لو أن فلسطينيا مسلما دعا بهذا الدعاء.. فهل ستقول: آمين !

[شاب مصري]

تخيل هذا الموقف:

رجل من فلسطين قتلت زوجته وأطفاله في الاعتداء الغاشم الأخير على غزة, فنظر إلى جثثهم وعيناه تذرفان، ثم رفع يديه إلى السماء قائلا:

اللهم انصر من نصرنا

اللهم اخذل من خذلنا .. اللهم اخذل من خذلنا .. اللهم اخذل من خذلنا

قول لي بربك: هل ستقول آمين

السؤال موجه لكل مصري صادق مع نفسه ومع ربه

احسبنى صادقة مع نفسى ومع ربى

هاقول امين امين امين

كل اللى بيخطى خطوات ماعملهاش حساب

و دفع تمنها الاطفال و الضعفاء.......اكيد له حساب عند الله

مش معقول ان احنا ( المصريين ) هانتتحاسب

علشان ماايدناش ....و دعمنا مغامرات غير محسوبة!!

يعنى لا حد خد رأيك و لا سمع كلامك

و لما دعيته مع اخوه علشان تصالحهم

قال لك .....هأجل لأجل غير مسمى

المفروض بقى.....انك تعمل اللى بيقلك عليه من غير كلمه

و الا ...الويل و الثبور....دنيا.....و كمان اخره؟؟!!

ربنا يحمى الشعب الفلسطينى من تناحر المتطلعين للسلطة

اسرائيل هتلاقي مبررات عشان تضرب لما تحب تضرب

وبقالها 60 سنة بتلاقي مبررات

اقرأي ده:

http://dostor.org/ar/index.php?option=com_...1&Itemid=64

[شاب مصري]

أكيد هقول معاه آمين

الرئيس وزبانيته و أبواقه هم الظلمة

احنا مقهورين ومغلوبين على أمرنا

صحيح المفروض نعمل اكتر من كدا عشان نحرر مصر من حكمه .. لكن هو متواطئ .. واحنا متخاذلين بعض الشئ.

[شاب مصري]

يا قدس معذرة ومثلي ليس يعتذر

مالي يد في ما جرى فالأمر ما أمروا

وأنا ضعيف ليس لي أثر

عار علي السمع والبصر

وأنا بسيف الحرف أنتحر

وأنا اللهيب وقادتي المطر

فمتى سأستعر؟

لو أن أرباب الحمى حجر

لحملت فأسا فوقها القدر

هوجاء لا تبقي ولا تذر؛

لكنما أصنامنا بشر

الغدر منهم خائف حذر

والمكر يشكو الضعف إن مكروا؛

فالحرب أغنية يجن بلحنها الوتر

والسلم مختصر

ساق على ساق، وأقداح يعرش فوقها الخدر

وموائد من حولها بقر

ويكون مؤتمر؛

هزي إليك بجذع مؤتمر يساقط حولك الهذر

عاش اللهيب ويسقط المطر

من روائع احمد مطر.

[سهل جدا]

سلام عليكم

إيه يا جماعة بقى أغيب يوم كده عن الموضوع يحصل ده كله !!

أنا شايف إن في ردود محذوفة , شكلي اتهزأت لغاية لما قولت يا بس ;)

عموما أنا متعود على كده في المنتديات , لأني ما بعرفش أجامل

الأخ الكريم mohmaher

أشكرك على مرورك

الأخت النشيطة (نيو قمر)

أشكرك على مداخلتك , ولو إني متضايق شوية من نقدك لحماس, وكأنهم لو مش موجودين ما كانتش إسرائيل هاتعمل اللي عملته ..

إسرائيل يا ستي شغالة قتل وتدمير من 60 سنة , يعني قبل ما تتولدي وقبل ما يتولدوا بتوع حماس ..

ربنا يديكي على أد نيتك ويعفو عنا وعنك

الأخ الكريم شاب مصري

أشكرك على تعليقاتك الثلاثة

وشكرا جدا على الرابط بتاع جريدة الدستور, أفادني جدا ..

[newcomer]

الأخت النشيطة (نيو قمر)

أشكرك على مداخلتك , ولو إني متضايق شوية من نقدك لحماس, وكأنهم لو مش موجودين ما كانتش إسرائيل هاتعمل اللي عملته ..

إسرائيل يا ستي شغالة قتل وتدمير من 60 سنة , يعني قبل ما تتولدي وقبل ما يتولدوا بتوع حماس ..

ربنا يديكي على أد نيتك ويعفو عنا وعنك

شكرا لحضرتك و لدعوتك ( ربنا يتقبل منا جميعا)

......

ما هو ده اللى عايزه اقوله

اسرائيل هى العدو

لا مصر .....و لا حماس

بس انا ( كطبع شخصى) دائما ضد الفرقة و التشرذم

كمان ضد العند ضد المصلحة العامة.....من اجل الوصول للسلطة

بدماء الاطفال و النساء و الشيوخ

يعنى يرضى مين ....دلوقتى اسرائيل دخلت برى

يرضى مين ده.....؟؟؟؟

و بعد ده كله حضرتك مش عايزنى انتقد حماس؟؟!!

[سهل جدا]

أنا لا أجزم بأن تصرفات حماس في الفترة الأخيرة صحيحة أم خاطئة، لكني أذكر كلمة جميلة للشهيد أحمد ياسين رحمه الله الزعيم الروحي لحماس سابقا حيث قال: (إن قدرنا أن نقاتل؛ لأننا لو ما قاتلنا فسنقتل عاجلاً أم آجلاً)

[شاب مصري]

أنا لا أجزم بأن تصرفات حماس في الفترة الأخيرة صحيحة أم خاطئة، لكني أذكر كلمة جميلة للشهيد أحمد ياسين رحمه الله الزعيم الروحي لحماس سابقا حيث قال: (إن قدرنا أن نقاتل؛ لأننا لو ما قاتلنا فسنقتل عاجلاً أم آجلاً)

:roseop: hpc:!: hpc:!: hpc:!:

من لم يمت بالسيف مات بغيره ..

وطعم الموت في شئ حقير .. كطعم الموت في شئ عظيم .

تم تعديل 4 يناير 2009 بواسطة شاب مصري