شباب وشابات الاربعينيات (2)

[قلب ابيض]

ياماما مش كده ؟؟؟

انت بتفهمى اكترمنى فى النت :blush2:

فجأه لاقيت ابنى بيقولى كده ما خبيش عليكو اتاخدت للحظه :happy:

وفكرت بسرعه فى ازاى انا بدأت اقعد على الكمبيوتر؟ وازاى اتعلمت النت ؟ وبصراحه ازاى اصبح شىء اساسى فى حياتى الان

ياترى انتو كمان : ازاى بدأت علاقتكم بالنت ؟

وليه ؟

وياترى زوجك (او زوجتك )فى مشكله بالنسبه له (او لها ) من تعاملك مع النت ؟

وايه المواقع او المنتديات اللى بتلاقى نفسك فيها وليه ؟؟؟؟

انا قبلكم سألت نفسى الاسئله دى (وهاجاوب لكم عليها ) وحبيت اعرف اجابتكم عنها

بجد مستنيه ردودكم رفاقى الاحباء باقه الاربعين الشااااابه :lol:

[قلب ابيض]

ياجماعه الخير

اين انتم؟؟

انا شايفه ان المرور كتير بس الكسل عن الرد اكتر - على اى الاحوال انا صرحت لكم قبل كده ان االمكان ده هو متنفسى الوحيد وانا عند قولى

ومؤقتا هاعتبر انى بكلم نفسى لحد ما تحنو على القلب الابيض :ninja:

(وفكرت بسرعه فى ازاى انا بدأت اقعد على الكمبيوتر؟ وازاى اتعلمت النت ؟ وبصراحه ازاى اصبح شىء اساسى فى حياتى الان)

انا لاقيت ولادى كبروا ودخل الكمبيوتر بيتنا :ninja: من باب انهم بيدرسوه فى المدرسه ولازم يكون فى البيت عشان المذاكره لانها ماده اساسيه (طبعا ماكناش فى مصر وقتها ) ولاقينا موضع الماسنجر ده جااامد موت لانه بيوفر كتير من فاتوره التليفون المنزلى الدولى وسبحان الله طلعت له مزايا عديده وقتها كنا نجهلها طبعا الكلام ده عن الجهاز بس ناهيك بقى عن النت :lol:

فجأه لاقيت نفسى زى الاطرش فى الزفه قاعده فاتحه بقى على طول ومندهشه ! ايه اللى بيفتح ويتغير ونكت وجرايد وابحاث وووووو

لاء ده انا كده هاروح فى الرجلين - بدأت اتحرك وكنت اكبر واحده مسجله فى كورس بدا للاولاد والبنات من سن اولادى

وتطورت وحصلت على icdl وبتقدير اكسلانت

وبدأت مرحله جديده فى حياتى مشرقه ومنفتحه على اللى حولى خاصه بعد ماتركت الشغل واصبحت ام وربه منزل فقط يعنى لحقت نفسى قبل ما دماغى تصدى من الاخر

مش عارفه هو جميل ان الواحد يفضفض بس ممل اوى انى اقعد اكلم نفسى كده ؟؟؟؟

هااااا يااصحابى يا اهل ياجيرانى

اين انتم؟؟

[امال العطيفى]

اختى صاحبة القلب الابيض انا هرد عليكى مش عطف منى ولا حاجة بس لان تجربتك قريبة منتجربتى مع النت كنت زى الاطرش فالزفة زى ما بتقولى واولادى كانوا رافضين وبشكل قاطع ان يكون عندى ادنى فكرة عن النت وانى اعرف حتى الجهاز بيفتحوة ازاى لكن فيوم طقت فدماغى لازم اعرف العالم دا وادخلة

وفعلا علمت نفسى بنفسى ولقيت انة عالم جميل ومسلى ومفيد واحسن من الكلام مع الصديقات فالتليفون واصبح النت اساسى بحياتى وبما انى مغتربة فانى اتواصل مع اهلى واصدقائى بمصر واصبح سهل البحث عن اى موضوع او فكرة ما ع فكرة حلو اسم موضوعك شباب وشابات الاربعينيات بس تقصدى هنا مواليد سنة 40 ولا اللىبعمر الاربعين سلامى لكى

[قلب ابيض]

اختى صاحبة القلب الابيض انا هرد عليكى مش عطف منى ولا حاجة بس لان تجربتك قريبة منتجربتى مع النت كنت زى الاطرش فالزفة زى ما بتقولى واولادى كانوا رافضين وبشكل قاطع ان يكون عندى ادنى فكرة عن النت وانى اعرف حتى الجهاز بيفتحوة ازاى لكن فيوم طقت فدماغى لازم اعرف العالم دا وادخلة

وفعلا علمت نفسى بنفسى ولقيت انة عالم جميل ومسلى ومفيد واحسن من الكلام مع الصديقات فالتليفون واصبح النت اساسى بحياتى وبما انى مغتربة فانى اتواصل مع اهلى واصدقائى بمصر واصبح سهل البحث عن اى موضوع او فكرة ما ع فكرة حلو اسم موضوعك شباب وشابات الاربعينيات بس تقصدى هنا مواليد سنة 40 ولا اللىبعمر الاربعين سلامى لكى

سعيده بمرورك يا امال

الظاهر ان الغربه هى العامل المشترك اللى بيننا

لان هى سبب فى انى اتعلمت حاجات كتير غير النت زى السواقه مثلا وحقيقى الحاجه ام الاختراع

اما بالنسبه للاربعينات فالمقصود هو من على ابواب او تخطو سن الاربعين ولكن لامانع ممن هم اكبر او اصغر "يعنى بنلعب فى مرحله عمريه واحده " وغالبا بتتشابه افكارنا واحلامنا وربما ذكرياتنا