استفسار مهم لأهل الخبرة من قاطني السعودية

[nilesmile]

السلام عليكم يا رجالة مصر يا اجدع ناس و الله

ما خاب من استشار و الله

يا جماعة افيدونى افادكم الله

جاللى فيزا حرة مهندس حاسب آلي وواحدة ثانية أخصائي حاسب آلى

سأشتري واحدة منهم بإذن الله .إدعوا لى بالتوفيق من الله

أما السؤال فهو عند انتقالى للرياض و بعد ما اكمل سنة إن شاء الله فكفيلي لا يرغب ان اجدد معه حيث انه يريد ان يستفيد بالفيزا مع واحد ثاني سؤالي هل استطيع ان انقل كفالتي على اي شخص سعودي عادي مواطن يعني عادي معندهوش مؤسسة و انقل كفالة على اسمه ؟؟؟

و لا لازم تكون مؤسسة ؟؟

و لو لازم مؤسسة ؟؟؟ هل لازم تكون فى مجال الحاسب الآلى و لا ممكن اى مؤسسة مجالها غير الحاسب مع العلم انى لن أغير المسمى الوظيفى للفيزا عند النقل ان شاء الله

فما هى اراء الناس الخبرة ؟؟؟ يا اهل الخبرة افيدونى لا تبخلوا بالرد عليا فى دقيقتين جزاكم الله كل خير ؟؟؟

[malik]

الاخ العزيز نقل الكفالة بالنسبة للمهنيين لا يمكن الى الافراد الا فى حالة العمالةالزراعية اوالمنزلية اما فى حالة المهنيين فالنقل يكون على مؤسسة ولا يشترط ان يكون مجالها الحاسب الالى لان مهنتك تتواجد فى اى مؤسسةز

[سهل جدا]

لازم تنقل على مؤسسة يكون نشاطها التجاري موافق لمهنتك في الإقامة

وعموما ، هاتلاقي شركات كثير تقبلك بإذن الله، مهنتك مطلوبة

انت بس تعالى وتوكل على الله

[nilesmile]

طيب عندى سؤالين يا رجالة بلدى معليش استحملوني جزاكم الله كل خير

1- ايه الضمانات اللى اخدها من شركة السفريات اللى جايبالى الفيزا الحرة ؟؟ و ازاى احمى نفسى من الكفيل و اضمن انه ما يغدرش بيا بعد ما اروح و ما يرضاش ينقلى كفالة حيث اننى ساشترى منه الفيزا حرة بمبلغ كبير ؟؟

2-لو حنقل كفالة على واحد هل ده حيقلل الفيز اللى فى مؤسسته و لا الفيز اللى عنده تفضل عددها ثابت زى ما هيا و هو ما يتاثر و لما انقل الكفالة على حد و عاوز ادفعله فلوس عشان اشتغل فى مكان تانى بيخدو كام فى السنه ؟؟؟

انا فى انتظار الرد من الاخوة الافاصل اصحاب الخبرة الله يبارك فيكم و يرزقنا جميعا من حيث لا نحتسب آمين

[tarek nokia]

لا يوجد ضمانات اما ان يكون رجل كويس :rolleyes: او غير ذلك :rolleyes:

[jamalpody]

شوف يا اخي الفاضل

من الاخر حيمص دمك

لان الكفيل عندما يكون عنده فيزا حره يعني معندهوش شغل

يعني فقط راسماله هو العماله التي تحت كفالته

يعني اوعه تعمل كده حتندم حتندم