اذهب إلى المحتوى
محاورات المصريين

تتبع حالات الفيدرالي بعد ٢٨ فبراير ٢٠٠٨

somayasaleh
 مشاركة

Recommended Posts

safaalabana عضو جديد

safaalabana

بتاريخ:
بتاريخ:
ألف مليون مبروك يا باشمهندسة سمية على الفيزا

أبعث لحضرتك التبريكات والتهنئة من مدينة سانت جونز في مقاطعة نيوفوندلاند (St. Johns - Newfoundland)

اول جزء من كندا يطل على المحيط الأطلنطي وأول جزء يقابل القادم من أوروبا عند دخوله لكندا حيث عملت اللاندينج يوم الجمعة الماضية

بعد رحلة شاقة ومتعبة ومليئة بالمفاجأت

ااخ الفاضل د وليد مليون مبرووك على اللاندنج...نهنئكم على هده الخطوه الجريئه ويارب تكون فاتحة خير عليك وعلى أهل المنتدى

منتظرين كل التفاصيل ..الله يكون فى عونك ..انت مراسلنا الوحيد فى هده الولايه ;)

كلنا عندنا أسئله كتيره وخاصة الاطباء يا ترى ح تلاقى وقت ترد علينا ؟

دعاؤنا لك ولاسرتك بكل التوفيق والنجاح :FN:

رابط هذا التعليق
شارك
  • الردود 1.4k
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

المشاركات الأكثر تفاعلاً

yassergaafar
yassergaafar

رامى باشا فتح الله الحبيب الغالى بيانتى لو ليها قيمه كالتالى 1st AOR April 27, 2009 2nd AOR Aug. 20, 2009 Cairo Visa Office Profession: Dental Administrator + Dentist

salamatarek
salamatarek

مبروك يا خالد وعقبال الفيزا

qenawy
qenawy

اشكر كل اعضاء محاورات المصريين وادارته علي كل ما قدموه وبذلوه الحمد لله اقترب السفر الي كندا ولزام علي ان اشكركم اي نعم تاخر ملفي كثيرا بس الصبر جميل

ناوية ع الهجرة عضو جديد

ناوية ع الهجرة

بتاريخ:
بتاريخ:
ألف مليون مبروك يا باشمهندسة سمية على الفيزا

أبعث لحضرتك التبريكات والتهنئة من مدينة سانت جونز في مقاطعة نيوفوندلاند (St. Johns - Newfoundland)

اول جزء من كندا يطل على المحيط الأطلنطي وأول جزء يقابل القادم من أوروبا عند دخوله لكندا حيث عملت اللاندينج يوم الجمعة الماضية

بعد رحلة شاقة ومتعبة ومليئة بالمفاجأت

ااخ الفاضل د وليد مليون مبرووك على اللاندنج...نهنئكم على هده الخطوه الجريئه ويارب تكون فاتحة خير عليك وعلى أهل المنتدى

منتظرين كل التفاصيل ..الله يكون فى عونك ..انت مراسلنا الوحيد فى هده الولايه :)

كلنا عندنا أسئله كتيره وخاصة الاطباء يا ترى ح تلاقى وقت ترد علينا ؟

دعاؤنا لك ولاسرتك بكل التوفيق والنجاح wst::

دكتور وليد الف حمد لله على سلامتك انت والاسرة الكريمة

يارب يكتب لكم الخير وتوفقوا في اللاندنج بأذن الله تعالى

كنت عايزة اسأل حضرتك ايه سبب اختيارك لمقاطعة نيوفنلاند

وياريت كل التفاصيل في توبيك منفصل و خصوصا التفاصيل الخاصة بالاطباء وجزاك الله خير مقدما

نحن لاندرك قيمة ما نعيشه حتى نفقده!!

ولكننا في الوقت نفسه لا ندرك قيمة ما نفقده حتى نعيشه!!!!

رابط هذا التعليق
شارك
walidfh عضو جديد

walidfh

بتاريخ:
بتاريخ:

دكتور وليد....الف حمد لله علي سلامة الوصول ....بس ما ينفعش كده

عايزين توبيك منفصل فيه كل التفاصيل الخاصة بالرحلة علشان افادة الجميع

وربنا يبارك فيك ولحضرتك والاسرة وييسر لكم اموركم

سعادة المشرف العام الباشمهندسة سمية

الله يسلمك وعقبال ما تصلي إلى الأراضي الكندية أنت والعائلة الكريمة وتتمتعي بحسن الضيافة والمطر المستمر والطقس البارد

سأحاول ان اقدم بعض ملاحظاتي المتواضعة ولكن توبيك منفصل :lol: حيبقى منظري وحش امام الأفاضل الذين سبقوني

وأستأذن حضرتك اني اكتب بعض الملاحظات في هذا التوبيك إلى ان يأذن الله في حاجة ثانية

أولا انا اخترت مدينة سانت جونز لأن ابني بيدرس في جامعتها Memorial University of Newfoundland منذ اربع سنوات وسيتخرج إن شاء الله الشهر القادم

وكانت فكرة هذه المدينة الصغيرة قد اقترحها اخي الأكبر والذي كان قد حصل على الدكتوراه من نفس الجامعة ونصحني بأن ارسل ابني هنا لأن البلد فيها اقل نسبة جريمة على مستوى كندا The lowest rate of violence حتى ان البنت ممكن تسير في الشارع الساعة 2 فجرا ولا يجروأ احد ان يعاكسها او يضايقها بالإضافة إلى ان اهلها ودودين

وبالنسبة لترتيب الجامعة على مستوى جامعات كندا فقد حصلت على المركز الـ 18 في عام 2008 بينما جامعة اوتاوا كانت في المركز ال 24

هذا بالأضافة لأن المدينة بعيدة في اقصى الشرق والناس دائما تفضل تورنتو والمدن الكبيرة فمصاريف المعيشة اقل نسبيا ومصاريف الجامعة تصل إلى ثلث مصاريف جامعات تورنتو خصوصا ان الحكومة بتشجع الناس تعيش برة المدن الكبيرة

المهم وجود ابني في أستقبالنا سهل حاجات كثيرة واعطانا راحة نفسية كبيرة لا يمكن وصفها حيث انه الأن يعمل كمرشد سياحي مخصوص لنا وسايب مذاكرته وحسيت الآن بقيمة وجود شخص معرفة في البلد الجديدة لأن المثل اللي بيقول ( الغريب اعمى ولو كان مفتح ) صحيح الف في المية

المهم يمكن بعد كده نذهب تورنتو ولكن نحن بإنتظار تخرج ابني ونشوف فرص عمله وفرص عملي وكل اللي بيجيبه ربنا كويس

رحتلي كان طويلة حيث وصلت إلى ما يقرب من 45 ساعة من وقت مغادرتي منزلي في مكة الساعة الثامنة والنصف مساء يوم الخميس مع زوجتي وبناتي وحتى وصولي إلى سانت جونز (وربنا ما يكتب ده على احد) حيث كان خط طيراني المفترض جدة - لندن ثم لندن اوتاوا ثم اوتاوا سانت جونز ولكن نظرا لتأخر طائرة اير كندا في مطار لندن لمدة 3 ساعات نتيجة تسرب زيت في محركها فقد تأخر وصولنا لأوتاوا وما زاد الطين بلة الزحمة في مكتب الهجرة في مطار اوتاوا حيث امضينا هناك حوالي ساعة ونصف وبالتالي فاتتنا رحلة سانت جونز واضطررنا إلى تغيير خط رحلتنا وسافرنا إلى تورنتو وبتنا فيها ليلة كاملة (على حساب اير كندا في فندق ديلتا وست بعد مناقشات حامية اشتركت فيها بكل القوة النسائية الهجومية المصاحبة لي والمتمثلة بزوجتي وبنتي) ثم اخذنا رحلة اير كندا إلى سانت جونز في الصباح ووصلناها ظهر يوم السبت

وبعد هذه العلقة السخنة فإن غالب الظن اننا سنستخدم رحلة مصر للطيران المباشرة من القاهرة إلى تورنتو (لو كان هناك خط مفتوح) او مونتريال المرة القادمة وبلاش بهدلة حيث لفيت وشفت 3 مطارات كندية في اقل من 24 ساعة (شوفتوا الحظ)

المهم بعض الملاحظات السريعة اللي ممكن تفيد

لم يتم فتح او تفتيش اي شنطة لي في مطار اوتاوا وكانت المعاملة سهلة ومحترمة جدا

العربيات التي تضع عليها الشنط في مطار اوتاوا ومطار سانت جونز مجانية ولكن المشكلة في مطار تورنتو حيث ان العربيات بفلوس بـ 2 دولار للعربية الواحد ولازم يكون مع الواحد عملة معدنية او كرت فيزا وصعب تجد اي احد يفكلك بس اللذيذ انك ممكن ترجع العربية بعد ما تشحن عفشك والماكينة حتديك ربع دولار يعني التكلفة حترسى على دولار و75 سنت (ولو الواحد راح المطار بدري فممكن يلم العربيات اللي الناس بتسيبها لأن معظم الناس ما تعرفش الموضوع ده ويرجعها وياخد ربع دولار عن كل عربية ويعمل ثروة واهي سبوبة وهو بيستنى ميعاد طيارته <_< )

انا عملت اللاندينج في اوتاوا وضابط الهجرة في المطار اخبرني ان كرت ال بي ار سيصل بعد 6 اسابيع وهذا ما اكدته لي مرة اخرى ضابطة الهجرة في سانت جونز ولما سألتها عن إحتمال سفري قبل إستلامي للكرت أجابت انه يتعين علي ساعتها ان أذهب للسفارة الكندية واطلب فيزا دخول لكندا لمرة واحدة ولما اخبرتها ان ابني ممكن يرسل لي الكرت بالبريد فقالت انهم لا يحبذون هذا لأن المفترض ان لا يرسل هذا الكرت بالبريد إلى خارج كندا لأنه وثيقة رسمية

امس ذهبت وعملت كرت التأمين الصحي ويسمي في سانت جونز MCP = Medical Care plan وخلص في خلال 10 دقائق وإستلمته وانا واقف وتاريخ بداية إستخدامه من يوم دخولي كندا فورا (يعني من 4 ايام :Exclam: ) ولا احتاج للإنتظار 3 شهور زي ما قريت من الأفاضل الذين كتبوا عن هذا ويمكن ده علشان البلد مش زحمة مثل تورنتو

بعدها ذهبت وعملت كرت الضمان الإجتماعي SIN Card وقالوا لي انه حيوصل خلال 10 ايام ولو تأخر إلى اسبوعين فعلي أن أتصل بهم

وبعدها ذهبت وفتحت حساب في البنك ومن غير إيداع اي فلوس في الحساب واعطوني بطاقة البنك وانا واقف ولكن قالوا لي ان كرت الفيزا لا يمكن استخراجه إلا بعد ان اجد عمل في كندا

بالنسبة للطلبة فيمكن لهم فتح حساب واستخراج بطاقة البنك وبطاقة فيزا بسهولة ومن غير ما يكون ليهم عمل في كندا (معاملة سهلة جدا)

الجو في تورنتو كان ممطر طول الليل وهنا في سانت جونز متقلب ما بين ممطر ومشمس والهواء شديد وبارد وحلو بالمقارنة بمكة وجدة اللي سايبهم حر ورطوبة وأما داخل البيت فالجو دافي حتى من غير تتدفئة يعني من الأخر الطقس حاليا تحفه وربنا يستر في ما بعد خصوصا ان الثلج لسه ما نزلش

اظن كفاية كده دلوقتي وسأحاول ان اوافيكم بما استطيع (معليش انا داخل على نت مش بتاعنا ولاقط وايرليس فعذرا لو غبت عن النت شوية)

تحياتي للجميع وعلى فكرة انا دعيت لجميع اهل المحاورات وانا فوق المحيط الأطلسي فيا ريت ما تنسوش تدعولنا وربنا يكتب الخير للجميع

والسلام عليكم ورحمة الله وبركاته

وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ (155)

الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ (156)

أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ (157)

سورة البقرة

رابط هذا التعليق
شارك
walidfh عضو جديد

walidfh

بتاريخ:
بتاريخ:
ألف مليون مبروك يا باشمهندسة سمية على الفيزا

أبعث لحضرتك التبريكات والتهنئة من مدينة سانت جونز في مقاطعة نيوفوندلاند (St. Johns - Newfoundland)

اول جزء من كندا يطل على المحيط الأطلنطي وأول جزء يقابل القادم من أوروبا عند دخوله لكندا حيث عملت اللاندينج يوم الجمعة الماضية

بعد رحلة شاقة ومتعبة ومليئة بالمفاجأت

ااخ الفاضل د وليد مليون مبرووك على اللاندنج...نهنئكم على هده الخطوه الجريئه ويارب تكون فاتحة خير عليك وعلى أهل المنتدى

منتظرين كل التفاصيل ..الله يكون فى عونك ..انت مراسلنا الوحيد فى هده الولايه :lol:

كلنا عندنا أسئله كتيره وخاصة الاطباء يا ترى ح تلاقى وقت ترد علينا ؟

دعاؤنا لك ولاسرتك بكل التوفيق والنجاح <_<

الله يبارك في حضرتك والف شكر على التهنئة وسأحاول أن أوافيكم بالتفاصيل إن شاء الله وعقبال الجميع ان شاء الله

بالنسبة لموضوع شغل الأطباء فأنا لسه محتار وحشوف ناويين يشغلوني دكتور او سأذهب واقيم في مطار تورنتو وارجع العربيات واخد ربع دولار عن كل عربية (راجعي ردي فوق على الباشمهندسة سمية بس لو سمحتوا انا حجزت مطار تورنتو خلاص وكل واحد يضع يده على المطار اللي يريحه وبلاش نقطع على بعض :Exclam: )

وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ (155)

الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ (156)

أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ (157)

سورة البقرة

رابط هذا التعليق
شارك
walidfh عضو جديد

walidfh

بتاريخ:
بتاريخ:
ألف مليون مبروك يا باشمهندسة سمية على الفيزا

أبعث لحضرتك التبريكات والتهنئة من مدينة سانت جونز في مقاطعة نيوفوندلاند (St. Johns - Newfoundland)

اول جزء من كندا يطل على المحيط الأطلنطي وأول جزء يقابل القادم من أوروبا عند دخوله لكندا حيث عملت اللاندينج يوم الجمعة الماضية

بعد رحلة شاقة ومتعبة ومليئة بالمفاجأت

ااخ الفاضل د وليد مليون مبرووك على اللاندنج...نهنئكم على هده الخطوه الجريئه ويارب تكون فاتحة خير عليك وعلى أهل المنتدى

منتظرين كل التفاصيل ..الله يكون فى عونك ..انت مراسلنا الوحيد فى هده الولايه :lol:

كلنا عندنا أسئله كتيره وخاصة الاطباء يا ترى ح تلاقى وقت ترد علينا ؟

دعاؤنا لك ولاسرتك بكل التوفيق والنجاح <_<

دكتور وليد الف حمد لله على سلامتك انت والاسرة الكريمة

يارب يكتب لكم الخير وتوفقوا في اللاندنج بأذن الله تعالى

كنت عايزة اسأل حضرتك ايه سبب اختيارك لمقاطعة نيوفنلاند

وياريت كل التفاصيل في توبيك منفصل و خصوصا التفاصيل الخاصة بالاطباء وجزاك الله خير مقدما

الله يسلم حضرتك ويوفقكم جميعا وتصلوا كلكم بالسلامة

اما موضوع الأطباء فربنا يسهل (لسه لما اصحى من الجت لاج) وأحاول اشوف ممكن نعمل ايه

والظاهر لازم نعمل رابطة للأطباء المصريين اللي مش لاقين شغل في كندا ونضعط على الحكومة يشغلونا من غير المعادلة ووجع الدماغ (صحيح بلد شهادات)

وانا أول واحد حأبعت لوزير الصحة الكندي واقول له (ان العلم في الراس مش في الكراس) وش محمود عبدالعزيز في فيلم مش فاكر اسمه

وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ (155)

الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ (156)

أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ (157)

سورة البقرة

رابط هذا التعليق
شارك
somayasaleh عضو جديد

somayasaleh

بتاريخ:
  • كاتب الموضوع
بتاريخ:
سعادة المشرف العام الباشمهندسة سمية

الله يسلمك وعقبال ما تصلي إلى الأراضي الكندية أنت والعائلة الكريمة وتتمتعي بحسن الضيافة والمطر المستمر والطقس البارد

سأحاول ان اقدم بعض ملاحظاتي المتواضعة ولكن توبيك منفصل :lol: حيبقى منظري وحش امام الأفاضل الذين سبقوني

وأستأذن حضرتك اني اكتب بعض الملاحظات في هذا التوبيك إلى ان يأذن الله في حاجة ثانية

دكتور وليد ...حضرتك تنور التوبيك وتزيده شرف بكتابة ملاحظات حضرتك هنا

بس انا بعد اذنك اخدت الملاحظات ده ووضعتها في توبيك خبرات المهاجرين....علشان اكبر عدد يستفيد

وشكرا لحضرتك مرة اخري.....هو ابن حضرتك بيدرس ايه؟،،،انا ابني في نهائي هندسة....وعايز يكمل في كندا <_<

انا قلت له ياخد البكالريوس من مصر الاول وبعدين يعادل الشهادة هناك.....

ربنا يوفق الجميع

لا تجبر الانسان و لا تخـــــــــيره ........ يكفيه ما فيه من عقل بيحيــــــره

اللي النهارده بيطلبه و يشتهــــيه ........ هو اللي بكره ح يشتهي يغيـــــره

معلومات تهم المسافر حديثا

http://www.egyptiantalks.org/invb/?showtopic=76997&st=30

رابط هذا التعليق
شارك
surgeon عضو جديد

surgeon

بتاريخ:
بتاريخ:

دكتور وليد باشا , الف مبروك على اللاندنج وربنا يسهل لك الامور

موضوع العربيات ده يستاهل الدراسة <_< ,لو ينفع شوف لاخوك مساعد مرجع عربيات واهى شغلانةحلوة ومن غير معادلات ولا حاجة.

نيوفوندلاند مناسب للتسجيل والعمل للدكاترة ده صحيح بس بيتقال ان الحياة فيها اقل من ناحيةالمستوى المعيشى عن باقى المقاطاعات, ايه رايك بعد ما لفيت فى 3 مقاطعات :lol:

بالتوفيقيا دكترة

رابط هذا التعليق
شارك
hcanada عضو جديد

hcanada

بتاريخ:
بتاريخ:

السلام عليكم

لو سمحتو ياجماعه هوه الكلام اللي ف الرابط ده معناه ان الليسته هتستمر كما هي فى 2010 كمان؟؟؟؟؟

http://www.workpermit.com/news/2009-11-03/...immigration.htm

Still alive

رابط هذا التعليق
شارك
walidfh عضو جديد

walidfh

بتاريخ:
بتاريخ:

دكتور وليد ...حضرتك تنور التوبيك وتزيده شرف بكتابة ملاحظات حضرتك هنا

بس انا بعد اذنك اخدت الملاحظات ده ووضعتها في توبيك خبرات المهاجرين....علشان اكبر عدد يستفيد

وشكرا لحضرتك مرة اخري.....هو ابن حضرتك بيدرس ايه؟،،،انا ابني في نهائي هندسة....وعايز يكمل في كندا

انا قلت له ياخد البكالريوس من مصر الاول وبعدين يعادل الشهادة هناك.....

ربنا يوفق الجميع

الباشمهندسة سمية

ابنى بيدرس بزنزس

واظن ان ابن حضرتك ممكن يعادل شهادته وبعدين يكمل لو حب ماجستير وبالتالي يكون كسب شهادة عالية من كندا

وربنا يوفقهم ويكتب فيهم الخير

شكرا على نقلك ملاحظاتي إلى توبيك خبرات المهاجرين سأحاول ان اضع بعض الملاحظات التي ممكن تفيد هناك

وتقبلي تحياتي

وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ (155)

الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ (156)

أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ (157)

سورة البقرة

رابط هذا التعليق
شارك
walidfh عضو جديد

walidfh

بتاريخ:
بتاريخ:
دكتور وليد باشا , الف مبروك على اللاندنج وربنا يسهل لك الامور

موضوع العربيات ده يستاهل الدراسة bv:- ,لو ينفع شوف لاخوك مساعد مرجع عربيات واهى شغلانةحلوة ومن غير معادلات ولا حاجة.

نيوفوندلاند مناسب للتسجيل والعمل للدكاترة ده صحيح بس بيتقال ان الحياة فيها اقل من ناحيةالمستوى المعيشى عن باقى المقاطاعات, ايه رايك بعد ما لفيت فى 3 مقاطعات :blink:

بالتوفيقيا دكترة

الله يبارك فيك يا عزيزي

بالنسبة للعربيات انا حاططها كخطة بديلة وسجلت اسمك معايا خلاص وطالما المطار كبير والرزق واسع كله حياكل ملبن إن شاء الله :lol:

لحد دلوقتي بحاول استكشف سانت جونز وحبة حبة حنشوف حيحصل إيه

طمني هل استلمت البي ار وإلا لسه ؟

اظن كده عدا عليك حوالي 6 اسابيع من ساعة اللاندينج

خلينا على إتصال وتقبل تحياتي

وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ (155)

الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ (156)

أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ (157)

سورة البقرة

رابط هذا التعليق
شارك
ahmedfox عضو جديد

ahmedfox

بتاريخ:
بتاريخ:

سؤال هام يا أهل الخبرة فى الهجرة

انا بعت أوراق الابديت وامتحان الايلتس فى شهر 08/2009 وسافرت لشغلى فى الكويت والى الان لا حس ولا خبر

انا اعمل فى الكويت الان هل شغلى خارج مصر يؤدى الى تأخير البروسيسنج لانى المفروض دلوقتى مستنى طلب منهم بالكشف الطبى . هل بياخد كل الوقت ده ؟

لما بدخل على حاله الابلكيشن بتاعى بيكون In Process

هل ابعث لهم ايميل ولا استنى شوى مع العلم انى بعثت لهم ايميل بتغيير العنوان ورقم الهاتف وتم ذلك

تحياتى للجميع

ملحوظة انا مقدم على مكتب القاهرة فى 07/2008 وجالى خطاب التخيير 08/2008

رابط هذا التعليق
شارك
ahmedfox عضو جديد

ahmedfox

بتاريخ:
بتاريخ:

انا مقدم بوظيفة Web Designer and Computer Programmer من مكتب القاهرة

ارسال الملف 07/2008

خطاب رقم الملف 08/2008

طلب الابديت والايلتس 05/2009 واعطونى مهله 120 يوم يعنى 4 شهور

بعت الملفات المطلوبة كلها فى 08/2009 والى الان لا حس ولا خبر

انا الان فى الكويت بعت لهم ايميل وفاكس وفعلا غيروا بيانات عنوانى لما بدخل على حالة الابلكيشن بتاعى بيكون العنوان متغير زى ما انا بعت لهم وحالة الملف In Process

وكمان هم لما بعتولى طلب تحديث البيانات وامتحان الايلتس كان عن طريق الايميل يمكن عشان انا كنت خارج مصر

دلوقتى المديكال عن طريق الايميل برده ولا خطاب بريدي لأنى دلوقتى بره مصر وكمان انا ممكن اعمل المديكال هنا فى الكويت ولا لازم انزل مصر ؟

هل لا قدر الله مكن يكون التأخير بيانات ناقصة أو رفض كامل للأبلكيشن ولا انا كده يعتبر تخطيت مرحلة الرفض ؟

وشكرا

رابط هذا التعليق
شارك
أحمد سيف عضو جديد

أحمد سيف

بتاريخ:
بتاريخ:

يا جماعه أنا مش متابع معاكم في الموضوع ده لإني مقدم حسب النظام القديم (مع المغضوب عليهم)

لكن وصلني من شويه خبر في منتهى الروعه ... وبصراحه مش قادر أخبيه عنكم لإن كل اللي هيسمعه هيتبسط زيي

أخ عزيز معانا - ومعاكم في الموضوع - وصل للمراحل النهائية من مشوار الهجرة ومسافر لعمل رحلة اللاندينج خلال أيام قليلة ... ومحتاج دعواتكم وتشجيعكم

العضو الفاضل ده من أنشط الأعضاء في باب الهجرة والكل تقريبا استفاد من نصائحه ومساعدته ... لكن كانت له أسبابه - الوجيهة - لعدم ذكر الخبر خلال الفترة الماضية

ألف مبروك لأخونا المهندس زناتي اللي هيكون في طريقه لكندا بعد أسبوع واحد ... ونتمنى له التوفيق في رحلته ... ومنتظرين طبعا يرجع يحكي لنا على كل التفاصيل

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك
znaty عضو جديد

znaty

بتاريخ:
بتاريخ:
يا جماعه أنا مش متابع معاكم في الموضوع ده لإني مقدم حسب النظام القديم (مع المغضوب عليهم)

لكن وصلني من شويه خبر في منتهى الروعه ... وبصراحه مش قادر أخبيه عنكم لإن كل اللي هيسمعه هيتبسط زيي

أخ عزيز معانا - ومعاكم في الموضوع - وصل للمراحل النهائية من مشوار الهجرة ومسافر لعمل رحلة اللاندينج خلال أيام قليلة ... ومحتاج دعواتكم وتشجيعكم

العضو الفاضل ده من أنشط الأعضاء في باب الهجرة والكل تقريبا استفاد من نصائحه ومساعدته ... لكن كانت له أسبابه - الوجيهة - لعدم ذكر الخبر خلال الفترة الماضية

ألف مبروك لأخونا المهندس زناتي اللي هيكون في طريقه لكندا بعد أسبوع واحد ... ونتمنى له التوفيق في رحلته ... ومنتظرين طبعا يرجع يحكي لنا على كل التفاصيل

اخي الحبيب احمد سيف الله يبارك فيك يا رب وعقبال ماتبقي معانا يارب قريب

معلش يا اخوانا الموضوع حصل كله في 10 ايام فقط طلب الباسبورات والتاشيرة والظروف في التوبيك هنا ماكنتش مناسبة اني اعلن الخبر دة وكنت مستني ظهور اختنا سمية

وبردة قرار اللاندنج كان سريع لاننا قررنا نستغل اجازة العيد في لاندنج سريع اسبوعين ونرجع

اخيرا مشوار السفارات وصل لاخره ونبدأ على بركة الله مشوار التجهيز للحياة الجديدة وعلى الله قصد السبيل

بس يحضرني الوقتي ..كلمة من اروع ما قرأت في هذا المنتدي

كلمة كنت قريتها من شهور طويلة لاخ فاضل في المنتدي دة

اسمه ( هادي )

هو ماعتش بيظهر دلوقتي على ما اعتقد

بس انا من كتر تاثري بالكلمة دي ختها كوبي

علشان اعملها باست دلوقت

اخوكم الحاضر الغائب : هادي بيقول

كل ماتريدة هو جميل و طبيعي و منطقي

أنا فقط كنت اتحدث عن محاصذير يجب ان نضعها في الحسبان ونحن نخطو نحو العيش في مجتمعات أخرى

المجتمعات العربية في البلاد العربية لها محاذيرها .. والعيش وسط المجتمعات الغربية بالمثل

ومن زاوية اخرى

وددت لو تبدأ من اليوم في "مذاكرة" هذا الطريق الذي اخترته للتعرف عليه وجلاء غموضه ومجهوله

تابع الوصلات التي تجدها في المشاركات .. راسل .. هاتف .. اتصل .. حاول

لتعرف اكثر واكثر ولتخرج من دائرة الامنيات الى العمل الفعلي وبالتالي ترصد نسبة التحقيق الفعلية

ادعو الله ان يتحول حلمك الى حقيقة

ويرزقك بالاسرة التي تتمناها من زوجة واطفال ووقت - عادل - تقضية معهم يوميا

تسعد بهم وبشبابك معهم ويسعدوا بك وبابوتك بينهم

اخي الحبيب

أعود واذكر نفسي وانت وجميع اخواني الاحباب

ضع هدف من مشوار كندا

ضع هدف واضح

هدف ممكن تحقيقه

هذا ما أؤكد عليه دوماً مع كل مغترب التقيه .. في السعودية في الخليج في اوربا في الامريكتين

ضع هدف

لاتترك نفسك للظروف والاحداث تقذفك حيث شاءت

كم احترمك زملاء افاضل عاشرتهم في السعودية .. جاءوا من مصر بهدف واضح ومحدد .. انجزوه وعادوا ديارهم

السفر قطعة من العذاب .. فمن كانت له حاجه .. فليوجز في قضاءها وليعجل الى أهله

لا أجد نفسي إلا في مصر

بحلوها و مرها ستظل بلدي

وعيشي الطبيعي هو بين أهلي وناسي

نسافر ونغترب لتصليح بعض الاوضاع و إضافة ما لا فرار من إضافته الى واقعنا ليكون " أفضل "

لكن لا للانسان إلا بلده و أهله و جذوره والتربة التي انشتل فيها

سافر

تغرب

جرب

لكن

دوماً دوماً دوماً

ضع هدف

ضع هدف

ضع خط نهاية

حدد نهاية واضحة لتلك المرحلة من حياتك

لتعود

وتبدأ مرحلة اخرى في المكان الطبيعي الذي تنتمي اليه

لا يوجد سفر بلا هدف وبلا نهاية

قد تتفق معي في وجهة نظري وقد تختلف

لكنني سعيد بها

انجزتها في اغترابي العربي

وباذن الرحمن الرحيم سانجزها في اغترابي الغربي

ثم

ماتش اعتزال

و

بلادي

272image.jpg

أعلم ولادي حنيني لبلادي ..واكتب في كراسي بحبك يا مصر

رابط هذا التعليق
شارك
znaty عضو جديد

znaty

بتاريخ:
بتاريخ:
ألف ألف مبروك با باشمهندس و عقبال اللاندينج ان شاء الله

بجد فرحانة اوى مع انى لسه جديدة بس قرأت كل المواضيع تقريبا و شوفت انت تعبت قد ايه.

ربنا يبارك لك و يوفقك فى كل خطوة

الله يبارك فيكي يا مدام ...موش عارف انطق الاسم دة هايجنني :roseop:

عاوز ااقولك ان موضوع الهجرة دة راح وجه مليون مرة

واسالي اخويا قناوي واختنا سمية صالح و د سوسو راني وكل اللي كانوا معايا من الاول

مليون مرة كان هايبوظ

الاول جواب الفايل نامبر ضاع وعرفت الرقم قبل نهاية المدة باسبوع واحد

ولولا نصيحة اخويا د قناوي كان عدت المدة والفايل اترفض

والورق كله تخيلي يخلص في اسبوع واللي كان جاي من مصر وصل اخر يوم

وبعت الورق في اخر يوم في المهلة

الايلتس فرقت نص درجة وقررت اني اسحب الفايل نهائي وافكر في استراليا لولا كل كل اخوانا بدون استثناء واحد شجعوني جدا وخلوني ااقدم تاني وعدت

وحاجات كتير حصلت بس ربنا له حكمة اكيد

عقبالكم ان شاء الله وكل اخوانا يا رب

272image.jpg

أعلم ولادي حنيني لبلادي ..واكتب في كراسي بحبك يا مصر

رابط هذا التعليق
شارك
adamdec عضو جديد

adamdec

بتاريخ:
بتاريخ:
الله يبارك فيكي يا مدام ...موش عارف انطق الاسم دة هايجنني :roseop:

هو المفروض كان يبقى adam912 بس الأرقام منفعتش فاختصرت و خليتها Adam Dec ديسمبر يعنى :roseop:

تقدر تسمينى أم آدم أو أم دودو زى مصحابى بيغلسوا على أو لو عايز ممكن اسمى الحقيقى برده

نادين

A crying baby is the best form of birth control.

-Carole Tabron

"?If evolution really works, how come mothers only have two hands"

- Milton Berle

".If your baby is "beautiful and perfect, never cries or fusses, sleeps on schedule and burps on demand, an angel all the time, you're the grandma"

- Theresa Bloomingdale

."The average dog is a nicer person than the average person".

- Andrew A. Rooney

".If you take a dog which is starving and feed him and make him prosperous, that dog will not bite you. This is the primary difference between a dog and a man"

- Mark Twain

Life resembles a novel more often than novels resemble life.

-George Sand

رابط هذا التعليق
شارك
ام يمنى عضو جديد

ام يمنى

بتاريخ:
بتاريخ:
الله يبارك فيكي يا اختي العزيزة

احنا فعلا عائلة واحدة كبيرة موش مجرد كلام

وبكرة هافكرك ان احنا اللي هانغير الفكرة الشهيرة ان المصريين وحشين مع بعض في الغربة

احنا بقي الجيل الجديد :roseop:

و ليه بكره اللي بيحصل هنا في جميع مواضيع المنتدى مش بس باب الهجره لكندا هوه فعلا اكبر دليل ان الفكره دي اصلا غلط و ده اللي انا مقتنعه بيه و الفكره دي اصلا سببها نسبه بسيطه هيا اللي سيئه زي ماهوه موجود في كل مكان بس للاسف ان السوء بتاعها غطى على النسبه الكبيره اللي هيا متعاونه جدا و قلبها على بعضها و بتحب الخير للجميع.

رابط هذا التعليق
شارك
memma عضو جديد

memma

بتاريخ:
بتاريخ:

يا جماعة انا وصلنى ايميل الابدات بس كنت عايز اعرف بالنسبة لفلوس البنك للى مقدم على سفارة كندا بالقاهرة بتبقى كشف حساب ولا اثبات رصيد فقط عشان فيه ناس بتقول كشف حساب فى اخر 3 شهور وانا مش عارف اعمل ايه......ارجو الرد سريعا وشكرا

لا تحسبوا نأيكم عنا يغيرنا أن طالما غير النأى المحبينا

والله ما طلبت أهواؤنا بدلا منكم ولا انصرفت عنكم أمانينا

رابط هذا التعليق
شارك
ramyfathalla عضو جديد

ramyfathalla

بتاريخ:
بتاريخ:

مبروك يا memma على الابديت و عقبال الفيزا ان شاء الله أما بالنسبة لموضوع البنك أعتقد أنه كشف حساب أنا قرأت ده فى المنتدى بس مش فاكر فين تقريبا فى توبيك د/قناوى رد على استفسار.... و الله أعلم

رابط هذا التعليق
شارك
memma عضو جديد

memma

بتاريخ:
بتاريخ:
مبروك يا memma على الابديت و عقبال الفيزا ان شاء الله أما بالنسبة لموضوع البنك أعتقد أنه كشف حساب أنا قرأت ده فى المنتدى بس مش فاكر فين تقريبا فى توبيك د/قناوى رد على استفسار.... و الله أعلم

الف شكر يا رامى باشا بس يعنى اروح البنك واقول انا عايز ايه بالضبط ......وكشف الحساب ده بيثبت رصيدى الحالى ولا اخر 3 شهور لانى رصيدى ماكانش المطلوب فعليا من 3 شهور......وشكرا جزيلا

لا تحسبوا نأيكم عنا يغيرنا أن طالما غير النأى المحبينا

والله ما طلبت أهواؤنا بدلا منكم ولا انصرفت عنكم أمانينا

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...