قولنا اغرب ما صادفك .. فى غربتك او حتى فى داخل وطنك

[farasha79]

ايه الشوار ده يا شانا

[بنت شعنونة]

بصي يا فراشة المنتدى :lol:)

الشوار دا يطلق على كللللللللللل شيء في جهاز العروسة

من اول الطشششششششششت ( اه والله بتكلمم جد)

لحددددددددد السفرة و الغرف و الأنتريه

دا انا مرررررررررة شفت زفه طويييييييييلة عريضة

على ايه بقىىىىىىىىىىى

على البلاستيكااااااااااااااااااااااات بتاعت البيييييييييت

اشي طشت على اشي اطباق على مشابك

لما كنت ها اقتلللللللللللللللللللللللللللللللهههههههههمممممم

[ابو خليل]

اول اسبوع جيت فيه السعودية ..

طبعا شعور طبيعي انك تكون خايف وقلق .. مجتمع جديد و عمل جديد ..

الناس حذروني كثير من معاملة المصريين في الغربة ..بس انا عمري ما صدقت ..

انا كان مفروض اشتغل في شركة كمبيوتر .. ( برمجة وتصميمات ودروات متقدمة و صيانة .. الخ )

الشركة ليها عدة فروع .. ان نصيبي اني رحت احسن فرع في الرياض العاصمة .. و نظام الشغل (راتب ) + (نسبة )... الفرع اللي انا رحته كان احسن فرع .. وكان بيصفي كل شهر مبلغ ضخم .. ومعني الكلام ان اللي بيشتغلوا فهي بيحصلوا علي (نسبة ) ضخمة بالتبعية ..

المهم ..

انا رحت .. هناك

كان فيه اثنين مصريين .. شباب زيي بالضبط ..

طبعا لما رحت معني الكلام ان النسبة اللي بتتفرق علي اثنين هاتتوزع علي ثلاثة .. لاني انضميت ليهم ..

في الاول سألوني : انت بتعرف برمجة ؟

-ايوة فيجوال بسيك و سي و سي ++ و php, html

*بتعرف فلاش وسويتش ؟

-ايوة

*بتعرف فوتوشوب و بينت شوب وكورال درو ؟

-ايوة

*وصيانة ا لاجهزة ؟

-الحمد لله ..

اول ما عرفوا اني بعرف كل الحاجات اللي بيشتغلوا فيها ..

تخيلوا عملوا ايه ..

3 ايام محدش فيهم بيكلمني ولا كلمة ..

يعني اجي الصبح اقول سلام عليكم ..محدش يرد ..

اقعد .. استني اشتغل ... ما يبعتوش لي شغل ؟

يدخلوا غرفة ثانية و هات يا كلام مع بعض .. وانا ولا كلمة سلام عليكم حتي !!!

و طوال الثلاث ايام .. اتصالات .. علشان يبعدوني من العمل معهم ..

وكان مفروض معاهم في شقة ملحقة بالشركة . .بس انا مكنتش بطيق ابات هناك ..

كنت بروح ابات مع اخويا في حي مجاور ..

وفي اليوم الثالث ..

قلت ابات معاهم .

دخلت الشقة ..

لقيتهم بيقولولي ...

- اخرج لو سمحت اصل احنا خارجين عند ناس اصحابنا و مش هانرجع الا بكرة ..

*طيب سيبولي المفتاح

-لا .. اصل فيه حاجات بتتسرق !!!!!!

( ولاول مرة تصعب عليه نفسي .. لاول مرة احس اني بتخنق ... كنت عايز انزل فيهم شتيمة وحتي ضرب .. بس .. كنت لسه راجع من اول عمرة لي وكان قلبي مغمور بالتسامح ..

*طيب هو انا مش شغال معاكم ؟؟ الشفة دي تبع الشغل ؟

-لا يا باشا .. انت خلاص .. اتنقلت .. فرع ثاني .. معهلش .. ياله بقي بسرعة لم هدومك ومع السلامة ..

خرجت من عندهم .. وررحت لمدير مجموعة الشركات ..

قلت له : عايز ارجع مصر..مش قاعد هنا ثانية واحدة ..

المهم الراجل هداني .. و نصحني اني اقعد علي الاقل لحد ما احج .. ثم اقرر ..

و الي الان لا يدري اي مخلوق بهذه القصة !!!!