المواقع والمنتديات الشيعية

[شاب مصري]

السلام عليكم

ياريت اللي يعرف منتديات شيعية كبرى يديني عناوينها

مش عاوزين حد يشتم حد في الموضوع دا

لو الادارة عاوزة تقفله اوكي بس المهم اللي يعرف منتديات شيعية كبرى يحطلي عناوينها او يبعتلي العناوين على الخاص

ومتخافوش مش هتشيّع ولا حاجة :rolleyes:

[se_ Elsyed]

يا أخي الكريم

يا أخي الكريم

يا أخي الكريم ( 3 مرات )

وجهنا للجميع رسالة غير مباشرة في موضوع هام في باب شئون المحاورات إمبارح بالتوقف عن لطع أي موضوع في أي باب والسلام وأهو كله محشي وكلها مواضيع وكلها أبواب ....

طب إيه علاقة الشيعة بباب المغتربين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ( مليون علامة إستفهام )

هو ينفع يا جماعة أكون قاعد في شقة محترمة 4 غرف وصالة وحمامين ومطبخ ، لكنني أرى الاماكن كلها واحد وبالتالي أقضي حاجتي في البلكونة ... وأطبخ في الحمام وانام ورا باب الشقة ؟ ولا الموضوع بيبقى بديهي وواضح للعيان ؟

وإذا كنت عايز منتديات شيعية وما إلى ذلك ... إعمل سيرش على جوجل هايطلع لك مليون موقع ...

كان ممكن أوجه لحضرتك رسالة خاصة ..

لكن الموضوع زاد عن حده .. وحاسس إننا بنتكلم في الفضاء الخارجي ولا أحد يقرأ أو يسمع وكل واحد عايز يعمل اللي على مزاجه وبالتالي تتحول وظيفة الإدارة إلى لم المواضيع من وراء السادة الأفاضل الأعضاء ووضعها في أبوابها البيديهية التي لا لبس فيها من البداية