ياريت حد يفيدنى فى موضوعى بس ياريت تكون افاده صحيحه واكيده

[شاب مصراوى]

انا بشتغل بالسعوديه وراتبى ضعيف وانا للحين ما بصمت ولا اى شىء سؤالى بيقول لو اخدت اجازه ونزلت وكسرة الاجازه وغيرت الجواز وجيت على فيزا جديده فيها مشكله ولا لا وده افضل ولا اخد خروج نهائى واغير الجواز وارجع على الفيزا التانيه مع العلم ان كفيلى شيعه ويكره الخير لينا وما بيعطينى جواب مخالصه او اخلاء طرف ارجو الافاده يا اخوانى

[Alrefaey]

الافضل انك تعمل خروج نهائى بس ده لو الكفيل مش هيعملك مشاكل وهيسيبك تنزل

ام لو فيها مشاكل يبقا خلاص انزل خروج وعودة وغير وارجع طالما انك لم تبصم بس اوعى كفيلك يعرف انك رجعت

ملحوظه مكنش لازم ذكر مذهب كفيلك اكيد مش كل الشيعه وحشين ولو انى ما صادفنى ان تعاملت معهم ولكى لا تعرض موضوعك للاغلاق من قبل المشرفين

[se_ Elsyed]

يا سبحان الله !!!!!!!

مش الشيعي ده هو نفسه اللي انت عايز تغير مهنتك من عامل نظافة لمهندس زراعي عشان عنده مزرعة وتشتغل فيها ؟

ده حسب كلامك في الموضوع اللي كتبته بعد .. خلي بالك .. بعد .. ما ذكرت انه شيعي وشيطان رجيم ولا يحب الخير لأحد ؟

موضوع تغيير المهنة بتاعك اهو اللي بيدل انك متمسك بالعمل معه

إضغط هنا

اخي الكريم ... الله اعلم بالظروف اللي خلتك تقبل موضوع عامل النظافة ده ...

لكن لتكُن تصرفاتنا حضارية واحترافية وبعيده عن التعصب ...

ولو فرضنا جت لك فرصة عمل في اوروبا مثلاً ؟

طب ما كلهم مسيحيين ويهود ... فهل هايبقى معيارك لتقييم العمل حسب المذهب والمله ؟

ممكن اجابتك تكون : نعم

طب ما هو هايعطي الحق لنفسه ليفعل ذلك ويقول .. اخييييييه ده مُسلم .. وسُني كمان .... لأ يا عم ده ما بيحبش الخير لأحد ...

وبعدين الحل معروف .... take it or leave it

ولقيته شيعي وفيه عبر الدنيا .. يبقى خلاص سيبه من سكات ولا داعي للتقطيع ومحاولة الصاق ما فعلته انت بنفسك من قبولك لتلك المهنة الللي اسمح لي قوي .. عيب عيب عيب .. مهندس وخريج كلية الهندسة يقبلها ... وبعد ده كله تعلق ما حدث على مذهب واعتقاد صاحب العمل ... اللي المفروض احنا نسمع منه برضوا ونشوف طريقة معاملته عشان نشوف بيحب الخير لحد ولا لأ .

وبرضوا لا اجد تبرير لطلبك بتغيير المهنة للعمل عند الشيعي الوحش ده ؟

الا اذا كان القط ما بيحبش الا خناقه ا

[شاب مصراوى]

الف شكر اخى Alrefaey على المعلومات المفيده دى وتسلم وجزاك الله كل خير وبالنسبه للملوحظه بتاعت سياتك معلش اول مره اكتب فى منتدى فلسه بنتعلم الف سلامه

تم تعديل 23 ديسمبر 2008 بواسطة se_ Elsyed

[شاب مصراوى]

بســـــــــــم اللــــه الرحـــمن الرحــيم

اخى العزيز سى السيد

اولا لا مش هوه الشيعى الى عاوز اغير المهنه عليه ولا عندو مزرعه لا ده كفيلى الجديد او المهنه الى هشتريها وانزل وارجع عليها وانا مش متمسك بالعمل معاه ولا حاجه لانى هشترى فيزا وبمبغ كبير عشان اخلص من الوضع الى انا فيه ده وعلى فكره انا اخترت المهنه دى من بين مهن تانيه لان فيها تغير مهنه ونقل كفاله فالمهنه دى حلقه توصلنى لمرحله تانيه رد على اول كلام ليك.

ثانيا انا مش بشتغل عامل نظافه ولا حاجه وانت راجل قديم يعنى فاهم ان المهنه هنا لا تعنى شىء وانا الحمد لله شغال استقبال (رسبشن) فى احد الفنادق التابعه له يعنى مش ماشى بلم بلديه ولا بنضف فى الشوارع اوك بالعكس انا جالس طول اليوم بس انا لسه شاب وعاوز اشتغل فى شغل فيه حركه وبالتالى فيه مقابل ده ردى على كلامك فى النقطه التانيه

ثالثا ان حصل حجات كتير جدا منها اقل حاجه عاوز اعمل رخصه سياره واناشغلى فى الجنوب وفى المرور مطلوب جواب من الكفيل روحت اطلب منه الجواب قال لى انا ما اريدك تطلع رخصه انا ادرى انك عاوز الرخصه عشان توصل مدرسات ساكنه عندك بالفندق وتاخذ منهم راتب شهرى اهو ده كفيلى مع ان لو ده هيحصل انا الحمد لله ما بقصر معاه فى دوام بالعكس باعطيه بزياده ومحدش بيشتغل يوم العيد ومحدش بيشتغل يوم الجمعه فى المملكه بدون زياده او احتساب وقت اضافى الا انا واخوانى الموجودين معايا يعنى(الى ايده فى الميه مش زى الى ايدو فى النار )

رابعا وده الاهم انا بسالك وعاوز استفسر منك دخلت انت فى موضوع تانى وحوارات تانيه خالص وللاسف انا ما استفدت منك حاجه نهائى مع انك كتبت مانشيط طويل عريض عشان ايه ده كله انا ما ادرى يا سى السيد لو عاوزنى معتش اكتب تانى بالمنتدى او انا ما عندى مشكله بس الرد يبقا على الموضوع مش تدخلنى فى متاهات والاخ الكريم الى قبلك جاوب عليا فى كلمتين وبس على العموم شكرا وما قصرت وجزاك الله الف خير

السلام عليكم ورحمة الله وبركاته

تم تعديل 23 ديسمبر 2008 بواسطة se_ Elsyed

[essamalshaaer]

عزيزي شاب مصراوي .....تحياتي ليك

هدي نفسك شوية ..... يمكن الأخ سي السيد ما يقصدش بس .....المهم

الموضوع ان القرار يرجع ليك وفعلا على رأي الأخ Alrefaey انك تنزل نهائي أفضل ليك

أحسن من أنك تاخد خروج وعودة وتكسر التأشيرة لأن ممكن يصدف وتتقابل لا قدر الله مع كفيلك

وصدقني بالنسبة لنوع المهنة أو طبيعة الشغل كلنا هنا شغالين ولا تفرق أكثر من أنها غرب عن بلدنا وأهلنا

وربنا يوفقك في شغلك بإذن الله.

[se_ Elsyed]

يا عم بالراحة شوية هي مش خناقة ...

هو مين اللي قال انه شيعي ومش عارف ايه .. مش انت ؟

فهل كنت عايز نعدي كلام زي ده بالساهل ونجاوبك على استفساراتك ؟

فاذا كنت عايز رد في الموضوع .. يبقى انت شخصياً خليك في الموضوع ولا تذكر المذاهب ولا العقائد في موضوع عمل بحت

[شاب مصراوى]

عزيزى essamalshaaer الف الف شكر على اهتمامك بموضوعى

وبالنسبه لرد سى سيد لا ماهى خناقه ولا شىء مشكور ربنا يهدينا جميعا

تم تعديل 23 ديسمبر 2008 بواسطة شاب مصراوى