اخبار المعيشة فى الخبر وليس جدة او الرياض

[رجب كامل]

ياعم سى السيد انت بتلوم علينا تكرار الاسئلة بالرغم من انت لازم تعرف ان كل يوم الاسعار والمعيشة والتكلفة بتتغير المهم انا جالى عقد مهندس فى مدينة الخبر عند السعد للمقاولات الشىء الى قالقنى ميعاد العمل من 6 ص ال4 عصرا ومدينى بدل سكن 15000 الف ريال و500 ريال بدل انتقالات والراتب 5000 الف ريال وناوى اروح اول سنة من غير العيال فهل فى سكن قريب وماهى الاسعار والنصائح العامة افيدونى ربنا يخليكوا للغلابة

[سهل جدا]

أهلا بيك يا بشمهندس رجب ..

أنا جلست في الخبر حوالي أربع سنوات , وسأعطيك ما عندي والبركة في باقي الأخوة إن شاء الله

بالنسبة للسكن فأعتقد إن 18000 ألف ريال في السنة مناسب يجيبولك شقة غرفتين وصالة لا بأس بها, هذا بعد غلاء الأسعار اللي كان من سنة, ولكن في ناس تتوقع إن الإيجارات هاتقل مرة تانية .. نأمل ذلك ..

بالنسبة لفرش الشقة عندك سوق الحراج اللي يباع فيه كل العفش المستعمل موجود في حتة اسمها العزيزية، اسأل عنها هناك هايدلوك عليها ..

إذا كانت حالتك المادية جيدة, وناوي تجلس فترة في السعودية اشتري الأجهزة الكهربائية جديدة, أما الخشب (من سراير ودواليب .... إلخ) اشتريه مستعمل أحسن لأنه بيكون أرخص بكثير..

ما تتميز به الخبر أنها هادية والزحام أقل فيها بكثير من جدة والرياض, وفيها أماكن جميلة جدا، يكفي إنها في سنة من السنين أخذت أجمل ثاني مدينة عربية ..

وما تنساش تصلي الاستخارة قبل ما توافق على السفر ، ما حدش عارف الخير فين ..

وفقك الله

[رجب كامل]

شكرا للرد الذى قدمه الزميل واسف على التأخير بالرد وذلك لظروف صحية بالنسبة للشركة هى تابعة لمجموعة سعد الصانع بالخبر شمال فهل ممكن احد يدلنى على المسكن القريب وماهى اخبار المواصلات ربنا يبارك فيكم لان الميعاد من 6 الى 4 برجاء الرد

[Dr.mmfriend]

زى ما اضاف الزميل السابق

18000 هو الرانج الى يجيبلك شقه معقوله

15000 يجيبوا برضه بس هيبقي مبنى قديم او دور ارضي او مكان مش اد كده

او ربنا يكرمك وتوقع حاجه لقطه

سعد ليهم كذا مكان وموقع

على حسب انت هتشتغل فين

فى ال head office??

او فى مكان اخر

متفكرش في المواصلات انت اشترى عربيه وريح بالك

الخبر مدينه جميله هتتبسط فيها ان شاء الله

[رجب كامل]

ياسيدى انا مشكوووور جدا ان فى حد بيرد عليا بالنسبة للعربيات ايه النظام وانا مبعرفش اسوق اصلا اما طبيعة شغلى هى فى الرخام فى الووترجيت وانا بس اعرف العنوان اعلاه ولا اعرف المنطقة تحديد ولى سؤال 15000بدل السكن لمفردى فى شقة ولا مع مجموعة فى شقة ويريت الرد يكون سريع ومرة اخرى ششششششششكرا

[رجب كامل]

يجماعة حد يرد طيب بلاش عربية لو موتسيكل ايه النظام انا بعرف اسوق موتسيكل وعلى العموم ده اول سؤال يتسئل فى هذا المنتدى الكريم ررررررررررررررررررررررررررررررررررجاء الرد