تتبع حالات الفيدرالي بعد ٢٨ فبراير ٢٠٠٨

[bent misr]

الف الف مبروك يا د / سيرجن

و حمدا لله على سلامت الوصول

و عقبال لما المدام تقوم بالسلامه و نتطمئن عليها

و ياريت تطمنا عليكم دائما

بس ليه حضرتك حجزت فندق و لم تأجر شقه في المده دي؟؟؟؟

[dr marmar]

الف الف مبروك لدكتور سيرجون علي اللاندينج والبيبي

هو اسمها ايه بالمناسبه؟

ربنا يباركلك فيها ويجعلها ذريه صالحه

وعايزينك تحكيلنا ايه الوضع هناك؟

ربنا يوفقك ان شاء الله

ازيك ياباشمهندسه سميه انا بحاول اكلمك علي الموبايل بس غير متاح

طمنينا عليك وعلي صحة الوالد يارب يكون بالف خير

احنا جاتلنا الفيزا يوم الاربعاء الماضي وعقبال الجميع ان شاء الله

[MinaAziz]

الف الف مبروك لدكتور سيرجون علي اللاندينج والبيبي

هو اسمها ايه بالمناسبه؟

ربنا يباركلك فيها ويجعلها ذريه صالحه

وعايزينك تحكيلنا ايه الوضع هناك؟

ربنا يوفقك ان شاء الله

ازيك ياباشمهندسه سميه انا بحاول اكلمك علي الموبايل بس غير متاح

طمنينا عليك وعلي صحة الوالد يارب يكون بالف خير

احنا جاتلنا الفيزا يوم الاربعاء الماضي وعقبال الجميع ان شاء الله

الف مبروووووووووووك دكتورة مرمر علي الفيزا.....عقبالنا يا رب

الحمد لله الوالد حالته الصحية استقرت الان ونشكر الله علي كل الاحوال

شكرا بنت مصر علي السؤال ...وكذلك الاخت ناوية علي الهجرة

.والاستاذ مينا....ياتري ايه اخر اخباركم يا جماعة؟؟؟؟؟

مفيش اي تغيير في الحالات حتي الان....انا عن نفسي بدأت اقلق...لانهم لم يرسلوا لنا يطلبوا البسبورات حتي الان.....لعل المانع خير

ادعولنا يا جماعة....احنا ارسلنا المديكال من شهر يونيو....وحتي الان لا حس ولا خبر؟؟؟؟؟؟ياتري التاخير ده عادي؟؟؟؟

اي حد عنده خبرة او معلومات يطمنا؟؟؟؟

شكرا لسؤالك يا مدام سمية.

انا ماجليش اي حاجة جديدة. واضح انهم في القاهرة من شهر يوليو شغالين على النظام القديم. آخر شخص جاله الميدكال من النظام الجديد كان في يونيو.

مش عارف هيرجعولنا امتى :wub:

[surgeon]

الباشمهندسة سمية,الباشمهندس زناتى, د.صفاء,د.مرمر, بنت مصر

الف شكر يا جماعة على اهتمامكم ومباركتكم

احنا سمينا البنوتة "لمار" واسألوا زناتى ايه المعنى لو مش عارفين :wub:

الحمد لله استلمنا النهاردة الSIN لينا كلنا(حتى الولاد الصغيرين اتعمل ليهم), جم فى حوالى 9 ايام. احنا فى انتظار ال PR علشان نقدر نسافر واحنا مطمنين.

الجو يا جماعة مش ثلج, مش لاقى وصف... وطلع الموضوع يا زناتى يا خويا انه فى جواكت للبرد تتحمل درجات الحرارة تحت الصفر Thermal ) - 40 -50)

اللى عاش فى الخليج مش حيحصل له انبهار شديد هنا, لما سألت الناس قالوا ان مونتريال وكيبك مختلفين عن باقى المقاطعات الاخرى زى اونتاريو او فانكوفر.

ومع كدة الناس غاية فى الاحترام والالتزام, البلد لها طابع اوروبى جميل, ده طبعا غير الوجوه البشوشة اللى موجودة فى كل مكان.

بعض الانطباعات الاولية:

1- انت صادق فى كل كلامك من غير ما يطلبوا اثبات لكلامك... من المطار(مكتب الهجرة) الى اى مكتب حكومى اخر.

2- الحياة غالية لو الواحد قعد يحسبها بالريال او الجنيه, اول كام يوم ما كنتش عارف اجيب ايه من كتر الحسابات الغريبة... بعد كده الواحد اخد على القيمة المالية الدولارية اللى هى زى الريال مثلا فى السعودية تزيد فى حاجات وتقل عنها فى حاجات ثانية.

3- الواحد على قد ما يقدر يعمل اللاندنج فى مكان يعرف فيه حد.. صدقونى بتفرق كثيررررررررر.

4-لازم الواحد ما يستعجلش فى عمل اللاندنج , لازم دراسة كويسة قوى ,بحث فى الانترنت, سؤال اصحاب عايشين فى نفس المكان... كل ده انا افتقدته مع انه الحمدلله الواحد ربنا سهلها له.

5-تجربة الولادة حاحكى عنها بعدين ,,لانى باكتب عربى ببطىء.

افتكرونا فى دعائكم.

[surgeon]

شكرا ليك يا دكتور وليد وعقبالك ان شاء الله

انتى ناوى تعمل لاندنج فين, وحتمشى قبل ماتستلم ال PR ولا ايه؟؟

بعد وصولنا ب4 ايام, الساعة 3 فجر يوم الاثنين الماضى لقيت زوجتى بتصحينى(كنت نايم من الساعة 12 ) وهى عندها الم ولادة....

صحينا الولاد بسرعة ,لبسنا الولاد بسرعة اكثر,نزلنا اللوبى بتاع الفندق الساعة 3:30 ,كان الريسبشانست موجودوالدنيا فى منتهى الهدوء, والمدام كانت غير عوايدها متماسكة ماشاء الله,طلبت منه يتصل ب911 علشان عندى emergency case , اتصل من غير تردد وبدأ بالكلام انه عنده حالة طارئة بحاجة الى عربية اسعاف وكانت ال911 operator واحدة ست , طلبت بيانات الفندق ثم أعطانى الجدع سماعة التليفون وبدأ حوار مدته حوالى دقيقة... حلو كدة.

what is your name sir , what is the case sir, how old is she, is the water out sir, does she has any medical problem, is this the first baby sir,

Ok sir the ambulance is on the way.

رجعت لزوجتى بعد المكامة وهى كانت جالسة بالولاد سامعة الحوار وبدأت اهديها, لقيت ابنى الصغير بيقول لى بابا البوليس جيه( عربية الاسعاف جت بعد حوالى دقيقتين من المكالمة), ماكنتش مصدق اللى بيحصل خصوصا ان انا دكتور وشايف قبل كدة تجارب كثير فى مصر والخليج.

جيه لنا 2 مسعفين , بدأ الكلام واحد منهم :

every how much the contractions mam, is the water out, do you have any medical problem, which hospital do you follow up mam,

عرفته ان احنا نيو كمرز , وعايزين نروح royal victoria hospital , انا كنت قبل يوم روحت المستشفى استكشف المكان وبعده عن الفندق وسألت عن اجراءت الadmission .

اخونا المسعف الثانى لقيته بيقول : kids are not allowed in sir . بيقصد عربية الاسعاف

قلتله بمنتهى الادب Listen i have no one to keep them with now and i can not leave my wife in this condition.

رد المسعف الاول it is ok sir, mam you could go to the ambulance or you need stretcher

ركبنا كلنا الاسعاف , قعدونا انا والولاد كل واحد على كرسى وربطلنا الاحزمة :blink: والولاد فى منتهى السعادة فاكرين ان احنا بنتفسح .....والمدام ريحت على السرير وبدا الالم يزيد كل 2-3 دقايق.

أنطلقت عربية الاسعاف فى هدوء , الشوارع كانت شبه فاضية وصلنا المستشفى بعد حوالى 5 دقايق, كنا فى طوارىء ROYAL VICTORIA HOSPITAL

اعتذر منكم انى حاكمل بعدين الجزءالثانى من الحكاية

نسألكم الدعاء

[ناوية ع الهجرة]

دكتور سيرجن الف مبروك على الامورة الصغيرة ربنا يباركلك فيها هي واخواتها وحمد لله على سلامة المدام

ممكن حضرتك تقولنا ليه ما ينفعش نديهم عنوان في مونتريال نستلم عليه الPR لأن احنا قريبنا في مونتريال وان شاء الله اذا كان فترة اللاندنج اقل من شهر

هنديهم عنوانهم ولك جزيل الشكر

[surgeon]

دكتور سيرجن الف مبروك على الامورة الصغيرة ربنا يباركلك فيها هي واخواتها وحمد لله على سلامة المدام

ممكن حضرتك تقولنا ليه ما ينفعش نديهم عنوان في مونتريال نستلم عليه الPR لأن احنا قريبنا في مونتريال وان شاء الله اذا كان فترة اللاندنج اقل من شهر

هنديهم عنوانهم ولك جزيل الشكر

الله يبارك فى حضرتك يافندم

فى مكتب الهجرة بتاع مطار مونتريال, ظابط الهجرة طلب منى عنوان علشان يبعتوا عليه البى أر ,اديته عنوان فى مونتريال رفض!!! وقال ما ينفعش علشان انت فيدرال ,ما اتكلمتش معه كثير اديته عنوان فى اونتاريو (كنت محضره تحسبا لحاجة زى ديه).

الافضل خلى مع حضرتك عنوان فى مونتريال واخر برة مونتريال.

بالتوفيق

[surgeon]

ربنا ما يشمت فينا حد يا باشمهندسة, بس اليومين اللى راحوا كنت باعمل مشاوير كثير

الحمد لله اليوم استلمت شهادة ميلاد البنت, وبرضة عرفت ان البى أر بيأخد 61 يوم علشان يجى وده عمل لى ربكة فى حساباتى

المهم نكمل حكاية الولادة.....

وصلنا THE ROYAL VICTORIA HOSPITAL حوالى الساعة 3:30 صباحا , الاسعاف وقف فى الطوارىء , ونزلونا هيلا بيلا على الدور السابع اللى فيه قسم الولادة , سألت المسعف مش لازم اعمل اجراءت التنويم(الحجز) فى الاول !! رد باستغراب : الاول نطمن على الام والبيبى ونحطحهم فى المكان بتاعهم وبعدين تروح تعمل الadmission .

طلعنا الدور السابع ,قسم الولادة دخلوا زوجتى الى حجرة كشف, عملوا استدعاء لنايبة علشان تشوف الحالة, فى ثوانى كان فى بنت زى القمر :blink: واقفى بتكشف على المدام وعملت لها سونار وتخطيط للبيبى وبعد كدة طلبت انهم يكملوا اجراءات الحجز علشان الحالة فعلا ولادة ولازم تتحجز.

كان اول حاجة قالوها ان الاطفال ممنوع وجودهم علشان الH1N1 , وده كان صدمة جامدة لى, المهم اخدت العيال ونزلنا عملنا اجراءات الحجز , ما اخدتش وقت, طلعنا تانى للدور لقيناهم دخلوا المدام حجرة لو حدها فيها متابعة للبيبى مستمرة, فيها يا زناتى ياخويا كاسيت علشان تهدى نفسيتها!! :D ولو عايزة تليفزيون يجيبوا بس كله بحسابه.

طلبوا ان الولاد يدخلوا يقولوا GOODBYE MAMY وقال ايه يروحوا؟؟!!!!!!

طبعا دخلوا قالوا جود باى مامى واللى نام جنبها على السرير واللى قعدت تلعب فى الكاسيت وانا استكشفت الحجرة والحمام......

مافيش 10 دقايق ودخلت الممرضةبكل ذوق طلبت منا الانصررررراااااااففففففف. اخوكم وقف وشرح ان احنا نيوكمرز والولاد مافيش حد ياخد باله منهم والوقت متأخر , فأنظروا ماذا انتم فاعلون؟؟؟؟؟

قالت IT IS OK , I WILL OPEN THE CHILDREN PLAY ROOM FOR THEM BUT YOU HAVE TO STAY WITH THEM, OK

طبعا وافقت وكنت طاير من الفرحة, وروحنا الحجرة اللى كان فيها لعب اطفال كتير وكومبيوتر والاطفال اتبسطوا فيها جدا وكانت ديه الحجرة بتاعتنا طول فترة وجودنا فى المستشفى, وكنت باسيبهم كل شوية وادخل اطل على امهم.

الولادة ماشاء الله اخدت وقت حوالى 15 ساعة مع انها الولادة التالتة, فى الفترة ديه ادولها ابرة الابيديورال علشان الالم و احنا استكشفنا المستشفى بالطول والعرض, بصراحة مستشفى كبيرة وحلوة الواحد يتمنى يشتغل فيها.....

كل شوية ممرضة تدخل تكشف تشوف احنا فين بالظبط , لما المسألة وصلت للأخر لقيتهم جهزوا نفس الحجرة علشان تبقى هى نفسها حجرة الولادة!!!!

الحمد لله ان فى نفس الوقت ده فى واحدة ممرضة صعبت عليها, قالتلى ادخل لمراتك وانا حاجلس مع الاطفال. وحضرت الولادة كلها ولقيت دكتورة كبيرة فى السن

عرفتنى بنفسها وهى اللى ولدت البيبى وخلتنى اقص الحبل السرى(يا جماعة الناس دى عندها احساس ومشاعر تجاه الاخرين غير عادية) علشان تبقى ذكرة كويسة. البيبى حطوه فى حضن امه على طول.جابوا ليه لبس وحفاضات والذى منه...

طلبوا ان الولاد يدخلوا يشوفوا امهم علشان يواسوها شوية بعد الولادة. انصرفت انا والولاد بعد الولادة وكانت الساعة 8 مساء.

على ميعاد تانى يوم علشان ناخد البيبى ومامته نروحهم.....

كانت تجربة لذيذة وممتعة ومتعبة لينا كلنا , بس كلنا كنا الحمد لله مبسوطين بيها

اسألكم الدعاء لانى شكلى حاسافر بدرى بعد ما عرفت موضوع لبى أر ده!!!

[somayasaleh]

دكتور وليد ...ايه اخبار حضرتك؟؟؟

قررت امتي اللاندنج ان شاء الله؟؟؟؟؟

دعواتكم جميعا...لان الواحد بدأ يقلق من التأخير

باشمهندسة سمية

كل تأخيرة وفيها خيرة إن شاء الله وعسى ان تكرهوا شيئا وهو خير لكم

وعليك بالدعاء وخصوصا قبل صلاة الفجر وإن شاء الله تتيسر الأمور

انا مسافر إن شاء الله اول الشهر القادم لعمل لاندينج والعودة على العيد الكبير لأني مش عاوز اسيب عملي في السعودية قبل ما تتيسر الأمور في كندا والواحد يشوف الدنيا حتمشي إزاي هناك

تمنياتي للجميع بالتوفيق والنجاح وإن شاء الله تسمعي اخبار حلوة قريبا جدا

ربنا يوفق حضرتك يا دكتور وليد

خبر جديد وطازة وحصري

اخيرا....... :happy: ...........طلبوا البسبورات مننا ...........عقبال الفيزا ان شاءالله

والله وح خضر انا كمان......عقبال باقي اللستة

[walidfh]

شكرا ليك يا دكتور وليد وعقبالك ان شاء الله

انتى ناوى تعمل لاندنج فين, وحتمشى قبل ماتستلم ال PR ولا ايه؟؟

الحمد لله اليوم استلمت شهادة ميلاد البنت, وبرضة عرفت ان البى أر بيأخد 61 يوم علشان يجى وده عمل لى ربكة فى حساباتى

دكتور سيرجن

إزيك حالك وإزاي الأمورة الصغيرة رينا يباركلك فيها وفي عائلتك ومستقبلك

بس عايز أعرف من حضرتك انت عرفت موضوع ال 61 يوم للحصول على البي ار منين

وهل هما قالوا لك اي تعليمات بشأن البي ار في المطار وانت داخل يعني طلبوا منك ما تسافرش قبل ما تستلمه مثلا او سألوك انت ناوي تسافر قريب أو اي حاجة من دي ؟

أحسن الموضوع ده حيلخبط كل حساباتي كمان ومن ساعة ما قريته ودماغي بتاخد وبتودي

وسيادتك سيد العرفين علشان تاخد إجازة من عملك في السعودية محتاج اد ايه وهما مش بيدو الخروج والعودة لمدة طويلة بسهولة

والواحد كان عامل حسابه يروح يعمل لاندينج ويرجع على طول

سؤال تاني هل ممكن تتابع إجراءات البي ار على النت زي ما كنا متابعين وضعنا على موقع السفارة قبل الحصول على الفيزا ؟ بحيث لو فيه مشكلة الواحد يلحق يخلصها بسرعة

وهل نزولك في مونتريال هو السبب في تأخر البي ار لحد 61 يوم ولو كنت نزلت على طول في تورنتو كان حيخلص بدري عن كده

نرجو الإفادة لو تكرمت ووجدت وقت فاضي وشكرا مقدما

[mohamed mongy]

اولا :

لازم نكتب بالاخضر "" الف مليار مبروك يا باشمهندسة سمية"" وعقبال اللاندنج ان شاء الله

ثانيا :

اخيرا سفارة لندن شدو المكاتيب و ردو عليا و قالولي ان المديكال اعيد ارساله في 4/8/2009

لان انا لحد دلوقتي ما جاليش اي حاجة بس الحمدلله كده الواحد اطمن.

ثالثا :

انصح كل واحد يروح يعمله صندوق بريد خاص بيه عشان بريده مايضيعش ويقعد على اعصابه زيي.

رابعا:

ارجو من الهندسة تغيير لوني اللي زهقت منه و عقبال ما تخضر ان شاء الله.

[حسام يوسف]

الف الف الف مبرووووووووووووك ياباشمهندسة سمية

والف الف سلامة على صحة الوالد

تحياتي

ودعواتك

مقابلتي يوم 29اكتوبر

تم تعديل 17 أكتوبر 2009 بواسطة حسام يوسف

[somayasaleh]

الففففف الفففففف مبروك يا باشمهندسة ,ان شاء الله نبارك لك على اللاندنج قريب.

كان نفسى نشوف حضرتك والعائلة فى كندا ,بس فى وقت تانى إن شاء الله, لان احنا حنرجع الاسبوع ده بإذن الرحمن.

دكتورنا العزيز شكرا لحضرتك....وان شاء الله يكون لنا لقاء قريب

في انتظاإ باقي انطباعاتك عن الرحلة ككل......وتوصلوا بالف سلامة :lol:

الف الف مبروك يابش مهندسة سمية بصراحة تستاهلي لانك متعاونة وبتحبي الخير للكل .. ودا من ملاحظتي لمشاركاتك

وعقبال كل الي نفسه وكل الي ماشي بالاجرائات يتمملهم ربنا على خير

شكرا لحضرتك اخت ام حسن..

ياريت حضرتك تكتبي لنا بيناتكم علشان نضيفكم للستة....وعلشان نتعرف عليكم اكتر

. :lol:

اولا :

لازم نكتب بالاخضر "" الف مليار مبروك يا باشمهندسة سمية"" وعقبال اللاندنج ان شاء الله

ثانيا :

اخيرا سفارة لندن شدو المكاتيب و ردو عليا و قالولي ان المديكال اعيد ارساله في 4/8/2009

لان انا لحد دلوقتي ما جاليش اي حاجة بس الحمدلله كده الواحد اطمن.

ثالثا :

انصح كل واحد يروح يعمله صندوق بريد خاص بيه عشان بريده مايضيعش ويقعد على اعصابه زيي.

رابعا:

ارجو من الهندسة تغيير لوني اللي زهقت منه و عقبال ما تخضر ان شاء الله.

شكرا جزيلا يا فندم علي اللون الاخضر الجميل ... رالف مبروك لحضرتك المديكال

...وعقبال ما نخضر حضرتك في اللستة قريبا باذن الله

وجاري التعديل يا فندم

الف الف الف مبرووووووووووووك ياباشمهندسة سمية

والف الف سلامة على صحة الوالد

تحياتي :lol:

ودعواتك

مقابلتي يوم 29اكتوبر

دكتور حسام عندنا....يا مرحبا يا مرحبا

الله يبارك في حضرتك...وشكرا علي سؤالك علي صحة الوالد

وانا مش ناسية التاريخ بتاع مقابلة حضرتك.....باذن الله اقرأ لك سورة يس وقت المقابلة

اهم حاجة الثقة في النفس وقت المقابلة...وان شاء الله نبارك لك اجتياز المقابلة بنجاح

تم تعديل 17 أكتوبر 2009 بواسطة somayasaleh

[somayasaleh]

شكرا لحضرتك مدام بولا.......هانت خلاص ....قريب قوي نهنئك بالفيزا :lol:

دكتورة مرمر ....الله يبارك فيك....انتم ناويين علي اللاندنج امتي ان شاء الله؟؟؟؟؟

عايزين نكون كلنا مع بعض باذن الله :lol: :lol:

تم تعديل 17 أكتوبر 2009 بواسطة somayasaleh

[somayasaleh]

باقي الاعضاء اللي في اللستة........مفيش اي تقدم في حالتكم؟؟؟؟؟

دكتور سيرجن توصل بالسلامة مع العائلة الكريمة والامورة الجديدة ان شاء الله

وفي انتظار باقي الانطباعات عن رحلة اللاندنج :roseop:

[ام حسن]

شكرا لحضرتك اخت ام حسن..

ياريت حضرتك تكتبي لنا بيناتكم علشان نضيفكم للستة....وعلشان نتعرف عليكم اكتر

اكيد يابش مهندسة سمية حأحط بيناتنا هنا

لكن صبرا بعض الوقت ...

حيث انو إتضح انو في بعض الاوراق ناقصة طلبها مننا المحامي عشان تتقدم الاوراق كاملة يعني نعتبر لحد الآن ماقدمنا رسمي

لذالك منتظرة تتضحلي التواريخ مظبوطة حتى أحطها هنا

لكن لايمنع اني اجاوب على بعض الأسئة للتعريف ( ولو انو كان نفسي زوجي هو الي يشارك معاكم بنفسه لكن بما انو مجال شغله متعلق بالكمبيوتر بيجي البيت وزهقان منه (عارفين طبعا المثل الي بيقول باب النجار... :lol: )

المهم

تاريخ التقديم......انتظرو المشاركة الجاية حأكتبه :ninja: ...

مكتب التقديم،:، الرياض ، السعودية

التقديم عن طريق محامي

المهنة في الابلكشن..information technology manager

الحاله الاجتماعيه..... متزوج وعدد الاطفال 3

تاريخ البروسيس علي الموقع....( لم افهم المقصود نرجو التوضيح) ...

[نور فلسطين]

اشكركم على هذا الموقع المفيد جدا وانا متابعة له من عدة اشهر احنا قدمنا اوراقنامن 15يونيو لكندا عن طريق محامي وللان لم يبعثوا لنا رد هل هذا عادي ممكن حد يفيدنا او حصل معه نفس الشىء لانو انا بعرف انهم ببعتو الرد خلال شهرين الى 3 اشهر وشكرا على الرد

[Nour moaty]

السلام عليكم

ازيك يا مدام سميه

انا قدمت علي الهجره من ابوظبي من مكتب متخصص فى الهجره و استلموا الملف يوم 18 يوليو و بعتولي الجواب و شيك يوم 9 سبتمبر

وصاحب المكتب قلي ان عنوان العمل والواجبات مش واضحه مع اني مقدم علي وظيفه fracture supervisor NOC 8222

و بشتغل دلوقتي coiled tubing and pump operator(multi services operator ) NOC 7412

المشكله دلوقتي مش عارف اجيب ورق ايه عشان اثبت لهم و اعرفهم اني يشتغل الوظفتين دول

ارجوا الساعده

شكرا

[Nour moaty]

حاجه كمان انا لقيت السيت ده

http://www.canadavisa.com/example-titles-3...led-worker.html

هل السيت ده و الوظايف اللي فيه2009 updated و رسمي من الحكومه الكنديه؟؟

[مهاجرة]

مبروك لكل اللي حصل على الفيزا والمديكال

انا كتبت سابقا انه جانا الفايل نمبر من شهر 6-2008 ولحد الان ماجانا شي لكن قبل اسبوع وصلتنا رسالة من نوفاسكوجيا يطلبون فيها المستندات وعطونا مدة 120 يوم لكن تاريخ الرسالة من 7-1-2009 ومختومة من بريد كندا بتاريخ 11-3-2009 ووصلت ليبيا 8-9-2009 يعني ال120 يوم انتهت لكن سمعنا انه ممكن نبعث المستندات ونقولهم على التاخير اللي حصل ، سؤالي هو انا طلعت المستندات المطلوبة من موقع فيزا اوفيس مالقيت فيه طالبين بنك استيتمنت هل هذا الشي عادي والا لاء ؟ سؤال ثاني بعد المستندات ايش راح يطلبون؟ وفي مقابلة والا لاء؟

انا طولتها عليكم لكن اتحملوني