صور من الوحدة الصحية

[qenawy]

رغبة في تفتيح الاعين علي حال ووضع ماساوي في احوالنا الصحية وبدون كلام كثير

اتمني ان تنتهي هذه الصور من الوجود

للاسف الصور هذه شائعة

صورتها اليوم بعد استذان المسئول عن المكان وانا حزين

تفتكروا ما هو الحل

انا تحدثت مع الطبيب صديقي وقال لي ان الوحدة لا يوجد بها عمال

عذر ولكن النتيجة خطيرة جدا

بصراحة كرهت نفسي النهاردة

[qenawy]

المشكلة في وفي صديقي وفي العمال وفي الادارة وفي الوزارة

والحلول مستحيلة

الحل يبدا من المدرسة

من حب النظافة والتعود عليها

الايمان ليس شهادتين فقط الايمان هو العمل والاجتهاد

حزين

[qenawy]

[Alshiekh]

الحقيقة صور اقل وصف لها انها بشعة

وتثير فى النفس عدة اسئلة

هل يعمل صديقك الطبيب فى هذا المكان؟ ولو كانت الاجابة بنعم فعليه العوض ومنه العوض بعد ان قبل صديقك الطبيب ان تكون حقيبته التى تشبه حقيبة لاب توب أو حقيبة ادوات الطبيب بهذه القذارة.

أتصور ان يكون هذا المكان كان قد استخدم فى احدى حملات التطعيم التى تقوم بها وزارة الصحة والتى قد يكون قد مضى عليها شهور لان كل المظاهر تدل على انه مكان مهمل.

ولكننى لا أتصور ابدا ان يقبل طبيب بالعمل فى مكان مثل هذا.

وفى النهاية فاللوم الاول والاخير يقع على صديقك الطبيب ، هذا من وجهة نظرى.

[qenawy]

شكرا للاخ الفاضل استاذ محمد

سيدي الفاضل

صديقي مكلف بالعمل في ذاك المكان والتكليف اجباري

المكان شعلة نشاط

انا خرجت مرتين في خمس دقايق عشان يكشف علي الزباين

صديقي مسئول جزئيا

التمس له العذر في عدم تواجد عمال نظافة اساسا طبعا شنطته مسئولية شخصية

لاحظ ملفات المرضي ملقاة حتي ان احد الملفات مخبأ وراء لوحة الاعلانات بتاعة التطعيم صورة رقم 4

انا شخصيا صدمتي من احتماليات العدوي الخطيرة الواقعة لا محالة

عدد ضخم من سنون السرنجات ملقي في الارض وطبعا كل شيء وارد

الوحدة بلا سور المعيز والخراف وكل انواع الطيور والحيوانات المنزلية وغير المنزلية في الاطار الخارجي

ابواب بلا كوالين لو تلاحظ

جدران متربة

اوراق رسمية ملقاه باهمال

المهم الورق

انتظر لحظة سارفق صورة معبرة اخري

[qenawy]

تعليمات معلقة علي جدران الوحدة للروتين فقط

[qenawy]

البساطة مقبولة انما المصيبة في احتماليات العدوي

بصراحة حسيت ان احنا مجرمين في حق نفسنا

عموما اضعف الايمان لدي هو نشري لهذه الصور وبدون تفاصيل

ليه بقي

انا بحكم عملي لفيت علي وحدات كتير

فيها الاسوا من هذه وفيها الافضل

وكميات مخالفات خطيرة جدا جدا اكتشفتها وبلغت عنها المستوي الاعلي

فما كانت الردود والافعال الا سلبية جدا

عموما انا اعتذرت بعد حادثة ما عن اي عمل كمشرف علي مثل هذه لاادري (المقابر تنفع)

[لولا]

بجد مش قادره اسدق :unsure:

معقول المكان دا يطلق عليه لفظ وحده صحيه !!! صحيه !!!

اتذكر دوما والدتى كانت تقول النظافه لا ترتبط بالغنى والفقر .. الإنسان النظيف سيكون نظيفا مهما كان فقره

لأن الموضوع يتطلب القليل من الماء فقط !!

حسنا لنناقش الموضوع .. الوحده يظهر من كلامك فى منطقه ريفيه ربما ... حسب المعلومات لا يوجد عمال نظافه فى وحده صحيه !!

حسنا ولكن الصور تعرض وضع اكبر من مجرد اتربه وغبار .. انه حاله فوضى عارمه .

قذراه فى كل شيئ . هل ترتيب طاوله الطبيب وظيفه عامل النظافه ؟

هل نظافه شنطة الطبيب وظيفه عامل النظافه ؟

هل تعقيم ادوات الطبيب وظيفه عامل النظافه ؟ الا يوجد تمريض ايضا ؟؟

هل اعطاء الحقن ورمى مخلفاتها على الأرض هو تصرف طبيعى اصلا من الطبيب والممرضه ؟؟

هل القبول بكامل الوضع القذر من الأطباء والممرضين حتى يصل الحال لهذه الدرجه هو امر يمكن تبريره ؟ مما يظهر فى الصور

هى عوامل متكامله .. من التسطيح جدا ان نرى ان سبب كل هذا الوضع المثير للإشمئزاز هو عدم وجود عامل نظافه للوحده فقط !

فى رأى الشخصى انها مشكله مجتمع صار سلبى جدا جدا تجاه نفسه .

لو قام الأطباء والأشخاص الموجودين فى المكان بالإهتمام الكافى لإيجاد حل للمشكله لوجوده ولكنها السلبيه والرضا بالوضع اياً كان !!

كل واحد شايف انه ملوش دعوه .. يوجع دماغه ليه !!

اظن لو قام المرضى انفسهم بالتبرع بنصف جنيه لتوفر مبلغ يكفل تنظيف المكان يوميا بشكل مقبول على الأقل للإستعمال الآدمى !!

عندما رأيت الصور تذكرت منظر مشابهه رأيته فى اجازتى الأخيره لمصر . كان منظر مكتب لتغيير العمله تابع لبنك مصر

دخلته لصرف نقود وفوجئت بحجم القذراه الذى لا يصدق الذى كان عليه !!

الأرض قذره جدا .. الشبابيك لم نتظفها يد بشريه منذ سنوات ربما من شده تكون الغبار عليها .. دواليب متهالكه .. فوق الدواليب

كراتين ورق فرغه مرميه كما يظهر منذ سنوات .. كرسي انتظار واحد موضوع بلاستيكى رخيص يفترض ان لونه اصفر والقذراه

متكونه عليه بحيث اصبح رمادى ,,, وعلى جانب باب المدخل شويه كراسي قديمه مكسورة تماما ومتكون عليها طبقه سوداء من التراب

لأنها على ذات الحال من سنيييييييييييييييييييييييييين !!!!

وبالداخل موظفان واحد ليقوم بعمليه الصرف وهو يدخن سيجاره !! والثانى يمسك الجريده ويوسع من ثقافته !!

منظر مقزز استفزنى لأقصى درجه وتمنيت لو كنت املك ان انادى اى شخص من الشارع غلبان يدخل ليزيل اكوام القذراه

والكراتين والكراسي المكسوره ويمسح الأرض والنوافذ وانا اكيده انه سيأخذ عشرين جنيها شاكراً وان الموضوع لن يأخذ من وقته ساعه !!

الصاعقه التى لا يتوقعها احد والتى جعلتنى اشعر بغضب شديد جدا من الوضع الذى رأيته ,,,, ان ذلك المكتب كان فى شرم الشيخ !!!! فى وسط شرم القديمه فى السوق !!

وكان مليئ بالسياح من كافه الجنسيات !! كنت حقا اتمنى ان احضر اى شخص على حسابى الشخصى لتنظيف المكان لشده الخجل !!

خرجت من المكتب وانا لا الوم احدا سوى الشخصين بالداخل .

اعتقد لو قام احدهما بالتبرع بنفسه بالتخلص من شويه الكراتين الفاضيه والكراسي المكسوره لوفر لنفسه مكان اوسع ومنظر افضل

وبيئه انظف يعمل فيها . لو اصر وطلب توفير عامل لمسح الأرض والنوافذ لما وصل الوضع لأن يصبح اشبه بمكب نفايات .

تحياتى لك د.قناوى

لولا

تم تعديل 25 ديسمبر 2008 بواسطة لولا

[Alshiekh]

شكرا للاخ الفاضل استاذ محمد

سيدي الفاضل

صديقي مكلف بالعمل في ذاك المكان والتكليف اجباري

المكان شعلة نشاط

انا خرجت مرتين في خمس دقايق عشان يكشف علي الزباين

صديقي مسئول جزئيا

التمس له العذر في عدم تواجد عمال نظافة اساسا طبعا شنطته مسئولية شخصية

لاحظ ملفات المرضي ملقاة حتي ان احد الملفات مخبأ وراء لوحة الاعلانات بتاعة التطعيم صورة رقم 4

انا شخصيا صدمتي من احتماليات العدوي الخطيرة الواقعة لا محالة

عدد ضخم من سنون السرنجات ملقي في الارض وطبعا كل شيء وارد

الوحدة بلا سور المعيز والخراف وكل انواع الطيور والحيوانات المنزلية وغير المنزلية في الاطار الخارجي

ابواب بلا كوالين لو تلاحظ

جدران متربة

اوراق رسمية ملقاه باهمال

المهم الورق

انتظر لحظة سارفق صورة معبرة اخري

عفوا د. قناوى ، شنطته ليست مسئولية شخصية ، انما تدل على الشخصية

تعليمات معلقة علي جدران الوحدة للروتين فقط

ماشاء الله تعليمات مكتوبة بالكمبيوتر ، ومطبوعة ، ووحدة لها مدير ، ولديهم خاتم شعار الجمهورية ، وتعليمات للاطباء والممرضات كالتى اراها بالضبط هنا فى مستشفيات امريكا ، ومكتب الطبيب وشنطته بهذا المستوى من القذارة ، لاأملك الا ان اقول خسارة اللى اتصرف عليكم يادكاترة مصر لو كنتم جميعا بهذه السلبية.

على فكرة ، عندما كنت جديدا فى امريكا ، وفى بدايات عملى فوجئت بمدير الشركة التى عملت بها يأخذ فوطة ورقية ويلتقط بها شيئا من الارض ليلقيه فى صندوق القمامة مع الفوطة الورقية طبعا ، فعلقت بأن هذه شغلة عاملة النظافة ، فابتسم قائلا ان مافعله ارخص من الوقت الذى سيضيعه لاستدعاء عامل النظافه وتنبيهه لوجوب عمل ذلك اضافة لان ذلك قد يتسبب فى اذى لشخص آخر قد لايرى ماعلى الارض فتنزلق قدمه ، وان مافعله لن يؤذيه ولن يقلل من قدره.

تحياتى د. قناوى

[د هشام ابراهيم]

نفس الكلام اللي قولته في موضوعي حاكرره هنا .... مناظر يندي لها الجبين ... و للاسف الشديد التفاصيل يمكن تكون مختلفة لكن الجوهر اللي موجود في الصور منتشر في مصر بصورة سرطانية ... مفاهيم زاي النظافة و و النظام و احترام ادمية المترددين علي مكان عام سواء عاملين أو حمهور زاي ما بنقول غير موجودة في أماكن كتير داخل و خارج المجال الطبي .... منظر الوحدة الصحية ديه و مثيلاتها مش حيتصلح غير لما حال البلد كله يتصلح .... حد كان بيسألني مؤخرا هو غلطات الأطباء حتختفي امتي قلت له لما نحترم اشارة المرور .... المعني إن البلد منظومة كاملة ... صعب جدا إن مجال يبقى كويس لو المنظومة كلها غلط

ورقة الارشادات المتعلقة ديه بتفكرني بمصطلح باستخدمه .... ثقافة اليفط ... أهم حاجة اليافطة مش مهم أبدا المحتوي .... المدرسة الدولية المشتركة النموذجية لا هي دولية و لا مشتركة و لا نموذجية و كتير كمان مش مدرسة أصلا ... بس المهم اليافطة .... قيس علي المثال ده حاجات كتير .... و لحد البني آدمين نفسهم

لك الشكر يا د قناوي على الطرح و ما تغبش علينا في منتدى كندا يا أخي الفاضل

[ssmaly]

بالطبع المسؤول الاول الطبيب الذى يقبل ان يتواجد فى مكان بهذه البشاعة

مين اللى ادخل عيدان القصب فى هذا المكان (مش قادر اقول عليه عيادة او وحدة صحية) وهو مش فاضى لدرحة انه يمص قصب فى الوحدة ؟

اذا اعتبر ان المكان بيته كان اهتم بنظافته

واذا اعتبر المرضى اخوان له كان اهتم بالنظافة والتعقيم

[newcomer]

بصراحة ....مش بس الطبيب اللى لوحده مسئول

كل واحد دخل المكان ده .....مسئول

مريض ...ممرض....دكتور ....مدير....اى حد.... اى حد دخل...فاكيد هايكون مسئول

انا بحب افسر لنفسى الكلمة دى دايما

على انها مسئول سيسأل .....بس من مين....من الله سبحانة و تعالى

المريض الغلبان التعبان اللى لا حول ليه و لاقوة....هايسأل

ماحدش يقولى مش كفاية غلبة !!!

يعنى هى القذارة و الزبالة دى جت ازاى .....لوحدها

ما اكيد فية حد رماها.... و لو هو مارمهاش ....شاف غيره و سكت

و مارجعش بيته ....علم ولاده

العاملين اللى فى الوحدة ....ساكتين ليه ؟؟؟

يعنى ماينفعش يلموا من بعض يومية عامل نضافة

و يعتبروها صدقة حتى على العامل الغلبان اللى هايكونوا سبب فى رزقه

الجامع و الزاوية ....مابيقلوش للناس و يلفتوا نظرهم ليه

الاحزاب و الجماعات.......بيقلبوا الدنيا و يعملوا مظاهرات و يصرفوا

فلوس مالهاش اول و لا اخر على الملصقات و اليفط

ما يعملوا حملة توعية للناس ...و يفهموا البسطاء دول

بصراحة كلنا كلنا هانتحاسب من باب

من رأى منكم منكرا.......

[Mohamed Fayek]

حسبنا الله ونعم الوكيل فى كل مسئول عن هذه الكارثة ........ الله يخرب بيوتهم ويبتليهم بالأمراض المستعصية .... قولوا آآآآآآآآآآآآآآآآآمييييييييييييييييييييييييييييييييييين

[newcomer]

حسبنا الله ونعم الوكيل فى كل مسئول عن هذه الكارثة ........ الله يخرب بيوتهم ويبتليهم بالأمراض المستعصية .... قولوا آآآآآآآآآآآآآآآآآمييييييييييييييييييييييييييييييييييين

يا استاذ محمد....بقول لحضرتك ...كلنا مسئولين

تقول ادعوا على المسئولين( اللى هوه احنا....كلنا.....لا يستثنى احد)

كلنا بنشوف .....و نسكت..... وكتير بنشارك

مش لازم نفس الوحدة اللى مش صحية

بس فى اى مكان تانى فيه نفس الاهمال و اللامبالاه

خلينا ندعى....ان ربنا يصلح حالنا

و يعينا على انفسنا....لحد ما نتغير ......أمييييييييين

[newcomer]

ما تزعلش يا استاذ محمد

مش هانتصلح ....غير لو واجهنا نفسنا باخطائنا

و ما بقيناش نريح نفسنا باننا نحط كبش فدا لكل مشكلة

سواء كبش الفدا ده الحكومة و النظام ....ولا العامل الغلبان اللى لازم يشيل القضية

لو كل واحد فينا حس ان الحكاية حلقات داخلة فى بعض

و بتاثر على بعض ...اكيد ربنا هايصلح حالنا

تم تعديل 25 ديسمبر 2008 بواسطة newcomer

[jamalpody]

النظافه لا تحتاج الي امكانيات

[korsymaksoor]

السلام عليكم....

انا طبيب وعملت في اول عملي بالطب قبل ان اعمل في المستشفيات الجامعية باحدى الوحدات الصحية و ايامها كنت اقوم بزيارات كثيرة لزملائي في وحداتهم....

و بالأمانة الشديدة....معظمها مجهز مؤثث على مستوى جيد...بالعكس فهناك وحدات كثيرة انظف بكثير عن المستشفيات العامة....

بالنسبة للصور المعروضة...فان اول من يسأل عنها و يجب ان يعاقب عليها هو الطبيب المسؤول عنها....هناك مخالفات كثيرة في الصور هو مسؤول عنها شخصيا منها...

1- وجود أعواد القصب في مكتب سيادته غير مبرر ولا يحتاج لعامل نظافة ويمكن ان يبرر وجوده لسببين اما ان يكون لزوم التصوير و الحبكة الدرامية أو لاستخدام سيادته للعلاج بالأعشاب....

2- تركه للأدوات الجراحية و ابرة الخياطة الجراحية في الحوض امر يعرضه للمسائلة لأن ذلك ليس من اختصاص عمال النظافة ولكن يجب على الطبيب ان يوجه الأمر لمساعديه من التمريض بتنظيف الأدوات ووضعها في الأوتوكلاف للتعقيم..!!!

3- اعتقد من السهل جدا وضع قطعة يلاستر او لاصق لتثبيت الأعلانات التي على الحائط لتحسين المظهر العام...ولا اعتقد ان في انسان الدنيا قفلت في وشه عشان يشيل الورق ورا الاعلان المعلق على الجدار (لأوباين جزء منه عشان يطلع في الصورة...آآآآل يعني)...

4- تركه للأدوية في احواض التعقيم الجراحي مسؤلية سيادته الشخصية وليست مسؤلية عامل النظافة لأن الطبيب مش المفروض يرمي الأدوية في اي حتة ولازم يشيلها في دولاب الأدوية...

5- اعتقد ان اي انسان(وليس من الشرط ان يكون طبيب) مسؤول عن ترتيب المكتب الخاص بيه...يعني من السهل ان يقوم بترتيب اوراقه على مكتبه وان ينظم و يغلق جهاز الضغط بدل ماهو فارده كده عالمكتب لزوم التصوير...يعني الموضوع سلوك شخصي

6- ليه سايب السرنجات و الأمبولات المستعملة على مكتب سيادته؟ ابسط قواعد السلوك الانساني هو التخلص من مخلفاته....فما بالك اذا كانت مخلفات طبية والمفترض بحكم انه طبيب انه يعلم مدى خطورة هذه المخلفات عليه هو شخصيا قبل زملائه و مرضاه...

7- آخر حاجة...ان شنطة سيادته خير رد ودليل و برهان على شخصيته..حيث تعطينا دلالة ويقين كامل باتجاهات هذا الطبيب في الحياة...يعني لما يشيل شنطة زي دي ما عتقدش انه ينفع يشتغل في مكان غير زي ده...

معلش طولت بس انا قلت رأيي بأمانة شديدة....الحكاية مش هيصة هيه....نصلح نفسنا الأول ياجماعة وبعدين نتكلم...مفيش داعي للمبالغات.....نصيحة للطبيب المسؤول عن الوحدة من زميل(ولو تحب أخ اكبر)....لو كنت بتشتغل في بلد تانية غير مصر كان زمانهم رفدوك من زمان...الطب أمانة ومهنة انسانية يجب ان تصلح من شخصيتك وعاداتك وربنا يوفقك في مستقبلك

[qenawy]

السلام عليكم....

انا طبيب وعملت في اول عملي بالطب قبل ان اعمل في المستشفيات الجامعية باحدى الوحدات الصحية و ايامها كنت اقوم بزيارات كثيرة لزملائي في وحداتهم....

و بالأمانة الشديدة....معظمها مجهز مؤثث على مستوى جيد...بالعكس فهناك وحدات كثيرة انظف بكثير عن المستشفيات العامة....

بالنسبة للصور المعروضة...فان اول من يسأل عنها و يجب ان يعاقب عليها هو الطبيب المسؤول عنها....هناك مخالفات كثيرة في الصور هو مسؤول عنها شخصيا منها...

1- وجود أعواد القصب في مكتب سيادته غير مبرر ولا يحتاج لعامل نظافة ويمكن ان يبرر وجوده لسببين اما ان يكون لزوم التصوير و الحبكة الدرامية أو لاستخدام سيادته للعلاج بالأعشاب....

2- تركه للأدوات الجراحية و ابرة الخياطة الجراحية في الحوض امر يعرضه للمسائلة لأن ذلك ليس من اختصاص عمال النظافة ولكن يجب على الطبيب ان يوجه الأمر لمساعديه من التمريض بتنظيف الأدوات ووضعها في الأوتوكلاف للتعقيم..!!!

3- اعتقد من السهل جدا وضع قطعة يلاستر او لاصق لتثبيت الأعلانات التي على الحائط لتحسين المظهر العام...ولا اعتقد ان في انسان الدنيا قفلت في وشه عشان يشيل الورق ورا الاعلان المعلق على الجدار (لأوباين جزء منه عشان يطلع في الصورة...آآآآل يعني)...

4- تركه للأدوية في احواض التعقيم الجراحي مسؤلية سيادته الشخصية وليست مسؤلية عامل النظافة لأن الطبيب مش المفروض يرمي الأدوية في اي حتة ولازم يشيلها في دولاب الأدوية...

5- اعتقد ان اي انسان(وليس من الشرط ان يكون طبيب) مسؤول عن ترتيب المكتب الخاص بيه...يعني من السهل ان يقوم بترتيب اوراقه على مكتبه وان ينظم و يغلق جهاز الضغط بدل ماهو فارده كده عالمكتب لزوم التصوير...يعني الموضوع سلوك شخصي

6- ليه سايب السرنجات و الأمبولات المستعملة على مكتب سيادته؟ ابسط قواعد السلوك الانساني هو التخلص من مخلفاته....فما بالك اذا كانت مخلفات طبية والمفترض بحكم انه طبيب انه يعلم مدى خطورة هذه المخلفات عليه هو شخصيا قبل زملائه و مرضاه...

7- آخر حاجة...ان شنطة سيادته خير رد ودليل و برهان على شخصيته..حيث تعطينا دلالة ويقين كامل باتجاهات هذا الطبيب في الحياة...يعني لما يشيل شنطة زي دي ما عتقدش انه ينفع يشتغل في مكان غير زي ده...

معلش طولت بس انا قلت رأيي بأمانة شديدة....الحكاية مش هيصة هيه....نصلح نفسنا الأول ياجماعة وبعدين نتكلم...مفيش داعي للمبالغات.....نصيحة للطبيب المسؤول عن الوحدة من زميل(ولو تحب أخ اكبر)....لو كنت بتشتغل في بلد تانية غير مصر كان زمانهم رفدوك من زمان...الطب أمانة ومهنة انسانية يجب ان تصلح من شخصيتك وعاداتك وربنا يوفقك في مستقبلك

الاخ الفاضل

انا ايضا طبيب وهزات صديقي علي الوضع اللي هو فيه وقعد يقول مبررات وكلام فارغ

بالنسبة للقصب والصور

حد الله يا اخي بيني وبين الفبركة بدون داعي

ده انا مارضيتش اصور اللي برة الوحدة عشان ما تتخضوش

ايضا وبحكم عملي

شفت مصايب اكتر من كده

هاقولك واحدة

في حملة تطعيمات كنت مشرف

كنت ادخل الوحدة

فين تلاجةالتطعيمات

المهم اكثر من 3 مرات وفي 3 وحدات الاقي طعمexpired

تخيل

طعم منتهي الصلاحية تخيل

واكيد اطفال كتير اخدوا منه

المهم

جبت الممرضة المسئولة

يا بنتي قولي لي تاريخ الصلاحية المكتوب علي الحقنة

الانسة ما بتعرفش تقرا اساسا اي ارقام (عربية) مجازا ارقام افرنجية مع انها ارقام اصلها عربي

المهم كان ناقص الطم علي وشي يومها

وبعد ...........................................

كلام مش عاوز اقوله

اعتذرت عن الاشراف وخليتني في شغلي وفي حالي ايضا

ليه بقي

ما فيش فايدة

[Mohamed Fayek]

حسبنا الله ونعم الوكيل فى كل مسئول عن هذه الكارثة ........ الله يخرب بيوتهم ويبتليهم بالأمراض المستعصية .... قولوا آآآآآآآآآآآآآآآآآمييييييييييييييييييييييييييييييييييين

يا استاذ محمد....بقول لحضرتك ...كلنا مسئولين

تقول ادعوا على المسئولين( اللى هوه احنا....كلنا.....لا يستثنى احد)

كلنا بنشوف .....و نسكت..... وكتير بنشارك

مش لازم نفس الوحدة اللى مش صحية

بس فى اى مكان تانى فيه نفس الاهمال و اللامبالاه

خلينا ندعى....ان ربنا يصلح حالنا

و يعينا على انفسنا....لحد ما نتغير ......أمييييييييين

الأخ الفاضل

أختلف معك لسنا جميعا شركاء فى هذه المهزلة وأنت بذلك تحكم على الشعب المصرى بأنه لايستحق أن يعيش وأعتقد أن هذه سلبية من شخص مهمل وعلى النقيض تجد أشخاص محترمون يقدسون النظام والنظافة ويعود ذلك للتربية فى البيت أولا ثم فى سنوات الدراسة ويتم تطبيق ذلك بشكل فعلى فى حياتنا اليومية فيجب أن يكون كل منا قدوة صالحة للآخرين وأريد أن أسألك سؤال لو تم إرسال عشرة أطباء من مختلف الطبقات لنفس المكان للعمل فى هذا المركز فهل سيكون رد فعل كل منهم اللامبالاه والسلبية أم ستجد منهم من يقوم بنظافة المكان بيده ... النظافة لاتكلف ياسيدى ولكنها طباع وعادة وأتذكر وأنا صغير عندما كنت أخرج من بيتنا وأعود مره أخرى كانت أمى رحمة الله عليها أول شئ تفعلة معى إخلع جزمتك وحطها فى الجزامة وإلبس الشبشب وإدخل حط الشراب فى سبت الغسيل وإغسل إيدك ووشك بالصابون وعلق ملابسك فى الدولاب وإلبس البيجامة ناهيك على طقوص قبل النوم ومنها غسيل الأسنان وإلى يومنا هذا انا على نفس النظام وكذلك أولادى .آسف للإطالة ولكن كلمة أخيرة جميع الأديان تحث على النظافة والنظافة من الإيمان واللى مابيحبش النظافة إيمانة ناقص ....مش كده ولا إيه ؟ ويارب إصلح أمة المسلمين ووفقهم إلى خير العمل وتب علينا إنك أنت التواب الرحيم

[qenawy]

التماس الاعذار

حد اشتغل في وحدة صحية يا جماعة قبل كده ؟

الطبيب في الوحدة في اغلب الاحوال عاجز عن فعل اشياء كثيرة لعدة اسباب

اولها ضخامة المطالب الادارية والدفاتر والذي منه

مشاكل الموظفين مع بعض

مطلوب منه يكون زي قسم الاستقبال اربع وعشرون ساعة

الشكاوي تنهال عليه سواء ملاك او غير ذلك

مطلوب يمشي علي الحبل لارضاء الناس والادارة ونفسه

طبيب بلا خبرة عملية وبلا اشراف فني عليه

نقص رهيب في الامكانيات كتجهيز ودواء

الكوادر المساعدة مجموعة من الممرضات الاميات بمعني اميات

ما بيعرفوش يقروا ويكتبوا

الطبيب في اول حياته ومفلس وعاوز يشتغل

سكن الوحدات مش كله كويس فيه وفيه

انا شخصيا قتلت تعبان في الوحدة (كان رفيع وغلبان)

وجريت من تعبان اخر طوله 3 متر

وحدات بلا اسوار وبلا مياه مستمرة

ووحدات بدون مياه اصلا

ربنا يحاسبني علي كلامي لو كنت قلت كلمة واحدة كذب او مبالغة