ظاهرة جديدة تطل علينا

[Mohamed Fayek]

الأخوة والأخوات

ظاهرة تطل علينا هذه الأيام ويتمسك بها بعض المقبلون على الزواج ألا وهى ( العصمة ) بعض الأسر أو بالأحرى بعض الفتيات يطالبون بأن تكون العصمة بأيديهم فما هى الأسباب التى جعلت بعضهن يتمسك بذلك ؟

1 - هل هى عدم ثقة المرأة وأهلها فى الرجل ؟ طيب ليه الجوازة دى إذا كان مافيش ثقة

2 - أم هى ضعف شخصية الرجل ؟ يعنى زى المثل ظل حيطة ولا ظل رجل

لكن الأهم من ذلك ماهو رأى الدين ؟

وكذلك رأى السيدات بكل صراحة لو كانت العصمة فى إيدها ماذا ستفعل فى زوجها :rolleyes:

وكذلك رأى الرجال إذا كانت العصمة فى يد زوجته فما هو موقفة اللى حيكون طبعا زى الزفت :rolleyes:

فى إنتظار آرائكم

[زهرة الالم]

مرحبا بك اخى الكريم ( محمد )

يشرفنى ان اكون أول المشاركين فى موضوعك

أولا:

انا لا اجدها ظاهرة ... ربما انت لمستها فى طبقة من الطبقات التى يغلب عليها طابع الانفتاح

ثانيا :

انا لا اجد غضاضة ان تكون العصمة فى يد الزوجة خصوصا فى الزمن دى

ثالثا :

كويس أساسا ان لسه فى فئة من الاناث تفكر فى مبدأ الزواج

لان أغلبهن الان لايروا اساسا وجوب الزواج بالرجل الا لهدف واحد فقط وهو اشباع الامومة بعد تحقيق هذا الهدف المرأة لا تحتاج الى الرجل

رابعا :

أغلب النساء والفتيات التى اعرفهم اخرج منهم بجميع فئاتهم واختلاف اعمارهم وثقافتهم بثلاث اراء هى :

1 - المتزوجات تقول : رجل زى قلتة ! :rolleyes:

2- المخطوبات تقول : أحسن من قلتة ! :rolleyes:

3- الانسات تقول : قلتة أحسن ! :Exclam:

أتمنى ان تقبل مشاركتى

دمت بود اخى

تم تعديل 30 ديسمبر 2008 بواسطة زهرة الالم

[newcomer]

اللى انا فاهماه ان لما تكون العصمة فى ايد الزوجة

يكون من حقها انها تطلق نفسها ( بدل الخلع يعنى )

و الراجل فى الحالة دى بيحتفظ بالحق ده برضة

يعنى مش زى الافلام ....ان الست ترمى يمين الطلاق و كده يعنى...!!

هوه الحقيقة بالنسبة لتفكيرى....وضع غريب شوية

لكن اتعودت ان فيه حاجات ماقبلهاش لنفسى

بس اقول...يمكن فيه ناس فى ظروف تانيه.....تكون بتنفعها

هوه السؤال بقى ....لما فى شك فى الجوازه دى من الاول

ايه اللى يخليها تكمل؟؟؟ ...ما بلاش و خلاص!!