40 شخصية عامة تخطط لمسيرة إلي القصر الجمهوري للمطالبة بعزل مبارك

[osaimi]

40 شخصية عامة تخطط لمسيرة إلي القصر الجمهوري للمطالبة بعزل مبارك

27/12/2008

مجدي حسين: ندرس رفع دعوي لعزل الرئيس.. وفرجاني: نسير علي خطي ثورة عرابي

كتب: أحمد عبدالجواد

دعت مجموعة من الشخصيات العامة من مختلف الاتجاهات السياسية في بيان لهم صدر مساء أمس الأول، لتشكيل وفد من «الرموز الوطنية» يتوجه لقصر الرئاسة بمصر الجديدة لتقديم مذكرة تطالب الرئيس مبارك بالتخلي عن حكم مصر، وتسليم الحكم لجمعية وطنية تدير شئون الدولة لمدة عام يتم خلاله إعداد البلاد لانتخابات حرة. وطالب الموقعون علي البيان بإعادة الحياة السياسية لما كانت عليه عام 2005.

وقال مجدي حسين، أمين عام حزب العمل، أحد الموقعين علي البيان: إن «الفكرة طرحها حزب العمل من قبل، ومازال هناك اختلاف علي تحديد موعد تقديم المذكرة وهناك اجتماع لمعدي البيان الاثنين القادم لإعداد النسخة النهائية من المذكرة التي وقع عليها أكثر من 40 شخصية عامة، وما نقوم به الآن مبادرة رمزية لإعادة الحياة السياسية المصرية لما كانت عليه عام 2005، وأقترح أن نقدم المذكرة يوم 25 فبراير القادم في ذكري إعلان التعديلات الدستورية».

وقال محمد عبدالقدوس، مقرر لجنة الحريات بنقابة الصحفيين أحد الموقعين: «ندرس رفع دعوي قضائية تطالب بعزل الرئيس في تجربة مشابهة لتجربة المعارضة التايلاندية، وأقترح تقديم المذكرة في 9 مارس الذي يوافق ذكري ثورة 1919». وقال د.نادر فرجاني إن «ما نفعله الآن يشبه ما فعلته ثورة عرابي ضد الخديو توفيق»

__________________________________________________________

هذا الخبر نشر فى جريدة البديل اليوم وعلي نفس الصفحة التي أدعوكم لزيارتها صورة للسيد الحنين (من الحنان) وزير خارجية مصر المحترم وهو يمسك بيد وزيرة الخارجية الإسرائيلية تسيبي لفني بشكل عاطفى ورومانسي جدا وهي طبعا بتضحك ومبسوطة والأهم من كده شوفوا التعليقات علي الصورة

طب عمل ايه لما شاف مذبحة غزة النهارده ، والله العظيم حاجه تكسف ، بقينا مسخة و أذلة ، نفسي اعرف ايه هيحصلنا أكثر من كده لو فسخنا اتفاقية السلام مع الكلاب دول ، ربما هي دى الحاجة الوحيده اللي هتخلينا نحترم رئيسنا من جديد

http://www.elbadeel.net/index.php?option=c...&Itemid=138

تم تعديل 27 ديسمبر 2008 بواسطة osaimi

[pharaon]

معقولة ؟!!!!!!!!!!!!!!!!!!!!!!!!!!!!!!!!!!!!!!!!!

مطنش بصراحة ان فى حاجة زى كده ممكن تحصل

ده احنا بقيلنا بره مصر كتير اوى يا جدعاااااان :yahoo:

[د هشام ابراهيم]

يا تري ده أول الغيث قطرة و لا سراب بقيعة

[newcomer]

كنت افضل اوى لو ال40 شخصية دول طالبوا الرئيس

بتعيين اكتر من نائب ليه من اللى الناس تقريبا كلهم بتتفق عليهم

يعنى مثلا اللواء احمد شفيق ....عمرو موسى .....

يعنى الناس اللى ممكن تحل محل الرئيس

او تطالبه بتغيير او تعديل القوانين اللى بتحد من ترشيح ناس محترمين

بس مش فى اى حزب....

لكن طب لو قالهم اوكى انا ماشى ( طبعا ده فى الاحلام )

ايه بقى الخطة البديلة

يعنى هانقعد زى لبنان كده من غير رئيس 7 ،8 شهور

لحد مانعدل فى الدستور

و الا اللى معاه القوة هايحكم

واللا الناس اللى بيوعدوا بالجنة هما اللى حايحكوموا

باعتبارهم الاكثر تأثيرا على البسطاء

و هم دول الاغلبية اللى ممكن يحركوها

اللى اقصده .... ان ايه المقترحات اللى الشخصيات دى واخداها معاها

مش عارفة ليه باحس ان ده تفكير .....بسيط شوية

فى تصورى ...ده حكم بلد....و مش اى بلد.....و مش فى اى ظروف

الحكاية ( باعتقد ...فى رأى المتواضع ) ما تتاخدش كده!!

[qenawy]

صعب جدا تحضير اربعين كيلو حلاوة طحينية في هذا الزمان

[Torontotruk]

يا تري ده أول الغيث قطرة و لا سراب بقيعة

سراب بقيعة...عربيتين امن مركزي...علي كام بلطجي..خلي المعتقلات تسترزق...والسجاير ترخص جوة...ماهم شخصيات عامة..يعني ناس مأرشه.

[redwany]

تحياتى

انا استبشر خير بهذه الخطوه حتى لو كانت مجرد فكره لان كل الاخداث العظمى بدأت بفكره

اليوم اربعين فرد...غدا خمسون ثم مائة

ثم 70 مليون

[mffaswan]

خير إن شاء الله .. و مادام الموضوع أثير على الملأ .. أكيد هايجيب نتايج حتى لو غير مباشرة ..

والله هو مبارك فعلاً لازم يمشي في أسرع وقت .. لكن تعالوا نشوف بدايله !! والله أنا مش خايف غير من بدايله دي !! ربنا يستر

[tarek hassan]

هذا الخبر مهم وهو حركة نحو الإصلاح السياسي

أو الضغط للقبول بهذا الإصلاح

وأرى أن الموضوع مكانه

سياسة داخلية

[fatfouta]

خير إن شاء الله .. و مادام الموضوع أثير على الملأ .. أكيد هايجيب نتايج حتى لو غير مباشرة ..

والله هو مبارك فعلاً لازم يمشي في أسرع وقت .. لكن تعالوا نشوف بدايله !! والله أنا مش خايف غير من بدايله دي !! ربنا يستر

ان شاء الله هيستر

قولوا يا رب

[osaimi]

أنا مع NEWCOMER فعلا هيكون أفضل بكتيير لو ان الشخصيات دي طالبت بترشيح نائب من الناس المحترمة زى عمرو موسي وأهو يمكن دي تبق نواة لبداية التغيير ، لكن الخطوه دي هتكون خطوه كويسة جدا ومين عارف يمكن تجيب نتيجة ونعرف علي الأقل مصر رايحة فين بدل المستقبل المجهول اللي كلنا خايفين منه ، المهم ان الشخصيات دي يكون عندهم إخلاص للنوايا وليس طمع فى الكراسي

ياااااااااااارب سههههههههههههههههل ويسسسسر الأمور واحفظ مصر من أيادي الطغاة والمنافقين

[Lembic]

أنا أعتقد إن جمال مبارك ممكن يكون ضمن الاربعين شخصية أو بالاصح هو الاربعين شخصية نفسهم !

[redwany]

خير إن شاء الله .. و مادام الموضوع أثير على الملأ .. أكيد هايجيب نتايج حتى لو غير مباشرة ..

والله هو مبارك فعلاً لازم يمشي في أسرع وقت .. لكن تعالوا نشوف بدايله !! والله أنا مش خايف غير من بدايله دي !! ربنا يستر

خلاص ياعم ربنا يخليه لينا

[ssmaly]

انا اعتقد ان من اهم اسباب الأوضاع السيئة التى تمر بها بلادنا العزيزة

ان الاشخاص المحترميين الوطنيين قد تم تهميشهم من قبل السلطة الحاكمة وهم ايضا قد انعزلوا اخذوا يتفرجوا على انهيار درة

الدول العربية وبيعها قطعة قطعة وانحسار التفوق والريادة فى كل مجال من المجلات

*التعليم وما ادراك التعليم حتى الجامعى الذى لا توجد جامعة واحدة مصرية مصنفة من ضمن احسن 500 جامعة على مستوى جامعات العالم

*الزراعة وتحول مصر الدولة الزراعية الى دولة تزرع الورود والكنتالوب وتستورد القمح والسكر

*الصناعة حتى الان المنتج المصرى منتج محلى فقط(لاحتكاره السوق بقوانين الاستيراد والجمارك) ولا يستطيع المنافسة دة حتى الحكومة تدعم التصدير بمليارت حتى تجعل المصدرين لهم قدرة على المنافسة الخارجيةو تستكتر على الغلابة الدعم ويلغوه خطوة خطوة

*السياسة وهى الان من اهم النقط فى وضعنا الحالى فين مكانة مصر السياسية بين الدول العربية فين المؤتمرات التى كانت مصر بتعقدها فى القاهرة عند وجود اى مشكلة بين اى دولتين عربيتن والقرارت التى تتخذ وتحترم وتنفذ الله يرحم جمال عبد الناصر فى موقفه مع العراق عندما فكرت فى الكويت زمان وحل مشكلة الفلسطنيين مع الاردنيين بعد ايلول الاسود المؤتمر الذى كان اخر مافعله عبد الناصر

*الصحة كان هناك اطباء على اعلى مستوى ونظام صحى والان اطباء اقل مستوى نتيجة اساتذتهم اولاد اساتذة فى الجامعة وليس بتفوقهم والاعداد الكبيرة والدروس الخصوصية و أشياء أخرى

من كام سنة لم يخرج من مصر دكاترة مثل مجدى يعقوب؟

انعزال الوطنين وتهمشهم لانفسهم هو الذى اوصل مصر لهذا الوضع

ارجو ان تكون هذه الخطوة تحفز كل وطنى ان يشارك ويخرج من معزلة ويقول قول الحق

والساكت عن الحق شيطان اخرس

[sherifhfm]

لو فيه حد لسه بيظن ان مبارك ممكن يترك الحكم فى مصر بطرق سياسية او ديلوماسية يبقى ساذج وطيب وعلى نياته خالص

يا جماعة ده لزقه بغره مش حيطلع الا بالحم

[tanash]

قولوا يا رب نتحرك ونغير

[Alattar]

يااااااااااااااه

حد فاكر الموضوع ده

و بعدين هما الاخوة ال 40 دول فين مقابرهم دلوقتي عشان ندعيلهم؟؟

لا حول ولا قوة الا بالله..ماكانوش قادرين يستنوا 3 سنين بس

[osaimi]

يااااااااااااااه

حد فاكر الموضوع ده

و بعدين هما الاخوة ال 40 دول فين مقابرهم دلوقتي عشان ندعيلهم؟؟

لا حول ولا قوة الا بالله..ماكانوش قادرين يستنوا 3 سنين بس

[osaimi]

أصلا لا حد رفع دعوي ولا حد طالب بعزل الرئيس او تعيين نائب بشكل رسمي لأن نظام الطاغية المخلوع كان يجهض كل حركة سياسية مضادة قبل ان تبدأ ، وهو وحده عزم شباب مصر المحترم الذي ازاحهم وعقبال جميع الوجوه الكئيبة المتبقية والتي لن نرتاح حتي محاكمتهم جميعا علي ما ارتكبوه من جرائم فى حق هذا الشعب المحترم