مشكلة في تحويل من بنك الراجحي الى بنك مصري

[شاب مصري]

السلام عليكم

احد اصدقائي عاوز يستقبل حوالة بنكية من شخص في السعودية

البنك هنا HSBC Egypt

البنك السعودي هو الراجحي

لكن في السعودية عشان يعملو التحويل طالبين حاجة اسمها رقم الفرع

ودي حاجة مش موجودة هنا في مصر

في سويفت كود وفي عنوان الشارع للبنك

لكن ايه رقم الفرع ده؟

(لسا مقدرناش نتصل بالبنك لان النهاردة اجازة)

ايه رقم الفرع ده؟

وهل هو لازم وضروري؟

وكيف نتغلب على العقبة دي؟

[fatfouta]

بص يا اخى الكريم انا هقولك

انا لما كنت فى مصر كان جوزى بيبعتلى الفلوس على البنك ده او الCIB وانا هقولك نصيحة خليه يبعتله على البنك ده احسن لانه ليه فروع كتير وممكن يصرف الحوالة من اى فرع جمبه يعنى مش بيشترطوا فرع معين للصرف

ورقم الفرع ده اعتقد مش مهم لانهم مش هيطلبوا منه غير البطاقة ولما هيلاقوا الحوالة عندهم هيسالوا على اسم الراسل للحوالة فقط

لكن لو هما هنا مصممين على رقم الفرع قولهم 45 او 13 ودى ارقام فروع فى الCIB بنك ومهما كان الفرع هو هيعرف يصرف من اى فرع متخافش

وده فى حالة لو هيعرف يحول على الCIB بدل من الHSBC

والله اعلم

[شاب مصري]

شكرا يا fatfouta بس هو المستقبل مش عنده الا حساب في بنك HSBC (بنك الهس بس )

فهل يخلي المرسل السعودي يقول رقم اي فرع وخلاص ولا ايه ؟

[أسد]

تعمل البنوك في كافة أرجاء العالم بنظام ترقيم موحد ..

والأنظمة الإلكترونية أصبحت تعامل بهذا النظام الجديد ..

وبالتالي كي تتمكن من تحويل أموال ينبغي أن يكون رقم الحساب المدخل هو رقم حساب مكون من 19 رقم أو حرف .. وبعض منها يمثل الدولة والبعض الآخر البنك .. ومنها أيضاً رقم الفرع ..

وبنك الراجحي في السعودية استبق وطبق هذا النظام منذ شهور ..

لذلك لن يمكنك تحويل أموال من بنك الراجحي إلى أي بنك في مصر مالم يكن معلوم لديك تلك البيانات أو أن تحص من البنك المصري على رقم الحساب المكون من 19 خانة

ملحوظة .. سيتم تعميم هذا النظام في كافة أنحاء العالم وكل البنوك من العام القادم 2009 على حسب علمي

[شاب مصري]

شكرا استاذ أسد

كفيت ووفيت ربنا يكرمك.

[شاب مصري]

اتصل بفرع بنك HSBC اليوم

والموظف قاله معندناش حاجة اسمها كدا ومانعرفش ايه الكلام دا

هو رقم الحساب 10 أرقام

و الرقم بيبدأ ب -004

فالموظف قاله اديله 004 واتكل على الله

فهل كدا تمام؟

يعمي هل ممكن التحويل يتم عرقلته بسبب ان رقم الفرع غلط ؟ هل رقم الفرع بهذه الأهمية ؟

[أسد]

لا أعتقد أن بنك الراجحي سيقبلون هذا .. إلا إذا كان يمكنه أن يكمل الأرقام بمعلومات عنده

إذا تعذر . حاول من بنك آخر .. مش ضروري الراجحي

لأن النظام عند الراجحي صعب ..

يمكنك عمل هذا من البنك البريطاني .. لأنه تابع للبنك نفسه . وبالتأكيد بنك HSBC في مصر مراسل له ..

وسيتم التحويل فوراً .. وسيكون لديه كل المعلومات اللازمة

[somayasaleh]

طيب وليه العذاب ده كله.......

ممكن يبعت له الفلوس سبيد كاش علي عنوان بيته...

وهو يصرفهم ويضعهم في حسابه بنفسه

وتقريبا نفس العموله بتاعه الحواله اللي هي ٤٠ ريال تقريبا

[molazwm]

باشا،

علي ما اعرف اهم حاجة السويفت كود هوا دة المهم اتصل بالفرع اللي هاتحول علية و قولة انا عاوز السويفت بتاعكوا علشان احول فلوس علي البنك من برة

و شكرا

[شاب مصري]

ربنا يكرمكم

شكرا جزيلا

سنوافيكم بالتطورات ان شاء الله ...