لو قرر المصري المغترب إنه يتزوج من جنسية أخرى .. فما هي أنسب الجنسيات

[ahmedkamal]

انا عندي واحد صاحبي متزوج اندونيسيه

وسعيد جدا جدا في حياته

وبتعامله احسن معامله وهي انسانه ملتزمة جدا جدا دينيا

ياجماعه وفيه مصريين متزوجين من فلبينيات وليا صديق متزوج من صينيه هي اصلا من هونج كونج وعايشه معاه ف مصر ومرتاح معاها جدا وريحته عن المصريه ومش كل المصريات وحشين ولا كل غير المصريات حلوين المشكله بجد اللي لازم نقولها ان المصريه بتاعت دلوقتي غير المصريه اللي هي امنا وخالتنا وجدتنا فيه تغييرات فظيعه حصلت ف تركيبه البنت المصريه للاسف السينيما والاعلام الفاشل اثر عليها جدا والغريب ان حتى مع المهن الراقيه اللي المفروض تفكيرهم يكون راقي بقت البنت تافهة بجد اتمنى شويه عقل وادراك للواقع ونبعد عن التفاهة والتحكمات الغبيه

طبعا فيه بنات كويسين بس الفكر العام اصبح للاسف كده محدش بيفكر بواقع وبمنطق ياريت بجد يحصل حوار مجتمعي يناقش كده ساعتها لا هتلاقي عنوسه ولاغيره نفسي تتحسب صح وان القصه مش قصة شبكه ولا فرح فين ولا كل المظاهر الكدابه ، لان بجد حيرونا تروح صغير يقولك مش عندك امكانيات تروح وتيجي تاني يقولك اصل سنك كبر ، تسافر تقولك مش عاوزة ابعد عن ماما تاخدها معاك ده ف حاله انها زهقانه من امها تقولك زهقت من القعده ف البيت وعاوزه انزل مصر ، تنزلها شويه وتقولك هو ده جواز يبقى كل واحده مننا ف حته

طيب نعمل ايه ؟؟؟؟؟ مش ده بيحصل انا بشوفه مع كثير من اصدقائي

[nizza la bella]

على العلم المغربة بيقولو نفس الكلام المغربية احسن زوجة والتونسة نفس الشى والمصرى بيقول المصرية مفيش احسن منها

الدنيا فيها الحلو والوحش وعليك انت تدور فى الهندفى الصين

بس متقلش المصرية احسن من السورية والمغربية احسن من التونسية

ممكن تتجوز اسبانياتعيش زاى المصرية واحسن , وتبعد عن مواويل المقدم والمؤخر الكلام ده كله mf-: .

واحنا بنفضل بنت مصرية لانةعلى علم بى عادتنا وتقاليدنا.

اهم شى تكون الزوجة بعيد عن امة علشان تعيش فى تبات وفل نبات وتخلف دستت عيال

واكمل كلامى لما اوصل المانيا بكرا انشا اللة :D

تم تعديل 28 ديسمبر 2008 بواسطة nizza la bella

[سهل جدا]

على العلم المغربة بيقولو نفس الكلام المغربية احسن زوجة والتونسة نفس الشى والمصرى بيقول المصرية مفيش احسن منها

:happy:

طيب ما أحنا بنقول المصرية ما فيش أحسن منها للمصري هذا بشكل عام

وبشكل خاص الزوجة المصرية معروف تضحياتها الكثيرة من أجل زوجها وأولادها ...

[السيد مرسي مخيمر]

السلام عليكم

انا هحكي تجربتي في الموضوع المهم دة

في الصيف نزلت مصر وقبل ما ارجع قررت ارتبط

ووقع الاختيار علي بنت من بيت محترم بصراحة عمري ما شوفتها وهي نفس الشيء بس اهلها والحمد لله علي قدر عالي من التدين والاحترام

فقولت لماما وبابا وهما قالو خلاص ماما تتكلم مع اهلها واحنا بنتكلم في البيت يعني كان اخويا الصغير بيشارك في الحيث وكا رافض الفكرة

اني اتجوز واحدة لمجرد اخلاقها يعني مافي علاقة تسبق الزواج

واتريق وقال انا لما اجي اتجوز لازم يكون قصة حب قبل الزواج اربع سنين او خمسة علي الاقل

ونخرج سوي

وابوها هو اللي يتحايل علية اتجوز بنتي ياابني وهو يصعب علية واتجوزها

وانا قولتلة بنفس اللفظ اسكت ياحمار فية ناس محترمة

وبعدين ماما راحت واتكلموا

وانتظرنا الرد

وكانت الفاجعة

البنت مش تقدر ترتبط بحد مش ليها علاقة معاه قبل الجواز

هههههههههههههههه

يعني الواحد

ينزل اجازة خمس سنين يلف مع نص بنات مصر وبعدين يختار ويقرر

خليهم نيمين في بيوتهم

لما هيعفنوا

من الرقدة

وعلي فكرة

انا سامع ان الصين هتنزل بنات للجواز مصر

والواحدة بجنية وربع

هههههههههههههههههه

ربنا يوفق الجميع

[سهل جدا]

وعلي فكرة

انا سامع ان الصين هتنزل بنات للجواز مصر

يا راجل بقى تسيب العروسة المصرية الأصلي وتروح لعروسة (made in china)

والواحدة بجنية وربع

هههههههههههههههههه

ربنا يوفق الجميع

الصين ما بيبيعوش بالواحدة, بيبيعوا بالكرتونة :happy:

أضحك الله سنك

ودمت بخير

[herohero]

للاسف ده تفكير معظم البنات وانا كولد كنت في وقت من الاوقات بفكر كده ، كنت بقول لازم ابقى عارفها وعارف تصرفاتها واشوفها ف مواقف مختلفه وطبعا بحكم عملي ف مصر فكان شغلي مختلط وكان بيبقى فيه فرصه للحديث والى حد كبير معرفه الكثير عن بعضنا وانا كان ليا تجربه وكنت من مؤيدين ان من الافضل يبقى فيه معرفه من قبل وطبعا بحدود ، المهم انا كنت خاطب قبل ما اسافر وخطبت بعد مالفيت كتير يعني مكنتش قليل الخبره المهم كنت بتحدى اصدقائي بالفكر بتاعي ان لو احنا عارفين بعض هنبقى فاهمين بعض اكتر وهنتجنب مشاكل كتيره هم طبعا كانوا بيفضلوا اللي بنسميه زواج الصالونات عشان طبعا هم لهم تجارب سابقه اكدت لهم صحة موقفهم اللي انا حاليا بقيت مقتنع بكده ، انا طبعا موضوع ارتباطي لم يكتمل ع الرغم من اننا كنا زملاء ف العمل ومش عاوز اقولكم ان كنا حافظين ردود افعالنا ف المواقف وعارف هي هتعمل ايه ف الموقف ده ورد فعلها ازاي ، ومكناش بنبطل مناقشات يعني كنا عارفين كل توجهاتنا واذواقنا ف اللبس وف الاكل بحكم اننا كنا زملاء مكتب واحد وانتوا عارفين ان الجو بتاع العمل ف مصر غير الخليج يعني فيه اختلاط اكتر وده مش صح طبعا انما ده اللي حاصل ، المهم تاكدت ان كل ده مايفرقش الجواز له متطلبات تانيه اون كل اللي كنت بتمناه من وجود لغه حوار مشترك وتفاهم ممكن يتوفر من غير ما يكون فيه سابق معرفه ، عشان كده نصيحتي لاي فتاه واي شاب ياريت بجد نمشي زي دينا ما قال وزي اعرافنا بتاعت زمان ماقالت لان كلا الطرفين بيتعب العلاقه لما بتفشل بتاثر ع الطرفين يبقى ليه وجع القلب من الاول وصدقوني محدش بياخد اكتر من نصيبه

[السيد مرسي مخيمر]

بجد والله

يا اخ سهل

شوف الملابس اللي انت لبسها والاجهزة اللي في بيتك

شوف نسبة المصري كام والصيني كام

الواحد يجيب واحدة تكون تعرف تستخدم الاجهزة دي

وتغسل الملابس بتاعت بلادة علشان مش يكون ليها حجة

طبعا مش هتقول دي ملابس صيني تعبانة علشان كدة لونها بق مش كويس

ولا الجهاز دة خرب علشان صيني

يعين الصينية هتظبطك

ولو ربنا موفقش في واحدة

تغيرة وتدفع الفرق

في الضمان

لكن المصرية

زي البطيخة

يا قرعة ياقرعة

ههههههههههههههههههههههههههههههههههه

[محمد عيسى]

اجابة سؤال العنوان هي سورية حلبية لأنهم مسلمين سنة، و ما زالت فيهم بقايا التقاليد و الأعراف العائلية (التراثية) في مصر، روحهم حلوة و ستات بيوت شطار، كما يسهل اندماجهم معنا جدا

مشكلة زواج المغتربين من بعض بره مصر و هي ان طباع الشخص في السعوديه او الخليج عامة تختلف عن طباعه في مصر (انا بتكلم عن الامور المتعلقة بالارتباط تحديدا) و بالتالي عند العوده النهائية تدخل في مرحلة إعادة اكتشاف الآخر و مدى قبولك للتعايش معاه، هذه إحدى المشكلات بالإضافة لمشكلات اخرى مثل صعوبة العثور على المواصفات المطلوبة بالتحديد مثل المرحلة العمرية و الشكل و المؤهل و المستوى الاجتماعي في مصر، و دي تفرق كتير لانك ممكن تلاقي واحدة ابوها شغال في البترول و مظهرهم عالي جدا بينما هما في مصر من قاع الحضيض و لا يحدث اندماج اسري في هذه الحالة

[سهل جدا]

قرار جمهوري

نظرا لكثرة العنوسة بين المصريات فقد تقرر أنه يجب على كل مصري أن يتزوج واحدة مصرية على الأقل , ومن أراد الزواج من جنسية ثانية فممكن يأخذها زوجة ثانية أو ثالثة أو رابعة

أهم حاجة إنك تتجوز واحدة مصرية على الأقل

اعتبرها خدمة وطنية , زي الجيش الإجباري ..

ما هو مش معقول كله يبقى عاوز يتجوز من برة, طيب هانعمل إيه في أخواتنا وبناتنا في المستقبل

يعني هانستوردلهم عرسان من برة ...

يسري القرار اعتبارا من ........................[وسط][/وسط]

[السيد مرسي مخيمر]

فرمان ملكي

علي كل المصرين مقاطعة المنتج الوطني (البنات المصرين) لحين تعديل انفسهم ومواكبة العصر

يعني يبطلوا تناكة علي مخاليق ربنا

يعني علشان يعرف ان احنا نعمة ويعملونا كويس ويتمنوا تراب رجلينا

وفية دالوقتي الصيني والكوري

كويس

وسهلة تغيرة لو مش مطابق للموصفات

بعكس المصر

هتخرب بيتك لو حولت دخلها الصيانة بس

ههههههههههههههههههههه

انشر يامعلم

[somayasaleh]

فرمان ملكي

علي كل المصرين مقاطعة المنتج الوطني (البنات المصرين) لحين تعديل انفسهم ومواكبة العصر

يعني يبطلوا تناكة علي مخاليق ربنا

يعني علشان يعرف ان احنا نعمة ويعملونا كويس ويتمنوا تراب رجلينا

وفية دالوقتي الصيني والكوري

كويس

وسهلة تغيرة لو مش مطابق للموصفات

بعكس المصر

هتخرب بيتك لو حولت دخلها الصيانة بس

ههههههههههههههههههههه

انشر يامعلم

ده كلام برضه يا سيد يا مخيمر يا ابني :unsure:

امال بناتنا نجوزهم مين يعني؟؟؟؟ :D

[mffaswan]

المصرية .. أجدع و أحسن و أنسب زوجة للمصري .. ربنا يخليلنا ولادنا و بناتنا المصرييات و المصريين .. شباب و شابات زي الورد المفتح .. كلهم بركة و خير .. و الشباب جدعان و طيبين .. و البنات أصيلة و متربيين ..

صدقوني .. المصرية .. لا يعلى عليها .. منك .. و عارفة ظروفك .. و تقدر وضعك .. و تحسسك بإنك في ببلدك اللي انت طفشان و سايبها ..

وجهة نظر

[Torontotruk]

المصرية .. أجدع و أحسن و أنسب زوجة للمصري .. ربنا يخليلنا ولادنا و بناتنا المصرييات و المصريين .. شباب و شابات زي الورد المفتح .. كلهم بركة و خير .. و الشباب جدعان و طيبين .. و البنات أصيلة و متربيين ..

صدقوني .. المصرية .. لا يعلى عليها .. منك .. و عارفة ظروفك .. و تقدر وضعك .. و تحسسك بإنك في ببلدك اللي انت طفشان و سايبها ..

وجهة نظر

بامارة الشناب و الدقون ...والا الصواريخ و المفقرقعات القابلة للانفجار في اى لحظة ... ده قصر ديل. ..سامحوني انا مصري زيكم و كنت السنة الماضية هناك...حاجة تغم النفس...وبتأمروا علي ايه مش عارف....تبقي عندها 30 سنة وتقول مهر و شبكة...هيهات...ماحدش حياخد منى دولار احمر..

[Torontotruk]

اجابة سؤال العنوان هي سورية حلبية لأنهم مسلمين سنة، و ما زالت فيهم بقايا التقاليد و الأعراف العائلية (التراثية) في مصر، روحهم حلوة و ستات بيوت شطار، كما يسهل اندماجهم معنا جدا

لا يا باشا مش علشان مسلمة و تراثنا و تراثهم...علشان الحلبيات بيض و قشطة ..علاوة علي اللهجة بتاعتهم كلها دلع..ودخيلك مش حرخيلك. ..وياريت مانتمحكش في الاسلام و الدين في كل حاجة احنا عايزنها...علشان الواحد اتفقع خلاص.

[mffaswan]

والله أبداً .. و ماهوش قصر ديل زي ما أنت بتقول ..

و أكرر ..

بسم الله الرحمن الرحيم

(الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُوْلَئِكَ مُبَرَّؤُونَ مِمَّا يَقُولُونَ لَهُم مَّغْفِرَةٌ وَرِزْقٌ كَرِيمٌ) (النور : 26 )

صدق الله العظيم ..

[mffaswan]

وياريت مانتمحكش في الاسلام و الدين في كل حاجة احنا عايزنها...علشان الواحد اتفقع خلاص.

أنت كده جبت من الآخر .. متهيألي الموضوع من الثوابت في دماغك إن الدين مش أساس في الزوجة اللي المفروض الواحد يدور عليها .. مش كده برضه .. ولا أنا مش فاهمك كويس!!!؟؟

[Torontotruk]

وياريت مانتمحكش في الاسلام و الدين في كل حاجة احنا عايزنها...علشان الواحد اتفقع خلاص. :blush2:

أنت كده جبت من الآخر .. متهيألي الموضوع من الثوابت في دماغك إن الدين مش أساس في الزوجة اللي المفروض الواحد يدور عليها .. مش كده برضه .. ولا أنا مش فاهمك كويس!!!؟؟

العضو الفاضل يعني مش منطقي ان كل واحد يبرر ايلي عايز يعملة ان كان في جوازة و لافي هجرة و لا في مشروع ويتمحك في الدين و الاسلام...ويحاول جاهدا انه يجد مبررات لمشروعه ...يعني لو رجل قابل يهودية برده حيجد مبرر للجواز منها...اقولك حيقول ايه؟حيقول دي كتابية و الرسول ص تزوج من يهودية...العضو الفاضل الشباب من الآخر تعب و مش لاقي مخرج...ومنطقيا لو بيدور علي امرأة عندها دين و مسلمة و سنية ما اقربله المصرية زى ما انت قولت قبل كده...وكله بيشبه بعضه في الظلام الدامس او الكاحل. :lol:

[محمد عيسى]

اجابة سؤال العنوان هي سورية حلبية لأنهم مسلمين سنة، و ما زالت فيهم بقايا التقاليد و الأعراف العائلية (التراثية) في مصر، روحهم حلوة و ستات بيوت شطار، كما يسهل اندماجهم معنا جدا

لا يا باشا مش علشان مسلمة و تراثنا و تراثهم...علشان الحلبيات بيض و قشطة ..علاوة علي اللهجة بتاعتهم كلها دلع..ودخيلك مش حرخيلك. :ninja: ..وياريت مانتمحكش في الاسلام و الدين في كل حاجة احنا عايزنها...علشان الواحد اتفقع خلاص. :ninja:

انا قصدت كده لان سوريا فيها نسبة مسيحيين و علويين و شيعه كتير و بالتالي الاقرب لينا هم السنة، كمان لصداقتي و معرفتي بالسوريين فقلت على اللي يناسب طباعنا، ده للي بيدور بجد، و إلا فالبياض و الدلع تنطبق على غالبية بنات سوريا

حاسس انك فهمتني غلط .. و لا يهمك

[شاب مصري]

بس بنات سوريا طريقة كلامهم دفشة

الواحد سعات بيفاجئ بمصلطحات غليظة جدا لا تطاق

لو لبنانية مسلمة سنية يكون تمام جدااااااااااااااااا.

[شاب مصري]

هو بشار الأسد سني ؟