قولنا اغرب ما صادفك .. فى غربتك او حتى فى داخل وطنك

[achnaton]

ما سوف أرويه لكم الآن ليس فيه من الخيال ذرة .. ولا من الحبكة القصصية شعرة .. ولكنها واقعة عشت أجداثها ومازلت .. ولله فى خلقه شئون .. وسبحان علام الغيوب ..

عندما حل الخالق الحكيم عقدة من لسانى .. وفهم الألمان قولى .. نذرت نفسى لإلقاء محاضرات عن مصرنا الحبيبة منذ منتصف الثمانيات وكان إعداد المحاضرة يتطلب الكثير من الإطلاع والقراءة .. وبعد أعوام إشتركت فى رحلة الى مصر نظمتها احدى الجمعيات .. وكان إسمها " اصدقاء مصر الألمان " وللأسف أنهت منذ ثلاثة اعوام نشاطها .. كانو مجموعة كبيرة يرأسها أحد الأصدقاء المقربين لى .. ويومها جاب عيلته كلها معاه .. والدية وجدته واخوه وزوجته .. ولاحظت الغم والهم على الأخ وزوجته .. وفى بعض الأحيان يميل على الوالد ليحكى لى قصة ابنه الأصغر الذى يحب زوجته جدا .. وله أكثر ست سنوات يتمنى ولدا ولكن الأطباء أجمعوا أن زوجته ضعيفة ولن تنجب .. ولذلك عشق الرحلات بصرف فيها مدخراته .. ويتمتع وزوجته بمباهج السفر ..

وفى الأقصر .. أخذنا جوله فى الأسواق .. وكنت مترجما لهذه الأسرة الكبيرة .. نظرا للصداقة التى تربطنى بالأبن الأكبر .. وسرعان ما أمتدت الى كل الأسرة .. وأمام احد المحلات وقف الأخ وزوجته يتأملون تمثالا كبيرا لرمسيس الثانى من الجبس بلغ طوله أكثر من 80 سم .. وذابوا فيه حبا .. ولم يتحركوا من أمامه الا بعد أن اشتروه .. وحمله الأخ على ذراعه وكأنه طفل كبير .. وذهبنا الى الفندق .. وهناك خصص له كرسيا على مائدة الأكل بينه وبين زوجته .. واصبح رمسيس الصغير حديث المجموعة والعاملين بالمطعم .. وفى رحلة العودة .. أخذ رمسيس مكانا ايضا بين الأثنين .. فقد كانت الطائرة فى ذلك الوقت شبه فارغة فى اعقاب حوادث الأرهاب فى بداية التسعينات .. وكنت كلما زرت هذه الأسرة أجد رمسيس وقد أحتل مكانا مرموقا بغرفة المعيشة .. وتمر سنتان .. وكرر صديقى الرحلة .. وكان معه أخوه ..الذى عاد بتمثال آخر أسموه " عثمان " .. واخذ مكانه بالقرب من رمسيس .. وكانت ربة البيت تعاملهما وكأنهما طفلين حقيقين .. تتحدث اليهما كما كان الأخ يحكى لى .. ونصف المكالمات التلفونية مع الأصدقاء كانت عن رمسيس وعثمان .. وظل الأمر على هذا الحال .. عام كامل ,, وفجأة أحست الزوجة بالحمل .. وأنجبت " عثمان " .. وعمت البهجة البيت .. والأسرة .. وبعدها بفترة حملت للمرة الثانية .. وانجبت ذكرا .. ثم مرة ثالثة وانجبت بنت حلوة جدا .. ومنذ شهور كنت ازورهم فوجدت رمسيس وعثمان المصريين بأحلى واحدث الملابس .. واحتلوا مكانا مميزا بجوار التلفزيون .. ولم يتحدث الأثنان عن اولادهم .. بقدر ما حدثونى عن البنين المصرين مصدر السعادة والخير للأسرة .. بعد سنوات طويلة من العقم .. ويقول لى رب البيت أنه يشترى لهما ملابسهم قبل أن يشترى ملابس لأولادة الحقيقين .. ويتغزل فى جمال عثمان وكأنه يتحدث عن ابنه البكرى ..

وسبحان الخالق الوهاب ..

اخناتون المنيا

[se_ Elsyed]

.. ويقول لى رب البيت أنه يشترى لهما ملابسهم قبل أن يشترى ملابس لأولادة الحقيقين .. ويتغزل فى جمال عثمان وكأنه يتحدث عن ابنه البكرى ..

وسبحان الخالق الوهاب ..

اخناتون المنيا

أنا للآسف يا عم آخناتون مابعرفش ألماني فممكن تسألهملي إذا كانوا عايزين يتبنوا واحد تالت علشان يسلي رمسيس وعثمان .. وبكده يكتمل الثالوث الرهيب رمسيس وعثمان وس س .. وأنا راضي بأي حاجة أن شالله يدوني اللبس القديم بتاعهم.......

صحيح ناس لها حظ وناس لها عثمان .

[فــيــروز]

عزيزى اخناتون المنيا

الصراحه القصه التى رويتها اجمل بدايه لهذا اليوم .. انا فى منتهى الانسجام دلوقت وانا باشرب الشاى .. فبها من المعانى الكثير و الكثير

فالزوج لم يتخلص من زوجته بحثا عن غيرها كى تنجب و رضى بقضاء الله بصوره قد لا يفعلها البعض منا .. وهو و زوجته يعرفان كيف يستمتعان بحياتهما دون ان يفكر اى منهما فى الندب او النواح على بخته !! ولديهما امل فى الغد و فى الله .. ويستبشران ببعض الاشياء التى قد لا يكون لها دور حقيقى فى حل مشكلتهما مع الانجاب ولكنه فال حسن .. انا مبسوطه اوى اوى وبافكر اروح اجيب تمثال انا كمان احطه على المكتب عشان مشاكلى مع المديره تتحل ..

[فــيــروز]

أنا للآسف يا عم آخناتون مابعرفش ألماني

المانى ايه يا س س !! مين قال ان رمسيس كان بيتكلم المانى !! الموضوع ابسط من هذا بكثير .. كل المطلوب تكون بتعرف تتكلم هيروغليفى عشان تتفاهم مع الاولاد .. بس كده !!

[achnaton]

.. ويقول لى رب البيت أنه يشترى لهما ملابسهم قبل أن يشترى ملابس لأولادة الحقيقين .. ويتغزل فى جمال عثمان وكأنه يتحدث عن ابنه البكرى ..

وسبحان الخالق الوهاب ..

اخناتون المنيا

أنا للآسف يا عم آخناتون مابعرفش ألماني فممكن تسألهملي إذا كانوا عايزين يتبنوا واحد تالت علشان يسلي رمسيس وعثمان .. وبكده يكتمل الثالوث الرهيب رمسيس وعثمان وس س .. وأنا راضي بأي حاجة أن شالله يدوني اللبس القديم بتاعهم.......

صحيح ناس لها حظ وناس لها عثمان .

لما كلف المولى العزيز موسى وعيسى ومحمد وغيرهم لأبلاغ رسالة كلفهم بها - عليهم جميعا الصلاة وسلم .. لم تلعب اللغة آى دور هام وفهمها الصينى .. زى اليابانى .. حتى الحيتان فى اعماق البحور .. وتعلم الحجر وسبح بالمولى الكريم .. ورغم أنى كتبت او نقلت ما حدث بالعربية .. ولقراء العربية .. ليأخذوا منها دروسا مستفادة .. كان همك على بطنك .. تمعن أكثر .. وبص شوف المولى الكريم بيعمل إيه .. وسبحانه .. جل جلاله .. لو فهمنا احكامه وتصرفاته لعشنا فى هناء كامل .. وبص شوف " فيروز بتقول إيه " صحيح ما يفهمها الا بناتها .. وربنا يرزقك بمن يتبناك ..

اخناتون

[yasser6666]

قصة جميلة وواقعية جدأ يااستاذ طفشان ... ولكن ما الصلة بين الصبر علي قضاء الله والرضي بما قسمه لنا من انجاب البنين والبنات أو العقم وبين التماثيل رمسيس وعثمان!!

اعتقد انه لاصله علي الاطلاق من قريب او بعيد وما كان الله فاعله فهو فاعله بشراء التماثيل والعناية بها من كسوة وتلميع وخلافه أو لا!!!

بل اني اعتقد ان معاملة التماثيل بهذه الصورة الحية فيها نوع من الشرك الاصغر كمن يكلم تمثال ويطلب منه الانجاب او تيسيير الاحوال بكل ما ...انا لا أقول انهم فعلوا هذا والله اعلم بهم ..ولكن لايملك الضر او النفع الا الله

ثانيأ كم من قصص حدثت وتحدث كل يوم عن ازواج تأخر انجابهم عشرات السنين ثم فتح الله عليهم بالذرية وأقرب وأوضح مثل هو لسيدنا زكريا عليه الصلاة والسلام وكان عجوزآ وكانت امرأته عاقر

[Faro]

وأمام احد المحلات وقف الأخ وزوجته يتأملون تمثالا كبيرا لرمسيس الثانى من الجبس بلغ طوله أكثر من 80 سم .. وذابوا فيه حبا .. ولم يتحركوا من أمامه الا بعد أن اشتروه ..

قصة واقعية ومشوقة ياأخ إخناتون

كثر القيل والقال عن لعنة الفراعنة ولكن هذه القصة الواقعية تثبت أن الفراعنة لهم محاسن أيضا... البركة فى رمسيس.

[BenNeal]

............. تمثالا كبيرا لرمسيس الثانى من الجبس بلغ طوله أكثر من 80 سم ..

ماهو عشان كده الناس كترت فى مصر من يوم ما حطوا تمثال رمسيس فى ميدان محطة مصر.

[se_ Elsyed]

أخناتون كتب

عندما  كلف المولى العزيز  موسى وعيسى ومحمد وغيرهم لأبلاغ رسالة كلفهم بها - عليهم جميعا الصلاة وسلم .. لم تلعب اللغة آى دور هام وفهمها الصينى .. زى اليابانى .. حتى الحيتان فى اعماق البحور .. وتعلم الحجر وسبح بالمولى الكريم .. ورغم أنى كتبت او نقلت ما حدث بالعربية .. ولقراء العربية .. ليأخذوا منها دروسا مستفادة .. كان همك على بطنك .. تمعن أكثر .. وبص شوف المولى الكريم بيعمل إيه .. وسبحانه .. جل جلاله .. لو فهمنا احكامه وتصرفاته لعشنا فى هناء كامل .. وبص شوف " فيروز بتقول إيه " صحيح ما يفهمها الا بناتها .. وربنا يرزقك بمن يتبناك ..

الله الله .. هل اعتبر ده تخبيط فيه يا عم أخناتون ؟ ..... على العموم شكراً جزيلاً وسيبنا لحضرتك التمعن .

[achnaton]

 

الله الله .. هل اعتبر ده تخبيط فيه يا عم أخناتون  ؟ ..... على العموم شكراً جزيلاً وسيبنا لحضرتك التمعن .

طب ودى معقوله يا حاج سيد .. أخبط فيك إنت ؟؟!! اهو ده اللى مش ممكن أبدا .. كل ما فى الأمر ا، فى الأيام الأخيرة تكاثرت الهموم على وانتهت بوفاة .. مرشدى وصديقى واخى الكبير ..

معلش جيت فيك أنت أحسن ما تيجى فى غيرك فانت تعرف مدى تقديرى لك .. صافى يالبن ؟؟

تحياتى ..

اخناتون المنيا

[الطفشان]

قصة جميلة وواقعية جدأ يااستاذ طفشان ...

النمرة غلط يا أخ ياسر

اللي كتب القصة أخناتون، مش الطفشان

[se_ Elsyed]

 

الله الله .. هل اعتبر ده تخبيط فيه يا عم أخناتون  ؟ ..... على العموم شكراً جزيلاً وسيبنا لحضرتك التمعن .

طب ودى معقوله يا حاج سيد .. أخبط فيك إنت ؟؟!! اهو ده اللى مش ممكن أبدا .. كل ما فى الأمر ا، فى الأيام الأخيرة تكاثرت الهموم على وانتهت بوفاة .. مرشدى وصديقى واخى الكبير ..

معلش جيت فيك أنت أحسن ما تيجى فى غيرك فانت تعرف مدى تقديرى لك .. صافى يالبن ؟؟

تحياتى ..

اخناتون المنيا

ولا يهمك يا عمنا وحقك عليه .. انا اللى فهمت غلط .. وأدي رأسك أبوسها ..

صافى يالبن ؟؟ 

حليب يا قشطه ........

[yasser6666]

من الحاجات الظريفة التي تسهل الحياة في الخارج انني اكتشفت اني لم اعد استعمل النقود بكثرة واحيانأ لا أراها بالأسبوع وليسكما هو الحال في مصرنا الغالية لازم يكون جيبك عمران بالاوراق النقدية في اي مشوار تذهب له....بمعني ان كل شئ تقريبأ أصبح عن طريق الانترنت ....

-- كل اسبوع اشتري احتياجات المنزل من اي سوبر ماركت وادفع بالفيزا كارت

-- تموين السيارة مرة في الاسبوع وبرضه الدفع بالفيزا كارت

--ادفع فواتير الغاز والكهرباء والتليفون والسكاي والمحمول واي فاتورة ان كانت عن طريق الانترنت مع البنك

-- ان خرجت وسهرت في اي مكان او مطعم او كافيتريا لا احمل نقودأ كثيرة لأني عارف انني لن استخدمها وسادفع بالكارت

--مرتبك اخر كل شهر يدخل في حسابك في البنك يعني برضه مش حتشوف الفلوس

-- (مفاجأة كل شهر) تأتي اليك فاتورة الكردت كارت تراجعها وبعدين تدفعها بالكامل في ميعادها برضه عن طريق الانترنت..

وهكذا كل شهر ...بمعني ان استخدامنا للاوراق النقدية في التعاملات اصبح في اضيق الصور وده ممكن يساعد ان العملات الورقية تعيش عمر اطول بكتير من غيرها في بلادنا

قصة جميلة وواقعية جدأ يااستاذ طفشان ...

النمرة غلط يا أخ ياسر

وأنا بقول النمرة ما بتردش ليه ...اتاري نسيت احط الكود !!!

معلش يا أستاذ طفشان حصل تشابه أسماء بينك وبين الاستاذ اخناتون ..واحد منكم لازم يغير أسمه !

[se_ Elsyed]

من الحاجات الظريفة التي تسهل الحياة في الخارج انني اكتشفت اني لم اعد استعمل النقود بكثرة واحيانأ لا أراها بالأسبوع  !

تصور ان هذا هو الحال بالظبط فى الدول الخليجية يا ياسر التى أصبحنا متخلفين عنها فى مجال تكنولوجيا المعلومات بعشرات السنين بالرغم من وجود كفاءات وعقول مصرية عظيمة .. وأهو موضوع البنوك خير دليل .

تصور إن الذي صمم شبكات الصراف الآلي فى السعودية صديق لي مصري عبقري فى مجال الـ communication

[فــيــروز]

واحيانأ لا أراها بالأسبوع وليسكما هو الحال في مصرنا الغالية

مين قال !! ده حال ناس كتير فى مصر و الحمد لله الذى لا يحمد على مكروه سواه !!

[White heart]

Le bizutage

ظهرت تلك الكلمة " BIZUT" فى اللغة الفرنسية تقريبا عام 1843 م.

و هى مشتقة من كلمة "Besogne" و هى ما تعنىالقيام بعمل ما، و هذا العمل لدينا نقوم بايكالة عندنا الى "المستجد"، يعنى مثلا "مستجد" جديد فى مدرسة، فى زنزانة .... فى نادى .... "مستجد" فى الجيش ... الخ ... الخ

و بعض الفرنسيين (خاصة الطلبة منهم) لا يتركوا هذة المناسبة تمر هكذا !!! يعنى لازم واجب الضيافة و الترحيب "للمستجد" او "للمستجدة" حتى يتأقلم و القبول بة او بها كعضو (ة) جديد(ة) فيما بينهم..!!

و هذا استطيع تشبية بما يحدث لدينا اذا خسر أحدهم فى لعبة الشايب و ما يصدر علية كحكم من باقى اللاعبين!!! حيث اتذكر مثلا اننا حكمنا فى احدى المرات على أحد الأصدقاء بالخروج فى البلكونة و يصيح بأعلى صوت : "حمرة با اوووووووووووووووطة

شئ من هذا القبيل نقابلة فى "فرنسا" كعادة يقوم بها "الطلاب" بصفة خاصة بأختراع الطرق "العجيبة" للترحيب و مساعدة الوافد الجديد على الدخول فيما بينهم، و تتنوع تلك الألعاب أو المواقف بين درجات عدة من البسيط و المضحك ( مثلا ان يطلب من "المستجد" ان يبيع ورق تواليت فى الشارع و هو مرتديا كيس قمامة من البلاستيك بعد ان تم "تأييفة" ليصبح كالجلباب !! او ان ترتدى المايوة و تدخل متأخرة قليلا و هى تتسائل اذا كان هذا شاطئ الأحلام !! القاء البيض و الدقيق عليهم !! أو ان يبيعوا بعض انواع الخضار كالجزر ...الخ ..الخ )

و قد يتطور الأمر الى مقالب يعاقب عليها القانون!! نعم فقد وصل الأمر هناك الى سن قانون يحد من تلك الأفعال و غيرها المهينة للضحية مثل تلك التى تمس كرامتة أو تتسبب فى احداث أى أذى من أى نوع، حيث ان بعضهم قد تمادى و بالغ فى تلك الأفعال الى درجات مهينة و قبيحة!! نعم لقد لجأت الحكومة الفرنسية الى سن قانون بتاريخ 17 يونيو 1998 حيث أضافت مادة 1-16-225 الى قانون العقوبات، تنص على االعقاب ب 6 شهور سجن علاوة على 7 الاف و 500 يورو غرامة على كل من يتسبب فى اذلال او تحقير أو أهانة أخرين سواء ضد رغبتهم ام لا... و تتضاعف تلك العقوبة اذا كانت الضحية شخص مسن أو معوق أو ما شابةلجأوا الى التصويت و سن هذا القانون بعد ان لاحظوا الكثير من محاضر الشرطة المتعلقة بهاذا النوع من الأفعال!! بل ان وزارة التعليم المحلى و الأبحاث التكنولوجية قامت بجانب ما توزعة من كتيبات لتعريف الطلبة القانون الجديد، قامت بتخصيص رقم هاتفى (08 01 55 55 00) يستطيع من خلالة أى ضحية الأبلاغ لدى تعرضة لمثل هذا النوع من الأذى.....

[White heart]

عايزاة يعيش ؟ جرسيه !

فى بلدنا هناك عادات و تقاليد عجيبة، من ضمنها هذا الموضوع، فمن ينجب أولادا ولم يعيشوا يقول لزوجتة : جرسية!!!

و هذا يعنى ان يدهنوا وجه الصغير، و يلبسونه طرطورا من ورق أخضر وأحمر و فيه ريش فراخ ، ويركبونه حمارا بالمقلوب ، ويدورون به البلد والصبيان يصيحون :

يا بو الريش إن شاللا تعيش !!!

كما لا تزال الأسماء العجيبة تطلق على الأبناء ، صرفـا للعيون الحاسدة عنهم ، ومخادعة لملك الموت أن يغتالهم :

فهناك جعران وشأوير و شقفة ، وهناك دبس وزيت وهناك الصبي الذي يسمى باسم الإناث حتى يعيش !!!!!

وفي الصحراء الغربية المصرية ينادى الذكور بأسماء مثل عفش ومعفن دفعـا للحسد الذي يتعرض له الطفل حسن الصورة!!!!

[Deconvolution]

اغرب ما رات عيني كان في الهند بلتحديد ولاية راجستان

كنت في زيارة لمعبد هندوسي و فجات بمستعمرة من الفئران ترمح بمرح و سعادة بالغة في انحاء المكان

والحجم اه ما شاء الله اكل ببلاش باة ولا حد يقدر يعمل حاجة ليهم علشان حرام طبقا للديانة الهندوسية و تبعا للاله بتاع المعبد ده

اصل في يجى 300 اله وكل واحد وحاجاته

طبعا ماقدرش اقعداكتر من تلات اربع دقيق واخدت ديلي في سنانى من الريحة

برضة في الهند وللعلم هناك نظام طبقي صارم و عليا القوم يتحاثون بالانجليزية امام الطبقات الخرى للتعالي

المهم في رحلة قطار النوم من مدينة تدعى جودبور الي دلهي و هي رحلة تاخذ 12 ساعة تخيل انت باة

كنت درجة تانية ممتازة يعنى في اربع سراير في غرفة مفتوحة

وحظى جات اربع بنات من شكلهم بيقول انهم HJ CLASS

واقعدوا جانبى وانا باقرا كتاب بس مغطى اسمه بايدي

هم بصوا لى وشفوا واحد هندى عادي جينز مقطع و تى شارت مبهدل

قاموا قلبوا على اللانجليزي وقعدوا يجى ساعة يتكلمو في حاجات غربية و اسماء ناس و نميمة هندية ومسائل نسائية وانا مطنش

ودخل حضرة الكمسرى تذاكر تذاكر

وانا بصت له وبعد مل رصلى كام جملة هندي

وقلتاله انا اسف انا اتحدث الانكليزية

وكان لازم تشفوا نظرة الهلع اللي في عيون البنات و سالونى انت منين قلت من مصر و وشهم كان بيقول و بتنيل ايه هنا و ردى كان اكل الشاباتي مر

الشاباتي عامل كده زي عيش الفلاحين عندنا

وطبعا سكوت تمام حتى محطة الوصول

[disappointed]

تعرّفت على أحد أخصائيى القلب الهنود....وهو رجل ظريف جدّا وعلى مستوى عال من الثقافة والاطلاع والأناقه وعاش لسنوات طويلة فى انجلترا

المهم أنه عزمنى أنا وأسرتى للعشاء عنده , وحاولت الاعتذار بلطف له لأنّى ماليش ثقل على الأكل الهندى الحرّاق....وفى النهاية شعر هو بأن هذا هو السبب فطمأننى أن زوجته ستقوم باعداد طعام منفصل غير حرّاق لنا.....وبالفعل ذهبنا للعشاء فى منزلهم

المنزل شيك جدّا وان كان به عدد من التماثيل والصور التى جعلتنى أقشعر (هو هندوسى الديانة).....المهم قعدنا على الترابيزة , وتم وضع الأكل ومع أول ملعقه لى ولزوجتى....نااااااااار......ناااااار يا حبيبى نار...فأمسكت بيد ابنتى الصغيرة وهى تهم بوضع ملعقة أرز فى فمها...فاذا بصديقى الهندى وزوجته يتعجّبان....وأصرّا على أن الأطباق الموضوعة أمامنا هى أطباق مش حرّاقه......ففهمت أن العمليّه نسبيّه , واستأذنت صديقى فى تذوّق ملعقة من (الحرّاق بتاعهم بقى)...ايه ده......ده أكل نووى ده والآ ايه...مش ممكن كمية التوابل والحاجات الحرّيفه اللى محطوطه فى الأكل....والمهم ان ابنه الصغير وهو من عمر بنتى قاعد يلتهم الأكل التهاما ووجهه ترتسم عليه علامات الارتياح والسعادة والبرائه....ربّنا يدّيهم الصحّه الحقيقه

مش عارف العزومة دى عدّت ازّاى.....بس الموقف الأغرب حصل واحنا خارجين...فقد قاموا بتوديعنا على السلّم , واثناء خروجى من باب الشقّه لمحت نمله على الأرض أمام باب المنزل فقمت بفعصها بحذائى قبل أن تدخل المنزل....واذا بوجه الرجل ينقلب 180 درجه وتحل علامات الغضب الجامح والاستياء محل الابتسامه والترحيب.....وفيييين وفييييين لمّا اكتشفت السبب عندما قال فى حدّه : "مش يمكن يكون أبويا أو أمّى وجاى يزورنى"!!!!!!!!!!!!!!

وعندها أخذت وأعطيت معه فى الكلام اكتشفت أنهم يؤمنون لدرجة عجيبة فى تناسخ الأرواح , ويعتقدون أن أرواح أحبّائهم ربّما تتقمّص أجساد حشرات أو ما شابه ذلك وتأتى لهم لزيارتهم فى منازلهم.... و بهذا وجدت نفسى أعيد و أزيد فى الاعتذار متحججا بجهلى بهذه المعلومه...ومن يومها مارفعش سمّاعة التليفون أو كلّمنى وقطع علاقته معايا.....طبعا.....مش فعصت نمله يمكن يكون روح والده حلّت فيها؟؟!!!!

ولله فى خلقه شئون

[بنت شعنونة]

هههههههههههههههههه

والله يا دكتر محبط عليك قصص تحححححححف "وش ميت ضحك"

انا بقى وقعت في حاجا غريييييييبة جدا لما كنا في اسكندرية

وكان لنا صديقة ها تموووووووووت تتجوز

راحوا قالولها روحي هاتي شبكة صياد قديمة ومستهلكة وفيها زفارة السمك ولفيها حزام على وسطك اسبوووووع بالتماااااام والكمال وما تشيليهاش ابدا

واخرجي بيها تحت الهدوم

وها يجيليك العريس

انا عارفا انه ما خدش ها يصدقني

لكن والله العظيم دا اللي حصل

اليوم السادس او السابع من العملة دي

جالها عريس من النادي

ماهي كانت طوووووووووووووول الأيام دي في الشارع

طبعا ولكم ان تتخيلوا علالالالامات الذهووووووول على وشي وهيا بتحكلنا وبتتبااااااااارك بالشبكة لا وايييييييه بتنصحنا بيهااااااا كمااااااااان!!!!!

ليييييييييييه هوا انا ها تجوز كابوريياااااا؟!!!!!!!!!!

من العادات اللي احبها جدا في الرياض

انه يوم عيد الفطر بعد الصلاة

كل بيييييييييت كان يطلع اكل كتيييييييير رز او لحمة مطبوخ ويحطوه على بابا الفيلا واي حد يعدي لالالالالالالالالازم ياخد طبق

دي كانت جمييييييييلة اوي

من العادات الوهم هنا برضه

الشواااااااااااااااااار

وزفة الشوااااااااااااااااااااااار

الله يخربيت الشوار على اللي بيعملوله زفففففففة على الدوششششة والصرع اللي جالي بسبببببببببه

اففففففففففففففففففففف