الجالية المصرية - جدة - صندوق رعاية المصريين

[Amr Radwan]

السلام عليكم و رحمة الله و بركاته ..

اية اخباركم جميعا .. اتمني لكم كل السعادة و الهناء و راحة البال

"إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ"

طبعا احنا شايفين ان كل شوية ممكن يحصل مشكلة لواحد فينا و ما بيلاقيش حد يساعده غير ربنا و القله القليله من المصريين .. و الباقي من المصريين لا حول لهم و لا قوة .. ما بين الشغل و البيت و البيت و الشغل .. و في نهاية العام النزول اجازة الي و الاستعداد لها .. و هكذا و طبعا ماشيين في دوامة ليس لها اخر ..

و لم يخطر ببالنا ان فيه بعض المصريين هنا حصل لهم ظروف او مشاكل او اي حاجة حولت حياتهم الي حياه اخري مليئة بالتعب و الالم و الشقاء بدلا من السعادة و المرح و هناءة العيش .. تخيل مثلا .. ان واحد كان ماشي في الطريق بسيارته كالعاده و ظهر له شخص علي الطريق فجأه و خبطه و اصبح عليه ديه لاهل هذا الشخص .. مين اللي هيدفعها ؟؟!! لا هو و لا اهله معاهم عشر المبلغ المطلوب !!! و لو كان معاه المبلغ ده عمره ما كان هيسافر ..

مثال تاني .. حاجة زي حريق الشميسي اللي حصل في الرياض .. مين هيقف جمب الاسر دي و يساعدها لحد ما تقف علي رجليها من تاني ..

طبعا لما كل واحد يفكر شوية في الموضوع ده هيلاقي الموضوع كبير و لازم يكون فيه يد تساعد من هم في هذه المحنة ..

من خلال موضوع طرحة الزميل "هنداوي" و هو خاص بموضوع صندوق التكافل الاجتماعي للمصريين بجده .. و الذي لم نصل فيه الي حل في كيفية بدء عمل كهذا .. قفز امامي صدفة رقم جوال رئيس مجلس ادارة صندوق رعاية المصريين بالرياض السيد "المهندس عابدين بلال " فقمت بالاتصال به و اكشتفت انني اتحدث مع شخصية تتميز بالكثير من العطاء و البذل و الاهتمام بمصالح المصريين و ابدي كل التعاون في المكالمة بمدنا بكيفية عمل مشروع مهم كهذا في جدة او في اي مدينة اخري و اشاد سيادته بمواقف السيد السفير المصري في الرياض "محمود عوف"

و حتي لا اطيل عليكم ..

نقطة البداية الان هي ان نتجمع و نقوم بزيارة لقنصلية جدة و نطلب منهم البدء رسميا في عمل جمعية رعاية المصريين في جدة علي غرار ما تم في الرياض و فيه حاجة اكثر من رائعة و هي اننا نستطيع الاستعانة بمجلس ادارة جمعية رعاية المصريين في الرياض و نتعرف علي كل الخطوات المطلوبة للتنفيذ و افاد سيادته (م. عابدين بلال) انه من الممكن ان يحضر احد اعضاء الجمعية في الرياض اجتماعنا في جدة لمساعدتنا .

و الان ..

اتوقع الان ان الطريق اصبح واضح امامنا .. حتي نقوم بخطوة البداية .. و ساقوم بداية بتجميع اسماء و ارقام تيليفونات الاخوة المصريين في جدة و اللي ممكن يحضروا اول تجمع بالخصوص ده .. و ده ممكن يكون في القنصلية المصريه في جدة او في اي مكان عام علي حسب ما نتوصل اليه ...

انا في انتظار ردودكم و اقتراحاتكم و في انتظار ارقامكم علي الخاص

و شاكر لكم استماعكم و عذرا علي الاطالة .. :fight:

ملحوظة : برجاء الاطلاع علي موقع الجالية المصرية بالرياض

و تذكروا دائما :

"إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ"

توقيع : واحد مصري في جدة

[DIA ELDIN]

الحقيقة مجهود مشكور

جزاك الله خير واكيد انا معاك في الموضوع دا وبأيد دعمي ليك

[tlawy]

أؤيد الموضوع بشده

و جزاك الله خيرا يا عمرو

[سهل جدا]

الحقيقة مجهود مشكور

جزاك الله خير واكيد انا معاك في الموضوع دا وبأيد دعمي ليك

وأنا كذلك (والدال على الخير كفاعله)

وفقكم الله

[ozoozo]

ماتنسانيش معاك ياعمرو

تم تعديل 24 ديسمبر 2008 بواسطة ozoozo

[Amr Radwan]

اشكركم جميعا علي الرد و الاهتمام ..

الان المشاركين في الموضوع :

1- ضياء الدين

2- احمد التلاوي

3- سهل جدا (رجاء ارسال لي رقمك )

4- محمد فكري

5- عمرو رضوان

عاوزين العدد يوصل ل 5000000 مشارك او رقم قريب منه

[عنبو]

استنوا ياجماعه خدونى معاكم

[سهل جدا]

إخواني الأفاضل..

كما قال الأخ عمرو: (اليد الواحدة لا تصفق)

نتمنى أن نبدأ من الآن الاقتراحات ..

سأذكر ما عندي

أولاً: أحب أن أركز على فكرة أن ( العدد يخدم المجموعة والفرد )، ذلك أننا بتعاوننا وتكاملنا يكون لعددنا قيمة لها وزن عند حدوث أي مشكلة – لا قدر الله -

وعليه فإن فكرة الصندوق التعاوني التي اقتحرها الأخ عمرو هي إحدى الأفكار التي لن تكلف الفرد منا شيئاً كفرد لكنها ستخدمه عند الحاجة ..

ومن جهتي أقترح بعض النقاط:

1-المبلغ الذي سيدفعه كل فرد منا، سيدفعه على سبيل التبرع وهو إن شاء الله سيكون مبلغ بسيط (يتم الاتفاق عليه فيما بيننا) وكما هو معلوم أن المتبرع لا يحق له استرجاع ما تبرع به, لأن الرسول صلى الله عليه وسلم يقول (لا يحل لمسلم أن يعطي العطية ثم يرجع فيها)

2-الحالات التي يحق للمشترك أن يستفيد منها يجب أن تحدد, (مثلاً:– في حالة المرض الشديد – في حالة الخروج النهائي التعسفي - في حالة السجن – في حالة حدوث حريق في الممتلكات ....) هذا على سبيل المثال لا الحصر، اللي عنده إضافات يتفضل

3-ممكن نجعل نوعين من القروض: قروض مستردة وقروض غير مستردة, مثلا في حالة حدوث المصائب الكبيرة (عافانا الله) يمنح المشترك قرضاً غير مسترد.. أما في حالة حدوث مشكلات عادية يمكن أن يطلب قرضاً ويرده بعد فترة يتم الاتفاق عليها, (مثال: مصري أتى للسعودية جديد لم يحصل على عمل بعد – واحد ترك عمله وبيدور على عمل آخر – واحد عاوز ينقل كفالة ومش لاقي فلوس الرسوم .... إلخ) آمل موافاتنا بالإضافات ..

هذا ما في جعبتي الآن , وإن شاء الله لي مداخلات آخرى ..

ولا ننسى احتساب الأجر , (فالله في عون العبد ما كان العبد في عون أخيه)

وفقكم الله لما يحب ويرضى

[hhanafy]

موافق وبالتوفيق

[essamalshaaer]

بسم الله ما شاء الله ............ ربنا يبارك فيكم

وعقبالنا في الرياض ..... محدش يطوع ويستلم الموضوع ده

في الأخ سي السيد وباقي الشباب إلي في الرياض .... ما تورونا الهمة يا رجالة

فين المصريين في الرياض .... محدش مسمعنا صوته ليه ...... دعواتي لأخوانا في جدة بالتوفيق

أخوكم/ أبوعلي من الرياض

[Amr Radwan]

بسم الله ما شاء الله ............ ربنا يبارك فيكم

وعقبالنا في الرياض ..... محدش يطوع ويستلم الموضوع ده

في الأخ سي السيد وباقي الشباب إلي في الرياض .... ما تورونا الهمة يا رجالة

فين المصريين في الرياض .... محدش مسمعنا صوته ليه ...... دعواتي لأخوانا في جدة بالتوفيق

أخوكم/ أبوعلي من الرياض

اخونا الكبير ابو علاء .. شاكرين لك ردك علي الموضوع و ما تنساش تدعيلنا بالتوفيق ..

علي فكرة .. الموضوع ده احنا بنحاول نعمل زي اساتذتنا في "جمعية رعاية المصريين بالرياض" و ده موقعهم http://www.egybox.org

و ما شاء الله عاملين شغل في الرياض .. ندعو لهم بالتوفيق ان شاء الله

و دي ارقام اعضاء مجلس الادارة http://www.egybox.org/Sefara/page.php?team

[Eng Eslam]

معاك يا بشمهندس عمرو

والله المستعان

[waelkamel]

انا معكم في الموضوع ده ، الموضوع غاية في الاهمية .

[Amr Radwan]

السلام عليكم و رحمة الله وبركاته ..

اشكر بشدة من من تجاوب و تفاعل مع الموضوع .. و فعلا الموضوع ده مش موضوع يخص شخص واحد و لا اتنين و لا 100 .. ده يخص كل الجالية المصرية في جدة و اي مدينة اخري ...

اخواني .. ارجو ارسال ارقام الجوالات للاخوة اللي مش معايا جوالاتهم عشان سهوله الاتصال بهم و تحديد موعد للقاء و مناقشة الخطوة الاولي ..

و دي دعوة عامة لكل من يحب ان يشارك ..

الموضوع مهم جدا و بسهوله اي حد يقع في مشكلة و ساعتها المفروض كلنا نقف جمب بعض ..

و احب ان اركز علي نقطة مهمة .. ان هذا العمل سيكون تحت مظلة القنصلية المصرية بجدة و سيكون رسمي بالدرجة الاولي .. و ذلك تماشيا مع قوانين المملكة و حماية لكل المصريين المشاركين ..

و في النهاية اذكركم بالحديث الشريف :

روي عن ابن عباس قال: قال رسول الله (ص): «يد الله مع الجماعة».

تم تعديل 30 ديسمبر 2008 بواسطة Amr Radwan

[Amr Radwan]

في جلسة مع بعض الاحباء المصريين المحاورين علي "محاورات المصريين" و كنا بنتكلم و ندردش و جه في الطريق موضوع "صندوق رعياة المصريين بجدة" قام الزميل في المحاورة و الاخ في الاسلام و الصديق الوفي المهندس طاهر رياض بعرض فكرة اضافية و هي بدل من عمل الصندوق فقط .. عمل نشاط اكبر و هو عمل جمعية للمصريين في جدة تتناول كل قضايا المصريين في جدة و تعتبر مكان للتجمع و التواصل ليس فقط لجمع الاموال و صرفها ..

حبيت انقل وجه نظره .. لانه مش عارف يخش النت :blush2:

تحياتي لكم جميعا ..

[Eng Eslam]

السلام عليكم ورحمة الله وبركاته

هوة فين باقى الناس ؟ الفكرة كويسة يا بشمهندس عمرو بس يمكن التطبيق صعب

يمكن 10 او20 بس لحد دلوقتى هما اللى متجاوبين طب فبن الباقى؟

انا معرفش فى كام واحد من جدة بيشارك فى المنتدى ده بس اتوقع ان العدد كبير الى حد ما

فلو معظم الناس دى تشارك وتقول اه اوكى موافقين يبقى تمام والموضوع هيمشى

لكن لو الناس مش مهتمة اصلا يبقى الله يعينك يا بشمهندس عمرو

حبيت بس افكر بالموضوع والفكرة الكويسة وانا مرة تانية باقولك لو اقدر اعمل حاجة عرفنى وانا معاك ان شاء الله

طالما الموضوع فى خير للجميع

[tahereyad]

الأخ العزيز عمرو و باقي الأخوة الأعزاء المصريين في جدة,,, أحب أولا و بصدق اني أشكر جدا المحاورات اللي لمتنا علي بعض و عرفتنا بأصدقاء مخلصين و إخوة أعزاء ,, و أشكر للأخ عمرو مجهوده الرائع في لم الشمل و تعارف المصريين في جدة, و باقي الأخوة المتحمسين للأفكار الحلوة اللي ممكن تساعدنا كلنا علي كسر حاجز الغربة و تكوين مجتمع و أسرة كبيرة تحسسنا اننا لسة في مصر.

كما تفضل أخي عمرو بطرح فكرتي و هي ان النشاط التكافلي يكون واحد من أنشطة كتير إجتماعية و ثقافية و دينية و ترفيهية تتم كلها تحت إشراف القنصلية في جدة, يعني يكون نادي اجتماعي نتلم فيه كلنا احنا و اسرنا و أطفالنا (الجيل التاني من المحاوراتية),, و يكون لي الشرف اني أكون بجانب إخواني لحد مالنادي و الأنشطة تشوف النور و نكون البذرة اللي يقوم عليها مشروع النادي,,, مش مهم نبدأ المشرع ب 50000 عضو مرة واحة,, أنا شايف أن 20 واحد يكون كويس جدا,, و ما زاد عن ذلك يبقي زيادة الخير,,,

إحنا عارفين ان في ناس بتقرأ الموضوع و عاجباهم الفكرة,,, يمكن كمان يكون عندهم أفكار رائعة,, لكن مش بيشاركوا لأن يمكن معندهمش وقت أو حماسة أو روح معدنية,, لكن ان شاء الله بمجرد مالمشروع يشوف النور هايتشجعوا و يشاركوا كلهم,, و احنا معروف عننا أننا شعب عشري و بنحب اللمة.

يا رب ان شاء الله نتفق قريبا و نتجمع مع بعض في القنصلية المصرية(اللي أنا لسة مش عارف مكانها),و نبتدي ناخد خطوت جدية و نتعامل مع الأفكار كأنها مشروع حقيقي نفسنا نقوم بيه و ننجّحه..

محدثكم من الواير ليس :unsure: عشان النت لسة مجاش : طاهر رياض

[Amr Radwan]

رجعنا تاني لموضوع لم شمل الاسرة المصرية في جدة .. بعد انتهاء الحرب الصهيونية علي غزة ..

و يا ريت يكون فيه مشاركة اكبر لان الموضوع فعلا مهم .. في انتظار المشاركات و اللي عاوز يشترك في اول التخطيط لهذا العمل و يشوف الخطوات الاوليه اللي عملناها و يشارك في تنفيذ الخطوات التالية .. يضيف مشاركة و يرسل لي رقمه علي الخاص عشان نتصل بيه ان شاء الله ..

و تحياتي لكم جميعا ..

[sherif attia]

ربنا يوفقك يا أخ عمرو

وياريت تعرفني الجديد عن هذا الموضوع

لأنني وبعض الأخوة المصريين نعمل على انشاء مثل هذا المشروع في لبنان .

[Amr Radwan]

ربنا يوفقك يا أخ عمرو

وياريت تعرفني الجديد عن هذا الموضوع

لأنني وبعض الأخوة المصريين نعمل على انشاء مثل هذا المشروع في لبنان .

شاكر ليك اخي الكريم شريف عطية علي ردك..

و عموما انصحك بزيارة الموقع الخاص بالرياض http://www.egybox.org/Sefara/

و تحياتي لك