هل تعاني من زيادة الوزن؟؟ نفسك تخس ؟؟ أدخل ..

[ام بودى]

سلام عليكم يا اعضاء النادى لا اسكت اللة لكم صوتا اية الحكاية كل ما اشقر على النادى الاقى محدش جة ولا حتى سلم حتى الريسة بتاعتنا لعل المانع خير انا عندى مشكلة يا ام بلال فى النظام بتاعنا اولا: انا بصحى الفجر اصلى وبنام تانى بعد زوجى وولادى مايخرجوا وبصحى الساعة واحدة وجربت منامش واكمل وانام بالليل بدرى منفعش معايا لانى اتعودت على نظامى طب انا افطر وانام بس كدة حيعدى اكتر من 3 ساعات ولا افطر وابدا النظام اول ما اصحى ولا اية ثانيا: انا بجوع قبل ال3 ساعات يعنى الالية اللى بتتكلمى عليها بتاعت الجوع سوف تهاجمنى ودة لانى ملتزمة بالكمية اللى قولتى عليها صحيح انا بشبع ساعتها بس بجوع بسرعة اعمل اية يا ست الكل

[ام بلال]

سلام عليكم يا اعضاء النادى لا اسكت اللة لكم صوتا اية الحكاية كل ما اشقر على النادى الاقى محدش جة ولا حتى سلم حتى الريسة بتاعتنا لعل المانع خير انا عندى مشكلة يا ام بلال فى النظام بتاعنا اولا: انا بصحى الفجر اصلى وبنام تانى بعد زوجى وولادى مايخرجوا وبصحى الساعة واحدة وجربت منامش واكمل وانام بالليل بدرى منفعش معايا لانى اتعودت على نظامى طب انا افطر وانام بس كدة حيعدى اكتر من 3 ساعات ولا افطر وابدا النظام اول ما اصحى ولا اية ثانيا: انا بجوع قبل ال3 ساعات يعنى الالية اللى بتتكلمى عليها بتاعت الجوع سوف تهاجمنى ودة لانى ملتزمة بالكمية اللى قولتى عليها صحيح انا بشبع ساعتها بس بجوع بسرعة اعمل اية يا ست الكل

أنا ياستي بدخل مثلك لأرى النتائج و التسلؤلا من أعضاء النادي و أرد فقط ،

سأنزل ملخص تمارين القوة لكن ليس الآن حتى تظهر ثمار نظام الثلاث ساعات و يحصل إن أحد ما يشتكي من ثبات الوزن لمدة شهر مثلا رغم إلتزامه بالنظام هنا لازم أبدأ أنزل تمارين القوة عشان " حرق أفضل للدهون "،

:lol:

مسألة الإستيقاظ من النوم ثم العودة للنوم تاني :

أنا كنت زيك بالضبط أمامك إختيارات :

**تفطري مع أبنائك كوجبة رئيسية ، و تنامي براحتك ثم تستيقظي لوجبة خفيفة تفاحة مثلا إذا كان خلاص فاضل ساعة على الغدا .

**تاكلي تفاحة أو أي حاجة خفيفة و تنامي و بعد الإستيقاظ تفطري بشرط يكون فاضل 3 ساعات على الغدا

**أنا كنت أصحى مع أولادي لصلاة الفجر المهم كنت أفطر كويس و أنام ، للأسف كان يحصل لي حموضة شديدة ، قررت أفطر موزة أو تفاحة مع الأولاد ،بيكون في حدود الساعة سبعة ، ثم أستيقظ 10 أو 11 أفطر سندويتش رول متكامل العناصر ،و يكون الغداء الساعة 2 ظهرا

**إذا كنت لم تعتادي بعد الكمية الأقل للأكل يمكن زيادة كمية الخضروات الفريش السلطة يعني أو حتى المطبوخةفي الوجبة الرئيسية ، يمكن الإستعانة بكوبين من الماااااااء إذا شعرت بالجوع ، و كنت أمضغ لبانة بدون سكر في آخر نصف ساعة أو أشغل نفسي بعيدا عن الأكل بأي حاجة ، حتى إعتدت هذا النظام ، لا تقلقي ستعتادي

يعني اللخبطة البسيطة للنظام لن تؤثر بإذن الله لكن لا تكون هي الأساس .

[مجبورة ان شاء الله]

السلام عليكم

هذا الموضوع اكثر من رائع ولى مداخله

اناكنت فى الصيف الماضى وزنى 90 وطوالى 155 وعمرى 33 وكان وزنى من 13 عام 44 ك طبعا وزن كتير كتير بس ده من الحمل واعدته البيت وكمان انا كنت رياضية وبمارس طبعا مع الزواج انتها كل شئ وفى شهر يوليو بداءت عمل رجيم ومش حقول انى فشلت عملت رجيم مع الدكتور مها رادميس وكان الرجيم مثل اللى حضرتك قولتيه بالظبط مع اختلاف بعد الاشياء منها تحريم بعد انواع الخضار مثل البسلة والجزر لانهم بيساعدو على زيادة السكريات فى الجسم والاكل بين الوجبات الرئيسية كل ثلاث ساعات وشرب من 3الى 5لتر مياه يوميا ومنع جميع انواع الزيوت والدهون واكل الخبز وذلك لان جسمى كان يحتوى على كمية محترمه من الدهون وكان المبرر للدكتوره ان الجسم يجب ان يحرق الدهون الذائدة عن طريق نظريةالاكتفاء الذاتى وكان اكل الارز من الوجبات الاساسية فى عمل الرجيم الخاص بى انا قمت بعمل هذا الرجيم والحمد الله بقوة الايمان بالله والمحافظة على نعمه وهو طبعا الجسد قدرت ان انقص وزنى طبعا مش بالقدر المرجو بس الحمد الله انزلت من وزنى ما يقرب عن 25 كيلو وكان الحافز بسراحة عمل الاتنر فيوه لان لازم البس بدله وماكنش ينفع بسبب المقاسات وكنت بنعى حظى حتى انعم الله على بقوة الاراده فى ان اخس معلش نسيت اخبركم انى كنت باكل كل حاجة وكان من المفروض اكل الاكل كله مسلوق بس كنت بعمل الاكل نى فى نى وحط عليه طماطم واسيبه مع نفسه والارز كان مسلوق بكوركم او كارى وبالفعل انا والاسرة اخدنا على طعم الاكل بالشكل ده واصبح وزنى ثابت حتى مع لغبطته الاكل والعزومات اصبحت جسمى ثابت الوزن واكلى اصبح قليل وكما قلتى الوجبات السريعه وباء حقيقى والحاجة الساقعة انا منعته عن بناتى تماما ونصيحه ليكم المقبلات مثل المخلل كرثة بجد لانها بتحبس المياه تحت الجلد مما يجعل زيادة الوزن ملحوظة .

معلومة وديه حاجة متجربة لدى ناس بيعانو من مرض السكرى

غلى الكمون الحصى مع الزنجبيل مع الشاى الاخضر مع النعناع وكله بنسب متساويه وشرب ثلاث اكواب يوميا قبل كل وجبة رئيسية يساعد على اذابةالدهون وانقاص الوزن بصورة ايجابية وهذه الاعشاب متجربة ولى اصدقاء واقارب استمرو عليها ومع العلم انهم لم يقدرو على عمل الرجيم لاسباب مرضيه وانقصه من وزنهم

نطلب من الله عز وجل العفو والعافية فى الدنيا والاخرة .

مرة اخرة ربنا يكرمك لما فيه الخير

[ام بلال]

الأخت الفاضلة مجبورة :

أنا طبيعة أكلي إما ني في ني ، أو تشويح بسيط للبصل في ملعقتين زيت في بعض الأكلات ، المشكلة في بعض الناس الذين إعتادوا وضع كبشة سمن على كل صنف ، و تحمير الفراخ و اللحمة في السمنةو الزيت ، هذا الأسلوب في الطبخ غير صحي و تقيل على المعدة جدا،

جربت تخديع الطماطم بدون زيوت نهائيا أو بصلة :

- طماطم مضروبة في الخلاط

- ملعقتين صلصة

- توابل

هذه الطريقة تصلح لتخديعة المحشي ، و الفتة ، فتة العدس ، يمكن إضافة الخل و الشطة حسب الرغبة .

أختي الفاضلة الأطباء لهم مذاهب و أبحاث في موضوع الحمية الغذائية ، و جورج كروز له دراسات مقارنة على كل الأنظمة حتى أنه عمل أشعة مقطعية على العضلات في جسم يتبع حميته و عضلات في جسم يتبع حمية معدومة الكربوهيدرات و الدهون و ستذهلي من شكل العضلات :

- الإثنين نفس الحجم من الخارج مما يدل على أن الوزن واحد

- الأشعة الخاصة بشخص يتبع نظامة العضلة ممتلئة اللحم و قدر ضئيل حولها من الدهون

- الأشعة الأخرى قليلة اللحم تمتليء بثقوب من الدهون و يحيطها جدار سميك من الدهون

و هذا ما وددت قوله تشجيع بناء عضلات مستطيلة حارقة لدهون الجسم على المدى الطويل داعمة لعملية الأيض .

شكرا لمداخلتك

[Virus]

للأسبوع الثاني بنجاح منقطع النظير..

يا مسهل يارب!!

[ام بلال]

مبرووووووووووووووووك يا أستاذ " virus " ربنا ييسركم باقي المدة ربنا يسهل باقي الثلاثة شهور و تأتي البشائر مشجعة ، حتى أقوم بتنزيل تمارين القوة لحرق أكثر للدهون ،

بصراحة فكرت أتواصل مع جورج كروز شخصيا لكن قررت أصبر لحد ما أشوف النتائج التي أتوقع أن تكون مذهلة .

شدوا حيلكم ، الموضوع تنظيم للأكل و للكميات و التوقيت ، سهل جدا ربنا يسهله لكم جميعا و تنتصروا على أنفسكم كما فعلت ،

مع دعواتي للجميع بصحة و عافية فيما يحبه الله و يرضاه

[محمد عبدالعزيز]

اليوم هو ال 13 من بداية تطبيقى للنظام

الحمد لله النهارده لقيت وزنى قل 2 كجم

رغم إن فى شوية لخبطة فى المواعيد بس مش بيأس وأرجع أكمل تانى.

وأحسن حاجة إنى حاسس بفرق فى مستوى النشاط, حاسس إنى بهضم أفضل وبتنفس أفضل.

[mezo]

الحمد بدات يوم 2 يناير وحتى اليوم فقدت 3.5 كيلو الف شكر ام بلال على هذا النظام لانه فعلا رائع فهو تنظيم وليس رجيم ولا يوجد به حرمان نهائى

[ام بلال]

الأساتذة الأفاضل :

ربنا يوفقكم ، و عقبال ما تبشروني كلكم ب 10 كيلو كخطوة أولى نحو الوزن المثالي ، ربنا يقويكم ،

الأستاذ ميزو أريد إضافتك للنادي الصحي ، أريد بياناتك كاملة إذا لم يكن لديك مانع ، الطول و الوزن في بداية الرجيم ،تسمح

:lol: :lol: معلومة مهمة جدا جدا :

من العناصر الغذائية التي يجب ألا تجتمع معا ،

الحديد و الكالسيوم ،

الحديد يعشق فيتامين سي

و الكالسيوم يعشق فيتامين سي

الحديد يمنع إمتصاص الكالسيوم و العكس بالعكس

فيتامين سي يساعد على إمتصاص كل عنصر منهم على حده ، مثال :

لا تأكل فول مع البيض أو الجبنة >>>> أعصر ليمون مع الفول يساعد على إمتصاص الحديد لا تأكل جرجير مع جبنة >>>> ممكن تشرب أو تاكل برتقال مع البيض و الجبنة

[بركة]

اختي الغالية ام بلال

انا ابتديت بالفعل تمرينات اللياقة مع النظام بتاعنا الاسبوع اللي فات

ومشيت على الجدول اللي عامله كروز بالتمام لكن الاسبوع ده كان ظهري

تعبان كالعاده (ليس من التمارين ) ولم اتمكن من اداء التمرينات تفتكري

اعمل ايه لان جدول التمرينات بيقول المستوى الاول 3 اسابيع وكده انا

انا عكيت الدنيا !! ابتدي ال3 اسابيع من الاول ولا ايه؟؟؟؟؟؟؟؟؟

وشكرا ليكي :ninja:

"اللهم اعنا على ذكرك وشكرك وحسن عبادتك"

[ام بلال]

ما تعقديش الدنيا ، إما تبدأي من الأول ، أو تكملي عادي تمارين القوة ، على فكرة أرجو تكون تمارينك الموجودة في كتاب " 8 دقائق في الصباح " الذي يتحدث عن تمارين شاملة للجسم لونه أحمرو أبيض ، و ليس الآخرين الخاصين بالبطن أو الآخر بتاع الأرداف ، لأن تمارينه ممكن تكون صعبة شوية عندما يكون في وزن زائد ملحوظ ،

أنا بدأت بالأول الأحمر و الأبيض ،و بعد الوصول للوزن المناسب أخدت بتاع تمارين البطن مع المشي يوميا ،

رغم أنني للأسف الآن مكسلة جدا مع الشتاء و البرد :sad: ،لكن أهم حاجة إن وزني ثابت 63 الحمد لله :ninja:

[بركة]

ربنا يبارك لك في صحتك وفي وزنك

ويخليكي لينا الكتاب اللي ابتديت بيه بتاع البطن وهو يعني معقول تمريناته مش صعبه

بس انا حاسه اني من ساعة لما وقفت تمارين جسمي بيرجع لوضعه قبل الرجيم

حتى الوزن كمان مع اني لسه مظبطة الاكل بس بقول يمكن من اخر العنقود :rolleyes:

[ام بلال]

خلي الفيصل الحقيقي نهاية الشهر ،

زني نفسك :

- صباحا بعد دخول الحمام و تفريغ الأمعاء من الفضلات

- مرة واحدة فقط في الأسبوع

- على معدة فاضية و قبل الفطور

ثم لا تقلقي العبرة بالنهاية على المدى البعيد هينزل وزنك هينزل

اللاتي يرضعن طبيعي لهن بعض الإستثناء ، يمكن تعويض حاجة الأم بالسكريات بالتركيز على العصائر الطازجة بدون سكر أبيض ، على التمر و الحليب قليل الدسم ، على المكسرات ، على شرب كميات كافية من الماء كما أسلفنا ،و الخضروات الطازجة

ركزي في وجباتك الخفيفة ، ماتاكليش أي كلام ، بمعنى :

تفاحة و برتقالة أفيد لك من باكو شيكولاتة

علم يا جميل

[بركة]

شكرا جزيلا يا ام بلال ياحبيبتي

ربنا يجعل تعبك في ميزان حسناتك

النهارده انا وزنت نفسي على الميزان بكل تعليماتك ولقيته 88 وربنا معانا يارب :unsure:

[مصطفى عبد الوهاب]

كنت نفسي احط لكم هدية مني بس مش عارف أحط جدول ازاي لو ممكن حد يساعدني في الموضوع ده أكون شاكر

سلام عليكم

[ام بودى]

اختى ام بلال السلام عليكم ازيك وحشتينى عندى سؤال(رفيع) قصدى صغير معلش اصل احنا عاوزين نبقا رفيعين المهم هو صندوق المفاجات بتاع الحبوب الكاملة تقصدى العلبة اللى مكتوب عليها شابورة الخليج وبيكون جواها قراقيش مربعة زى الشوريك

[ام بلال]

:sad: الأخت بركة ربنا معاك و يعينك ،

:) الأستاذ مصطفى عبد الوهاب ،ياريت تنزل لنا جدول( إسأل أهل الخبرة في الموضوع ده ) ربنا يجازيك كل خير ،

الأستاذ وطني ، تجربتي خير برهان ، إقرأ حضرتك الصفحات من الأول و هتفهم إني أنقل تجربتي ، مدعومة بالمعلومات العلمية التي إعتمدت عليها في تجربتي و هي كتب جورج كروز ،

الأخت الفاضلة أم بودي :

صندوق المفاجآت ( هي تسميتي الخاصة )عبارة عن أكياس أو علب في قسم الكورن فليكس في الأسواق الكبيرة تجديها ، تتكون من :

حبوب كاملة : قمح - شوفان - شعير - .........إلخ

بذور : مثل دوار الشمس و أنواع أخرى

فواكه مجففة : زبيب - قطع مشمشية - قراصيا- أناناس مجفف - موز مجفف ........إلخ

مكسرات : بندق - لوز - .........إلخ

أحيانا أجدها و أحيانا أقوم بتجهيزها على قدي :

- كورن فليكس ذرة - كورن فليكس قمح كامل القشرة - شوية مكسرات و فواكه مجففة وتمر لأن ده سهل توفيره و أضيف حليب و بالهنا و الشفا

[redwany]

انا هاحكى تجربتى

بدات من 18 شعبان الماضى حين كان وزنى 96 كيلوا

بدات فى المشى يوميا لمدة ساعة تقريبا ومشى فقط

الاكل كان عادى بس مع كميه سلطات كبيره علشان احس بالشبع

وفى رمضان كنت امشى 45 دقيقه قبل الفطار ومثلهم بعد السحور

فى نهاية رمضان وصل وزنى الى 85 كيلوا

نزلت مصر ورجع معايه الاولاد من مصر والان بسبب طبيخ زوجتى وزنى رجع 93 كيلو

من امس بدات فى التجربه ثانية

وفى نهايه الشهلر هابلغلكم ايه اللى حصل

[ام بلال]

الأخ الفاضل رضواني:

موضوع بذل جهد لحرق الدهون شيء جيد لكن مشكلته الحقيقية هو عند التوقف عن الرياضة يرجع كا شيء لما هو عليه ، لأن نظام الأكل نفسه لم يتغير، في حين عندما يمشي الإثنين معا :

- تنظيم أكل

- رياضة أقلها المشي تكون النتيجة رائعة ،

و عند التوقف عن الرياضة ، و لكن نظام الأكل لم يتغير ( أقصد هنا نظام الثلاث ساعات ) تجد جسمك محتفظ بوزنه ،

جزاك الله خيرا ربنا يوفقك .

:roseop:

bv:- ملحوظة مهمة بالنسبة للرضاعة الطبيعية :

إذا كان الطفل في الشهور الأولى و يعتمد اعتمادا كليا على الأم في الرضاعة ، فعلى الأم أن تراجع الطبيب في النظام الأمثل لها ، فقد يكون كمية الأكل قليلة بالنبة لها ، لكن تنظيم الثلاث ساعات قد يناسبها و قد تحتاج لمزيد من السوائل ،

الخلاصة العبرة بالنتيجة ، إذا قل إدرار اللبن ، تؤجل الرجيم حتى إشعار آخر ،

لكن ذلك لا يمنع من تنظيم الأكل ، فلا علاقة بين كثرة الحلويات و السمن و الدهون و السكريات الغير طبيعية ، و تقليل الخضروات و الفواكه و بين ادرار اللبن ، بل العكس صحيح ، يعني الموضوع تركيز على المفيد و لن يحدث زيادة في الوزن ،

أشكركم

[mlomlo]

السلام عليكم

الله يبارك لك يا ام بلال ويبارك لك في بلال

انا اسمي محمد من مصر

السن 28.5 متزوج

الطول 190 سم الوزن 135 كجم (مصيبة)

لسة داخل على الموضوع بتاعك امبارح بس

قرات كل الصفحات وان شاء الله مستعد بقوة عشان اشيل الوزن الزائد ده

جهزت ال3 ورقات وكله تمام

ادعولي.........