رايح اسبوعين شغل في الخبر

[essamlotfy]

السلام عليكم يا أهل المنتدي

انا بقالي شهرين في الرياض ورايح الخبر اسبوعين شغل

وأرجو من أخوانا ان يدلوني علي مكان كويس ورخيص اسكن فيه انا والاولاد

وكمان الاماكن اللي الواحد ممكن يتفسح فيها هناك

وأهو تبقي شغل وفسحة

ولكم جزيل الشكر :knight:

[jamalpody]

اهلا بيك يا باشا في المنطقه الشرقيه التي تعتبر من اجمل مناطق المملكة فيها الكورنيش وفيها المتنزهات والمطاعم الانيقه

والمناظر الخلابه الرائعه لكن حظك ان انت جي في يومين برد قوي

ممكن تروح تتفسح في اماكن مغلقه فقط مثل مجمع الظهران

او مجمع الراشد او لو عاوز تبضع تروح الحياه بلازا

عندك كمان الشاطيء مول ومارينا مول ومجمع الواحه

وجرير بلازا وعندك السويكت والبلاد مول مجمعات كتير قوي لا تعد

وحتلاقي الشقق المفروشه اسعارها متهاوده سواء في الخبر او الدمام

يعني الشقه العائليه ممكن تلاقيها بمتوسط 150 ريال باليوم

ولو عاوز فنادق فيه فنادق حنينه مثل فندق النمران او فندق الحماد بالخبر

او فندق العريفي او الدمام بلازا بالدمام

لو عاوز فنادق 5 ستارز حتلاقي الشيراتون والخبر انتيركونتينتال وهوليداي ان والميريديان

واهلا بيك مره اخري

[essamlotfy]

والله يا أخي مش عارف أقولك ايه

جزاك الله كل خير علي مساعدتك ليه

وربنا يكتر من أمثالك الدالين علي الخير

[Dr.mmfriend]

طبعا لازم تروح شاطىء الهاف مون او نصف القمر

جميل جدا تحس انك فى جمصه او راس البر

وتاخد معاك لب وسودانى وحاجه ساقعه هيبقي يوم رااااائع

[jamalpody]

طبعا لازم تروح شاطىء الهاف مون او نصف القمر

جميل جدا تحس انك فى جمصه او راس البر

وتاخد معاك لب وسودانى وحاجه ساقعه هيبقي يوم رااااائع

الهاف مون في البرد ده يا دكتور حرام عليك

اوعي تسمع كلام الدكتور والا حتقضي بقية الاسبوعين في مستشفي اسطون

[hgalal]

تشرف يا دكتور المنطقة الشرقية، بس قول لي جي إمتى وانا اسأل لك على الشقق المفروشة في الخبر او فندق النمران واقول لك اسعارهم كمان بالظبط.

وطبعاً مول الظهران لازم تروحه هو و الراشد مول وفي كمان القرية الشعبية في الدمام على الكورنيش مكان جميل تتعشى فية في جو بدوي تراِِثى وتخبز العيش بنفسك كمان.