الليلة ليلتنا واللجنة لجنتنا والفرح فرحنا

[Sherief AbdelWahab]

في الحوادث الكبيرة والصغيرة وعلى كل مستوى تظهر لعبة اللجان والتقارير .. تقارير على كل شكل ولون سواء في كوارث كقطار الصعيد وقطار القليوبية وأتوبيس المنيا ومجازر طريق القاهرة اسكندرية .. أو في الجهاز "إياه" اللي مطلع تقريرين متضاربين عن حكاية "القمح المسرطن".. أو حتى تقارير المحليات وتراخيص الأبراج والعمارات..

على أحسن النوايا الموضوع جهل .. على أسوأ النوايا الموضوع سرقة وهبش ورشوة للأذقان..

في كل الحالات اللجان بتتشكل بطرق مريبة ، وبتعمل بطرق مريبة ، وبيتم التعامل معاها بصمت مريب..

إزاي يمكن اختيار لجان أكثر حيادية واحتراماً للنفس وفنيةً من تلك التي تستعمل كمعابر لتبرير الفساد والسرقة والتفاسير "القدرية" للإهمال المدمر؟

خلص الكلام

[ابو محمد المصري]

طالما انت حطيت ايدك علي الجرح وقلت انها لجان مريبه لمناقشه قضايا مريبه يبقي الحل معروف والمصريين بعد 5000 سنه هما اللي مبيعرفوش يخبزوا التعبير ده من احد رجال الدوله كان ردا علي سؤال لماذا مع هذا القمح المريب تحديدا العيش بيطلع ضارب بوز