كل ما يهم المستثمر من أمور البناء

[somayasaleh]

المهندس الفاضل اشرف

كل سنة وحضرتك بخير....عام هجري وميلادي سعيد علي الجميع

ياريت حضرتك تقول لنا اسعار الايدي العامله في التشطيبات

لان ده موضوع يهم فئه كبيرة جدا من الناس

سواء اللي بيبنوا جديد... او اللي بيجددوا شققهم

من كهرباء ،، وسيراميك،،،،ودهانات

كذلك ايه الجديد في الدهانات؟

يمكن الموضوع مفيش فيه استجابه لانه في باب الاقتصاد؟؟؟؟ مش عارفة

لكن مجهود عظيم ما شاء الله وناس استفادوا كتير

[عطر الجنة]

السلام عليكم و رحمة الله و بركاته

اخى الفاضل

مش معنى ان حضرتك مش لاقى ردود ان موضوعك مش لاقى استحسان لكن ده حال المنتديات الناس بتدخل تقرأ و خلاص و تستفاد اكيد

اما عن نفسى فانا استفدت جدا من المناقشات هنا و بطلت ارد لان اصحاب الموضوعات هنا تجاهلوا تعليقى

واسمحلى اضع تجربتى التى لم تكتمل بعد فى البناء هنا

اولا انا عندى قطعة ارض فى المنطقة الثامنة المجاوة الثانية عمارات فى مدينة الشروق و عملت توكيل لاستخراج التراخيص لوجودى خارج مصر وقتها واستخرجوا لى فقط رخصة البدروم و الارضى

و الان على وشك تقديم طلب تعديل للرسومات لانها مش عجبانى بس مش عارفة هل سادفع نسبة اخرى من التامينات ولا لأ لان المكتب كان محدد تمن معين للتكلفة و الاسعار الان اختلفت

لان وقتها كان الحديد ب 8000 جنيه و كله انخفض الان كمان حكمل بقية الرخصة للادوار المتكررة

واللى عرفته ان لازم اقدم رسم تعديل 500 جنيه و بعد كده ادفع 500 تانيين

اما عن الحفر فده حكاية لوحده فقد ذهبت للجهاز لعمله فقالوا الاوراق المطلوبة هى

1 - صورة الرخصة معتمدة من التراخيص و المبانى

2 - صورة محضر استلام الارض

3 - صورة بطاقة صاحب الارض

4 - تأمين يساوى 25 جنيه * مسطح الارض

اى لو فرضنا مساحة الارض 200 متر مربع حيكون التأمين = 25 *200 = 5000 جنيه

5 - دفع مبلغ 268.45 جنيه تشوين

6- عقد مقاولة

وده اختراع جديد عملته الاجهزة و عملته وده بيستخرجه مقاول مشترك فى اتحاد البناء و التشييد وحط فى اعتبارك انه بيكلف مبلغ بيختلف من واحد لواحد اى انت و شطارتك ( يعنى فى واحد قالى 1300 جنيه و مقاول تانى عمله ب 700 جنيه ) وبيحتاج عشان يتقدم عليه صورة من الرخصة عشان بيدفع عليه نسبة من المبلغ المحدد فى الرخصة

و بياخد حوالى اسبوع لاستخراجه

7 - تصريح الحفر صالح لمدة شهرين

ملحوظة هاممممممممة جدا

عشان نسترد قيمة التأمين لابد من تسليم عدد من الكوبونات للجهاز التابع له مكان البناء وعدد الكوبونات حسب مساحة الارض يعنى انا اضى مساحتها 648 متر فلازم اسلم 190 كوبون

الكوبونات دى بيعطيها لى مقاول الحفر وهى تفيد انه سلم ناتج الحفر للمقالب مش رماها فى اى مكان

عشان كده انا حجزت جزء من اجرته لحد مستلم التأمين

اما عن اجرة و تكاليف الحفر فدى حكاية لان الجيران رموا عليه نواتج حفرهم عشان كده اخترعوا حكاية التأمين دى للحالات المشابهة

و ارضى للاسف طلعت صخرية بعمق مترين و نصف و الباقى رمل و تكلفة المتر المربع حفر للصخر 15 جنيه

دى تجربتى

يا رب حد بيها يستفيد

[أشرف محمد]

بسم الله الرحمن الرحيم

إخوتي وأحبائي أعضاء المنتدى

تحية طيبة وبعد 000

أبحث عن كلمات للشكر تساوى معاني هذه المشاركات الرقيقة فلا أجدها ، فوااله يعجز قلبي عن التعبير لحبي في المنتدى وأعضائه فلكم مني كل التقدير والإحترام وجزاكم الله خيراً - جزاكم الله بعدد حروف الكلمات التي كتبتها في المنتدى متمنياً من الله أن أكون دائماً عند حسن ظنكم بي 0

مهندس / أشرف محمد

[somayasaleh]

بسم الله الرحمن الرحيم

إخوتي وأحبائي أعضاء المنتدى

تحية طيبة وبعد 000

أبحث عن كلمات للشكر تساوى معاني هذه المشاركات الرقيقة فلا أجدها ، فوااله يعجز قلبي عن التعبير لحبي في المنتدى وأعضائه فلكم مني كل التقدير والإحترام وجزاكم الله خيراً - جزاكم الله بعدد حروف الكلمات التي كتبتها في المنتدى متمنياً من الله أن أكون دائماً عند حسن ظنكم بي 0

مهندس / أشرف محمد

يلا يا باشمهندس فين الاجابه علي الاسئله

وفين الجزء الخاص بالتشطيب....

نحن في الانتظار :blush2:

[أشرف محمد]

الأخوة الكرام أعضاء المنتدى

تحية طيبة وبعد000

أستأنف اليوم نشر باقي أسعار مواد البناء :

أولاً سيراميك الأمراء :

حوائط مطابخ مقاس 20× 30 فرز أول 27 جنيه - فرز ثاني 25 جنيه - فرز ثالث 20 جنيه 0

أرضيات مقاس 31 × 31 فرز أول 47 جنيه - فرز ثاني 45 جنيه - فرز ثالث 36 جنيه 0

ثانياً أسعار سيراميك فينيسيا :-

حوائط مقاس 25 × 35 فاتح فرز أول 23.50 جنيه - فرز ثاني 22.70 جنيه 0

حوائط مقاس 25 × 35 غامق فرز أول 24 جنيه - فرز ثاني 23.20 جنيه 0

أرضيات مقاس 41 × 41 فاتح فرز أول 26.80 - فرز ثاني 25.80 جنيه 0

أرضيات مقاس 41 × 41 غامق فرز أول 27.30 جنيه - فرز ثاني 26.30 جنيه 0

طن الألمونيوم : فضي 24700 جنيه - ملون 26380 جنيه 0

أسعار الزجاج :

م 2 أبيض شفاف 3 ملي = 36.3 جنيه - فيميه 50 جنيه 0

م2 أبيض شفاف 4 ملي = 47.3 جنيه - فيميه 53 جنيه 0

م2 أبيض شفاف 6 ملي = 66 جنيه - فيميه 80 جنيه 0

وسوف أوافيكم غداً بإذن الله بأسعار الدهانات و أنواعها

شكراً لكم مع خالص تحياتي

مهندس / أشرف محمد

[أشرف محمد]

الأخت الكريمة somaya

تحية طيبة وبعد 000

سأقوم بالإجابة على كل أسئلة حضرتك بالتدريج وذلك بعد إنتهائي من نشر باقي أسعار مواد البناء ومصنعياتها ووصولي إلى مراحل التنفيذ ومايتبعها من تشطيبات بكل أنواعها بالتفصيل 0

شكراً لحضرتك مع خالص تحياتي

مهندس / أشرف محمد

[أشرف محمد]

الأخت الكريمة عطر الجنة

تحية طيبة وبعد 000

شكراً على هذه المعلومات القيمة وبصراحة أنا إستفدت منها جداً ولكن لم أفهم من حضرتك ماذا تقصدين بقولك :-

( وده اختراع جديد عملته الاجهزة وده بيستخرجه مقاول مشترك فى اتحاد البناء و التشييد وحط فى اعتبارك انه بيكلف مبلغ بيختلف من واحد لواحد اى انت و شطارتك ( يعنى فى واحد قالى 1300 جنيه و مقاول تانى عمله ب 700 جنيه ) وبيحتاج عشان يتقدم عليه صورة من الرخصة عشان بيدفع عليه نسبة من المبلغ المحدد فى الرخصة ) 0

شكراً مع خالص تحياتي

مهندس / أشرف محمد

[عاشق]

الاخت الكريمة عطر الجنه

اعتقد ممكن تفيديني بموضوع التوكيل في استخراج رخصة البناء

هو ارضك نظام قرعة وهل التوكيل بأستخراج الرخصة ممكن ولا لا

ارجو الافادة

ولكي الشكر والتقدير

[tanash]

السلام عليكم ورحمة الله وبركاته

الاخ الكريم م/ اشرف

اعتقد ان سرد اسعار مواد البناء لايفيد من يدخل علي هذه التجربة وهي (تجربة البناء) الا اذا كان مهندس ودرس حساب الكميات او من له خبرة في هذا المجال ويريد فقط معرفة اسعار السوق لانه بعيد عنها مثلا

اما الشخص العادي الذي يفكر في البناء لايستفيد من هذه الاسعار لانه ببساطة صعب عليه يحسب الكمية التي يحتاجها للمبني

هذه وجهة نظري وانا دائما ادخل علي الموضوعات التي تكتبها

وجزاكم الله خيرا

[عاشق]

السلام عليكم ورحمة الله وبركاته

الاخ الكريم م/ اشرف

اعتقد ان سرد اسعار مواد البناء لايفيد من يدخل علي هذه التجربة وهي (تجربة البناء) الا اذا كان مهندس ودرس حساب الكميات او من له خبرة في هذا المجال ويريد فقط معرفة اسعار السوق لانه بعيد عنها مثلا

اما الشخص العادي الذي يفكر في البناء لايستفيد من هذه الاسعار لانه ببساطة صعب عليه يحسب الكمية التي يحتاجها للمبني

هذه وجهة نظري وانا دائما ادخل علي الموضوعات التي تكتبها

وجزاكم الله خيرا

فعلا كلامك في محله يا سيد طناش

وانا اقف معك في هذا وكنت طلبت من المهندس اشرف يعطينا مثال حي

يعنى قطعة ارض مساحة .......... تبني عليها 50% مثلا

تحتاج قواعد اد ايه وبدروم واربع ادوار (ده بخصوص الحديد والاسمنت والصبات) يعنى تكلفة مبدئية والكميات وكمان اسعار العمالة

وكمان البناء نصف تشطيب يكلف اد ايه

يعنى ده الي انا بشوفه هيكون مناسب بس بعد ما يخلص سرده لجميع مراحل البناء ، وبعدها اتمنى ان يحقق رغبتنا في هذا الطلب

وربنا يسهل

ومشكور مهندس شريف

تحياتي للجميع

[magedcozaki]

المحترم م. أشرف

انا اشكر اهتمامك وتفضلك وانسخ كل ما تكتب في ملف ورد واطلع عليها بعناية وانتظر المزيد حتى اكون فكرة عامة قبل البدء في موضوع بناء ارضي جزاك الله كل الخير

ماجد زكي

[عبقرينو]

الأخوة الكرام أعضاء المنتدى

تحية طيبة وبعد 000

قبل أن أستكمل كلامي في هذه المرحلة لفت نظري شئ هام أزعجني كثيراَ وهو أنه لم يشترك معي في الحوار سوى الأخوة الكرام : ( عاشق و blbl و magedcozaki ) فقط في حين أنني عندما بدأت طرح فكرة هذا الموضوع طلبت من السادة الذين لديهم خبرة في أعمال البناء ( وأنا متأكد أنهم كثيرون ) أن يشتركوا معي في الحوار بطرح أفكارهم وتجاربهم الشخصية حتى نستفيد منها جميعاً ولكن للأسف لم يتحاور معي سوى ثلاثة أعضاء فقط 0

كما أنني لم أجد الصدى المطلوب لدى القارئ والدليل على ذلك أن عدد الزوار الذين قاموا بالإطلاع على هذا الموضوع بلغ مايقرب من 525 قارئ حتى هذه اللحظة في حين ما قاموا بتسجيل آرائهم عن الموضوع ومدى إستفادتهم منه بلغ فقط 6 أعضاء 0

الأخوة الكرام :

أنا لا أقصد بكلامي هذا أنني أريد أن أقرأ كلمات الشكر والثناء عن الموضوع ( إطلاقاً ) ولكن أريد أن تكون هناك محاورات هادفة بيننا نستطيع من خلالها أن نتبادل الخبرة والمعرفة والمعلومة الصحيحة لنستفيد منها جميعاً وحتى لا أحس بأنني ما أكتبه ماهو إلا عبارة عن موضوع إنشاء أو تعبير !

ووالله لو بلغت عدد الأصوات التي قالت في الإستقصاء أن هذا الموضوع ينقصه معلومات أو أنه غير مفيد أكثر من 100 صوت لكنت شعرت بسعادة أكثر من هذا الوضع الحالي لأنني سأشعر وقتها بأن الموضوع محل إحترام وإهتمام من القارئ الكريم 0

والغريب في الأمر أن أحد الموضوعات التي طرحت مؤخراً بالمنتدى والتى تناولت موضوع إهانة أحد الرؤساء ( مع إحترامي الكبير لكاتبها ) وجدت صدى كبير لدى الأعضاء وقتها حيث تحاور فيه أعداد كبير جداً من الأعضاء بينما موضوعى الذي أتناول فيه جوانب كثير عن البناء لم يتداخل معي في الحوار سوى ثلاثة أعضاء فقط 0

فما معنى ذلك ؟

معناه الوحيد بأن الأعضاء غير مهتمة بما أكتبه 0

لذلك أرجو من السادة الأعضاء إعادة النظر في قراءة موضوعاتي ومقالاتي ومشاركاتي السابقة لتقييمي ككاتب في منتدى أتشرف بأن أكون أحد أعضائه 0

علماً بأنني لا أريد معرفة الإيجابيات ولكن أريد فقط معرفة السلبيات الموجودة في مقالاتي لأتعلم من أخطائي فأتداركها في المقالات القادمة بإذن الله 0

مهندس / أشرف محمد

عزيزي م / أشرف

انا من المتابعين لمعلوماتك القيمة واسلوبك المبسط

ارجوك استمر واكيد سيكون هذا التوبيك مرجع مهم للمقبلين علي البناء

وملتقي الخبرات لمن قام بالبناء

وكان لي سؤال عن الحد الادني اللازم من الوقت للبناء

لانة بالاضافة لصعوبة الفوز بقطعة ارض في القرعة

فاننا كمغتربين نواجة صعوبة بالغة في التفرغ للبناء

جزاك اللة خيرا

وفي انتظار المزيد

تم تعديل 3 يناير 2009 بواسطة عبقرينو

[أشرف محمد]

الأخوة الكرام TANASH / عاشق

تحية طيبة وبعد 000

ذكرت لحضراتكم في البند العاشر من المشاركة رقم ( 6 ) والخاصة بمرحلة التصميم ما هو آتي :

( 10- بعد الإنتهاء من الرسومات يتم البدأ في عمل المقايسة التسعيرية وهي عبارة عن حصر من الرسومات لكميات بنود الأعمال حتى يستطيع مالك الأرض معرفة كمية كل مرحلة وبالتالي التكلفة المطلوبة ) 0

معنى هذا أن المالك لن يقوم بحساب الكميات بل هي مسئولية المكتب المصمم حيث أنه هو الذي سيحدد له هذه الكميات وبالتالي فسرد أسعار مواد البناء سيفيد المالك بحساب التكلفة التقديرية المطلوبة قبل بدأ البناء ،

شكراً لكم مع خالص تحياتي

مهندس / أشرف محمد

تم تعديل 3 يناير 2009 بواسطة أشرف محمد

[أشرف محمد]

أخي الكريم عاشق :-

تحية طيبة وبعد 000

بالنسبة لطلب حضرتك حساب التكلفة المبدئية للبناء فكنت سأذكرها في مراحل التنفيذ ولكني سأحسبها لك سريعاً الآن :-

لو إفترضنا أن قطعة الأرض 300 م2 مثل قطع الإسكان العائلي التي من المفترض أن تقوم الدولة بطرحها قريباً و أن نسبة البناء 60 % في الدور الأرضي و 65 % في الأدوار المتكررة وأن الإرتفاع بدروم و أرضي وثلاث أدوار :-

مساحة الدور الأرضي 180 م2 ومساحة الدور المتكرر 195 م2 × 3 أدوار 0

إجمالي مسطح المباني للمشروع = 1065 م2 0

إجمالي حجم الخرسانة المطلوبة = 380 م3 ( أسقف + أعمدة + أساسات ) 0

تكلفة م3 الخرسانة 823 جنيه تقريباً ( 100 كيلو حديد = 400 جنيه + 7 شكاير أسمنت = 175 جنيه + 0.4 م3 رمل = 6 جنيه + 0.8 م3 زلط = 42 جنيه + متوسط مصنعية 200 جنيه )

إجمالي تكلفة الخرسانات = 380 م3 × 823 جنيه = 312 ألف جنيه تقريباً0

وبالنسبة لباقي الأعمال والتي تشمل المباني وأعمال الكهرباء العمومية والمحارة والصحي والحلوق وتشطيب الواجهة 000 إلخ في حدود 486 ألف جنيه ( لأني بصراحة صعب أن أذكرها بالتفصيل )

فتصبح إجمالي التكلفة = 800 ألف جنيه 0

يعني تكلفة المتر المسطح 800 ألف جنيه ÷ 1065 م2 = 750 جنيه للمتر0

أرجو أن أكون قد أجبت على تساؤل حضرتك مع العلم بأن هذه الحسابات هي حسابات إسترشادية فقط وطبعاً الحسابات النهائية تكون بناء على التصميم وطبيعة التربة التي سيقام عليها المبنى 0

مع خالص شكري وتقديري

مهندس / أشرف محمد 0

[أشرف محمد]

أخي الكريم / عبقرينو

تحية طيبة وبعد 000

نعم هناك إلتزام بتوقيتات محددة للإنتهاء من البناء وهي كالتالي :-

1- الإنتهاء من إعداد الرسومات و إستخراج الرخصة خلال تسعة أشهر من تاريخ إستلام الأرض وقد أرفقت لك في المشاركة رقم ( 6 ) والخاصة بمرحلة التصميمات صورة من برنامج زمني للتصميم فبرجاء الإطلاع عليه للإسترشاد به وحتى تلزم المكتب المصمم به 0

2- الإنتهاء من الأعمال الخرسانية خلال 18 شهر التالية 0

3- الإنتهاء من تشطيب الواجهة خلال 12 شهر 0

شكراً مع خالص تحياتي

مهندس / أشرف محمد

تم تعديل 3 يناير 2009 بواسطة أشرف محمد

[فيصل رافت]

الاخ الفاضل م/ اشرف محمد

اشكرك على مجهودك الغير معتاد والضخم واجمل ما فى موضوعك انه ليس بناء فقط بل من الممكن الاستفاده منه فى التشطيب شقه او فيلا ولذلك فهو موضوع يستحق الثناء والاعجاب وشكرا لمجهودك الرائع

[فيصل رافت]

كما اود اخى الكريم ان اطرح عليك مثال حى حيث انك قدرت تكلفة بناء وتشطيب لعماره على ارض 300 متر بمبلغ 800 الف فاننى اجد ان ذلك التقدير مبالغ فيه على حسب تقديرى البسيط وذلك لسبب واقعى

حيث اننى امتلك قطعه ارض اسكان عائلى 260 متر وبالفعل حاولت ابنيها من حوالى 10 اشهر وبالفعل استخرجت التراخيص لبدروم وارضى ودورين وكلفتنى تقريبا حوالى 4000 جنيه اكتر شويه او اقل شويه مش متذكر تحديدا

المهم انى اتفقت مع مقاول على بناء بدروم وارضى وثلاثة ادوار وايامها كان طن الحديد مولع ب حوالى 8000 جنيه الطن وكان اجمالى المقاوله عضم فقط من غير تشطيب 210 الف جنيه فما اعتقدش يعنى ان والحديد فى الارض وكل مواد البناء ارخص بكتير على ماكانت عليه من 10 اشهر تيجى التكلفه اكتر بكتييييييررررررررررررررررر جدا من ايام الغلاء وده راى الشخصى ومن ارض الواقع وليس نظريا

املا تقبل راى دون المساس بمعلوماتك التى فعلا قيمه جدا الا ان التقدير فقط هو ما اناقشك فيه

والله الموفق

[somayasaleh]

الأخت الكريمة somaya

تحية طيبة وبعد 000

سأقوم بالإجابة على كل أسئلة حضرتك بالتدريج وذلك بعد إنتهائي من نشر باقي أسعار مواد البناء ومصنعياتها ووصولي إلى مراحل التنفيذ ومايتبعها من تشطيبات بكل أنواعها بالتفصيل 0

شكراً لحضرتك مع خالص تحياتي

مهندس / أشرف محمد

شكرا ياباشمهندس علي المجهود الرائع

انا في الانتظار اسعار التشطيبات والجدول الزمني لها

;) :Exclam:

[أشرف محمد]

أخي الكريم / فيصل رأفت

تحيه طيبة وبعد 000

أولاً :المثال الذي ذكرته شامل تكاليف البناء 3/4 تشطيب مع إنهاء الواجهه + السور

ثانياً : أرجو من حضرتك أن تشرح لنا كيف تم حساب تكلفة بناء عمارة مكونة من بدروم و أرضي و ثلاثة أدوار متكررة فقط 210 ألف جنيه ؟ فالفارق كبيرجداً بيننا على الرغم من أنه ليس هناك فرق كبير في المساحة ولذلك أطرح على جميع الأعضاء الذين خاضوا تجربة البناء أن يذكروا لنا إجمالي التكلفة الفعلية لهم 0

شكراً لك مع خالص تحياتي

مهندس / أشرف محمد

[عطر الجنة]

الأخت الكريمة عطر الجنة

تحية طيبة وبعد 000

شكراً على هذه المعلومات القيمة وبصراحة أنا إستفدت منها جداً ولكن لم أفهم من حضرتك ماذا تقصدين بقولك :-

( وده اختراع جديد عملته الاجهزة وده بيستخرجه مقاول مشترك فى اتحاد البناء و التشييد وحط فى اعتبارك انه بيكلف مبلغ بيختلف من واحد لواحد اى انت و شطارتك ( يعنى فى واحد قالى 1300 جنيه و مقاول تانى عمله ب 700 جنيه ) وبيحتاج عشان يتقدم عليه صورة من الرخصة عشان بيدفع عليه نسبة من المبلغ المحدد فى الرخصة ) 0

شكراً مع خالص تحياتي

مهندس / أشرف محمد

يعنى كل يوم بتخرج علينا ااجهزة المدن الجديدة بطلبات جديدة يعنى مثلا كان الاول اثناء تسلم ارضى فى القرعة الثالثة فى مايو 2007 كان تامين الحفر 1000 جنيه فقط والان انا مطالبة بدفع مبلغ يتعدى 16000 جنيه فقط تأمين حفر

اما اخى الفاضل انا هنا بتكلم عن ورقة جديدة لم تكن موجودة من قبل و حتى لو رحت جهاز مدينة الشروق لن تجدها مكتوبة فى لوحة اعلانات الاوراق المطلوبة لتصريح الحفر و ستفاجأ بها عند الشباك هى و حكاية الكوبونات دى

الورقة المسماه بعقد المقاولة يتم استخراجها من مكتب مقاول مشترك فى اتحاد التشييد و البناء و ليس من الضرورى ان يقوم هو بعمل الحفر

فانا استخرجتها من مكتب و اتفقت مع مقاول حفر اخر

عشان كده الموضوع موضوع اتفاق على اجر استخراج ورقة معتمدة