استفسار مهم جدا من قاطنى السعودية

[nilesmile]

السلام عليكم يا رجالة مصر يا اجدع ناس و الله

ما خاب من استشار و الله يا جماعة افيدونى

لقيت فيزا حرة فى احد مكاتب السفريات فيزا مهندس حاسب الى ب 000 22 جنيه و مكانها فى الرياض

ان شاء الله

اولا انا كونت شغال فى السعودية فى الرياض من 2006 حتى 2008 بفيزا مدرس حاسب الى

و جيب فى رمضان خروج نهائى انهيت عقدى و غيرت الباسبور بس المهنة زى ما هيا زى الباسبور القديم بكالوريوس زى ما هيا .

ملحوظة

الشغل اللى انا كنت فيه فى السعودية سيبته عادى خروج نهائى مع انى سمعت من الناس ان اصحاب الشغل اللى كنت فيه بيمنعوا الناس الخروج نهائى من دخول السعودية لمدة سنتين ممانعة يعنى

و الفيزا اللى انا وجدتها الجديدة دى مهندس حاسب الى و هى و الله كويسة اوى بالنسبة ليا

فما هى اراء الناس الخبرة ؟؟؟ يا اهل الخبرة افيدونى لا تبخلوا بالرد عليا فى دقيقتين جزاكم الله كل خير ؟؟؟

هل الفيزا سعرها مناسب و لا ايه ؟

ثانى حاجة لما اجى ادخل الرياض مرة تانية على فيزا مختلفة عن السابقة و باسبور جديد ده اوكى و لا فيه حاجة تانية انا محتاج اعملها ؟؟؟ مع العلم انى بصمت السنه دى مع كل الناس اللى بصموا فى الشغل القديم

[Alrefaey]

وعليكم السلام ورحمة الله

اهلا يابشمهندس

هجاوب حضرتك فى حدود علمى على بعض النقاط

بالنسبة للخروج النهائى فطالما انك غيرت جواز سفرك فلا تقلق من موضوع البصمة لأن البصمة حاجة امنيه اذا كان عليك قضايا او خلافه

بمعنى انك وانت داخل فى المطار عادى هتبصم والظابط هيعرف انك كنت موجود وخرجت نهائى وهيقولك اتفضل مفيش مشكلة

لكن اتأكد من موضوع ان شهادة المؤهل بتختلف عن المهنه فى الجواز ( هل هناك مشكله بالنسبة للسفارة ام لا ) عندك فى مصر ممكن تحتاج خطاب من الكفيل للقنصليه السعوديه انه عارف انهم مختلفين ومع ذالك يبغاك ، او انك تستخرج بطاقة رقم قومى بنفس المهنة المطلوبة وده افضل

بالنسبة لسعر الفيزا انا شايف انها رخيصة بس اهم شىء تكون مظبط شغل ليك هنا

[se_ Elsyed]

اي مهنة فيها كلمة " مهندس " يبقى لازم يكون خريج كلية هندسة ولما الواحد يعمل ما يُعمل مش ممكن تقبل القنصلية بغير ذلك .. ونحن نعاني الامرين من هذه المهنة بالذات لدرجة انهم لا يقبلون مثلاً خريج كلية العلوم قسم حاسب آلي او واحد مكتوب في باسبوره مهندس الكترونيات او اتصالات مثلاً

إلا لو كان عندك مكتب في مصر يخلص لك التأشيرة بس يكون مجرم ويقدر يمشيها لك ...

بالنسبة لموضوع البصمة فلقد افاض الاستاذ رفاعي في التوضيح

[nilesmile]

شكرا و الله يبارك فيكم و يجيازيكم الف خير

بس ليا سؤال اخير لو كفيلى القديم عملى ممانعة سنتين ده الكلام اللى بيقولوه عندنا فى الشغل

فهل عند دخولى المطار هل لازم اوريهم خطاب باخلاء طرف مع كفيلى القديم مع العلم انى لم اخذ اى اخلاء طرف منه؟

الرجاء التكرم منكم بالرد عليا فى هذا الامر الاخير ؟

و جزاكم الله كل خير آمين

[se_ Elsyed]

شكرا و الله يبارك فيكم و يجيازيكم الف خير

بس ليا سؤال اخير لو كفيلى القديم عملى ممانعة سنتين ده الكلام اللى بيقولوه عندنا فى الشغل

فهل عند دخولى المطار هل لازم اوريهم خطاب باخلاء طرف مع كفيلى القديم مع العلم انى لم اخذ اى اخلاء طرف منه؟

الرجاء التكرم منكم بالرد عليا فى هذا الامر الاخير ؟

و جزاكم الله كل خير آمين

مافيش حاجه اسمها كفيل يعمل ممانعة ... الا لو كان عليك قضية جنائية او بيتهمك بحاجه