استشاره عاجله عن استقدام الزوجة

[اسامه النبوي]

الاخ الكريم سي السيد فئنا مشترك جديد بالمنتدى واتباع ردودك التى توفى المعنى والايضاح التام

وعندى كام سؤال لو ممكن

ممكن يكون مكرر ولكن اعتقد انه مختلف شويه

انا مهنتى فني اتصالات

وهذهى مهنتى ال سفرت عليها من مصر يعنى مش مغيرها او معدل مهنه

ومؤهلى معهد اتصالات ونظم المعلومات

يعنى المؤهل مطابق للمهنه والحمد لله

وموثق من الملحق الثقافى السعودى بالقاهره ومن السفاره السعوديه ومن الخارجيه المصريه

فهل لو تقدمت للاستقدام فى اى مشكله

ولدى سوال اخر

عقد الزواج موثق من المحكمه ومن الخارجيه المصريه فهل يكفى

وهل استطيع توثيقه من السفاره المصريه ومن الخارجيه السعوديه ولا مش مهم

وانا مقيم بالشمال

اى مكتب استقدام اراجعه وايههما اسهل واحسن

وشكرا واسف على الاطاله

تم تعديل 24 ديسمبر 2008 بواسطة اسامه النبوي

[ozoozo]

اسمحلي ارد عليك في حدود علمي واعتبره رد مؤقت لحين وصول الرد من سين سين

1-المؤهل لاغبار عليها اي حاجه فيها فني او اختصاصي تسمح والتوثيق كده تمام

2-لو انت في مكتب استقدام جده ممكن القسيمه تعدي بنسبه 70% انت وحظك وعلي حسب دماغ الموظف لكن قانونا لايجوز قبول اي مستند غير موثق من السفاره السعوديه ولو قدمت كده في الرياض غالبا مش هاينفع لانهم بيتلككو هناك

3-الشمال ده فين يعني......لو حفر الباطن تبقي تبع الدمام ....القريات مثلا الرياض .....تبوك -جده فحدد بالظبط واكد علي موضوع المكان ده ممكن بالتليفون لمكتب الاستقدام

[اسامه النبوي]

3-الشمال ده فين يعني......لو حفر الباطن تبقي تبع الدمام ....القريات مثلا الرياض .....

اخى المكان القريات وشكرا لردك بس هل ينفع اروح جده او الدمام

وهل ممكن التوثيق من هنا لعقد الزواج لو كان مصدق من الخارجيه المصريه

تم تعديل 24 ديسمبر 2008 بواسطة اسامه النبوي

[se_ Elsyed]

بشكل عام

لو المعهد 4 سنوات يبقى الطلب هايتقبل

لو سنتين يبقى انت وحظك

تخيل ان كثير من العرب لما بيقدموا على استقدام فلا يُشترط تقديم وثيقة الزواج ... وأنا مثال حي لذلك وماحدش قال لي تلت التلاتة كام .. لكن كانت بتُطلب من غير العرب ... وأنا عن نفسي من 9 سنوات عملت أستقدام ... لخطيبتي .... آه والله كنا لسه مخطوبين وعملت أستقدام لزوجة المستقبل ...

بالنسبة لوجودك بمحافظات الشمال .. فمش عارف بصراحة انتو تبع انهي مكتب استقدام لكن أسأل أي حد عمل أستقدام بالتأكيد هايدلك ..

أقول لكم على مفاجأة لسه شايفها بأم عيني الأسبوع الماضي .. واحد أعرفه مهنته سائق خاص عمل أستقدام لزوجته وأولاده ... وشوفت التأشيرة بعيني ... مش تأشيرة خادمه أو ما شابه .. لكن تأشيرة استقدام عاديه bv:- wst::

بس طبعاً بواسطة جامده

وفي الأستقدام الواحد مش المفروض ييأس ويقدم مرة واتنين وتلاتة لو أترفضت وممكن يجرب مناطق أخرى ... وأسهل منطقة الأمور بتمشي عندهم حلاوه هي جده

[اسامه النبوي]

شكرا لك اخى الكريم سين سين المعهد سنتين

وانا نويت على الرياض والامر لله

وهل اقضر اوثق القسيمه من هنا لو غلسو عليه

وما هيا صيغه الخطاب ال هخده من الكفيل

وشكرا لك

[diasty]

السلام عليكم .................الاخ العزيز سي السيد تحية لك bv:- من الرياض مرة اخرى

على فكرة انا عضو مش جديد انا قديم لكن لاسباب تم تغيير اسم الدخول وسامحنى جيت وما جبتلكش البطة اللي و عدتك بيها wst::

المهم انا كمان "فني حاسب الي " نتمنى من اللة ان يكون موضوع الاستقدام شغال وما يشطرتوش بكالوريوس مطابق للمهنة

يعني اي بكالوريوس و خلاص

[اسامه النبوي]

السلام عليكم

احب ابشركم تمت الموافقه على طلبي من جده والموضوع كله مخدش دقيقتين بالظبط مكنش فين غيرى انا و3 كمان واخذت الورقه الصفرا والحمد لله

واتمنى التوفيق للجميع وشكرا على كل الردود

ولكن سوال

بس حتى الان لم تظهر على موقع وزاره الخارجيه هل تأخذ وقت حتى تظهر على الموقع ؟

[ozoozo]

مبرووك وليا سؤال انت وثقت عقد الزواج ولا عدا كده؟؟؟؟؟

بالنسبه للخارجيه بياخد من 2 الي 3 يوم لكنه بينزل الاول علي موقع وزاره الداخليه وممكن تدخل علي الموقع وتشيك برقم الصادر ورقم اقامتك

تم تعديل 1 يناير 2009 بواسطة ozoozo

[اسامه النبوي]

لا الحمد لله مطابوش توثيق ولا حاجه والموظف كان كويس جداا وشكرا لمتابعتك الموضوع

تم تعديل 2 يناير 2009 بواسطة اسامه النبوي

[diasty]

الف مبروك يا اخ اسامة و عقبالي ان شاء اللة

[adelelgo]

مبرووك وليا سؤال انت وثقت عقد الزواج ولا عدا كده؟؟؟؟؟

بالنسبه للخارجيه بياخد من 2 الي 3 يوم لكنه بينزل الاول علي موقع وزاره الداخليه وممكن تدخل علي الموقع وتشيك برقم الصادر ورقم اقامتك

اخي الكريم

دخلت علي موقع وزارة الداخلية فوجدت بيانات التاشيرة

ولكن عندما دخلت علي موقع وزارة الخارجية فلم اجد شيء

علما بانني استلمت التاشيرة منذ اكثر من اسبوع

تحياتي

[modi]

السلام عليكم اخ سي السيد

سؤالي : عاوز استقدم زوجتي انا مهنتي ميكانيكي تجميع ماكينات طباعة ومؤهلي معهد فني تجاري ازاي اقدر استقدم

ولو منفعش على المهنة دي اعمل مهنتي ايه

ولكم جزيل الشكر