كل ما يقرب يوم عيد ميلادى احس بالحاجات دى واحزن جدااااااااا

[fatfouta]

اعزرونى لو كان الموضوع هايف بس انا بحس وانا هنا انى فى وسط اخواتى واليومين دول عيد ميلادى قرب وكل اما يقرب واحنا فى الغربة الاقى نفسى زعلانه اوى وحزينه وانى مش هلاقى الناس اللى بحبهم حواليا فعشان كده بتكلم هنا اعمل ايه اعذرونى

لما بيقرب عيد ميلادى بفتكر مصر اوى اللى عمرى مانساها ابداااااااا وبفتكر الحاجات الكتيرة دى اوى اللى بتخلينى ابكى من الغربة اللى انا فيها اللى ماليه قلبى وبقول يعنى ايه مصر بالنسبة لى الاقى نفسى افتكر الحاجات الجميلة دى

مصر يعنى الام اللى بتضمنى انا وكل المصريين

يعنى لما اصحى الصبح على صوت العصافير

يعنى لما ازيح الستارة الصبح والشمس تملى البيت

يعنى لما اصحى اروح اجيب الفول بالزيت الحار من عم مكرم بتاع الفول

يعنى طابور العيش اللى فيه الناس تقعد تفضفض مع بعضها

يعنى رغيف العيش السخن البلدى الجميل

يعنى الناس اللى بتجرى ورا الاتوبيس وهى رايحة شغلها

يعنى اخواتى واهلى اللى بعدت عنهم

يعنى صحابى اللى بنتمشى مع بعض عالشارع ونقعد نضحك

يعنى الشمس اللى بتدفينى واحنا قاعدين فى حوش المدرسة

يعنى وش واحد شقيان قاعد فى الشارع وحاطط ايده على خده

يعنى حضن ابويا اللى مات وهو بيشقى علينا

يعنى حنية امى اللى صحتها راحت علينا

يعنى الزينه فى الشوارع فى رمضان

يعنى المسحراتى وبتاع الزبادى والمدفع والفطار اللى بيلمنا كلنا

يعنى كعك العيد اللى بنسهر ننقش فيه

يعنى قبر ابويا وامى اللى فيها الله يرحهم

وكل اللى عند يعنى يقولها ويفتكر معايا مصر يعنى ايه بالنسبة ليه

اختكم فاطمة

[herohero]

اعزرونى لو كان الموضوع هايف بس انا بحس وانا هنا انى فى وسط اخواتى واليومين دول عيد ميلادى قرب وكل اما يقرب واحنا فى الغربة الاقى نفسى زعلانه اوى وحزينه وانى مش هلاقى الناس اللى بحبهم حواليا فعشان كده بتكلم هنا اعمل ايه اعذرونى

لما بيقرب عيد ميلادى بفتكر مصر اوى اللى عمرى مانساها ابداااااااا وبفتكر الحاجات الكتيرة دى اوى اللى بتخلينى ابكى من الغربة اللى انا فيها اللى ماليه قلبى وبقول يعنى ايه مصر بالنسبة لى الاقى نفسى افتكر الحاجات الجميلة دى

مصر يعنى الام اللى بتضمنى انا وكل المصريين

يعنى لما اصحى الصبح على صوت العصافير

يعنى لما ازيح الستارة الصبح والشمس تملى البيت

يعنى لما اصحى اروح اجيب الفول بالزيت الحار من عم مكرم بتاع الفول

يعنى طابور العيش اللى فيه الناس تقعد تفضفض مع بعضها

يعنى رغيف العيش السخن البلدى الجميل

يعنى الناس اللى بتجرى ورا الاتوبيس وهى رايحة شغلها

يعنى اخواتى واهلى اللى بعدت عنهم

يعنى صحابى اللى بنتمشى مع بعض عالشارع ونقعد نضحك

يعنى الشمس اللى بتدفينى واحنا قاعدين فى حوش المدرسة

يعنى وش واحد شقيان قاعد فى الشارع وحاطط ايده على خده

يعنى حضن ابويا اللى مات وهو بيشقى علينا

يعنى حنية امى اللى صحتها راحت علينا

يعنى الزينه فى الشوارع فى رمضان

يعنى المسحراتى وبتاع الزبادى والمدفع والفطار اللى بيلمنا كلنا

يعنى كعك العيد اللى بنسهر ننقش فيه

يعنى قبر ابويا وامى اللى فيها الله يرحهم

وكل اللى عند يعنى يقولها ويفتكر معايا مصر يعنى ايه بالنسبة ليه

اختكم فاطمة

مصر دهةمانقدرش نقول بتفكرنا بايه بس ماتنسيش ان مصر ادت الفرصه للناس للاسف طفشونا منها خنقونا خلونا بعدنا عنها وبعدنا ده بندفع ثمنه كل يوم بس هنعمل ايه لما مصر خلت عيالها اللي هم اخوتنا يضيقوا علينا من رشاوي او فساد او محسوبيه تعبنا كتير قوي طفشونا هنعمل ايه بس

ياه ياما كان نفسنا نقدر نخدم بلدنا بجد وحاولنا بس منهم لله ولاد مصر اللي طفشونا منها

فمهما ما تقولي مصر ده كل شيئ فيها بنفتقده بس اه من وجع البعاد

فكرتيني باغنيه وجع البعاد ياتري فاكره المسلسل ده ابقى دوري ع الاغنيه ده بتاعت علي الحجار يلا بقى مادام فتحتي السيره ده ابقي اسمعي وجع البعاد بكملة الوجع

[قلب يريد العقل يستفيد]

fatfouta

عمر ما كان أحساسك بحب مصر وأفتقادك لكل ده موضوع هايف دأ فى ناس مفتقده مصر وهيه فى حضن مصر

الله يكون فى عونكم.... لاء مش موضوع هايف البلد دى أحنا بنحبها اوى

وبجد نفسنا نغيرها ونخدمها اوى بس مش عارفين ومش قادرين ومش حاجات كتير اوى ولكن وزى ما بنقول

على طول المضطر بيركب الصعب

fatfouta

كل سنة وانتى بالف صحه وسعاده

كل سنه وانتى طيبة

هيه جايه بدرى بس ياله عشان تجيبى التورته بقا :happy:

[بركة]

يادي الخيبة هم كل اللي إسمهم فاطمة كئيبين واللا ايه

هههههههههههههه أصلي أنا كمان فاطمة يا ستي هههههههههه

إضحكي يا قمر وعلى رأي واحده صحبتي " هونيها تهون بإذن الله "

إيه رأيك بقى إن 99.9 % من اللي أعرفهم وبحبهم أصلا مش بيفتكروا عيد ميلادي

ولا في كل سنة وأنت طيبة ولا يحزنون :P

وأنا عادي خالص مش بكتئب وبقولهم كل سنة وأنا طيبة النهاردة أنا جيت نورت الدنيا

:happy: كل سنة وانت طيبة ياطماطم يا بطة يا فطمطم يا طمطم يابطاطا يابطاطس يا جميلة

هااااااااا أكمل ولا لسة زعلانه ؟؟؟؟؟؟؟؟؟؟؟

يلا ورايا على رجيم أم بلال النموذجي ولا نسيتي؟؟؟؟؟؟؟؟

[jamalpody]

ايه بس يا مدام فاطمة احنا لسه خلصنا من موضوع الاكتئاب

علشان تدخلي في الموضوع الجديد ده

[سهل جدا]

يعنى طابور العيش اللى فيه الناس تقعد تفضفض مع بعضها

يعنى الناس اللى بتجرى ورا الاتوبيس وهى رايحة شغلها

:blink:

والله انتي بتفكريني بمراتي اللي بتوحشها أشياء عجيبة

بقى طابور العيش والأتوبيس يوحشو حد !!

احنا يوحشنا في مصر ناسها الطيبين وأهالينا ..

أسعد الله أيامك

[fatfouta]

يعنى طابور العيش اللى فيه الناس تقعد تفضفض مع بعضها

يعنى الناس اللى بتجرى ورا الاتوبيس وهى رايحة شغلها

:blink:

والله انتي بتفكريني بمراتي اللي بتوحشها أشياء عجيبة

بقى طابور العيش والأتوبيس يوحشو حد !!

احنا يوحشنا في مصر ناسها الطيبين وأهالينا ..

أسعد الله أيامك

يا اخ سهل جدا

اذا كانت مراتك بتوحشها حاجات غريبة عشان هى ست اصيلة

ويا ريت بلاش الاستهزاء ببعض كده وبمشاعر بعض

واللى مش عجبه مايردش

وشكراااااااااا

[fatfouta]

ايه بس يا مدام فاطمة احنا لسه خلصنا من موضوع الاكتئاب

علشان تدخلي في الموضوع الجديد ده

ماهو يا اخى العزيز عشان الاكتئاب دايما بيقلب عليا مواجع كتير وشكراا

[fatfouta]

يادي الخيبة هم كل اللي إسمهم فاطمة كئيبين واللا ايه

هههههههههههههه أصلي أنا كمان فاطمة يا ستي هههههههههه

إضحكي يا قمر وعلى رأي واحده صحبتي " هونيها تهون بإذن الله "

إيه رأيك بقى إن 99.9 % من اللي أعرفهم وبحبهم أصلا مش بيفتكروا عيد ميلادي

ولا في كل سنة وأنت طيبة ولا يحزنون :blink:

وأنا عادي خالص مش بكتئب وبقولهم كل سنة وأنا طيبة النهاردة أنا جيت نورت الدنيا

كل سنة وانت طيبة ياطماطم يا بطة يا فطمطم يا طمطم يابطاطا يابطاطس يا جميلة

هااااااااا أكمل ولا لسة زعلانه ؟؟؟؟؟؟؟؟؟؟؟

يا حبيبتى بعد الشر عنك من الكابة يا بطوطة

وانا معاكى وجاية وراكى عند ام بلال ياللااااااااا

يلا ورايا على رجيم أم بلال النموذجي ولا نسيتي؟؟؟؟؟؟؟؟

[سهل جدا]

يا اخ سهل جدا

اذا كانت مراتك بتوحشها حاجات غريبة عشان هى ست اصيلة

ويا ريت بلاش الاستهزاء ببعض كده وبمشاعر بعض

واللى مش عجبه مايردش

وشكراااااااااا

عفوا أنا ما قصدت الإساءة

أنا فقط استغربت من بعض ما كتب ..

[osmel33]

اعزرونى لو كان الموضوع هايف بس انا بحس وانا هنا انى فى وسط اخواتى واليومين دول عيد ميلادى قرب وكل اما يقرب واحنا فى الغربة الاقى نفسى زعلانه اوى وحزينه وانى مش هلاقى الناس اللى بحبهم حواليا فعشان كده بتكلم هنا اعمل ايه اعذرونى

لما بيقرب عيد ميلادى بفتكر مصر اوى اللى عمرى مانساها ابداااااااا وبفتكر الحاجات الكتيرة دى اوى اللى بتخلينى ابكى من الغربة اللى انا فيها اللى ماليه قلبى وبقول يعنى ايه مصر بالنسبة لى الاقى نفسى افتكر الحاجات الجميلة دى

مصر يعنى الام اللى بتضمنى انا وكل المصريين

يعنى لما اصحى الصبح على صوت العصافير

يعنى لما ازيح الستارة الصبح والشمس تملى البيت

يعنى لما اصحى اروح اجيب الفول بالزيت الحار من عم مكرم بتاع الفول

يعنى طابور العيش اللى فيه الناس تقعد تفضفض مع بعضها

يعنى رغيف العيش السخن البلدى الجميل

يعنى الناس اللى بتجرى ورا الاتوبيس وهى رايحة شغلها

يعنى اخواتى واهلى اللى بعدت عنهم

يعنى صحابى اللى بنتمشى مع بعض عالشارع ونقعد نضحك

يعنى الشمس اللى بتدفينى واحنا قاعدين فى حوش المدرسة

يعنى وش واحد شقيان قاعد فى الشارع وحاطط ايده على خده

يعنى حضن ابويا اللى مات وهو بيشقى علينا

يعنى حنية امى اللى صحتها راحت علينا

يعنى الزينه فى الشوارع فى رمضان

يعنى المسحراتى وبتاع الزبادى والمدفع والفطار اللى بيلمنا كلنا

يعنى كعك العيد اللى بنسهر ننقش فيه

يعنى قبر ابويا وامى اللى فيها الله يرحهم

وكل اللى عند يعنى يقولها ويفتكر معايا مصر يعنى ايه بالنسبة ليه

اختكم فاطمة

الأخت العزيزة فاتفوتة "فاطمة" أولاً كل سنة وأنتى طيبة وبألف خير

وأنتي فعلاً وسط أخواتك بس المشكلة أنتى قلبتى علينا المواجع لأن مصر اللى بتحكى عنها دى هى مصر اللى أنا باحبها صوت العصافير

من الجنينة اللى جنب البيت، الفول بالزيت الحار يا سيدى بس عندنا من عم سيد، طابور العيش ده أنا مش فاكره إلا أيام زمان

دلوقت الولاد هما اللى بيتورطوا فيه وهاقولك حاجة علشان تفرفشك مرة أنا ومراتى نزلنا مصر من سنتين تقريباً وبعدين راكبين العربية

وماشين فى شارع من شوارع فيصل الداخلية فبتقولى أنا سمعت أن طوابير العيش رجعت زى زمان بس أحنا علشان مابنعديش

على فرن عيش فطبعاً مراتى ماشفتهومش فبعدين ماشين جينا فى حتة ورا فيصل فى حتة كده زراعية وراها بس بعيد فى الأفق يعنى

بصيت لقيت نقط نقط نقط ورا بعض أتارى ده فرن وده طابور طويل :blink: قولتلها عايزة تشوفى يا حبيبتى طابور عيش بصي هناك هاتلاقى

نقط نقط نقط هناك ده طابور عيش طبعاً باصتلى بذهول لأن حتى على أيامنا فى التمانينات ماكانش الطابور بالطول ده عقد لولى يا خواتى

بس انا مش معاكى فى موضوع الأتوبيس لأن ده أكتر حاجة مابحبهاش فى مصر مع شوية حاجات تانية كده

أخواتك وأهلك ووالدك وحضن الأم كل دى حاجات مش ممكن تتقدر بتمن

نيجى بقى لمصر واللى ما بيحصلش غير فى مصر رمضان وزينة رمضان والزبادى ممكن أسألك سؤال ؟ كالتى الزبادى اللى هى كانت

بتتحط فى فخار طعمها مافيش كده وبالذات فى سحور رمضان

وفى الآخر أقولك تعيشى وتفتكرى وماتزعليش من حد قال كلمة كده ولا كده فى المداخلة أنت عارفة فيه ناس بس بتحب تهزر

ومايقصدوش حاجة

أخوك أسامه

[شاب مصري]

انا بقالي 5 سنين في مصر مسمعتش نهائيا صوت عصافير

[ترنيم]

والله يا أخت فاطمة "‘سمك ما شاء الله جميل جدافاسمحيلى أناديكى بيه"

كان نفسى أقول لك بحس بإيه لما يقرب يوم ميلادى بس مع الأسف :Exclam: :blink: mfb: :blink: :blink: :rolleyes: :rolleyes:

أنا شخصيا ما بفتكروش

[melhamy]

السلام عليكم

1- رحم الله والديكى و عسى ان تكونى أنتى العمل الصالح اللى تركوه فى الدنيا و تكونى أنت عزائهم على الشقى و التعب اللى شافوه ليوفروا لكى الحياة الطيبة الكريمة

2- أنتى و صفتى مصر و أحسنتى الأحساس و مش هيفهمك غير المصري اللى زيك و ربنا يعوضك طول ما مشاعرك رقيقة و جميلة

نسيتى النشيد الوطنى فى الطابور و ( تحيـــــــا جمهــــورية مصــــــــــــــر العربية ) !!!!

[mffaswan]

الأخت الكريمة ..

طبعاً ربنا يصبرنا كلنا على الغربة .. بس الغربة طلباً للقمة العيش الحلال جهاد .. يعني فيها ثواب إن شاء الله .. و أنتي كل لحطة بتمر عليكي و أنتي بره مصر .. بتاخدي ثواب ..

و بعدين انا من وجهة نظري .. إن موضوع العيد ميلاد ده إحنا بنبصله بشكل معكوس .. مش عارف ليه !!

يعني كل سنة بتعدي .. أجلي بيقرب أكتر سنة .. و كبرت سنة زيادة .. و الشيب بدأ يزحف .. و المسئوليات بتزيد .. و الهم بيتراكم .. دي سُنّة الحياة .. أقوم أنا أحتفل بيوم ميلاد! ممكن أفتكر يوم زواجي .. و أعمله عيد كل سنة .. علشان كل سنة أفتكر أنا و المدام كام سنة جميلة عشناها .. و كام سنة مرت على اختيارنا السليم .. ماشي .. إنما أحتفل علشان عجزت سنة تانية !! ولا علشان نقص من اللي فاضلي سنة!! لا لالا

و مع ذلك .. شوفي يا ست الكل .. أنتي أعملي تورتة صغننة .. فيه شمعة واحدة .. و ممكن نص شمعه! .. و لمي كل اللي حواليكي .. و فاجئيهم بعيد ميلادك .. بس بطريقة جديدة .. هاتي لأولادك و لزوجك هدايا .. ولو بسيطة .. متهيألي بالطريقة دي عمرهم ما هاينسوا عيد ميلادك أبداً .. و هيكون عيد ميلاد مبتكر جداً

و كل سنة و أنتي طيبة .. و ربنا يرجعكم مصر سالمين غانمين إن شاء الله