أخبار الأهلي

[theblackpirate2005]

الحكم ده كان بيعط اول السنه عشان ظلموه ومخدهوش دولى

بس انا كده خلاص اطمنه

مليون فى الميه انت دولى دولى السنه الجيه

ومش بعيد تبقى يا عم الرئيس الجى للجنه الحكام me0:

[yasovinas]

خالد بيبو لعيب هداف ولكن لانه افلس فنيا وتهدافه خلصت اصبح يحرز اهداف للاهلي بالتلكيك وطبعا بالالفاق المسبق مع الحكم النزيه جداً فاروق الاخير علشان صاحبنا حفيد فاروق الاول لا يغضب

[theblackpirate2005]

معلش متظلمش بيبو

ده ابو تريكه اللى عملها

على راى مدحت شلبى يا مجرم me0:

[disappointed]

على العموم يكفينا إننا بنكسب بمجهودنا دون الحاجة لضربات الجزاء الوهميّة كنادى الزمالك

B)

rs:

B)

:)

على العموم يكفينا إننا بنكسب بمجهودنا دون الحاجة لضربات الجزاء الوهميّة كنادى الزمالك

;) :D

:P

[theblackpirate2005]

يا عم محبط انت كده خليت الفضيحه كده على المكشوف

ربنا يخليك لينا ويخليلهم فاروق الاول والخير flrt: me0:

[egyptforever]

الاهلي ما شاء الله عليه

33 نقطه

11/11

اما موضوع ضربات الجزاء الاهلويه

يا عم من نفسنا واحده من اول الدوري

و كويس انها جت بعد 11 مباراه

نقرا فيلم الزمالك مع ضربات الجزاء الوهميه السنه دي بس

بدا موسم ضربات الجزاء الوهميه مع الزملك

ضربه جزاء وهميه في مباراه الجيش

ضربه جزاء وهميه في مباراه الاسماعيلي ( نفس كوره ابو تريكه بالظبط بس الفرق ان كوره ابو تريكه كانت على الخط و كوره وليد صلاح كانت في الباي باي )

ضربتين جزاء و هميتين في مباراه الاهلي

ضربه جزاء اسطوريه في مباراه الترسانه

ضربه جزاء بهلوانيه في مباراه الالمونيوم

و للعلم و للتاريخ امبارح كنت لاول مره بتابع مباره انبي و الترسانه على النيل للرياضه و مجدي عبد العاطي مهاجم انبي واخد نفس الكوره دي برضه ضربه جزاء

انا حاسس بالزمالكويه كانوا حاطين امل على مباراه امبارح معلش معلش خيرها في غيرها

يارب نشوفكم يوم الاحد اللي جاي بعد مباراه المصري

و ياريت مننساش اول 5 مباريات ليكوا في الدور التاني علشان عايز اعرف هتخدوا منهم كام نقطه

معلش خيرها في غيرها يا حلوين

[se_ Elsyed]

يا عم إيجيبت سيبهم ياكلوا في نفسهم ..

أصل أخطاء الحاكم حلالٌ عليهم وحرام علينا ..

والاكادة يا اخي إنك ما شفتش واحد فيهم بيتكلم عن إسلوب رمي الجتت بتاع طارق المبسوط - السعيد - أو جمال حمزاوي .... شيء غريب وتكييل بميكالين ....

بس برضوا أرجع وأقول

الاهلي هو هو وبيكسب بره وجوه ... إحنا بتوع التلاتة وتلاتين

[kotoz9]

يا عم إيجيبت سيبهم ياكلوا في نفسهم ..

أصل أخطاء الحاكم حلالٌ عليهم وحرام علينا ..

والاكادة يا اخي إنك ما شفتش واحد فيهم بيتكلم عن إسلوب رمي الجتت بتاع طارق المبسوط - السعيد -  أو جمال حمزاوي .... شيء غريب وتكييل بميكالين ....

بس برضوا أرجع وأقول

الاهلي هو هو وبيكسب بره وجوه ... إحنا بتوع التلاتة وتلاتين

flrt: rs: والنبى ياجماعة يا زملكوية اللى بيته من أزاز ما يحدفش الناس بالطوب.الزمالك خد8 ضربات جزاء السنة دى 6منهم غير صحيح.عيب قوى تتهموا واحد بالرشوة لانه حسب ضربة جزاء غلط للاهلى الاخطاء دى بتحصل فى كل الماتشات فى كل انحاء العالم.اهدوا كدة وبطلوا توزعوا اتهامات هنا وهناك.

الحكم من الأخر كان اى كلام اى واحد يوقع يحسبله فاول ابوتريكة قال يجرب حظه ونفعت.

ما حدش ياجماعة يعرف الهدف اللى اتلغى للاهلى فى الشوط الاول اتلغى ليه علشان انا مش عارف هو ازاى اوفسيد؟؟؟؟

[R.M.G.]

الأخ الحبيب س س

لم اكن اتوقع منك هذا الرد فالذي اعرفه عنك انك راجل حقاني ومش بتقبل الحرام يعني هو كون الزمالك بيستفيد مثلا من فساد يبقى ده مبرر لنادي عملاق كالأهلي إنه يستفيد منه وللعلم فإن تعادل الأهلي بمستواه الجميل جدا أمس كان أشيك وأكرم 100 مر من الفوز بالطريقه دي

وللعلم ولعدم خلط الأوراق بس محمد فاروق امس اعطى الأهلي 2 بنط مش مجرد ضربة جزاء وللذين يقيسون بضربتي الزمالك المفبركتين يوم ماتش الأهلي فهما بلا قيمة يعني كانوا زي قلتهم ولو حتى اتحسبت واحده تالته كانت برضو بلا فايده انما بتاعة الأهلي = اتنيــــــــــــــــــــــــــــــــــــــــــن بنط

[kotoz9]

الأخ الحبيب س س

لم اكن اتوقع منك هذا الرد فالذي اعرفه عنك انك راجل حقاني ومش بتقبل الحرام يعني هو كون الزمالك بيستفيد مثلا من فساد يبقى ده مبرر لنادي عملاق كالأهلي إنه يستفيد منه وللعلم فإن تعادل الأهلي بمستواه الجميل جدا أمس كان أشيك وأكرم 100 مر من الفوز بالطريقه دي

وللعلم ولعدم خلط الأوراق بس محمد فاروق امس اعطى الأهلي 2 بنط مش مجرد ضربة جزاء وللذين يقيسون بضربتي الزمالك المفبركتين يوم ماتش الأهلي فهما بلا قيمة يعني كانوا زي قلتهم ولو حتى اتحسبت واحده تالته كانت برضو بلا فايده انما بتاعة الأهلي  =  اتنيــــــــــــــــــــــــــــــــــــــــــن بنط

وضربة الجزاء بتاعة الزمالك والاسماعيلى 3بنط وبتاعة ماتش الزمالك والجيش 3بنط وبتاعة الالومنيوم الخروج من الكاسوبتاعة ماتش المحلة 3بنط... flrt: والنبى ياجماعة حد يعد معايا..

[se_ Elsyed]

الأخ الحبيب س س

لم اكن اتوقع منك هذا الرد فالذي اعرفه عنك انك راجل حقاني ومش بتقبل الحرام

يا أر بي جي يا مدفعجي عايزك تسأل الدكتور وليد والباشمهندس موديست وقولهم أحمد إتصل بكم إمبارح بعد الماتش بدقيقة واحده وقال لكم إيه ؟

فأول حاجة قولتها لهم إن ضربة الجزاء شنكوتي وإستروبيا ولسه بأقولها ...

ولكن هل معنا ذلك إننا نُشهر سلاح الرشوى والعِمالة لمن يُخطيء ولو مرة ونتهمه إنه بيقبض من الاهلي وإن الشيك من غير رصيد وما إلى ذلك ؟

وده سؤال للي بيفهم كورة قدم بس ....

بالله عليك للوهلة الاولى وقبل أن تُعاد الكورة هل لم نظن جميعنا بإنه ضربة جزاء صحيحة ؟

ولكن لما إتعادت عرفنا إنها من بره ؟

فما بالك بالحكم إللي ماعندوش سلو موشن ولا مونيتور بتعيد له الكورة مرة تانية وبياخد القرار في كسر من الثانية ؟

وليه حكام ماتشات الاهلي هما اللي تحت المقصلة عندما يُخطئوا حتى لو كانوا أتراك .. برضوا عند الزملكاوية بيقبضوا بس بالدولار ؟

بالله عليك مرة آخرى .. سمعت اهلاوي بيقول إن رضا البلتاجي قبض شيك من الزمالك بعد ماتش الإسماعيلي اللي ماكنش من حقكم؟

هو انتوا كده بجد يا زملكاوية .. ما هو أصل مرتضى منصور ماجبهوش من بره .... الدنيا كلها عنده مجرمين ومرتشين يمكن حتى صوابعه بيشك فيهم ويكرههم هما كمان ....

إتحاد الكورة وعصام عبد المنعم والمحكمة الرياضية ولجنة التظلمات وعلي الدين هلال وأنس الفقي وكمال درويش والصحافة وبائعي الصحف وكل الدنيا دي الاهلي بيدفع لهم ....

بالله عليكم وللي إتفرج على الماتش إمبارح كله ... إنتوا شفتوا الراجل محمد فاروق كان ماشي إزاي طول الماتش وكان أكثر من رائع ؟

[egyptforever]

و الله يا س س باين عليك هيجيلك الضغط على الفاضي

و الله لما الاهلي يعمل ايه برضه هيطلعوا فيه القطط الفطسانه

غلب اول 10 مباريات قالولك اصل الحظ و الاهلي بقى رديف الفرق و مش عارف ايه ؟؟؟

كل فرق العالم دلوقتي بتجيب الاحسن و ملهاش دعوه بقصه ابن النادي و ابن الدايره و مع ذلك مش عايزين يفهموا حكايه زي دي

لعيب من الاهلي غلط و ضرب واحد بالشلوت قامت الدنيا و لم تقعد كان الاهلي هو اللي كان محرضه على كده في نفس الوقت الاهلي بيغرم بركات بينما باقي الفرق اللعيبه بتاعتها بتعمل العن من كده و بتلاقي ادارتها معاها

اجمل حاجه الناس بتتكلم عن الاعلام الاحمر

النهارده بافتح الاهرام الاقي الاهرام كاتب الاهلي يهزم حرس الحدود بضربه جزاء غير صحيحه

سألت نفسي و يا ترى ليه الاهرام مكتبش كده يوم ضربه الجزاء الاستروبيا بتاعه وليد صلاح عبد االطيف ؟؟؟؟ ليه مكتبش كده يوم ضربه الجزاء بتاعه الزمالك في مباراه الجيش ؟؟؟ ليه مكتبش كده يوم ضربه الجزاء بتاعه الزمالك في مباراه الترسانه او الالمونيوم او المحله ؟؟؟؟؟ ساعتها بس افتكرت الاعلام الاحمر و الابيض و الازرق

و على فكره بقى انا مش عارف ليه بتقولوا على الحكم ده مرتشي ؟؟؟؟ طب ما في جون في الشوط الاول و محسبوش مش كان اسهله من الافلام للي حصلت دي ؟؟؟ و بعدين ايه المطلوب من الاهلي بالظبط ؟؟؟ هل كان المطلوب ان ابو تريكه يجري على الحكم و يقوله معلش يا حكم اصلها من بره مش من جوه ؟؟؟؟ ولا معلش اصلها اوفسايد ؟؟؟ لما لعيبه الزمالك يعملوها لعيبه الاهلي هيقلدوهم على طول .

الكوره المصريه مش هتتصلح الا لما نتخلص من تعليق الخساره على شماعه الغير

الاف المرات حكام غيروا في نتيجه مباراه مافيش غير الزملكاويه بس على مستوى العالم اللي بيتهموا الحكام بالرشوه .

بالذمه ده كلام

ضربه جزاء الاهلي معناها نقطتين صحيح 100%

و ضربه جزاء الزمالك في مباراه الاسماعيلي معناها 3 نقاط

و ضربه جزاء الجيش معناها 3 نقاط

يبقى لينا عندكم اربعه نقط

و مش عايزينهم

[R.M.G.]

أولا مفيش حاجة اسمها ضربة جزاء بتلاتة بنط لأنها- أي الضربة - تنقل آخذها من تعادل ببنط الى فوز بتلاتة فتكون المحصلة اتنين مش تلاتة ومستحيل تنططه من 0 أي هزيمة الى مكسب وبالتالي فكل الضربات اللي حسبوها الأخوة الأحباء الأهلاوييون للزمالك كانت باتنين مش بتلاته

ثانيا ياعم س س انا زملكتني ليه هو الحساب بقى بطريقة بوش اللي مش معانا يبقى من محور الشر الزمالكاوي

[disappointed]

فيلم العار....فى جريدة الأخبار

نـــعــــم....

إنه العار

ولا شيئ سوى العار

فعندما تلجأ جريدة قوميّة من المفترض أنها محترمة و محايدة إلى التزييف و التدليس و الغش بمنتهى التبجّح و الصفاقة لمصلحة نادى بعينه...فإنه العار.... ولا شيئ سوى العار

و عندما تستهين جريدة من المفترض أنها عريقه بذكاء القرّاء و تستخف بعقولهم إلى هذه الدرجة الغير مسبوقة لا لشيئ إلا لتعضيد مصلحة النادى الأهلى ....فإنه العار.. ولا شيئ سوى العار

وعندما تستميت جريدة فى سبيل إلباس الباطل ثياب الحق رغم أنها من المفترض أنها إنما وُجِدَت أساساً لتثبيت دعائم المصداقيّة و مناصرة الحق و مطاردة الباطل....فإنه العار..ولا شيئ سوى العار

وعندما تفعل جريدة كبيرة كل هذه الألاعيب و تدوس على كل الأخلاقيّات و ترمى شرف المهنة فى المزبلة لا من أجل مبرّر قهرى قد يكون به مساس بأمن الوطن أو مصيره على سبيل المثال, و إنما من أجل مجرّد تنافس رياضى فى لعبة ترفيهيّة يركل فيها بعض الشباب كرة من الجلد منفوخة بالهواء .....فإنه العار....ولا شيئ سوى العار

أيّها السادة الأفاضل :

طالعتنا جريدة الأخبار الغرّاء اليوم الجمعة 17/12/2004 ( و أسجّل التاريخ حتى يكون علامة ماثلة فى الأذهان على عصر إنعدام الأخلاق و إعدام المبادئ و إنتحار المصداقيّة و تمكّن العار من إعلام هذا البلد).... طالعتنا جريدة الأخبار فى صدر صفحتها الرياضيّة بمقال و صورة

و هذا هو المقال... والصورة.... و التعليق تحت الصورة (فلنقم بالتركيز فى الصورة... و التعليق)

الأهلي يعود بأغلي ثلاث نقاط..

وكل الاحترام لحرس الحدود

العرقلة التي تعرض لها ابوتريكة من

قبل مدافع الحرس والتي تسببت ركلة الجزاء التي أثارت الجدل.

أيّها السادة

إن جريدة الأخبار المحترمة قد خلعت برقع الحياء فى حين أن محرّرها الذى أقسم على الحفاظ على شرف مهنته قد باع شرفه بالكامل مع شرف مهنته

فجريدة الأخبار تدّعى أن الصورة المنشورة هى لقطة لضربة الجزاء التى تم إحتسابها فى الوقت الضائع من الشوط الثانى لمباراة الأهلى و حرس الحدود, و نحن بدورنا نسأل جريدة الأخبار و نسأل محرّرها الهمام (عادل حلمى) :

= كيف يمكن للاعب حرس الحدود "أبو العينين شحاته" أن يتواجد و يظهر فى أقصى يمين الصورة التى تم الإدّعاء زوراً و بهتاناً بأنها صورة ضربة الجزاء التى تم إحتسابها و الوقت الضائع من الشوط الثانى يلفظ أنفاسه الأخيرة ....بينما....أبو العينين شحاته كان قد تم إستبداله بين الشوطين باللاعب هشام حنفى الذى صنع هدف حرس الحدود فى مطلع الشوط الثانى بتمريرته لأحمد عيد؟؟؟!!!......... كيف يمكن للاعب لم يلعب الشوط الثانى من أساسه أن يظهر فى لقطة ضربة جزاء تم إحتسابها فى نهاية الشوط الثانى؟؟؟!!!!!

= كيف يمكن الإدّعاء بتبجّح و صفاقة أن اللقطة لضربة الجزاء التى أثارت الجدل رغم أن الصورة تم إلتقاطها كما هو واضح فى منتصف الملعب

= كيف إستطاعت جريدة الأخبار أن تكون بهذا القدر الغير مسبوق من إنعدام المبادئ و إنحطاط الأخلاق و كيف تسنّى لمحرّرها الهمام أن يكون بهذا القدر الخيالى من التبجّح و الصفاقة لدرجة الغش و التدليس بمنتهى الغشوميّة و السذاجة فإذا بنا أمام الإستشهاد بصورة ملتقطة فى نصف الملعب فى الشوط الأول من المباراة على أنها صورة ملتقطة لضربة جزاء حدثت على مشارف منطقة الجزاء فى نهاية الشوط الثانى

= أليس من المخجل أن يكون العار كل العار ليس فقط فى العار و إنما أن يصدر العار عن حمار؟؟؟!!! فعندما يمتزج العار بالغباء و الغشوميّة فإنه يكون عار صادر عن حمار

= أما من نهاية لهذا المسلسل الإعلامى الممجوج المثير للغثيان؟؟

=أما من نهاية لهذا التزييف و الخداع و الغش و التدليس و الإستخفاف بالعقول؟؟؟

= أهذه هى أخلاق نادى المبادئ و القِيَم و المنتمين إليه؟؟؟

= أين ذهبت حمرة الخجل ؟؟؟؟ وهل في تلك الواقعة تأكيد على مقولة أنك إذا لم تستح فأفعل ماشئت؟؟؟

أيّها السادة:

قلنا مراراً و تكراراً أننا نعى أن النادى الأهلى هو صاحب الحظوة الإعلاميّة و هو صاحب السطوة الجماهيريّة و هو صاحب المساندة التحكيميّة...... و يبدو أن كل هذا (وبما أننا نتحدّث عن مسلسل - أو فلنقل فيلم- الـــعـــار) يبرّر أن نرى من قد ينبرى مدافعاً عن جريدة الأخبار قائلا (بنفس أسلوب نور الشريف فى فيلم العار) :

حقها....... حقــّها والاّ مش حـقـّها؟؟؟!!!

و يا جريدة الأخبار........ طالما إرتضيتِ بالعار...... فلا تجعليه بقلم صحفى حمار

يا جماعة.....

و الله الموضوع كده ما بقاش موضوع كورة... الموضوع موضوع إنهيار أخلاق و إنتحار مبادئ و سقوط قيم و إنهدام مصداقيّة و إغتيال ضمير.......الموضوع موضوع عار.... عار على مجتمع أصبح يفتقد لهذه المثاليّات و يتم النظر إليها على أن مكانها قد أصبح فى المتاحف و ليس فى الحياة الواقعيّة.... العار كل العار أن يحدث ذلك بمداد الأقلام التى تمثّل الصحافة التى من المفترض أنها ضمير الأمّة و صاحبة رسالة قيادة الجماهير و توجيهها...بل و تهذيبها

عليه العوض... و منه العوض (مرّه أخرى أكرر... الموضوع أعمق من مجرّد كرة قدم... الموضوع حقيقى..... خطير... و يدعو للأسى و الحزن)

و....

إضغط على هذه الوصلة لتشاهد فيلم العار...... الذى يعرض بتبجّح منقطع النظير فى دار سينما جريدة الأخبار :

http://www.elakhbar.org.eg/issues/16428/0900.html

تم تعديل 17 ديسمبر 2004 بواسطة disappointed

[R.M.G.]

ولي سؤال للأخوة الأهلاويين

هل لو فرضنا وحدث العكس مع انه فرض خيالي جدا وقام هذا المحمد فاروق باحتساب ضربة جزاء غاشمة ومدفوعة الثمن على الأهلي هل كنتم ستتقبلون الأمر بهذا الهدوء وهذه الموضوعية وتلتمسون للحكم الوديع الرائع الأعذار وتقولون انه معذور فالقرار يتخذ في ثانية وليس لديه مونيتور ولا إعادة أم كانت الدنيا ستقوم ولا تقعد مصحوبة بدرس برتغالي في التحكيم من الوقح السمج المتكبر المغرور خوزيه ولا مانع من اعتذار لجنة الحكام للأهلي وإعلان أيقاف الحكم ولا مانع كذلك من الزج بأسم الزمالك والأسماعيلي في الموضوع وترديد اللحن الشهير بتاع انهم يرهبون الحكام للموسيقي للنابغه ثابت البطل دا لما يدوب طه بصري اعترض ..!هه بس اعترض على طول الأخ كفاية كتب وقال انه كان بيعترض لأنه متفق مع الزمالك على الأعتراض....ياجماعه قولوا الحق لله

والله الأهلي عظيم ورائع ولا يحتاج الى هذا التدني الأخلاقي من طائفة.........الذين يكتبون في الأخبار وهم يسيئون للأهلي وهم يحسبون انهم يتملقونه

تم تعديل 17 ديسمبر 2004 بواسطة R.M.G.

[se_ Elsyed]

ولي سؤال للأخوة الأهلاويين

هل لو فرضنا وحدث العكس مع انه فرض خيالي جدا وقام هذا المحمد فاروق باحتساب ضربة جزاء غاشمة ومدفوعة الثمن على الأهلي هل كنتم ستتقبلون الأمر بهذا الهدوء وهذه الموضوعية وتلتمسون للحكم الوديع

ليه وده ما حصلش يا عم في ماتش الزمالك وضربات الجزاء الهلامية اللي كان الحكم التركي بيحسبها ؟

وبعدين إذا كان محبط ومعه لفيف من الزملكاوية قد تباروا ليدافعوا عن حُمرة الخجل وحُمرة الطماطم .. فعايز أقول لهم بالله عليكوا إتعبوا نفسيتكم شوية وإتفرجوا على مبارة إنبي والترسانة في نفس اليوم وشوفوا ضربة الجزاء الهلامية اللي حسبها رضا البلتاجي لصالح مجدي عبد العاطي وكيف إن مدافع الترسانة كان بعيد عن الراجل بفدان والتاني إتكعبل في خياله راح البلتاجي حاسبها ضربة جزاء لإنبي !!!!!!

يبقى ليه ماقولتوش إن البلتاجي بيقبض من إنبي وإذا ماخدش فلوس كاش فبيقبض صفايح بنزين سوبر 92 ؟!!!!

[R.M.G.]

أولا لأنه في ماتش الزمالك و الأهلي البنالتيات كلها بما فيها بتاعة الأهلي لم تكن هلامية بل مهلبيه وبعدين الأهلاويين انشغلوا في معركة معايرة الزمالكاويين فنسوا موضوع البنالتيات وراحت عليهم الفرصة

وبعدين يابا الحاج مين بس حيتفرج على انبي والترسانه داالواحد بيشوف ماتشات الأهلي والزمالك بالعافية وبعدين انتو ياأهلويه حاطين انبي في دماغكم ليه؟؟ (سؤال خبيث مش كده) ماتطلعوهم بقى من دماغتكم

بس انت ماردتش علي في حكاية ازاي يبقى بنالتي بتلاته بنط !؟ حافضل لابدلك ياسي سيد ويانا يانت ......هه ومش حتهدد بحكاية انك مشرف وممكن تلفقلي مصيبة انا مصمم وكمان مرة يانا يانت

[se_ Elsyed]

هه ومش حتهدد بحكاية انك مشرف وممكن تلفقلي مصيبة انا مصمم وكمان مرة يانا يانت

ده رد جالنا من عمر إبن سين سين إلى عمه أر بي جي وبيقول فيه

" عمو العزيز بابا بيقولك هو مش هايقدر يرد عليك عشان هو حابس نفسه دلوقت في معسكر مغلق بالبلكونة من غير اكل ولا شُرب لحد ما ماتش الإسماعيلي يخلص على خير النهاردة.. ويا إما هايرُد رد ساحق ماحق على جميع الزملكاوية وأعوانهم من اعداء الوطن الإسماعلاوية .. يا إما هاييجي مطأطا الرأس مدلدل المناكب وإبقوا إعملوا فيه إللي إنتوا عايزينه "

.... إمضاء ع س س

[Guest Mohd Gramoun]

انتهت نظرياً مسابقة الدورى الممتاز المصرى لموسم 2004-2005، بعد فوز النادي الأهلي علي بلدية المحلة بهدفين لهدف و هزيمة الإسماعيلي أمام فرقة فى لقاء الأسبوع الـ19 للدورى الممتاز بهدف مقابل لا شىء؛ والذى أعلن تتويج الأهلى بطلاً للمسابقة لتستمر البطولة فى باقى أسابيعها لتحديد أصحاب المراكز التالية.....

تهانينا للأهلي و جماهيره .... بالبطولة الثلاثين و بالنجمة الثالثة