخاصة أنك هتشتري كمية لا تستحق إستئجار صندوق فولازي في بنك مثلا

وياريت أوزو يقولنا تجربته في هذا الخصوص

الذهب مرتفع لأن العملات كلها نازلة ، وممكن الناس بتوع البورصة تأكد الكلام ده

فيه إقبال شديد على شراء الذهب بسبب الخوف من استقرار العملات في الفترة الأخيرة ، والأخبار موجودة في الصحف عن معظم الشعوب أنهم يتجهون لشراء الذهب بسبب إهتزاز الثقة في العملات

أنا شايف العقارات أفضل وأأمن ، أهم حاجة تأمن موضوع النصب في التعاقد على العقارات وتتوكل على الله

تحياتي

[ذهبية]

انا افضل الاتنين العقارات و الدهب دة لا يقلل من اهمية التانى

الميزة اللى موجودة فى الدهب مش فى العقارات انها تحت ايدك يعنى سهل لو احتجت فلوس فى اى وقت تلاقيها

بعكس العقارات اللى فعلا تتعب جدااا لو احتجت لاقدر الله الى فلوس فورية لاى عزر طارق ساعاتها هتخسر جدااا لو بعتها فورا او للحاجة

يبقى العقارات لا تغنى عن الذهب كلاهما استثمار ناجح

ونصيحة لا تضع البيض كلة فى سلة واحدة

[hakeem]

ازيك ياعمده .وحمدلله ع السلامه ونورت المنتدى..

بس ايه ياعم انت موضوع الأستثمار فى الدهب ده bsh:) ..انت ياعم مش اتكلمنا قبل كده فى موضوع الاستثمار ده وانت اقنعتنى ان المستقبل كله فى تجارة السلاح واتفقنا على كده واجرت المخازن وفرشتها ورق جرايد ومستنى منك اول شحنه. :protest: .

عموما ربنا يوفقك ياعمده..وموضوع الاستثمار التانى ده اعتبرة فى السكرته بينى وبينك. :P

كل سنه وانت طيب ياعمده..

[سكر]

سوال بسيط مفيش طريقه نقدر نشترى بيها دهب عن طريق البنك

يعنى يكون بسند زى الاسهم والسندات فىالبورصه

وكدة مشلش هم الوزن والجودة والنوع وحتى التخزين تبقى مسئوليه البنك

كنت قرايت ان ماليزيا عامله حاجة كدة بس من زمان

حد عندة معلومة عن الموضوع دة

[م تيمور المراغي]

سوال بسيط مفيش طريقه نقدر نشترى بيها دهب عن طريق البنك

يعنى يكون بسند زى الاسهم والسندات فىالبورصه

وكدة مشلش هم الوزن والجودة والنوع وحتى التخزين تبقى مسئوليه البنك

كنت قرايت ان ماليزيا عامله حاجة كدة بس من زمان

حد عندة معلومة عن الموضوع دة

عن طريق احد شركات الفوركس

ارشح لك الانتربنك

www.ibfx.com

[عماد حمدي]

السلام عليكم و رحمة الله و بركاته

الاله عليك يا استاذ عماد و انت محسسني انك عم دهب بتاع ميكي جيب...(وش اي حد من عصابة القناع الاسود فاكرهم)

شوف يا استاذي

انا مش ضليعة اوي في اللية دي

بس السبايك و بعديها الجنيهات الدهب و يفضل الجنية الانجليزي اللي عليه حد باين اسمه جورج

دلوقتي طبعا الدهب رافع رفعة جبارة جدا و تقدر تعرف ده لو خطفت رجلك لمدينة زايد بتاعت الدهب هتلاقيها بتنش خالص

اللي اعرفه ان فيه دهب اسمه البحريني....ده جبار الصراحة يعني تحسه مش اصفر ده بينطق جدا...(طبعا ده وصف اهبل اوي...بس انا قولتلك مش بفهم في الموضوع ده خالص)

بالنسبة للنزول في المطار محدش اصلا بيسالك و مش محتاج انك تضيفه علي الباسبور الا اذا مثلا جناب سموك منزل قيمة 10 سبايك....(وش حد بيقر..هع هع هع) و في الحالة دي فانا هرفع عن حضرتك الحرج و هوقلك ادهوملي انا البسهم حلقان و كدهوت و ساعتها محدش راح يفتح بوقه اصلا

ربنا يوفقك

و تابع دايما اسعاد الدهب في الجرنان و فيه بورصة الدهب عندنا في الامارات او زي ما قولتلك اخطف رجلك لسوق الدهب

و متنساشي تتصدق و تطلع الزكاة الخاصة بيهم

مساك...صباحك...بيبرق..:)

الفاضلة ريهام ..

روحت طبعاً مدينة زايد ، بس اللي عرفته من ناس خبرة هنا بالدولة أن فيه أسواق جملة تانية بتبيع الدهب و مصنعيتها رخيصة جداً ..

بصراحة لسة مروحتوش ، و أول ما اروح و أعرف اية النظام هناك هنقل التجربة هنا لإستفادة مقيمي الإمارات ..

ربنا كريم أن شاء الله و الموضوع وصل دلوقتي لإستخارة بعد ما شورت إخواتي هنا ..

اللي فيه الخير يعمله ربنا ،

تحيــــــــــــــــــــــاتي ،،

عماد

[عماد حمدي]

اللي بتقول عليه مدام ذهبية ده ،

بيسموه في مصر ذهب كسر ،

و هوا ده الأوقع بيعا و شراءا

فكرتني بالذي مضي كنت هشتري شروة ذهب كويسة من أربع سنين لما كان أسعاره كويسة نسبيا

بس المدام تقاعست و راحت الفرصة

خيرها في غيرها يا أستاذ أحمد تتعوض في فرصة تانية إن شاء الله ، و ربنا يرزقك

تحيـاتي ،،

[عماد حمدي]

من أحد مشاكل الدهب في وجهة نظري هو موضوع تخزينه أو الاحتفاظ به لانه لا يتوافر لها الأمان الكافي

وخاصة أنك هتشتري كمية لا تستحق إستئجار صندوق فولازي في بنك مثلا

وياريت أوزو يقولنا تجربته في هذا الخصوص

مسيو غريب ..

نقطة التخزين دي فكـّرت فيها بردة و بالنسبة ليا سهلة لأن حالياً أنا قاعد لواحدي مش شيرنج و سهل أن يتركن في مكان أمين ..

أشكرك علي لفت نظرنا للنقطة دي ، لإستفادة الأعضاء .. و منتظرين تجربتك يا عم أوزوز ..

تحيــاتي ،،

[عماد حمدي]

ازيك ياعمده .وحمدلله ع السلامه ونورت المنتدى..

بس ايه ياعم انت موضوع الأستثمار فى الدهب ده bsh:) ..انت ياعم مش اتكلمنا قبل كده فى موضوع الاستثمار ده وانت اقنعتنى ان المستقبل كله فى تجارة السلاح واتفقنا على كده واجرت المخازن وفرشتها ورق جرايد ومستنى منك اول شحنه. :protest: .

عموما ربنا يوفقك ياعمده..وموضوع الاستثمار التانى ده اعتبرة فى السكرته بينى وبينك. :P

كل سنه وانت طيب ياعمده..

سلااااااااااااح !!

يا خبر أبيض أنته هترحلني كدة يا سمسم و الله bsh:) ، ياعم مش قولنا الموضوع دا سر ...

عاماً الأربيجهات وصلت و الدبابات في الطريق ، بندور علي مخزن جديد بس للصفقة اللي جاية في الطريق smk:

-----------------------

ربنا يكرمك يا سمسم يارب ..

[egyptawy]

gطيبياجماعة هل الوقت ده مناسب للشراء لانى فيه ناس بتقولى الذهب وصل لاقصى حالاته وهيرجع تانى لسعر 700 دولار للاوقية

هل الكلام ده صح وتنصحونا بايه

[ozoozo]

نصيحة لاى حد عايز يستثمر فى الدهب

و هو خارج مصر الافضل السبائك افضلها كتير عن الجنيهات لكذا سبب اولهم انها سهلة فى البيع مش هتلاقى فيها قلق من التجار هنا بالنسبة للجنيهات اللى مش سهل بيعها زى ما انتم وانا كنت متخيلة

السبيكة بيكون مكتوب عليها عيارها وووزنها و دة بيكون ثقة ليك و للتاجر

بعد السبيكة افضل الذهب العادى اللى اى ست بتلبسة بس لا يكون فية فصوص و يكون عيار 21 او 24 دة فى حالة الاستثمار طويل المدى يعنى سنتين تلاتة مش شهور

لانة سهل فى البيع و بيتخطف فى ساعتها بالذات من محلات الدهب المستعمل اللى فاتحين جنب محلات الدهب

لو بتشترى برة مصر يبقى لا سعودى لا اماراتى اى نوع تانى لا لو هتبيع فى مصر لو هتبيع خارج مصر يبقى تبيع من نفس المحل اللى اشتريت منة و يكون معاك فاتورة و تحتفظ بيها

يلية الدهب المستعمل

بس لازم من واحد ثقة قوىى و دة ميزتة مصنعيتة لا تتعدى 3 او 5 جنيهة لو من مصر للجرام الواحد لو القطعة حلوة قوى يبقى 7 جرام

اخر حاجة الجنيهات لو المبلغ ضغير خاصة ان التجار هنا بيشكوا قوى فى الجنيهات و هتسمع اسطوانة من كل التجار اللى هنا ان الجنيهة الدهب انضرب من ساعة من وجية اباظة عملها هدية على عربيتة يعنى اللى يشترى عربية منة ياخد جنيهة هدية

من ساعتها و التجار كلهم بيقولوا ان الجنيهات بتاعة وجية اباظة مضروبة ووزنها مش مضبوط و دهبها مخلوط علشان كدة لو بتبيع فى مصر بلاش الجنيهات المصرية محدش هيرضى ياخدها بسهولة

يارب اكون فيدتك

طيب سؤال يامدام ذهبيه

السبايك بتكون عيار 24 وفي مصر بيشتروا ال24 علي انه 21

هل الكلام ده صحيح ؟

[Abu Reem]

نصيحة لاى حد عايز يستثمر فى الدهب

و هو خارج مصر الافضل السبائك افضلها كتير عن الجنيهات لكذا سبب اولهم انها سهلة فى البيع مش هتلاقى فيها قلق من التجار هنا بالنسبة للجنيهات اللى مش سهل بيعها زى ما انتم وانا كنت متخيلة

السبيكة بيكون مكتوب عليها عيارها وووزنها و دة بيكون ثقة ليك و للتاجر

بعد السبيكة افضل الذهب العادى اللى اى ست بتلبسة بس لا يكون فية فصوص و يكون عيار 21 او 24 دة فى حالة الاستثمار طويل المدى يعنى سنتين تلاتة مش شهور

لانة سهل فى البيع و بيتخطف فى ساعتها بالذات من محلات الدهب المستعمل اللى فاتحين جنب محلات الدهب

لو بتشترى برة مصر يبقى لا سعودى لا اماراتى اى نوع تانى لا لو هتبيع فى مصر لو هتبيع خارج مصر يبقى تبيع من نفس المحل اللى اشتريت منة و يكون معاك فاتورة و تحتفظ بيها

يلية الدهب المستعمل

بس لازم من واحد ثقة قوىى و دة ميزتة مصنعيتة لا تتعدى 3 او 5 جنيهة لو من مصر للجرام الواحد لو القطعة حلوة قوى يبقى 7 جرام

اخر حاجة الجنيهات لو المبلغ ضغير خاصة ان التجار هنا بيشكوا قوى فى الجنيهات و هتسمع اسطوانة من كل التجار اللى هنا ان الجنيهة الدهب انضرب من ساعة من وجية اباظة عملها هدية على عربيتة يعنى اللى يشترى عربية منة ياخد جنيهة هدية

من ساعتها و التجار كلهم بيقولوا ان الجنيهات بتاعة وجية اباظة مضروبة ووزنها مش مضبوط و دهبها مخلوط علشان كدة لو بتبيع فى مصر بلاش الجنيهات المصرية محدش هيرضى ياخدها بسهولة

يارب اكون فيدتك

طيب سؤال يامدام ذهبيه

السبايك بتكون عيار 24 وفي مصر بيشتروا ال24 علي انه 21

هل الكلام ده صحيح ؟

السبائك هي عيار 24 ، وطبعا بتكون سبائك مصنعة في الخارج ومفيش حاجة اسمها يشتروها على انها 21

وخد بالك الناس في الموضوع ده لسه عماله تسأل والذهب النهاردة يحقق رقم قياسي جديد ووصل الى 1825 دولار للاونصة

بعد ما كان في اول الموضوع 1765 دولار ، يعني من ساعة ما الموضوع انفتح والذهب ارتفع تقريب 50 دولار للاونصة خلال 3 ايام

ولسه هيوصل الى 2000 دولار لان انهيارات البورصة الامريكية شغالة وطبعا الملاذ الامن عند الازمات هو الذهب

- ملحوظة الاونصة تساوي 31.1 جرام عيار 24

تم تعديل 18 أغسطس 2011 بواسطة Abu Reem

[عماد حمدي]

لرفع الموضوع للأهمية ..

تحيـــــــــــاتي ،،

عماد

[egyptawy]

ياجماعة ايه الا بيحصل فى السوق ده

الدهب النهاردة ب 308 جنيه للجرام

هل نشترى الان ولا فيه امل الدهب ينزل

[عماد حمدي]

طول ما الدولار سعره بينزل الدهب بيغلي

و طول ما النفط سعره بيعلي الدهب بيغلي

تم تعديل 19 أغسطس 2011 بواسطة omda2006

[م تيمور المراغي]

اللي حيدخل دلوقتي حيتعلق من معاميعو

اللهم قد بلغت ,,

طول ما الدولار سعره بينزل الدهب بيغلي

و طول ما النفط سعره بيعلي الدهب بيغلي

واضيف الاسترالي لما الدهب بيعلى هو كمان بيعلى

والكندي لما النفط بيعلى هو كمان بيعلى

تحيتي ,,

[hakeem]

طول ما الدولار سعره بينزل الدهب بيغلي

و طول ما النفط سعره بيعلي الدهب بيغلي

اشتغل ع الدولار..بس مش عارف ايه الآلية ياعمده..

بس عارف ياعماد من كلام الناس هنا فعلا افضل حاجه الاستثمار العقارى..حافظ قيمته..فكرلك فى حاجه تبعه..وبعدين انت فاهم فيه كويس .عن قصه الدهب والسلاح اللى هتورطنا فيه ده :P smk: