الكلام دة صحيح يا جماعة و الا الراجل دة بيسرح بيا

[molazwm]

السلام عليكم اخوتي في الله

الف شكر علي مجهوداتكم الجميلة في هذا المنتدي الرائع الذي افادني كثيرا حتي الأن و اطمع منكم في مساعدة خاصة بي و ربما الرد عليها قد يفيد الجميع إن شاء الله

انا معروض عليا شغل في السعودية، و اللي عارض عليا الشغل و اضح انة غاوي شطارة و بيحاول يقلل المرتب علي قد مايقدر، المهم علشان مطولش عليكم، في الأول عرض عليا ان المرتب يكون شامل كل حاجة يعني هوا يديني المرتب و انا اشيل كل مصاريفي (العلاج الطبي لي و لزوجتي، الأجازة علي حسابي، تذاكر السفر علي حسابي لي و لزوجتي،مكافئة نهاية الخدمة برضة محسوبة من المرتب، كل حاجة من الأخر) انا طلبت منة ان الشركة تتحمل كل الكلام دة مش انا و عرضت علية اني اتنازل شوية في المرتب في مقابل انهم يكونوا مسؤولين عن هذة المميزات يعني انا من الأخر مش مفروض اني ادفعها بدل الشركة

الراجل بعتلي عرض تاني يفيد ان الشركة هاتتحمل دفع تكاليف هذة المميزات بس خسفلي بالمرتب الأرض، لما سألتة قالي ان المميزات دي هاتكلف الشركة مش اقل من 3000 ريال في الشهر يعني 36000 في السنة

السؤال:

هل فعلا الشركة سوف تتكلف هذا المبلغ في مقابل توفيرها الأتي لي:

- تذاكر سنوية لي وللزوجة

- علاج (تأمين صحي) لي وللزوجة

- تدفع عني الشركة التأمينات

- تتحمل الشركة عني قيمة تأشيرة الخروج والعودة لي وللزوجة

- تتحمل الشركة قيمة إصدار الإقامة لي وللزوجة

أرجو من الأخوة الأفاضل ان يضعوا لي إن امكن تكلفة كل بند من هذة البنود حتي استطيع ان اتكلم مع الشركة عن علم وليس عن جهل

و شكرا مقدما لكم جميعا و اقدر لكم الرد قريبا إن امكن حيث انهم ينتظرون مني رد غدا إن شاء الله

و السلام عليكم :rolleyes:

[أبو غادة]

التذاكر لا أعلم تحديدا قم القيمة لأنها تتغير من وقت لأخر ولكن إجمالا أحسبها على 3000 ذهاب وعودة

يعني 6000 لك لزوجتك

التأمين الطبي إيضا يختلف فهناك درجات متعددة لدى جميع شركات التأمين

ولكن كذلك المتوسط للكلاس a تقريبا 6000 ريال لك ولزوجتك وفي الغالب أنك تدفع مبلغ 25 ريال من جيبك عند كل زيارة

وللعلم حول التأمين قد لا يتجاوز قيمته آلف ريال حسب الدرجة التي سيختارونها لك فأنتبه لذلك ، وأحرص على ان يكون التأمين على زوجتك يغطي الحمل والولادة

التأمينات الإجتماعية نظاما هم ملزمون بدفعها عنك ومقدارها 2% من الراتب شهريا وهي بدل خطر فقط

يعني 2% من راتبك 3600 = 72 ريال في 12 شهر = 864 ريال سنويا

تأشيرة الخروج والعودة 200 للفرد يعني 400 ريال لك ولزوجتك

إصدار وتجديد الإقامة

لك أنت 750 ريال سنويا

لزوجتك 600 ريال

يعني 1350 ريال سنويا

المجموع =

16614 ريال سنويا

أخي الكريم

كل ما أشرت إليه هو حق من حقوقك كفلها لك النظام فأنت لست مجبرا على أن تدفع شيء من جيبك أو مرتبك

فالتأمين الطبي والتذاكر وبدل السكن أو توفيره والتأمينات الإجتماعية والإقامة والخروج والعودة كلها يتكفل بها صاحب العمل

حتى الزوجة إذا كان عقدك متزوج فهم مسؤلين عن كل شيء

وفقك الله

[msayed]

خالوا بالكم من بدل السكن حسبتوه ولا لأ

السكن من 13 آلاف وانت طالع

مش عارف فيه سكن أقل من كده ولا لأ

لكن ده برضه يتوقف على المنطقة إللى انت ها تشتغل فيها أسعار السكن فيها عاملة إيه

[molazwm]

الأخ المحترم "أبو غادة" و الأخ المحترم "msayed"

أولا الف شكر علي الإهتمام، و اود ان استفسر عن بعض التفاصيل:

1- انا اريد ان يكون نوع التأمين شامل كل شي (يعني مدفعش حاجة خالص) لي و لزوجتي ( حتي في حالات الولادة و الحمل) فكم سيكون تكلفة هذا التأمين علي الشركة؟؟ يعني اعلي قيمة تأمين هل هو مبلغ ال 6000 الذي تفضلت بالإشارة الية في ردكم ؟ ام اكثر ؟

و شكرا لكم مرة اخري و للجميع :rolleyes:

[molazwm]

معلش يا جماعة نسيت حتة مهمة :

يا ريت تقولولي مبلغ التأمين ليا هايكون كام و لمراتي هيكون كام علشان اعرف الحسبة علي بعض تبقي كام ؟

و شكرا

[jamalpody]

التأمين الطبي هنا في السعوديه ليس له مقياس معين

يعني كل شركه وشطارتها مع شركة التأمين

بس في المتوسط ممكن اقولك التأمين لك 1700 سنويا

ولزوجتك 3000ريال سنويا

[Amr Radwan]

بصراحة .. الواضح انها شركة تعبانة و عايشة في دور النصاحة و النصب علي الموظفين الجدد و العيش علي دمائهم ..

اخي الكريم صاحب الموضوع .. البدلات اللي بتتكلم عليها دي حق من حقوقك .. و علي فكرة .. البشوات في الشركة اللي هتشتغل فيها بيحاول يقلل لك في المرتب الاساسي لانه هو ده اللي هتاخد عليه مكافئة نهاية الخدمة و الاجازة السنوية و حاجات كتيرة ..

بالنسبة للتامين الصحي زي ما قال الافاضل اللي ردوا علي الموضوع قبلي انه بيكون علي حسب شركة التامين .. و بيكون معمم علي كل موظفين الشركة .. يمعني انهم لو اتفقوا مع شركة التامين علي كلاس c و الزوجات بدون حمل .. مش هتيجي سيادتك و تقول انا عاوز كلاس a و لزوجتي بالحمل و الاولاده .. مش هينفع .. يعني الموضوع علي حسب اتفاق الشركة الاساسي مع شركة التامين ..

انصحك نصيحة من القلب .. ابعد عن الشركات اللي عايشة دور الناصحين .. دول في الاول بيبان لك انهم ناصحين و في النهاية بيقلبوا عليك و بتعرف ساعتها انهم نصابين .. و لن تستطيع الحصول علي اي حق من حقوقك معهم ..

الله ييسر لك الحال و يوفقك .. و يكتب لك الخير حيث كان ..

[molazwm]

عمرو باشا، شكرا علي ردك

أنا من الأخر هتربس، و يا إما يسمعوا الكلام يا إما يروحوا بقي يلعبوا مع الأسد علشان انا ورايا مواعيد و مش فاضيلهم

و دة في الأول و الأخر رزق بتاع ربنا

الف شكر لكل من رد علي هذا الموضوع، بجد افدتوني :rolleyes:

السلام عليكم