أخبار الأهلي

[theblackpirate2005]

يا عم محبط

قالوها زمان العرق دساس وهى دى عادتهم ولا هيشتروها

هو ايه يا عنى لمل يقولوا اهلى اهلى هى الكحكه فى ايد اليتيم عجبه خليهم يشوفولهم يومين وبعد كده يرجعوا يعيطوا تانى زى الاول

وكمان متنساش ان شعار الاهلى (الاهلى فوق الجميع) هما ولا يهمهم المنتخب ولا حتى الكنكه

كل اللى يهمهم انهم ياخدوا الدورى والكاس وبس ولا مصلحه بلد ولا يحزنون الاهلى فوق الجميع ووالهى شعار عسل مش يقولوا مصر فوق الجميع لا الاهلى هو اللى فوق وبعد كده يكش تولع

المنتخب يولع بجاز الكوره تولع بجاز المهم ان الاهلى هو بس اللى يفضل

*************

تم الحذف بواسطتى

يا عم القرصان ..

ليس معنى أننا نتحدث فى الكورة ونهزر ونضحك أن نستعمل ألفاظا كهذه .. فى مكان محترم كهذا ..

أرجوا الانتباه إلى ذلك مستقبلا .. وألتمس لك عذر حداثة انضمامك للمحاورات ..

الإدارة

إسو

[yasovinas]

لا صحيح مصر بخير

يا ترى عارفين اخر اخبار الاقتصاد والسياسه والدين كده ذي متابعتكم للكورة والاهلي والزمالك

ياخبر ابيض امال لو كانو بيلعبوا كويس شويه ولا كانو بيتنافسوا في دوري محترم وقوي كنتوا عملتوا ايه في بعض

حسبي الله ونعم الوكيل (حييييييييييييييييييييييييييييي)

مادد مادد مادد الاتحاد سيد البلد

[disappointed]

( مع الاعتذار للعم محبط )

و الله أنا عملت اللى عليّا أول ما شفت المداخلة دى إمبارح بالليل و أرسلت له رسالة خاصة عاجلة بصورة أخويّة بما معناه ما يصحّش و عدّل المداخلة و شيل منها الكلام المنتقد.... بس ما ردّش عليّا ولا عدّل المداخلة رغم إنى متأكّد إنه قرأ رسالتى لأنى رحت بعد إرسالها على قائمة المتواجدين لقيته بيستخدم بريده الخاص

مش هاقولك غير معلش اصلك زملكاوي

على رأى المثل :

القرصان الأسود يجيب للجماهير البيضاء النعيلة

:) :) :)

تم تعديل 1 ديسمبر 2004 بواسطة disappointed

[disappointed]

وصلتنى هذه الرسالة الخاصة من القرصان الأسود :

i am sorry mr disappointed, Dec 2 2004, 01:47 AM

المجموعة : Members

المشاركات : 8

تاريخ الإلتحاق : 30-November 04

i am sorry mr disappointed for not changing what u said and i swear that i just read ur emial now at 12.45 of 2 dec

]sorry again

and i dont know how to change

amend)elmodkhla

sorry again

[disappointed]

إضحكوا على الخبر ده :

طبعاً لوحظ فى الفترة الأخيرة إن "مانويل جوزيه" المدير الفنى للنادى الأهلى نجح بدرجة إمتياز فى إستعداء الغالبية العظمى من المديرين الفنيين و المدرّبين للفرق الصغيرة المنافسه و إثارة حنقهم و غضبهم فى المؤتمرات الصحفيّة بعد مباريات الأهلى معهم , وذلك بالطبع بأسلوبه المتعجرف المغرور , إذ دأب بعد كل مباراة على التعبير عن سخطه من الطرق الدفاعية التى تلعب بها الفرق الصغيرة أمامه , مع إظهار تبرّمه من ذلك , و قيامه بتأنيب و تقريع المديرين الفنيين و المدرّبين لتلك الفرق فى المؤتمرات الصحفيّة بعد المباريات , مما تسبب فى إغضابهم و ردّهم عليه بعصبيّة فى تلك المؤتمرات و الهجوم عليه بعد ذلك فى أحاديث صحفيّة لاحقة , وغالبا ما يكون القاسم المشترك لتصريحات هؤلاء المديرين الفنيين و المدرّبين هو : فلنرى ماذا سيفعل مانويه جوزيه لو كان فى مكانى ومعه فريقى بإمكانياته المادية و لاعبيه المغمورين و كنت أنا فى مكانه بالإمكانيّات المادّية و اللاعبين النجوم المتاحين له ( كما قال مؤخّرا عبد الرحيم محمّد المدير الفنّى لبلديّة المحلّة و كمال عتمان المدير الفنى لطلائع الجيش , و إن كان أكثر من إستشاط غضباً و كان فى قمّة الإستياء هو المدير الفنّى لأسمنت أسيوط - الراجل صعيدى بقى و ماسك فرقة الأسمنت... يعنى دماغه "جبس" - :blink: )

ما علينا......

إستكمالا لهذا المسلسل المتعجرف وقع مانويل جوزيه أمس الأول فى يد مدرّب فريق الطيران ( شكله راجل دمّه حامى قوى) فى المؤتمر الصحفى بعد مباراة الكأس بين الأهلى و الطيران ( فرقه بتلعب فى الدرجة الثالثة و كوميديّة أساساً و لو لمّينا بعضنا فى المنتدى حنعمل معاها شغل , واللى مش مصدّقنى يشوف أهداف الأهلى فى المباراة و يضحك على كمّية القلش و التجليه و نطّات البطّة الشقيّة و الكرامبات من آخر الشوط الأول)

ماعلينا...عندما كرّر مانويل جوزيه كلامه المتعجرف المعتاد و قعد يبستف مدرّب الطيران و يتنطّط عليه زى الأستاذ لمّا يكلّم التلميذ و يأنّبه... نظام بقى :

wst:: بتلعب دفاع ليه يا بنى آدم؟؟؟ يعنى ما بتتمنّاش كده تنضف وتلعب كوره و يبقى ليك ولفرقتك شكل ؟؟؟

قووووم إييييه... قوووووم مدرّب الطيران هاج و ماج taz:: بعد أن إستفزّه كلام مانويل جوزيه , فقام بمقاطعة مانويل جوزيه و هو يتحدّث ...و...و... لـًبُّه.. و أخذ يعنّفه بنبرة خشنه و...و.... خذ بقى عندك... نظام بقى : mf-: ما تيجى ياخويا تورّينى شطارتك و تمسك الطيران و تلاعبنى و أنا ماسك الأهلى.... إنت معاك فرقة ثمنها 34 مليون جنيه و أنا معايا فرقه وعدناها لو عملوا حاجه مع الأهلى حندّى مكافئة 3 آلاف جنيه و دى مكافئة عمرهم ما شافوا رُبعها......و...و..... راح مناوله بقى الحتّه الجامده قوى :

ده أى عامل أمن فى الأهلى قادر على قيادة فريق كهذا للفوز

mc: tot::

قووووم إييييييييه... مانويل جوزيه إتقمص و إتلوى و قال إنه أهين فى شخصه و فى قدراته كمدرّب و راح منسحب من المؤتمر الصحفى و الدنيا قلبت غم ksh::

و آدى الوصله للخبر فى الأهرام بتاع النهارده (طبعا الأهرام كالعادة نصّب نفسه محامى لمانويل جوزيه و قعد يقول إنه ماكانش يقصد الإساءة لمدرّب فريق الطيران , بل و وصل الأمر إلى إتهام الأهرام لمدرّب الطيران بسوء النيّه , بل و إتهم الأهرام "البعض" بالتربّص بمانويل جوزيه tot:: ) :

http://www.ahram.org.eg/Index.asp?CurFN=spor1.htm&DID=8329

و..... على رأى عادل إمام فى مسرحيّة مدرسة المشاغبين :

بتحطّوا نفسكم فى مواقف باااا يخاااااااا

bsh:) md2:

تم تعديل 8 ديسمبر 2004 بواسطة disappointed

[kotoz9]

يعنى يا أخ محبط اتكلمت عن ماتش الأهلى مع الطيران ونسيت ماتش الزمالك مع الالومنيوم اللى فاز فيه الزمالك بضربة جزاء.

ده غير الاهانة اللى وجهها جمال حمزة لجماهير الزمالك"الصفوة"عندما اشار لهم بالجزمة والغريبة ان مافيش حد فى مجلس الادارة غضب لكرامة الجماهير"الصفوة" خاصة بعد تكرر تلك الاهانات فى الفترة الاخيرة واصبحت حاجة تكسف. tot::

[disappointed]

يعنى يا أخ محبط اتكلمت عن ماتش الأهلى مع الطيران ونسيت ماتش الزمالك مع الالومنيوم اللى فاز فيه الزمالك بضربة جزاء.

التوبيك إسمه "أخبار الأهلى" على فكره

ثم يعنى بذمّتك إنت برضه عايز تقارن فريق الطيران الكوميدى اللى مالوش فى الكورة واللى بيلمّوه من على قهاوى تريومف و سانت فاتيما علشان يلعب ماتشاته فى الدرجة الثالثة و يدّوا لكل لاعب 50جنيه مكافئة فوز , بفريق الألومنيوم الذى يتصدّر مجموعته فى دورى الدرجة الأولى- ب و حنشوفه الموسم القادم فى الدورى الممتاز زيّه زى المنصورة و البلديّة و الترسانه, وهو فريق يتم الصرف عليه جيّداً و يقوم برعاية اللاعب و توفير الإمكانيّات له ( يوجد إستاد كبيرذو أرضيّة ممتازة لهذا الفريق بجيمنازيوم و صالات تدليك و وحدة طب رياضى)... دى فرقة حضرت للقاهرة بالطيران الداخلى قبل المباراة بــ3 أيّام و أقاموا فى أحد الفنادق الكبيرة تجنّباً للإجهاد...... مش تقوللى نادى الطيران اللى بيأجّروا للاعبيه أتوبيس "تامكو" يروحوا بيه الماتش ( الطيران ده أصله فى مصر الجديدة اللى أنا متربّى فيها... وهو نسخة طبق الأصل من نادى الغابة.... و عندما كنت ألعب فى أشبال المقاولين العرب لعبنا مباراة ودّية مع الطيران و الولاد يا عين أمّهم كانوا بيحكوا لينا حكايات تقطّع القلب عن الفريق الأوّل بتاعهم...أبسط مافيها إن كل لاعب له فانلتين بس طول الموسم , و اللى عايز ثانى يبقى يشترى على حسابه)

ثم انا مش فاهم يعنى : إيه المخجل فى الفوز بضربة جزاء؟؟ و هيّه ضربة الجزاء دى كانت وهميّة يعنى والاّ كانت صحيحه 100%؟؟؟...... ثم إنه كان من الواضح جدّا إن الزمالك كان كده كده حيخلّص بضربة جزاء أو من غير ضربة جزاء ,فالفرص كانت تتوالى فى الشوط الثانى فى حلق مرمى الألومنيوم و موضوع إحراز هدف كان مسألة وقت مش أكثر

و بعدين انا مداخلتى لعرض خبر محدّد أراه طريف , و ما بيحصلش كل يوم إن إثنين مدرّبين يتخانقوا مع بعض فى مؤتمر صحفى و واحد فيهم يستفز الثانى يقوم الثانى مكيّل ليه يروح الأولانى مقموص و منسحب من المؤتمر

ده غير الاهانة اللى وجهها جمال حمزة لجماهير الزمالك"الصفوة"عندما اشار لهم بالجزمة

حركة جمال حمزه حركة مش بس غير رياضيّة , و إنما أيضا غير أخلاقيّة...... و عموما آهو إتوقف ماتشين و أخذ غرامه 10000 جنيه (مجلس إدارة الزمالك بلّغ اللاعب بإنها سيتم خصمها من مستحقاته و إكتفى بإيقاف الإتحاد له لأنه ليس من المنطقى إيقاف اللاعب مرّتين على نفس الخطأ.... حتقوللى الأهلى وقف حسام حسن قبل كده من نفسه لمّا رمى فانلّة الأهلى على الأرض حأقول لك إنها كانت حركة قرعه و تلكيك مفضوح من مجلس إدارة الأهلى للضغط على الولد لأنه كان داخل على تجديد عقده فإدّعت إدارة الأهلى إن الحركة كانت إهانة لرمز الأهلى بينما الجميع يعلم أن حسام حسن رمى فانلة الأهلى فى الأرض كنوع من أنواع النرفزة تجاه قرار الحكم بطرده بعد أن كان اللاعب "ناصر التلّيس" هو الذى قد قام بعمل حركة خارجة بإصبعه لحسام حسن عن طريق الملامسة و ليس عن طريق الإشارة)

ماعلينا...... حبّيت بس أصحّح ما تقوله عن أن الإشاره إلى الحذاء كان جمال حمزه قد وجّهها إلى جماهير الزمالك , فجميع من شاهد المباراة يعلم أن الإشارة كانت موجّهه لبعض الأهلاويّة الذين كانوا بأعلامهم الحمراء فى مدرّج الأولى شمال مع جمهور الألومنيوم و الذين ظلّوا يشتمون الزمالك و جمال حمزه و طارق السعيد - وحتى مدحت عبد الهادى الجالس على دكّة البدلاء- طوال المباراة , وقد ثارت جماهير الزمالك على الأمن الذى ترك هؤلاء المنفلتين يشتمون طوال المباراة فى الوقت الذى وجّه فى الأمن تركيزه نحو الشخط و النطر فى جماهير الزمالك بالمدرّج المجاور و الذين غضبوا من هذه الشتائم

و بالمناسبة... كون إن الإشارة على الحذاء (ما معناه : إنتم ع الجزمة) مع الإشارة بالإصبع على الفم (ما معناه : إخرسوا).. أقول كونها موجّهة لجماهير أهلاويّة و ليس لجماهير زملكاوية فإن هذا لا يعنى إطلاقاً عدم إدانتى لها او موافقتى عليها.... فالموقف مرفوض شكلاً و موضوعاً بعض النظر عمّن كان الفعل موجّهاً له........ بس ياريت جماهير الأهلى تلمّ روحها شويّة علشان تصرّفاتها زادت عن الحد و بقى دمّها ثقيل و يكسف

تم تعديل 8 ديسمبر 2004 بواسطة disappointed

[egyptforever]

شهاده من مدرب اخذ على خاطره

شهد مدرب الطيران ان لاعبي الاهلي هم افضل لاعبي مصر في الوقت الحالي

و تأتي هذه الشهاده هي الخامسه هذا الموسم من احد مدربي الفرق المصريه

و يظهر و الله اعلم ان هذه الطريقه اصبحت حجه البليد بعد ملقوش التخته

الغريب في الموضوع ان الواحد قعد يتفرج على مباريات في اكبر بطولات

يعني امبارح كان في مباراه بين الارسنال وروزنبرج النرويجي

و بعد المباراه اتوقعت ان مدرب روزنبرج يعمل زي مدربي مصر و يقول لمدرب الارسنال تعال قعد مطرحي ووريني الهمه مع ان الفرق بين الاتنين ان مدرب الارسنال اشترى لعيبه ب 250 مليون دولار في السنتين اللي فاتوا و روزنبرج يمكن جاب كام لعيب ب 100 الف او مليون على اقصى تقدير بس يا خساره لقيت المدرب بيهني مدرب الارسنال و بيقول ان الهدف المبكر اربك حساباته و حسابات اللعيبه يعني لا جاب سيره الفلوس ولا القرشنات بس نقول ايه عظيمه يا مصر حتى في الكوره

امبارح في ماتش فالنيسيا و بريمن الالماني مش عارف ليه افتكرت الزمالك في مصر بعد مباراته مع الاهلي بتاعه الاربعه اول ما المباراه راحت من فالنسيا ابتدوا يلعبوا كاراتيه و جودو و كل حاجه غير الكوره لدرجه ان لعيب بملايين الدولارات بصق في وش لعيب من بريمن ( بيفكرني بواحد شاور على الجزمه من كام يوم ) و حاولوا بكل الاشكال انهم يضربوا لعيبه بريمن يا ترى هل هناك علاقه بين لونه الفانله و انعدام الروح الرياضيه جايز

و سلام لروزنبرج النرويجي الذي لم يبكي و شد في شعره و حقد على الارسنال ابو 250 مليون دولار لعيبه

[disappointed]

يا ترى هل هناك علاقه بين لونه الفانله و انعدام الروح الرياضيه جايز

clp:: h):

لون فانلّة "فالنسيا" (اللى فتحت عليه النار) برتقالى ... همّه بس لعبوا إمبارح باللون الأبيض الإحتياطى علشان فريق فيردر بريمن لابس برتقالى فى أخضر

أمّا لون فانلّة "روزنبرج" النرويجى ( اللى أرسلت ليه سلامك و أظهرت إعجابك بأخلاق و تصرّفات مدرّبه و لاعبيه) فهو اللون الأبيض

ده طبعاً بس علشان أورد معلومة... إنما طبعاً أنا فاهم إنك أكيد بتهزّر و مستحيل تكون الفرضيّة بتاعة الربط بين الأخلاق و لون الفانلّة فرضيّة جادّة

شهد مدرب الطيران ان لاعبي الاهلي هم افضل لاعبي مصر في الوقت الحالي

على مستوى التشكيل الأساسى الأهلى يملك أفضل لاعبين فى مصر فى 4 مراكز هى : الجناح الأيمن (بركات) , صانع الألعاب ( أبو تريكه) , لاعب الإرتكاز (محمد شوقى) , السترايكر الصريح (عماد متعب)

بينما يملك الزمالك أفضل لاعبى مصر فى 4 مراكزهى : حراسة المرمى (عبد الواحد السيّد) , الليبرو (وائل القبّانى) , لاعب الوسط المهاجم (جمال حمزه) , و الجناح الأيسر (طارق السعيد)

بالنسبة لمركز لاعب الوسط الجوكر فالأفضل فى مصر على الإطلاق هو لاعب الإسماعيلى حسنى عبد ربّه

بالنسبة للسترايكر الصريح (ماهمّه 2 سترايكرز) فالأفضل مع عماد متعب هو لاعب إنبى عمرو زكى

أما بالنسبة لمركز المسّاك فأفضل لاعب فيه فى مصر هو محمّد سلام لاعب حرس الحدود و بلدية المحلّة سابقا (لو كان فى الأهلى او الزمالك كان بقى الأساسى بتاع المنتخب... بس حظوظ)

مصدر قوّة الأهلى التى تجعله أفضل فريق فى مصر حالياً ( وهذا إعتراف منّى كزملكاوى) ليس فى أنه يملك أفضل لاعبى مصر.... بل فى أنه يملك أفضل و أقوى دكّة بدلاء فى مصر (وهو ما يصنع الفارق فى مسابقات النفس الطويل كالدورى.. وطالع تصريح "مورينيو" المدير الفنى البرتغالى لنادى تشيلسى الذى قال أن الوحيد القادر على منافسة تشياسى فى البريمر شيب الإنجليزى هو نادى مانشستر لأنه يوازى تشيلسى فى قوّة دكّة البدلاء , بينما إستبعد الأرسنال من المنافسة رغم إعترافه بأن لديه أفضل اللاعبين فى تشكيله الأساسى نظراً لضعف دكّة الدلاء.. وهى المشكلة العويصة التى يعانى منها ريال مدريد أيضاً)

تم تعديل 8 ديسمبر 2004 بواسطة disappointed

[egyptforever]

ممكن اوافك على موضوع جمال حمزه و عبد الواحد السيد

بس وائل القباني و طارق السعيد لازم نحط كلمه جنب افضل و هي كلمه سابقا

اما بالنسبه لموضوع روزنبرج و فالنسيا و اللون

فطبعا كان تهريج وهزار

على فكره اللون الابيض حلو في اللبس لفرق الكوره الا

....................................

على الزمالك

clp:: h): gt: rs:

[se_ Elsyed]

تبرير غريب جداً يا محبط خصوصاً إنك بتفهم كوره .. وعارف إن ماتشات الكاس في أي بلد في العالم مالهاش مقاييس بدليل الفريق الإنجليزي اللي درجة ثانية وليس من اندية مقدمتها وصل للنهائي مع مان يونايتيد ..

لو قولنا إن الفريق بتلاتة جنية ولمينه من حواري شيكاغو .. يبقى مشترك ليه أساساً في الكاس ودافعين قيمة الإشتراك ؟

يا محبط أي فريق طالما نزل أرض الملعب يبقى لازم يكون عنده طموح خصوصاً لما تكون مباراة واحدة ما فيهاش تعويض تاني ...

يعني لما فريق يدخل فيه 3 و 4 أهداف وهو مغمور أساساً إيه المانع إنه يهاجم ؟

هاتقولي ما بيخلفش وصحته عدمانه ... أوق لك يبقى يروح يعمل أي حاجة غير الكورة ...

كل الفرق التي برُز في الكؤوس المحلية التي نتابعها بتكون مغمورة لكن بتنزل تلعب بمبدأ " ضربوا الأعور على عينه قال خربانة خربانة "...

ومع الإعتذار للأخ شرقية .. وإلا ماكناش شوفنا فريق زي تليفونات بني سويف يقطع الإسماعيلي ويخرجه بره .. وكذلك الجونة اللي هزم بطل الكأس الماضي وحامل اللقب ومتصدر ترتيب مجموعتة بجدارة نادي المقاولين ...

بالله عليك يا شيخ وإلهي تعدم شارون وبوش في يوم واحد ...عمرك سمعت عن فريق إسمه الجونة ؟ غير الجونة بتاعت ساويرس ؟

وفارك فريق بنها العسل السنة اللي فاتت الذي كاد ان يكيك آوت الزمالك ... سمعت عنه هو كمان ؟

إعطي كل ذي حقٍ حقه يا محبط ...

نحن نريد فرق رياضية عندها طموح ... إلعب كورة .. فقط كورة ... حتى لو قدام فريق كبير .. ماحدش بيقول إنك تلعب مفتوح عشان يدخل فيك 10 أهداف .. لكن على الأقل قدم شيء يُذكر لك .

[disappointed]

امبارح في ماتش فالنيسيا و بريمن الالماني مش عارف ليه افتكرت الزمالك في مصر بعد مباراته مع الاهلي بتاعه الاربعه اول ما المباراه راحت من فالنسيا ابتدوا يلعبوا كاراتيه و جودو و كل حاجه غير الكوره

يا ترى هل هناك علاقه بين لونه الفانله و انعدام الروح الرياضيه جايز

الفيفا يمنح محمد بركات جائزة الشلّوت الذهبى و النقّاد يجمعون على إختيار شلّوته فى مباراة المحلّة كــ"شلّوت الموسم"

[egyptforever]

يا عم محبط هتخليني ارد عليك مع اني كنت باعد عن المناوشات الكرويه

هتتكلم عن غلطه عملها لعيب اهلاوي لاول مره منذ بدايه الموسم و يمكن من 3 مواسم فعلا الاعلام الابيض غريب جدا هيتدبحوا اللاعب على حاجه عملها لاول مره في حياته بس هتخلينا نتكلم عن الزمالك و محدش يزعل مني

1- محمد بركات ضرب لاعب بالشلوت عملها قبل منه اكبر لعيبه العالم زي زيدان و رونالدو بس ده مش تبرير بس نشوف لعيبه الزمالك عملوا ايه

1- خالد الغندور الملقب بابو شبشب اللي لو فاكرين نزل يوم ماتش الاهلي و الزمالك لما انسحبوا و عيطوا نزل بالشورت و الشبشب و هو بيقول لقدري عبد العظيم يا حكم يا ابن الش..... و جت في التليفزيون و للاسف لا كان بيلعب علشان نقول حماس مباراه ولا غيره

2- طارق السعيد الملقب بابو اصبع الذي قام بعمل حركه خارجه باصبعه الاوسط و ظهرت في التليفزيون لمده 3 دقائق و للا سف وجد من يبررها له بينما لاعب مثل ابراهيم حسن عندما فعلها عندما كان في الاهلي اوقفه الاهلي من نفسه 6 شهور قبل السنه بتاعه الاتحاد الافريقي

3- عبد الحليم علي و طارق السيد و مدحت عبد الهادي في مباراه قبل نهائي العرب مع الفريق الصفاقسي التونسي قاموا بضرب لاعبي الصفاقسي بل على العكس ظهر لاعبو الزمالك و هم يلعبون مباراه في الجري ورا الخصم و الرجبي لمجرد خساره مباراه و تم ايقافهم لمده سنه ولولا توسل اداره الزمالك و بوس الايادي لكان تم شطبهم دوليا

4- اللاعب الفذ بشير التابعي عندما قام في مباراه القناه بالجري ورا لاعب القناه و هو يشير اليه بالذبح بعد انتهاء المباراه و لولا الحكم الرابه لقام بذبحه و السبب التعادل 1/1

5- طارق السيد عندما اشار بحركه بذراعه الى الجماهير الزملكاويه عندما سجل في مباراه وديه بعد ان كام يتلقى السباب من الجماهير الزملكاويه

6- جمال حمزه و اشارته الى جزمته لجماهير

7- اشارات عبد الحليم علي في مباراه الاهلي و سبه لحسام البدري بكلمه ..... و التي ظهرت على التليفزيون في مباراه اذيعت على كل الفضائيات العربيه

8- اشارات حسام و ابراهيم حسن للجماهير في مباراه السته الشهيره بالجزمه و بحركات تخدش الحياء العام

و هكذا سيتم ذبح اللاعب بركات من اجل الاعلام الاحمر

يا عم محبط اللي بيته من خيوط عنكبوت ميقربش من بيوت الناس

[disappointed]

بس نشوف لعيبه الزمالك عملوا ايه

1- خالد الغندور الملقب بابو شبشب اللي لو فاكرين نزل يوم ماتش الاهلي و الزمالك لما انسحبوا و عيطوا نزل بالشورت و الشبشب و هو بيقول لقدري عبد العظيم يا حكم يا ابن الش..... و جت في التليفزيون و للاسف لا كان بيلعب علشان نقول حماس مباراه ولا غيره

2- طارق السعيد الملقب بابو اصبع الذي قام بعمل حركه خارجه باصبعه الاوسط و ظهرت في التليفزيون لمده 3 دقائق و للا سف وجد من يبررها له بينما لاعب مثل ابراهيم حسن عندما فعلها عندما كان في الاهلي اوقفه الاهلي من نفسه 6 شهور قبل السنه بتاعه الاتحاد الافريقي

3- عبد الحليم علي و طارق السيد و مدحت عبد الهادي في مباراه قبل نهائي العرب مع الفريق الصفاقسي التونسي قاموا بضرب لاعبي الصفاقسي بل على العكس ظهر لاعبو الزمالك و هم يلعبون مباراه في الجري ورا الخصم و الرجبي لمجرد خساره مباراه و تم ايقافهم لمده سنه ولولا توسل اداره الزمالك و بوس الايادي لكان تم شطبهم دوليا

4- اللاعب الفذ بشير التابعي عندما قام في مباراه القناه بالجري ورا لاعب القناه و هو يشير اليه بالذبح بعد انتهاء المباراه و لولا الحكم الرابه لقام بذبحه و السبب التعادل 1/1

5- طارق السيد عندما اشار بحركه بذراعه الى الجماهير الزملكاويه عندما سجل في مباراه وديه بعد ان كام يتلقى السباب من الجماهير الزملكاويه

6- جمال حمزه و اشارته الى جزمته لجماهير

7- اشارات عبد الحليم علي في مباراه الاهلي و سبه لحسام البدري بكلمه ..... و التي ظهرت على التليفزيون في مباراه اذيعت على كل الفضائيات العربيه

8- اشارات حسام و ابراهيم حسن للجماهير في مباراه السته الشهيره بالجزمه و بحركات تخدش الحياء العام

ممممم....

حبيب قلبى يا إيجيبت فوريفر

إحنا بنتكلّم عن تصرّفات محمد بركات الطازه بتاعة ساعات معدودة فاتت , مش عن تجاوزات لاعبى الزمالك الغابرة.... فتحويل الإنتباه نحو إتجاه آخر به نوع من أنواع الإلهاء الحوارى

وعلى فكره..... أنا من أكثر من سنتين كتبت موضوع أدعوك لزيارته ... وهو بعنوان : أنا و إنت و الآخر.. فى المشمش

آدى الوصلة :

http://www.egyptiantalks.org/invb/index.ph...02&hl=فى+المشمش

شوف أنا قلت إيه :

=الالهاء :

بيتهيّألى ماحدّش مستنّى العبد الفقير الى الله علشان يوضّح له ان الالهاء هو تحويل الأنظار أثناء التحاور الى شيئ آخر مغاير لموضوع الحوار الأصلى... فهذا التعريف لاخلاف عليه ومتّفقون عليه جميعا (على ما أعتقد)

وعن طريق استخدام تكتيك الالهاء فانّه عندما يقوم (أحدهم) بسؤال (الآخر) عن رأيه فى معسكرات اعتقال سيبيريا مثلا فان (الآخر) يرد عليه بسؤاله عن جوانتنامو

وعندما يقوم (أحدهم) بسؤال (الآخر) عن رأيه فى أحداث نيكاراجوا وبنما وسان سلفادور وبوليفيا وفيتنام والعراق وأفغانستان( 2002) مثلا فان (الآخر) يرد عليه بسؤاله عن رأيه فى معسكرات اعتقال الجولاج والمستشفيات النفسيّه فى المعسكر الشيوعى وعن أحداث بودابست وبكين وأفغانستان (1980)

واذا قام (أحدهم) بضرب (الآخر) تحت الحزام مبديا ملاحظاته عن انعدام الحرّيّات فى البلدان الاشتراكيّه فان (الآخر) يتحدّث فى اتّجاه آخر عن طفل العالم الثالث الذى يموت جوعا ومرضا بسبب الامبيرياليّه

واذا قام (أحدهم) بالهجوم على عقيدة (الآخر) بدعوى أنّها تهضم حق المرأة وتبيح تعدّد الزوجات فان (الآخر) يركّز على أن عقيدة محاوره تحمّل حوّاء كامل وزر خروج آدم من الجنّة

و حتّى فى أتفه الأمثلة بعيدا عن عالم الفكر والعقائد والأيديولوجيّات وعندما ننظر لعالم الانتماء لأى شيئ مهما كان تافها فانّه اذا سأل (أحدهم) عن رأى (الآخر) فى ضربة الجزاء التى احتسبها الحكم لفريق (الآخر) أمس فان (الآخر) يتسائل عن الهدف (الأوفسايد) الذى أحتسب لفريق من يحاوره فى مباراة أوّل أمس

وبهذا..... نجد أن الالهاء يسير جنبا الى جنب ويدا بيد مع تكتيك التجريد المسبق من الأهليّة فى تعاون وانسجام دفاعى/هجومى على (الآخر)

فاذا حاول (أحدهم) الليبرالى احراج (الآخر) الاشتراكى بذكر القمع الحادث لاضرابات ومسيرات العمّال فى الدول الاشتراكيّة التى من المفترض أنها عمّالية فى المقام الأوّل , فان ذلك (الآخر) الاشتراكى يقوم بوصم محاوره بالعار لأنه يدعم (موضوعيّا وواقعيّا) الرأسماليّه والامبرياليّه اللتين هما مسيطرتين ومجرمتين فى جوهرهما

وعلى العكس من ذلك , فاذا قام (الآخر) الاشتراكى بالتنديد بديكتاتوريّات أمريكا اللاتينيّة التى تدعمها الامبرياليّة الأمريكيّه فان محاوره الليبرالى سوف يمحى ذلك فورا باستدعائه العنيف والسريع لأخطاء أنظمة موسكو وبكين القمعيّة والشموليّة والتى أنّت تحت وطئتها تلك الشعوب

الحاجه اللى تغيظ وتفرس بقى بجد أن تكتيك الالهاء هذا لايجعلنا فقط نرى أوتوماتيكيّا ضروب النقص والمظالم والجرائم لدى فكر (الآخر) بمجرّد أن يبدأ فى محاولته لأن يرينا ضروب النقص والمظالم والجرائم لدى فكرنا نحن , بل ان هذا التكتيك الالهائى يجعلنا أوّلا نتعامى عن نقد أنفسنا من أجل اصلاحنا لذواتنا و تجنب تكرارنا للأخطاء, ويجعلنا ثانيا نهاجم مبادئ قد تكون نبيلة أو ساعية للحرّية والعدالة والانسانيّة قد يلجأ اليها (الآخر) طالما كانت تخدم منظومته الفكريّة لنبدأ فى التشكيك بها والنيل منها وتسخيفها وتشويه أهدافها النهائيّة (دون أن ننسى بالطبع أن نسمح لــ(الآخر) بأن يشيد بنفس هذه المبادئ اذا كان يتحدّث عن سمات منظومتنا الفكريّه من باب "وشهد شاهد من أهلها")

وعلى غرار مقولة يوسف بك وهبى :و ما الدنيا إلاّ مسرح كبير.. دعنى أقول :

وما الدنيا إلاّ ملعب كبير

:angry: :D

[egyptforever]

و طبعا علشان ده لعيب الزمالك مش الاهلي يبقى عمل مصيبه يفتكرها طول العمر

هو موضوع عبد الحليم و الرشوه و الشتيمه من بعيد

ده لسه من شهر ............. شهر يا عالم

و الموضوع مافيهوش احتكاك ولا غير احتكاك

و موضوع جمال حمزه بقى بعيد

ده لسه مافتش اسبوع

خلاص يتنسي الموضوع و نخش في الجديد

اما عن الاهلي

فلو الموضوع من 10 سنين نفتح الملفات

و فاكر جون حسن شحاته اللي جه و الحكم محسبهوش

طيب في حاجات الواحد ممكن يغفرها للاعب

بس حركات الاصابع الذهبيه بتاعه طارق السعيد هننساها ازاي

لو في عدل في مصر

كنت تلاقي طارق السعيد لغايه النهارده في مكان تاني

سجن طره

فعل فاضح

عقوبتها سنه

ولو حسن السير و السلوك يطلع الشهر اللي فات

و سلملي على الطازه

على فكره انا افتكر زين الدين زيدان عمل نفس العمله و اطرد فيها و اتهاجم و قالوا لازم يمسك اعصابه ده لاعب كبير

بس لسه ماشفتش حد عمل عمله جمال حمزه او طارق السعيد او العندليب او بشير التابعي او مدحت عبد الهادي

بس متهيألي لو الاتحاد الدولي بيتابع مباريات مصريه

كان اصدر قرار بتعديل قوانين اللعبه علشان الناس تلعب بواقي الوجه و الجسم

اما بالنسبه للجمهور فلازم نطلع تنبيه عام

هذه المباريات بها افعال مخله بالاداب

ننصح فقط لمن هم اكبر من 18 سنه

ما عدا ذلك فمشاهده المباريات تتم تحت مسئوليه الاهل الشخصيه

[disappointed]

mfb: ngh: :D :D

يا حبيب قلبى يا إيجيبت فوريفر pp:

طيب...روّق دمّك..... و أنا حأساعدك على ترويق دمّك :

وبما إننا فى توبيك "أخبار الأهلى" .....فـــــــ...

هل تعلم أن :

هذا الأسبوع كان أسبوع يحمل أخباراً رائعة للأهلى ؟؟؟

ففى هذا الأسبوع - بخلاف خروج الأهلى من الكأس- فاز الزمالك على الأهلى فى دورى كرة اليد و إنفرد بصدارة الدورى , كما فاز الزمالك على الأهلى فى دورى كرة السلّة و إنفرد بصدارة دورى كرة السلّة ..وكانت المباراة مقامة فى صالة عبد الرحمن فوزى فى نفس توقيت مباراة الأهلى و المحلّة فى الكأس..... وهذا نقل حىّ و وصف تفصيلى لما فعله جمهور الزمالك المنتشى بفوز فريقه على الأهلى فى كرة السلّة فى صالة عبد الرحمن فوزى عند ورود الأنباء العطرة القادمة من المحلّة بخروج الأهلى من الكأس :

لقطات لبعض جماهير الزمالك و هى تتابع أخبار ضربات الجزاء الترجيحيّة بمباراة الأهلى و المحلّة و القادمة لهم على المحمول

إحنا ملوك السلّه.....و طلعوا م المحلّه

سلّه و كوره و يد؟؟؟...... مش مكسوفين بجد؟؟

عايز تذلّوا..... هاتلو كاستيللو

و...

صورة لملوك كرة السلّه فى مصر بعد الفوز على الأهلى

وعلى رأى ماجده :

أخباااار.... أهراااااااام.....جمهوريييييياااااااااا

mf( :) :D

[se_ Elsyed]

محبط أفلس ومابقاش عارف يقول إيه ويعمل إيه ... وبالظبط بقى عامل زي نشرة أخبار الرياضة المصرية الشهيرة لما بيجيبوا أخبار دوري الآيس هوكي الكندي والأيس تي الأمريكي ...

وجايب لنا شوية صور من فرح بلدي وناس بتدق المزاهر يالله يا أهل البيت تعالوا ...

بالله عليك مين فينا متابع دوري السلة أو اليد أو الطايرة المصري ؟ ... ولا يعرف إيه ترتيب الفرق ولا المباراة التي سحق فيها الزملكاوية كتيبة الأشرار الأهلاوية دي في الدور الأول ولا التاني ولا ده أساساً في الدوري ولا الكاس ولا الفنجان ...

المهم إني قرأت خبر كده على الماشي بيقول إن في نفس اليوم فاز فريق الناشئين الاهلاوي على نظيرة الزملكاوي حيث إن دوري السلة للكبار مرتبط بالناشئين أيضاً .. بس دي أخبار عيب ومحبط مش ممكن يقولها .

المهم ما تتوهش الموضوع وطالما بنتكلم على كرة القدم يبقى ما تجبليش أخبار دوري الملاكمة والمصارعة الروماني ..

[afiona]

و فاكر جون حسن شحاته اللي جه و الحكم محسبهوش

:angry: <_< mfb:

mc:

ايه ده ...انا فى حلم ولا علم يا شباب ...اول مرة واحد اهلاوى يجيب سيرة الجون الملغى لحسن شحاتة ... اصل الاهلوية بيتعاملوا مع الجون ده على ان الحديث فيه حرام ... لانها من علامات التاريخ الاسود للاهلى و الكورة فى مصر ...

ماله بقى جون حسن شحاتة الصحيح تمانية واربعين الف فى المية ?

[theblackpirate2005]

مبروك للاهلى فوز جديد زى نص المباريات مبتخلصوها

بلنتى عينى عينك ولا اتلمس ولا حد قربله وكمان وقع نفسه من بره

هاخد كلمه اخى افيونا يا لجنه الحكام الاهلى بيدفع كام me0:

[R.M.G.]

الفوز على طريقة الحكم محمد فاروق لا يليق أبدا وفهمت مؤخرا توقيع الأخ أفيونه "يا لجنة الحكام الأهلي بيدفع كام"

واضح انه بيدفع كتير أوي

ولو كل الحكام في "نزاهة " هذا الفاروق فمن الممكن ان يفوز الأهلي بكأس العالم للقارات