مشروع من الشباب لحل قضيايا الشباب

[sameh said]

بسم الله الرحمن الرحيم

اننا فى مصر عندنا الشباب والارض والمياه العذبة وعندنا المعادن ولكن عندنا تكدس سكانى وبطالة وعدم توفر الغذاء

والمشكلة دى فى اننا كشباب تتجه انظارنا الى الوظيفة وليس العمل الحر ومن يختار العمل الحر لا يسعى الى الاتحاد مع غيره حتى يقوى به ولكن الى التنافس

وفكرة المشروع اللى عندى هى تكوين شركة مساهمة من عدد كبير من الشباب يكون كبير وكل شاب يدفع قيمة سهم واحد

وتكون قيمة السهم تبدا من 30 الف جنيه او اعلى حسب اتفاق الجميع وعدد الاعضاء لا تقل عن الف شاب وبالتالى يكون لدينا راس مال كبير وهو 30 مليون جنيه او اعلى حسب عدد الشباب او قيمة السهم المتفق عليها

ايداع راس المال فى عده بنوك ومن ارباح هذا المبلغ يتم انشاء المشاريع

اهمها هو استصلاح الاراضى بحيث يكون لكل شاب 10 افدنة وانشاء بعض المشاريع الاخرى القائمه على الزراعة من تربية النحل والدواجن والابقار وانتاج غار الميثان والاسمدة والحرير

ثانيا انشاء مجمع صناعى يعتمد على نظام الورش بحيث ينتج اكثر من منتج فيه مثل صناعة الملابس الجاهزة والورق وانشاء مطابع وبعض الصناعات الخفيفة ثم التدرج الى الصناعات الاكثر تعقيدا

بالنسبة الى الاعضاء هم العاملين فى المشروع مما يوفر فرص عمل لهم وتوزع الارباح كل عام

راس المال فى امان لان المال المتداول يكون من الارباح

امكانية التطوير والتحديث وانشاء مجالات اخرى بصفة سريعة لوجود ارباح من البنوك

تقسيم الشباب الى مجموعات وكل مجموعة تتولى العمل فى المجالين الزراعى والصناعى حسب ميول كل شاب وخبراته السابقة

ولو كل واحد مننا فكر هيلاقى ان فى الاتحاد مع بعض افضل بكثير من العمل بمفرده ولو حتى فكر انه يسافر اوربا هيدفع مبلغ محترم ويعالم هينجح فى السفر هناك او لا

وافضل من انه يدفع برضه مبلغ متحرم علشان يشتغل فى وظيفة محترمة

وانا فى انتظار اراءكم واقتراحاتكم واتمنى عدم التهكم والضحك من الفكرة فهى فكرة مقتبسة من بنك مصر اللى اسسه طلعت حرب وبنفكر اننا نكررها تانى اما هم كانوا عظماء ونحن لا او كانوا رجال ونحن !!!!!!!!!

[Mohamed Fayek]

الأخ الفاضل / سامح

حقيقى مشروع عظيم ومبلغ بسيط وهايييييييف... لكن أسأل سعادتك سؤال أنت توجه رسالتلك للشباب وتقصد طبعا شباب الخريجين فهل تعتقد أنه يوجد فى مصر حاليا شباب يملكون هذا المبلغ ونفترض أن الإجابة بنعم فما هى المده الزمنية لجمع هذا المبلغ ولكن السؤال لو كنت تملك هذا المبلغ فهل تقدم على هذه الخطوة .....ياأخى الفاضل الشرفاء الذين يملكون هذا المبلغ ليسوا شبابا وقليلون ثم أن من يفكر فى إيداع مثل هذا المبلغ فى هذا المشروع العظيم أعتقد أن رأس ماله يجب أن يكون أكثر من السبعون ألفا وعمره حين إذ سيكون فوق الثمانون .....

[شاب مصري]

مشروع جامد جدا

وقابل للتنفيذ.

[ssmaly]

الفكرة رائعه

و لكنهل من الممكن احداث بعض التعديل؟

مثل

1-تكون من المشاركة من الشباب و من غير الشباب

2-ان يكون المبلغ اقل من 30 الف يعنى مثلا 10 الاف(مبلغ ممكن نجرب به) وان يزيد عدد المشاركين

3-ان تودع المبالغ والاسهم كوديعة لمدة لا تقل عن خمسة سنين(واذا فشل المشروع او حدث فيه اى شىء يسترجع لصاحبه بعد 5 سنوات)

المشكلة التى تتطلب تفكير جاد هى الاداراة

اذا كانت هناك ادارة جيدة وثقة انا عندى استعداد للمشاركة

[sameh said]

بالنسبة لكلام محمد دلوقتى الشباب اللى اقصدة هو اى واحد يستطيع انه يشارك وعنده الاستعداد سواء كان لسة مخلص دراسته او لسة او مخلص دراستة من سنين , المشكلة معاك يا محمد فى المبلغ ومع ssmaly المبلغ تقليلة صعب لأن الارباح من البنوك سواء كانت ودائع او شئ اخر فهو فى حدود 10% وده يعنى ان 10000جنيه كل سنة يجيب 1000جنيه

اقل تقديرى ممكن يكون 25 الف او 20 الف ده اقل حاجة

بس المشكلة فى العدد وساعتها نقدر نعمل دراسة جدى للمبلغ ونقرر زيادته او تقليله

وعلى فكرة رايك صح يا ssmaly بعمل ودائع وان فى حالة فشل التجربة كل واحد ياخد فلوسة وارباحها لكن بعد اخذ راى الناس

بالنسبة للإدارة يتم تقسم الافراد الى مجموعات كل مجموعة تختار لها ريئس يا اما يكون اكبر سن او اعلى درجة علمية او اكثر خبرة أو بالانتخاب\

وهؤلاء هم اللى يديروا المشروع

اما بالنسبة للقرارات المهمة فيكون باستفتاء الاعضاء

وياريت نحاول نفكر فى حلول للمشاكل المتوفعه وكل واحد شايف مشكلة يجيب لها حل ويطرحها

وياريت ندعوا اللى نعرفه لهذه الفكرة وبكده عددنا يكبر ونسمع الناس صوتنا

[newcomer]

من كام يوم كنت بافكر زى حضرتك

فى فكرة تجمع المصريين

و مشروع يحمى سيناء

و يستصلح الساحل الشمالى( بعد ما ينجح مشروع "شيلوا الغامكم ")

الله ينور ...و الله!!!

بس ... خليما نفكر انها تكون شركة مساهمة

و يطرح السهم مثلا ب 100 جنية

و اللى عنده عدد معين من الاسهم( و ليكن 3 الاف )

يكون ليه حق التصويت على القرارات

بيتهيأ لى ...كده اكبر عدد من المصريين هايشارك و هايحس انه ليه يد فى التعمير

و ممكن الصحف ( قومية و لا معارضة ) تعمل اعلانات مجانية عن خطوات المشروع

علشان يبقى كل الناس عارفة ازاى تشارك و ايه اللى بيحصل

فىه ناس محترمين ( نحسبهم كذلك و لا نزكى على الله احد )

عندهم مشروعات محترمة فى مصر

و ممكن توجهه المشروع ..... كخبرة فى مجال الادارة

و لازم يبقى واضح .... ان اى اموال غير مصرية 100% لا تقبل

ملحوظة اخيرة.... ماينفعش نعمل مشروع كويس بايد مرتعشة

يعنى نحط الفلوس و البنك يضمنها و اللى مايعجبوش ياخد فلوسه بالارباح ؟؟؟!!!

اشمعنى الناس حطت فلوسها فى البورصة بقلب جامد ؟؟

اشمعنى الناس لمت فلوس للشباب علشان يرموا نفسهم فى البحر.....برضه بقلب جامد ؟؟؟

الحالة هنا غير..... داحنا عايزين نأكل نفسنا

و نشغل نفسنا .....و نكسى نفسنا

يعنى النية ....زى الفل

مشروع حلو حلو حلو.....

ربنا يبارك فيك

يا ريت .... نعرف ازاى اول خطوة......توكلنا على الله

[ssmaly]

الموضوع عاوز تفكير مننا وبمساعدة كل واحد فى التخصص المناسب

اعتقد لازم يقسم الموضوع الى

1-تأسيس شركة مساهمة (محتاجيين واحد يقول ويساعد فى اجراءات الانشاء)

2-الدعوة لانشاء مشروع وطنى بتمويل من المصريين العاديين وليس كبار رجال الاعمال

3-الاعلان عن المشاريع المزمع انشاءها التى تهدف الى المصلحة العامية والوطنية اولا والربح ثانيا

4-الادارة الامينة ذات الخبرة

1-الاجراءات ونوع الشركة المانسب لهذا المشروع هل يوجد احد ممكن يساعد فى هذا الموضوع او يسأل متخصصييين

2-الدعوه تكون موجهةللشعب العاديين وليس لرجال الاعمال للمساهمة بمبلغ 100 جيبه للسهم (زى اقترح القمر الجديد)وبحد اقصى 1000 سهم للشخص

وتكون الاسهم موضوعة فى بنوك وطنية فى حساب وديعة غير قابلة للصرف قبل 5 سنوات ( الى راس المال مضون وغير قابل للخسارة و الضياع )

3-انتقاءالمشاريع الاهم والأكثر فائدة للشعب والبلد

ان تكون توفر وظائف للخريجن و العاطليين عن العمل

ان تكون فيها التصنيع المفيد مش مصانع بيبسى وشيبى ومواد تجميل

ان تكون زراعة مفيدة لها استرتجية مش زراعة الورود و الكنتلوب (لغاية ماصبح سعر الخضروات اغلى من الفاكهة) يعنى زراعة قمح واساسيات الغذاء

4-الأدارة هى دى مشكلة واهم عنصر كيف تدير مشروع مع وجود خطط ومين اللى له الحق فى المحاسة والثقة فى انها تسير وفق للخطط المعلنة وبنجاح

[sherifhfm]

والله كنت بفكر فى الفكرة دى من زمان بس مش نظام اسهم نظام اشتراك شهر مثلا 10 جنيه شهريا للفرد وتتنوع مشاريع هذه الشركة مع مراعاة الاتى :

1 - ان تكون كل خدمات الشركة بنظام الاقتراع يعنى مثلا لو الشركة حتقدم قروض انشاء مشاريع يتم الاختيار المستفيدين بالقرعة وبافضلية اقدم المشتركين الذين لم يحصلوا على خدمات من الشركة من قبل .

2 - تتنوع خدمات الشركة من قروض للمشروعات استصلاح اراضى مجمعات استهلاكيه باسعار الجملة انشاء مدارس ومستوصفات وغيرها مما تحتاجه البلد والفقراء وبعيد عن الحكومة خالص

3 - ان تكون الاستفاده متبادله مع المنتفعين - يعنى مثلا لو انا اخذت قرض علشان اعمل شركة لازم يكون كل الموظفين فى الشركة من اصلا المشتركين فى المشروع

معلش ممكن تكون فكرة عبيطه او خياليه بس يمكن تكون الطريقة الوحيدة للحل لن نبعد عن الحكومة خالص ونعتبرها مش موجوده

[sameh said]

السلام عليكم

ياريت نحاول نتكلم مع بعض بخصوص الفكرة دى وياريت نتقابل ونتشارك فى الراى ونتكلم لحد ما نوصل لأفضل حل علشان نكون اقوى لأن كل واحد فينا ضعيف بمفرده

أنا اميلى sameh_1141980@yahoo.com

موبيل 0128104544

واذا امكن نتقابل ونتكلم صدقونى هنوصل لحل صح لأن تفكير اتنين أفضل من تفكير واحد

وتفكير 3 أفضل من تفكير 2

[fallitas]

من المنطلق فكرة الموضوع جيدة و أنا عن رأيي أييدك لكن هل حسبتها من حيث الفوائد و الأرباح طيب بسيطة لكن رأس المال لا يكفي و يجب أن تمتلك نفود واسع

[sameh said]

حسبتها وممكن تعرف ان الارباح فى حدود 9 % فى السنة يعنى كل الف جنيه 90 جنيه

احسبها كل عشرة ألاف عليه 900 جنيه فى السنة

مثلا لو احنا 1000 شاب × 10000 جنيه = 10 مليون جنيه

ارباحم فى السنة هيكونوا 900 الف جنيه

يعنى نقدر نعمل عده مشاريع وكل ما قيمة السهم يزيد كل ما يدينا فرصة أكبر

يعنى المبلغ 30 الف اللى انا بقترحه دة علشان المشروع يقوم على رجليه فى ظرف سنتين لكن لو قل الفترة تكبر أو نقلل المساحة لكل شاب من 10 افدن إلى 5 أفدنة

تانى حاجة النفوذ الواسع

ممكن يجى زى ما قال newcomer

و ممكن الصحف ( قومية و لا معارضة ) تعمل اعلانات مجانية عن خطوات المشروع

يعنى من خلال الدعم الاعلامى للمشروع وساعتها انت بتتكلم بصفة شركة مش بصفة فرد يعنى الشركة تقوى بيك وانت بتقوى بالشركة

[newcomer]

ممكن يجى زى ما قال newcomer

و ممكن الصحف ( قومية و لا معارضة ) تعمل اعلانات مجانية عن خطوات المشروع

يعنى من خلال الدعم الاعلامى للمشروع وساعتها انت بتتكلم بصفة شركة مش بصفة فرد يعنى الشركة تقوى بيك وانت بتقوى بالشركة

قالت

متابعه حضرتك فى المشروع.........و بادعى ان ربنا يبارك فيه و فى حضرتك

hpc:!: