1 !شقة يا ولاد الحلال - 2

[himatop]

بقالي خمس سنين في الخارج .ز الحمد لله اتجوزت .. الحمد لله خلفت ... الحمد لله ماعنديش شقة .. كل سنه أحوش مبلغ أنزل عشان أحجز قه شفتها السنة اللي فاتت ... ألقيها غليت .. أسافر تاني .. أحوش مبلغ علشان يكمل .. أنزل ألقيها غليت ..  .. ماحدش يدلنى على شقه تكون مربوطه ... مربوطة السعر يعني .

أسأل الله أن يلطف بنا جميعاً فلك الله يا شباب مصر .. لك الله يا هذا الذي لا يزيد دخلك عن بضع جنهيات  .. فنحن من نصف بذوي الدخول المرتفعة .. من نعمل بالعملة الصعبة لا نتمكن من امتلاك شقه حتى غرفتين وصاله .. فماذا أنتم صانعون يا من لا تملكوا غير ( 105 ) جنية في الشهر ... الله المستعان

------------------

مصري غلبان .. في الغربة شقيان

[abla]

[b:post_uid0]قاعدين في بيوت اهلهم مابيحلموش حتى يتجوزوا من اصله [/b:post_uid0] :( :( :( :(

[عادل أبوزيد]

افهم شعورك تماما  و اتعاطف معك  و لكن الحقيقة فى سوق العقارات - فى العالم كله -  لم يعرف الا الإتجاه التصاعدى فى الأسعار -ما لم يتدهور المبنى نفسه - و الزيادة غالبا توازى الحصيلة التراكمية لسعر الفائدة  زائدا نسبة التضخم السائدة  !!!!

هنا فى مصر ارى بعض الأمل  فى قانون الرهن العقارى الجديد   حيث يمكن البدء  بشقة صغيرة  و مع مرور الزمن تغيرها الى اكبر  و هكذا  ... هذا اذا كان قانون الرهن العقارى  سيعمل بقدر من الكفاءة مثل الوضع فى انجلترا

دعواتى لك بالتوفيق  و ارحب بك  بيننا و فى انتظار مساهماتك معنا

[ragab2]

أخى أمنحتب

تعالى نعيش فى شقة من صالة وحمام

تعالى نقسم الصالة ونتبادل الحمام

وشقة هنية تكفى مية من  الخلان

واذا فاض مكان نربى فيه حمام

والمطبخ رفاهية ووجوده حرام

بجورنا بريموس من بتوع زمان

ولا عندنا تلاجة ولا بوتاجاز أفران

دول حتى مالهومش لازمة ولا مكان

شريكى فى الشقة الأستاذ همام

راجل طيبة الدنيا فيه وغلبان

ممكن أقول له أخويا جاى م اليابان

واحفظ لك كلمتين يابانى احسن تبان

بنت الأستاذ همام متجوزة حمدان

راجل تخين وطويل ومليان

لو شفته تقول م اليونان

يرطم اجريجى ويمضغ لبان

وكل اصحابه رجالة وجدعان

بس مراته يا حسرة الست نجوان

مريضة على طول وعندها المصران

شفتها  مرة  بتجرى  بالفستان

عرفت ان جوزها وصل وجوعان

افتكرته شديد عليها وعامل لها جنان

أتاريه بيخاف منها وجبان

ايه رأيك بقة فى الجيران

مش هنا أحسن م اليونان

احسن م تكون فى الغربة شقيان

ومافيش داعى تكون غلبان

(Edited by ragab2 at 7:11 pm on Aug. 21, 2001)

[himatop]

عزيزي الأستاذ / رجب*  

بعد التحية

أضحكتني حتى البكاء

... من جميل كلامك ... وحلو نظمك

وأوافق فوراً .. أن أسكن في شقة شركة بشرط

ينعم عليا ربنا بجار زيك

وبالمناسبة إسمي ( هيما توب ) مش أمنحتب

الفاضل الأستاذ / عالد عبد العزيز *

أشكر لك شعورك الجميل .. وحنيتك الأبوية

وآمل أن يكون في قانون الرهن العقاري الجديد حل لتلك المشكلة العقيمة

لا أن يتحول كباقي القوانين التي لا ستفيد منها سوى البعض

الأخت عبلة

أنا واحد منهم إلى أن سافرت دولة خليجية

وتعرفت على بنت مصرية هنا واتجوزت ... برضه هنا

وعشان كدة بسأل عن ( أبو 105 جنية ) عامل إيه

ولكم تحياتي وأحترامي

--------------------------------------

مصري غلبان في الغربة شقيان

[ragab2]

الأخ العزيز هيما توب أقدم أسفى لاعتقادى أنكم أخى أمنحتب زميلنا بالمنتدى

وحصل خير الحمد لله

وبخصوص اسم أخونا الأستاذ عادل أبوزيد وليس عادل عبد العزيز

يبقى وحدة بوحدة وخالصين

تحياتى

[ragab2]

معلش نسيت أقولك انه فيه شركات كثيرة تبيع شقق كبيرة وجميلة وبالتقسيط مقل شركة بيتكوا وغيرها

كما أن أهرام الجمعة ملئ بآلاف الشقق للبيع أيضا ويوجد منها كثيرا بنظام التقسيط

وكما قال الأخ الكريم عادل أبوزيد قانون التمويل بضمان الشقة المشتراة كما فى أوروبا

تحياتى

[زيزو]

يا أستاذ هيماتوب حسب متابعتي لسوق العقارات (بصفتي قدامي مشوار البحث عن شقة في المستقبل) فإتجاه الأسعار منذ فترة في هبوط مستمر وأظن أنه سيستمر في الهبوط نظرا لقلة الطلب على الشقق بهذه الأسعار. وقطاع المستثمرين يبيع نظرا لهبوط الأسعار ولا يشتري مما يفقد السوق قوى شرائية كبيرة...

إن شاء الله الوضع سيتحسن! :)

[goold]

ازيكم

زيزو اخذت شقه ولا لأ ؟

فى زميل قدم فى اجازته على شقه تبع مجلس الحى واتصل به اخوه من مصر وقاله ابعث بسرعه 3000 جنية عشان جاتلك الشقة وكانت فى الشروق هى ثمنها كله 22 الف بالقسط ومساحتها 96 متر ..

وعلى فكرة اخذت من سفارتنا ورق فيه كل الاماكن التى يمكننى الحصول منها على شقق او ارض عن طريق الحجز وبالتقسيط .. بس كلها فى الاماكن الجديدة ذى العبور والشروق و6 اكتوبر والمعادى وفى بالاسكندرية طبعا واظن مادام بالسفارة فممكن يكون فى كل سفارتنا صح ..

وفى شقق مخصصه للشباب المقدمين بيكونوا دفعوا فيها نفس زميلنا المذكور وبيبعوها بيكسبوا فيها شوية يعنى ممكن تباع ب 30 او 35 ده بالنسبة للاسعار على اد الشباب ..

كمان فى شقق بالطلبيه بتاعت الاوقاف ده ايضاً نفس الشئ بتدفع 20 الف وكل شهر 400 جنية واحد نعرفه بيعمل كدة يعنى اصحابها ربنا فتح عليهم وبيبيعوا بنفس الطريقه ..

يعنى حتى بالمحافظات فى مجلس المدينة الشاب بيقدم ويحصل على شقه ورأيت بالمنصورة شقق نفس التى رأيتها بالشروق والسلام ..

وبالنسبه للمغترب يمكنه دفع المقدم لو عايز شقه افضل او اوسع وفى منطقه افضل يعنى شوفت فى المعادى مدينه اسمها تبارك بصراحه حلوة وبالقسط المهم تدفع المقدم والواحد شايف كل حاجة بقت بالاقساط .

تفائلوا خير فى مصرنا بس لو المغترب يلف ويدور شمال ويمين هيقدر يدبر حاله ذى الناس ال عيشين هناك .

[Cleo]

http://www.egyptiantalks.org/bforums/viewt...opic.php?t=6276

[Guest Mohd Gramoun]

http://www.egyptiantalks.org/bforums/viewt...p?p=80903#80903

[جـورج]

الشقق كتيييير

بس فين النفس

www.palm.ae

[yasser6666]

بصراحة انا شايف ان اسعار الشقق في مصر في هبوط مستمر منذ اكثر من سنتين علي التوالي ولا اعرف يااستاذ هيماتوب عن اي منطقة بمصر تتكلم....ولكن ما افهمه وعايشته فعلا ان قيمة الشقق فقدت اكتر من 25% من قيمتها في سنتين واقرب مثل لذلك انني اشتريت شقة في منطقة العجمي بالاسكندرية منذ خمس سنوات وكان تمنها وقتئذ اربعون الف والان احتاج ابيعها ولا تساوي اكتر من التلاتين الف وكمان بالتقسيط الممل علي سنتين واكتر وكل من يريد شرائها يفرض شروطه كمن يقدم لك خدمة العمر بأنه سيساعدك ماديأ ويتكرم عليك ويشتري شقتك ...وأخيرأ قررت الا ابيعها .....

علي العموم نريدالتوضيح اكثر يااخ هيماتوب ...في اي منطقة تبحث عن شقة المستقبل وفي حدود كام تقريبأ ربما نستطيع مساعدتك

[عصام أبوالفتح]

بقالي خمس سنين في الخارج .ز الحمد لله اتجوزت .. الحمد لله خلفت ... الحمد لله ماعنديش شقة .. كل سنه أحوش مبلغ أنزل عشان أحجز قه شفتها السنة اللي فاتت ... ألقيها غليت .. أسافر تاني .. أحوش مبلغ علشان يكمل .. أنزل ألقيها غليت ..  .. ماحدش يدلنى على شقه تكون مربوطه ... مربوطة السعر يعني .

أسأل الله أن يلطف بنا جميعاً فلك الله يا شباب مصر .. لك الله يا هذا الذي لا يزيد دخلك عن بضع جنهيات  .. فنحن من نصف بذوي الدخول المرتفعة .. من نعمل بالعملة الصعبة لا نتمكن من امتلاك شقه حتى غرفتين وصاله .. فماذا أنتم صانعون يا من لا تملكوا غير ( 105 ) جنية في الشهر ... الله المستعان

------------------

مصري غلبان .. في الغربة شقيان

يااااااااااااااااااه :rolleyes:

كلاكيت تانى مرة ...

ومحسوبكم هذه المرة مهندس معمارى ومدير مكتب ... ومصمم قصور ومشروعات كبرى

حسبى الله ونعم الوكيل