عيد ميلادي ... باحتفل بيه معاكم في المنتدى

[ragab2]

كل

عام وجميع الاخوة والأخوات بخير

وعقبال متين سنة ان شاء الله

[farasha79]

اشكركم جمعيا

سي السيد ولله انا مش عارفه كنت هعمل ايه من غيرك في المنتدى

ربنا يخليك

و اشكرك يا وايت كمان

و نرجع لموضوع الساعه و هو اعياد الميلاد

[amir]

انا عيد ميلادي يوم ثوره يوليو

23 /07

يعني مايتنيسيش

احفظوا يا جماعه يوم ايه

يوم الثوره

مستنيه التهاني :lol:

فراشه

مادام عيد ميلادك فى 23/7 اللى هو عيد الثوره

أقـترح نغنيلك اغنية

بـلادى ... بـلادى

كل سنه و انت طيبه مقدما

يا ترى حسبتى عندك كام يوم من الموقع اللى ذكرته فى مدخلتى السابقه لفيـروز ؟؟

[فــيــروز]

ايه ده

مش عارفه ليه افتكرت جمله شهيره بتقول "انت بتشتغل مع اذكى جهاز مخابرات فى العالم يا جمعه" ولو انى مش جمعه :)

هايل جدا يا سى السيد .. 28 سنه .. ويوم واحد عشان الامانه العلميه :) انا فعلا منبهره وحاسه انى قاعده فى محطة مصر :)

على فكره انا باحب الحواوشى جدا جدا .. و الشاورمه كمان :) ومعنديش مانع ناكل تورتة حواوشى بالمناسبه السعيده دى ونحلى بالشاورمه ..

على فكره .. انا شايله كل الهدايا اللى اتبعتت لى فى الموضوع ده عشان افتحهم مره واحده :) شوفوا الغلاسه بقى ..

بجد انا متشكره جدا على كل التهانى الحلوه دى .. والصراحه الموضوع محتاج رسالة شكر على حده لكل من قال لى كل سنه وانت طيبه .. ربنا يخليكم كلكم و يسعد اوقاتكم

واهديكم غنوة نانسى عجرم .. مش اخاصمك آه :) يا سلام يا سلام .. اد ايه حلو الكلام .. معاكم طبعا :)

[farasha79]

نسيت اقولك يا فيروز كل سنه و انتي بألف خير

جايه متأخر. معلش

وش واحد محرج:)

[فــيــروز]

ولا يهمك يا جميله .. ربنا يخليكى كأنك قلتيها بالظبط

على فكره اقول لك سر

انا تاريخ ميلادى فى البطاقه 23/7 بس انا مش باعترف بيه .. الحقيقى 17/7 بس الوالد الله يرحمه حب يخليه فى يوم تحتفل بيه البلد كلها :) ميرسى جدا مره تانيه على التهنئه و الدور عليكى نجيب لك التورته بقى عشان انتى اللى فاضله :)

[farasha79]

تورته حاف كده

تورته و جاتوه و باتوه

ده غير الصناديق الملفوفه( مش قنابل)

ايه حاجه منكم زي العسل

[farasha79]

نسيت اقولك سرك في بير عميق جداااااااااااااااااااااااااااااا

[se_ Elsyed]

ايه ده

مش عارفه ليه افتكرت جمله شهيره بتقول "انت بتشتغل مع اذكى جهاز مخابرات فى العالم يا جمعه" ولو انى مش جمعه :)

هايل جدا يا سى السيد .. 28 سنه .. ويوم واحد عشان الامانه العلميه :) انا فعلا منبهره وحاسه انى قاعده فى محطة مصر :)

يـــــــــــــــاهو ده الحواوشي عامل معايا شغل عالي قوي وفعلاً حاسس أن صواميل مخي متزيته وأداءاها أختلف عن الأول ....

مع تحيات س س الهجان

[achnaton]

لكل الأخوات والأخوة اللى أختار لهم أهاليهم أنهم يجوا الدنيا فى عز الحر زى حالاتى .. أبعث بارق التهانى ..

وكان جدى الشيخ حسن " رحمة الله عليه " كل ما تيجى سيرة عيد الميلاد دى .. يصف لى كيف أنى تسببت لأمى يوم ولادتى فى عز الحر من متاعب .. والمندرة البحرية شاهده على ذلك .. وعشان أطيب خاطرة كنت كل مره أجمع الهديا اللى الست حرمنا بتجمعها " كده غلاسة .. تمسك التلفون وتخطر اللى نعرفه واللى ما نعرفوش بعيد ميلادى .. وتنزل الهدايا زى المطر ..{ بعضها طبعا كان تحت اسم هديه ولكنه فى الواقع كانت" رزية " لأنها كانت رشوة مقنعة للى له طلبات ... وعشان كده عملت زى ما قاللى جدى .. كنت بأبعت الهدايا دى كلها الى الكفر لابن جدى -الشيخ حسين - اللى لسه عايش هناك .. يطلع بها القرافة ويوزعها رحمة ونور لأمى الشهيده ..

واليوم فيه حفلة فى الجنينة فى الجو الحر ده رغم بعدى عن الصعيد . .. وطبعا الست حرمنا بقالها كام أسبوع عاملة غارة .. وبتلم كالعادة الهدايا - طبعا قلت بكتير من ساعة ما سبت الشغل وعملت غفير - غفير للذكريات .. لدرجة انهم بدل ما يجيبوا هدايا بيجوا يقولوا هات .. طبعا فاهمين !! .. وبقية الحكاية .. وما سيعمله جدى الشيخ حسن النهارده معايا .. حأحكيه لكم فى الحكايات .. لما الكمبيوتر بتاعى يتصلح ..

ياالله كل سنه وانتم جميعا طيبين .. اللى بيحتفل بعيد ميلادة .. واللى بيحضر له هدايا .. يعنى من المشاهدين ..

الغريبة نسيت أقولكم .. الأخ هشام عبد الوهاب .. ومعاه الدكتور رجب 2 أختاروا النهاردة بالذات .. اللى أنا بأحتفل فيه بعظمة أمى .. وعملوا حملة على " النسا " .. بقى ده أسمه كلام .. مالقتوش الا النهاردة .. طب أستنوا لما أمى تسبع .. واحتفلوا معى النهاردة ببطولتها ..

والنبى لأقول لجدى ..

احناتون المنيا

[amir]

انا عيد ميلادي يوم ثوره يوليو

23 /07

يعني مايتنيسيش

احفظوا يا جماعه يوم ايه

يوم الثوره

مستنيه التهاني :)

فراشه ... فراشه ... فراشه

لك حـبى و فـؤادى

كـل سنه و انتى طيبه بمناسبة عيد الثوره

أسف قصدى عيد ميلادك

أطيب تمنياتى بحياه سعيده

و سعيده

[farasha79]

انا عيد ميلادي يوم ثوره يوليو

23 /07

يعني مايتنيسيش

احفظوا يا جماعه يوم ايه

يوم الثوره

مستنيه التهاني :lol:

فراشه ... فراشه ... فراشه

لك حـبى و فـؤادى

كـل سنه و انتى طيبه بمناسبة عيد الثوره

أسف قصدى عيد ميلادك

أطيب تمنياتى بحياه سعيده

اشكرك جدا يا امير و انت بألف خير و صحه و عافيه يارب

و سعيده

[جـورج]

Happy birthday Farasha

بس عايز اقول لك على سر

بوكيه الورد ده انا كنت محضره هديه ليكى

بس امير سبقنى و بعتهولك

كل سنه و انت طيبه

[DARWEEN]

انا عيد ميلادي يوم ثوره يوليو 

23 /07 

يعني مايتنيسيش 

احفظوا يا جماعه يوم ايه 

يوم الثوره 

مستنيه التهاني :)

بصره يافراشه ...

أنا كمان مولود 23 يوليو ( وش ميت من الكسوف ) وأتهريت كل سنه من فيلم رد قلبي .. بس بيني وبينك يجي كذا .. وعشرين سنه يادوب

يعني النهارده عيد ميلادي أنا كمان فين الهديه يا أنجي ؟؟؟يييه قصدي يافراشه .... ( وش واحد بيتلكك ) .... ولو أني نسيت الموضوع ده من زماااااااااااان

على العموم كل سنه وأنتي وأنا طيبين ...

ياعم ياطورطاتييييييي

[elbana]

كل سنة وانت طيب وبألف خير يا أستاذ سيد ، وعقبال يارب ما تعيش عمر مديد سعيد ، بس ما قلتلناش عيد ميلادك الكام :wink:

[farasha79]

Happy birthday Farasha

بس عايز اقول لك على سر

بوكيه الورد ده انا كنت محضره هديه ليكى

بس امير سبقنى و بعتهولك

كل سنه و انت طيبه

و انت بألف خير و صحه و عافيه و اعتبر الورد وصل و في المزهريه في الصالون كمان

[farasha79]

انا عيد ميلادي يوم ثوره يوليو

23 /07

يعني مايتنيسيش

احفظوا يا جماعه يوم ايه

يوم الثوره

مستنيه التهاني :lol:

بصره يافراشه ...

أنا كمان مولود 23 يوليو ( وش ميت من الكسوف ) وأتهريت كل سنه من فيلم رد قلبي .. بس بيني وبينك يجي كذا .. وعشرين سنه يادوب

يعني النهارده عيد ميلادي أنا كمان فين الهديه يا أنجي ؟؟؟يييه قصدي يافراشه .... ( وش واحد بيتلكك ) .... ولو أني نسيت الموضوع ده من زماااااااااااان

على العموم كل سنه وأنتي وأنا طيبين ...

ياعم ياطورطاتييييييي

عيد ميلا د سعيد و عقبال مليون سنه صحه و هنا و سعاده و انشالله سنتي و سنتك تكون مليئه بالاحداث الجميله و الحلوه

و سنه حللللللللللللللللللللللللللللللللللللللوه ليا و ليك

[DARWEEN]

كل سنة وانت طيب وبألف خير يا أستاذ سيد ، وعقبال يارب ما تعيش عمر مديد سعيد ، بس ما قلتلناش عيد ميلادك كام  :wink:

السيد مين يابنا .. أخوك دارون الشهير بمحمود ... ... وبعدين ليه الأحراج ياعمنا .. ما أحنا لسه شباب وزي الفل ... الحاجه وأربعين ... أرتحتتتتتتتتتت

متسألش بقى الحاجه دي تطلع كام خلي الواحد مايتعقدش

[farasha79]

[White heart]

فى هذة المناسبة السعيدة...اتمنى لك الكثير من الصحة، الحب، و الحظ... كل سنة و انت طيبة يا "Frasha "...

على فكرة تحت التورتة فى حاجة بسيطة خالص لزوم "الجو" العائلى دة...