الزمالة المصرية وصراع المصالح - الزمالة المصرية

[sasoliman]

منذ أيام و بدأنا نسمع عن صراع  من هو الاقوى بين الجامعات و وزارة الصحة بخصوص منح شهادة الزمالة المصرية وبعيدا عن فض الاشتباك بين الاختصاصات والقوانين التى يمكن تعديلها يبقى السؤال المهم أين المصلحه العامة وأين مصلحه و سمعة الطبيب المصرى فى الدول العربية

فدول الخليج الان لا تعترف بالدرجات العلمية المصرية بدءا من الماجستير و أنتهاء بالدكتوراه وتعترف بالزماله (العربيه-السعوديه-الاردنيه).

ولقد جاءت الزماله المصريه خطوة على الطريق الصحيح ولو أنها متأخره ما يزيد عن عشرون عاما لرد كرامه الطبيب المصرى المغترب والاعتراف بمستوى التدريب الحاصل عليه فى بلده و تساعده فى الحصول على حقوقه

ولحل هذا الصراع لماذا لا يتم تشكييل المجلس الطبى المصرى ويكون مسؤل عن منح هذه الشهادة والارتقاء بمستواها ومعادلتها بالشهادات الاخرى والاعتراف المتبادل لمصلحه الطبيب المصرى المغترب الذى يعانى البطاله فى بلده

[freefreer]

كلام جميل .. و موضوع هام و حيوى .. و اولا اتمنى التكرم بشرح المزيد عن زمالة الأطباء فى الخارج و الجهات التى تقوم عليها ( أظن انها تكون جمعيات ) .. ليست جامعة ولا وزارة

و النظام المقترج فى مصر ..

يا حبيبى كل واحد بيدور لنفسه على عضمة يمسك فيها :sneaky2:

[sasoliman]

الزمالة الطبية هى شهادة يحصل عليها الطبيب المتدرب بعد اتمامه فترة التدريب حسب البرنامج الموضوع وكذلك اجتيازه الامتحانات

وبذلك تضمن حصول المتدرب على مستوى جيد لاداء مهام الوظيفة

يقوم بمنح الزمالة مجلس مسؤول عن وضع برنامج التدريب و التأكد من تنفيذه واجراء الامتحانات

وتهدف هذه العملية الى التأكد من حصول المتدرب على قدر كافى من الممارسة الطبيه بالاضافه الى المعلومات الطبيه الازمة

[zigzag]

الحقيقة هي مسالة صراع ، شوف مثلا تحويل الموضوع الي رئيس الوزراء وهنا ستري صراع المصالح ، فطبعاً لن يسكت استاذة الجامعة حيث ان ذلك يهدد عروشهم ، فقد افسدوا الجامعات حيث ان كل استاذ يقوم بتوريث مقعدة في الكلية لأبنة او بنتة ، ثم يتحكم في عموم الاطباء في التخصصات حيث ان الاستاذ بواسطة التحكم في امتحانات التخصص من دبلوم ، او ماجستير يتحكم في سوق العمل ، اما الدكتوراة فلا يحصل عليها الطبيب الا بعد طلوع الروح مثلا يتم اعطاء الدكتوراة لمدرس الجامعة ( مجاملة ) بعد اول امتحان او الثاني علي الاكثر بينما يقوم الطبيب من خارج الجامعة باداء الاختبار فوق عشر مرات او اكثر ويقوم بتكلمة الدراسة يدوب قبل المعاش ليحصل علي الدكتوراة  (حيث ان سوق العمل الخاص لا يسمح بوجود عدد كبير من التخصصات من حاملي الدكتوراة من خارج الجامعة وبالتالي يتم معاملتهم كاستشاريين ) وبالتالي  يتم مساواتهم باستاذة الجامعة ، ووجود الزمالة سيجعل الاطباء من زارة الصحة يقومون بالاتجاة الي الزمالة وترك الدراسة بالجامعة وبالتالي سيزيد عدد الاستشاريين من خارج الجامعة ( هي ناقصة )

لذلك ستجد هذا الموضوع في تطور وشد وجذب وسيقاتل اساتذة الجامعة في منع وزراة الصحة من هذا الاتجاة ، او علي اقل تقدير افراغ الشهادة من محتواها وجعلها من غير مضمون

وعلي رأي الاخ فري كل واحد ماسك في عظمة

[sasoliman]

أوافق على ماتفضلت به من تحليل للوضع من الناحية الداخلية

ولكن مايهم الطبيب المغترب و خصوصا فى الدول العربية (حيث تمثل نسبة كبيرة من فرص العمل وخصوصا للاطباء الشبان والذى يصب فى النهاية فى زيادة الدخل القومى) هو الاعتراف بالشهادات و التدريب الحاصل عليه فى بلده

لان هذا يترجم الى تقييم مضبوط لقدراته و امكانياته و خبراته التى يشهد بها الجميع و لكن للاسف لا تترجم الى مقابل مادى وتقييم مضبوط لهذه الخبرات و ذلك لغياب الاعتراف المتبادل بالشهادات التى تمنحها الجامعات المصرية فى مقابل الزمالة العربية أو السعودية أو الاردنية

وطبعا ولا حد سائل ويبقى الحل المتاح والوحيد على المستوى الفردى هى محاولة الاطباء الحصول على أحدى هذه الشهادات مما يحتاج أستثمارات ومجهود مع أحتمال النجاح أو الفشل

وأعتقد أن ما قامت به وزارة الصحة هى خطوة أولى على الطريق الصحيح وتحتاج الى العديد من الخطوات لتصحيح هذا الوضع الخاطىء

[poppos]

This is interesting and very exciting new concept in Egypt. I graduated from kasr el eini in cairo in 1973.  I left Egypt in 1978 as I got fed up with the medical education and specialisation there. I am now a surgeon in England.  the medical education in Egypt is far behind many other arab country and the standard of the specialists are so poor that they are not recogised in the arab countries.  Medical education is planned and excuted by the medical schools and it has not improved over the years.  there must be an input from the misistry of health and from the specialist societies...like the egyptian society for surgeons, orthopaedics ,extra extra.  There must be a set standard that is designed to produce competent specialists and a set training program.  Untill this is thought over , planned and excuted with continous monitoring and continous updates there will be no improvent for several years.  The medica schools should only plan and excute the academic degrees, MBcHB, MS AND MD.  The speciality degree , fellowship should be designed, planned and programmed by the speciality society concerned.  They in turn should liase with the medical schools and the ministry of health.

Here in England there is the medical schools and their own academic degrees, the royal college of surggeons who design the fellowship exams and the training program which is carried out in the general hospitals.  There is also the general medical council who is responsible for the registration, licencing to practice and for disecipline againist those who go ouside the code of practice and incompetence issues.  The British medical association is cocerned with the rights of the doctors,working hours, pay and emplyment issues.  the asscociation of surgeons take an educational role and so on.  So, please enough is enough of the useless infighting and think for the sake of the patients and the health care they deserve..

Dr.REDA SALEM. MBchB,FRCS,MD.

[Seafood]

More important than who should take over for granting the fellowship, is the way the exam should be conducted

Here in the states, In all the medical specialities and the sub-specialities there is a board that regulate the             requirement to sit for the exam, regarding the training level and the period of training.That particular board is responsible for conducting the exam in it's two forms the written and the oral exam. I will talk about the oral exam in particular,as it will show you how is the difference etween obur system and theirs

First , Before the time of the exam,each examiner is submitted a list of the examinee ,and the reason for that is, in case the examiner knows that student whether pesonally or academically, that examiner is not allowed to examine him and he should take him out of that list

Second , The day of the exam , if the student himself  knows the examiner and he thinks that he might act against him, he has the right to request not to be examined by him.

Third , The exam is usually conducted in a hotel ( regular hotel room) , in that room there will be two examiners , a senior  and a junior one, one asks questions for a certain time and the other listen without interfering,then the othe examiner does the same thing.

Forth , both of them dont know anything about you other than your name , they dont know where you came from and which medical school you went to or which hospital you had your training in

Fifth, Randomly they would select certain rooms and put a third examiner in that room to monitor the exam and the examiners regarding the fairness of the questions.

Sixth, the examiners are instructed by the board not to show the examinee any impression regarding their answers, and their judgement should not be based on how they talk ,or their accent if they are foreigners or the way they dress as long as it's within the acceptable norms

These rules give a great deal of credit to these fellowships because everyone knows that you will pass when and only when you deserve it, not because you are a relative of so and so. That's why the egyptian MD degree lost it's credit in the arab world ( everyone knows how the oral and the written exam are conducted in egypt, and i'm sure everyone has his/her own story about how he was mistreated in the exams specially the oral one )....... They prefer the american board or the british fellowship. I cant blame them , though there are certain doctors who got their degrees in egypt and they might be better than those who had it in USA or UK but because of the unfair exam system that we have in egypt they are mistreated

.

mor klnlncwn ewclbnlwwc lnbklnl lknklnkln lkcnlnklnkl lknlkn                lklnklnknknkln;;

[Dr.mmfriend]

انا احب اؤيد موضوع الزماله المصريه دي

والاسباب كتير

اولها واهمها ان التكليف بتاع الاطباء اتلغي بدأ من خريجي دفعه 2004

يعني طلبة سنه 5 طب دلوقتي الحكومه مش ملزمه بتعيينهم ولكن حيكون نظلم مسابقات

بمعني اخر وسطات ورشاوى

يبقي الحل البديل خدلك زماله في مستشفي نضيف

كمان مرتبات الاطباء والكادر الخاص طلع كدبه كبيره والقرار كل الهدف منه توقيع الناس في بعض

يعني ايه الوحده اللي فيها 3 دكاتره 2 ياخدوا حوافز والتالت لا

المستشفي عدد معين برضه اللي ياخد حوافز وكده

برضه اللي حياخد اصحاب الواسطات وحبايب المدير

مصر كلها اتباعت ودلوقتي الدكاتره كمان بيتباعوا

ومش عاوز اتكلم بقي عن قرار المنشأت الخاصه الجديد

لنا الله بقي

يبقي الحل كويس في الزماله

شغل لمدة 3 سنين

وحوافز 250 %

مش مهم بقي تنجح فيها ولا لأ

شكرا :unsure:

[tarek_almeghallawy]

انا احب اؤيد موضوع الزماله المصريه دي

والاسباب كتير

اولها واهمها ان التكليف بتاع الاطباء اتلغي بدأ من خريجي دفعه 2004

يعني طلبة سنه 5 طب دلوقتي الحكومه مش ملزمه بتعيينهم ولكن حيكون نظلم مسابقات

بمعني اخر وسطات ورشاوى

يبقي الحل البديل خدلك زماله في مستشفي نضيف

كمان مرتبات الاطباء والكادر الخاص طلع كدبه كبيره والقرار كل الهدف منه توقيع الناس في بعض

يعني ايه الوحده اللي فيها 3 دكاتره 2 ياخدوا حوافز والتالت لا

المستشفي عدد معين برضه اللي ياخد حوافز وكده

برضه اللي حياخد اصحاب الواسطات وحبايب المدير

مصر كلها اتباعت ودلوقتي الدكاتره كمان بيتباعوا

ومش عاوز اتكلم بقي عن قرار المنشأت الخاصه الجديد

لنا الله بقي

يبقي الحل كويس في الزماله

شغل لمدة 3 سنين

وحوافز 250 %

مش مهم بقي تنجح فيها ولا لأ

شكرا :lol:

وقعت قلبي يا دكتور

يعني الرواتب مش هاتزيد بجد

وأنا فكرت إني أرجع أعيش على الراتب الميري

مش فاهم يعني إيه عدد معين ياخدوا حوافز والباقي لأ

على أي أساس ها يتم التمييز

دي ها تبقى كارثة على علاقات الطاقم الطبي ببعضه

وطبيعي ينعكس على الخدمة الطبية المقدمة للغلابة

معقول يكون ده التفكير

نورني الله يخليك

تم تعديل 20 أبريل 2006 بواسطة tarek_almeghallawy

[Dr.mmfriend]

سلامة قلبك يا دكتور

خدلك قرصين داينيترا 5 وانت تبقي تمام

بس متبلعهمش تحت اللسان بس :huh:

احب اقول لسيادتك انه اخر اجتماع للنقابه العامة للاطباء كان يوم 31 مارس وده حصل فيه خناقه كبيره جدا (مشادات يعني)

وناس كتير طالبت بحل المجلس وكده

وكلهم اجمعوا ان الوزير ضحك علينا وبيستعبطنا

عموما انا مفيش تحت ايدي نسخه من القرار انا قرأته ورجعته لصاحبه

بس لو عاوز ابعت لسيادتك نسخه تتسلي بيها :o

وبعدين تفك غلك فيها شويه

تقطعها تحرقها انت حر

اساس بقي المفاضله حيكون مين الاقدم ؟ مين ماخدش جزاءات ؟ حاجات زي كده

والاساس طبعا تقييم سيادة المدير للأداء بتاعه :) وركز علي دي

وانا احب اطمنك دي حتبقي زي مانت قلت كارثه علي العلاقات الطبيه (بتفكر كويس)

وعموما متقلقش علي الغلابه لان كده اوكده مستوى الخدمه زباله mfb:

قلتلي بقي انك عاوز ترجع تعيش بالمرتب الميرى

ممكن اوى طبعا بس في حاله واحده

تجيب قرشين من بره تفتح بيهم مشروع تعيش منه

وتخلي راتب الحكومه للعمولات والتسليكات (لو كان يكفي)

والسلام ختام

د.أحمد :closedeyes:

اه نسيت اقولك

ابقي اعمل رسم قلب واشعة ايكو وهاتهم وتعالي العياده

علشان قلبك ميقعش تاني

:D

[بنت شعنونة]

مين ضحك عليكو؟

انا قعدت في الزمالة 6 شهور وعاوزة اقولكم ان الحوافز ال 250% دي ما اتصرفتش للدفع اللي من سنتين فاتوا وعشان تاخدها بتقدم طلب ومووووووت يا حمار

وموضوع انك تنقل من مكان ل مكان لو مش عاجبك بيحصل في اول اسبوع بسسسسسس وبعد كدا اشرب من البحر وهات ورق وودي ورق وموافقة كل الأطراف و فيلم

ولو حبيت تسيب الزمالة بتدفع فلوس؟؟؟؟؟

مش عارفا ليه بس

يعني من الأخر

بمببببببببببببة كبيرة جدااااااااااااااااااااااا

اهربوا

[Dr.mmfriend]

د. شعنونه :blush:

حضرتك اكيد في مستشفي المطريه صح؟

انا سمعت فعلا انهم مش بيقبضوا حوافز الزماله

بس قالولي فيه مستشفيات تانيه بياخدوها

حسب الميزانيه تقريبا

صحيح الكلام ده ولا كله مش بياخد؟

طيب لو انا عاوز اروح مستشفي معينه حعرف اروح فيها ولا صعب؟

ولو ودوني غيرها سهل انقل؟

انا كنت بفكر اخد زمالة طوارىء او طب اسره

شكرا

[بنت شعنونة]

لا

انا في مستشفى عبد الناصر

وزمايلي اللي معايا في احمد ماهر و معهد ناصر و المطرية و الساحل الخ الخ

كللللللللللللله ما حدش قبض حاجا من سنتين فاتوا بالتمام و الكمال

ومن يجي 7 شهور نزلوا اعلان ( لو كنت مشترك في الزمالة اكيد يكون عدا عليك) انه الناس دفعة من سنتين يجوا يقدموا طلب عشان ياخدوا مستحقاتهم

بالنسبة للنقل احكيلك تجربتي وتجربة زميلي اللي معايا وزميلتي

اول اسبوع انا استلمت وزميلتي استلمت في مستشفى اسمها جيهان

بس للنكتة ما فيش قسم طواريء اصلا في مستشفى شرق المدينة دي

فقعدت البنت يجي اسبووووووع و زيادة على ما عرفت تنقل بس كان نقل سهل عموما

زميلي اللي كان معايا

اول ما استلم رفض مستشفى عبدالناصر وراح احمد ماهر

قعد هناك يومين بالعدد وبعدين لقى الحال زفت و زمايلنا في الأشعة اللي قبلنا قالوله انفد بجلدك راح طلب انه يرجع مكانه تاني ورجع مافيش في يوم واحد

سريع سريع

انا بقى

بعد الزمالة ب يجي 8 شهور قررت انقل من اسكندرية لمصر

روحي هاتي موافقة من المستشفى بتاعتك

وموافقة المستشفى اللي انتي عاوزة تروحيها وهاتي الورق واحنا نقرر

ولالالالالالالا مستشفى في القاهرة عندها استعداد تقبل اي عدد اضافي

دا مستشفى العجوزة مشى الناس اللي عنده في الزمالة عشان مش عاوز عدد

صباح العك يعني

طب اسرة لا شغلة ولا مشغلة

بس كلمة في سرك وخدها ضمان مني

ها يبقالك مستقبل كبيييييييييييييييييييييييييييير موت برا مصر خصوصا لو دعمتها بشهادة تانية غير الزمالة معاها وها تاخد فلوس كويسة برا مصر

وجوا كمان

الطواريء بقى فحت

كله طلعان عينه نبطشيات وقرف وبيشغلوكوا في ايييييييييييييييييي مكان مش ضروري يكون طواريء

نصيحتي بقى

لازم تسال على المستشفى قبل ما تروح

انا حظي كان رائع مستشفى عبد الناصر علموني اشعة فعلا وكانوا ناس محترمة اوي

وكان فيه ضغط شغل و مافيش بشر يساعدوهم ف دا زود احتياجهم لينا

بس دلوقتي اتملت وبقوا مش عارفين يخلصوا من الزمالة ازاي اصلا!!!

وربنا يوفقك

[Dr.mmfriend]

د.شعنونه

انا وقعت من السما وانتي لقيتيني :angry2:

اسمعي بقي موضوعي بالتفصيل

انا احمد خريج دفعة نوفمبر 2004

طب المنوفيه تقدير جيد جدا

وانا من شبين الكوم

لحد دلوقتي لسه مش استلمت العمل في اى مكان

الوحدات عندنا مليانه والمستشفيات مفيهاش فلوس

انا عاوز اشتغل جراحه وناوى اخد MRCS

المهم واحد زميلي قالي يله نقدم طوارىء

اشمعني طوارىء !!!

لان طبعا زي ما حضرتك عارفه ده الفرع اللي مش محتاج قضاء فتره في التكليف

حلو؟

واهو عموما احسن من التكليف في اى وحده

يعني مستشفي كبير وكنا عاملين حسابنا علي الحوافز

ثواني لما اشغل محمد منير.. :wub: .

المهم

رحت سالت في مستشفي المطريه لقيت واحد زمالة طوارىء قاعد في ركن كده ملوش لازمه وقالولي متجيش احسن لا فيه فلوس ولا حتتعلم

زمايلي بقي راحوا مستشفي عبد الناصر بتاعة اسكندريه دي

رجعوا قالولي دي جنه

مستشفي كبير وعلي البحر مباشرة في ميامي :wub:

وبعدين قالوا انهم قابلوا المدير والراجل رحب جدا وقالهم تعالوا واشتغلوا في القسم اللي انتوا عاوزينه

وكمان قالوا ان المستشفي دي مفيهاش نواب والشغل كتير جدا يعني اللي عاوز يتعلم حيتعلم

انا قدمت فعلا في زمالة الطوارىء دي

وبعدين للاسف الشديد سحبت الورق بتاعي تاني قبل اما يسجلوه

قلت استني اعلان النيابات الجاي يمكن الاقي حاجه احسن من الطوارىء

طبعا الاعلان لسه منزلش لسه

انا كنت ناوى فعلا اقدم في مستشفي عبد الناصر دي

اشتغل جراحه لحد اما اتعلم واحضر الزماله واخلع...(بس سر)

دلوقتي بقي ايه الوضع

انا بقيت محتار ومش عارف حاجه

:ph34r:

يا ريت لو تنوريني حضرتك

وكله بثوابه وهنيالك يا فاعل الخير والثواب

وربنا يجعله في ميزان حسناتك

ووووووووووو

يا ريت لو بتستخدمي المسينجر ضيفي اميلي عندك

mmfriend@hotmail.com

الف الف شكر

[بنت شعنونة]

بص يا د. احمد

انا بس ما فهمتش

انت خدت تكليفك والا لسا؟؟

لأن انت بتتعين تبع المديرية بتاعتك

يعني مثلا

انا كنت تكليف في مطروح وقدمت الزمالة ف كان لازم موافقة المديرية اللي انا تبعها او الورق يترفض!!

وبعدين لما ب تتقبل في الزمالة بتبقى على درجة المديرية بتاعتك

موضوع تخلع دا صعب على فكرة

لآنك بعد ما بتخلص الزمالة لازم تخدم قد الفترة بتاعت الزمالة في المديرية اللي انت تبعها

احنا بنمضي على ورقة فيها الكلام دا

يعني مثلا

انا كنت اقبض مرتبي فقققققققققققققط بتاع مطروح ودا كان بعد ما مستشفى عبد الناصر تبعت ورقة " انت لازم تقعد تعمل الورق دا كل شهر اوتوماتيك" تقول اني حضرتك عدد كذا من الأيام وانا ملتزمة تقوم المديرية تبعتلك مرتبك

واخد بالك؟ المرتب بسسسسسسس

مافيش حوافز ولا يحزنون

وعلى فكرة انت بتشتغل نبطشي زيك زي غيرك بدون اجر

انما غيرك بفلوس

عشان انت زمالة!!

برضه انت بتمضي على الورق ع الكلام دا...

بعد ما انا اخلص الزمالة اروح اشتغل في مطروح مدة 4 سنين

بعد كدا اخلع بقى

دا الشرط الرئيسي

موضوع الخلع منه يقال والله اعلم انه بيتسوى بالفلوس

بس لجل الحق كل اللي شفتهم لبسوا درجة في مديرياتهم ولا عرفوا يعملوا حاجا <_<

مستشفى ميامي دي هيا مستشفى شرق المدينة او اسمها جيهان

انما عبد الناصر دي في حتة تانية خالص

كويس انها لسا فيها اماكن وممكن تتعلم

بس زي ما فهمتك بالنسبة للفلوس

والعلام

مادام شفت ناس ب عينك هناك يبقى تمام

بس نصيحة

ما تسمعش من مدير

اسمع من حد زيك زيه

كذااااااااااااا حد كمان عشان ما ترجعش تندم

ولو تقدر تحضر غباء كدا يومين تلاتا احسن واحسن عشان تحكم بنفسك..

وربنا يوفقك..

سؤال ع الماشي

هوا التكليف اتلغى رسمي والا ايه؟؟

يعني الدفعات دلوقتي ايه نظامها

وانت دفعتك تكليفها كان شغال والا ملغى؟

[Dr.mmfriend]

دشعنونه

اولا الف شكر علي الرد والاهتمام

ثانيا : انا استلمت العمل من شهر مارس تبع مديريه شبين الكوم وكله تمام

والورق ممضي ومختوم منهم معايا في الدرج اهوه انا قلتلك مره اني قدمت وبعدين سحبت الورق معايا

مفيش مشاكل هنا والحمد لله

وبعدين الموظفه المسئوله عن الزماله هنا معرفه يعني وكله تمام

المهم بقي

انا عرفت ان التسجيل مفتوح لحد اول مايو الجاي وان شاء الله رايح يوم الاربع اقدم ورقي في مقر الزماله في القاهره

ناوى ان شاء الله اروح مستشفي عبد الناصر دي

بس المشكله بقي لو زوعوني في اى حته تانيه في القاهره مثلا هعرف اروح اسكندريه

انا اخترتها بالذات لان بيقولوا عدد النواب قليل وحناخد راحتنا

انما لو علي القاهره انا افضل هنا احسن اروح اى وحده صحيه واقبض مبلغ محترم واتجوز واقعد في البيت

احنا دلوقتي بقينا في الوقت الحرج

من هنا ليوم الاربع اللي هو بعد بكره لازم اقرر

السؤال المهم جدا جدا بقي

لو انا سجلت زماله مصريه وبعدين نزل اعلان النيابات الاستثنائيه من حقي اقدم فيه ولا لأ؟

دي تبقي مشكله لان انا مستني النيابات دي بشده

وبالنسبه لفرص العمل في المستشفيات الخاصه في الاسكندريه؟

فهي ولا مفيش؟

حنعرف نعيش يعني ولا نرجع تاني ناخد مصروف؟

لاحظى ان حيبقي فيه ايجار شقه واكل ومصاريف بقي بالهبل

وبعدين معني كلامك ان اصحابي راحوا مستشفي جيهان دي مش عبد الناصر

امال ايه مستشفي كرموز؟

طيب والاقبال جامد علي المستشفيات دي ولا لأ؟

حالات تامين صحي وبس؟

انا عارف ان انا متقل علي حضرتك

بس استحمليني الكام يوم دول

ايه بقي موضوع نبطشيا زيك زى غيرك بس غيرك بفلوس علشان انت زماله :wub:

هو زماله مصريه دي بالميم ولا بالباء؟ :wub:

بالنسبه للخلع اعرف انه طالما الواحد مش بياخدحوافز الزماله عادى انه يخلع منها

وبعدين لما ارجع اشتغل في المديريه حبقي اخضائي طوارىء

صحيح اى كلام

بس اهو اخصائي يعني مرتب اعلي من التكليف

بامناسبه حضراك طب اسره صح؟

لو تعرفي حد زماله طوارىء ياريت تديني رقمه وانا اكلمه

الموضوع ضرورى ضرورى

وربنا يباركلنا في حضرتك

مين عارف يمكن نتقابل في مستشفي عبد الناصر

بالنسبه للتكليف انا دفعتي تكليفها شغال

واللي بعدنا واللي بعدهم كمان

بعد كده بقي نظام مسابقات وتعاقات وكده

ربنا يستر عليهم

ده اللي سمعناه في المديريه

المهم علشان نختصر بقي

1- ممكن اقدم في النيابات وانا مسجل في الزماله ولا لأ؟

2- المستشفي دي حتسيبي اشتغل براحتي في قسم الجراحه ولا الاقي نفسي مجبر اقعد طول عمرى في الاستقبال؟

3- فيه عددنواب كبير حيبقي فيه تنافس وكده ولا لأ؟

4- فيه شغل في المستشفيات الخاصه ولا لأ؟

شكرا جزيلا

[Dr.mmfriend]

يا دكتوره فين الرد

انا منتظر

بليزززززززززززززززز

:wub:

[بنت شعنونة]

انا جيت اهو :sad:

النيابة ايوا

ممكن تقدم انما مش ها تستلمها الا لما تسيب الزمالة

المهم انك ما تكتبش في الورق انك في الزمالة عشان يكملوا ورقك وما يتحججوش...

الدرسات واي حاجا حكومية ب تتوقف ليك طالما انت على قيد الزمالة زي ما ها تمضي على الورق اللي بيقول كدا...

مستشفى عبد الناصر

وركززززززززز معايا انا بتكلم على عبد الناصر

فيها سكن للأطباء زمايلي بتوع الزمالة ساكنين فيها بس مش عارفا الدفع الجديدة ادوهم سكن والا لا عشان كان فيه ازمة سراير ممكن تسال هناك..

هناك ها تتقرف طواريء بس ها تدخل عمليات كمان انما عشان تشتغل ب ايدك عمليات لازم تدي كام كتف على كام خناقة وانت ورزقك

يعني بادراع

بس ها تدخل العمليات ما تقلقش..

المستشفى عليها ضغط شديد

ولو رحت للمدير قلتله عاوز اشيل نبطشيات جراحة كمان ها ياخدك بالحضن بس ابقى قابلني لو حبيت تخلع منها

ليا زميلة هناك طواريء كانت لا شغلة ولا مشغلة ورطت نفسها وقالت عاوزة نبطشيات باطنة بتضرب نفسها ميييييييييييت بتاع دلوقتي

لو رحت هناك ها تعرفها لوحدك :huh:

قبل ما امشي العدد كان بسيط

لكن اخر مرة رحت العدد عندي في الأشعة كان حوالي 10 بس؟؟؟؟؟؟؟؟ ف مش عارفا الطواريء بقت ايه

على فكرة 10 دا كتييييييييييير جدا على الأشعة عندي

بس 10 في الطواريء معقول...عشان الشغل كتييييييييير

شغل برايفت فيه

بس بشرط لو ايدك حلوة و عجبت الدكاترة هما نفسهم ها يظبطوك شغل برايفت ف ما تقلقش انتوا بتفوتوا في الحديد...

مستشفى شرق المدينة ما اعرفش العدد فيها ايه

كرموز دي زحمممممممممممة جدااااااااااااااااااااااااااا بس ما اعرفش العلام فيها ايه

بس معفنة ك مستشفى ومباني يعني..!!

على فكرة

اشتغلت نبطشية واحدا

اشتغلت 8975897349857 نبطشية ها تقبض مرتبك وبسسسسسسسسسسسسسسسسسس

ولو ربنا كرمك او ها تبقض الحوافز فقط لا غير....

[Dr.mmfriend]

اخر حاجه وبعد كده مش سائل تاني

معلهش انا رخم

ركزى معايا

دلوقتي اخر ميعاد للتقدم لزمالة الطوارىء يوم 1 - 5

والنيابات الاستثنائيه نازله تقريبا اول 6

دلوقت لو انا قدمت الزماله وجاتلي نيابه حلوه انا عادى اسيب الزماله خالص واروح النيابه

فيها مشاكل دي؟

ولا حيقولوا لو سبت الزماله متروحش نيابه؟

كمان تفرق لو مستلمتش اصلا عن لو استلمت وبعدين خلعت؟

وبعدين افهم من كلام حضرتك انهم بيفرقوا بين نبطشيات الجراحه وعملياتها

يعني اشيل نبطشيات زى اما انا عاوز بس العمليات وضع تاني

كده تمام

لو كان كده مش حلو

انا سايب هنا علشان موضوع الكام كتف دول

وانا بصراحه مبعرفش ارخم علي حد

الف شكر يا دكتوره

[بنت شعنونة]

ولا يهمك

اسأل استشير :huh:

بص يا سيدي

لو استلمت الزمالة واعتذرت ان شاالله بعدها بيوم واحد يطبق عليك الكلام اللي انت بتمضي عليه في الورق لما تستلم الزمالة انك ما تقدرش تقدم ماجستير او دكتوراه او اي دراسات الا بعد مرور سنتين

لكن ممكن لو من تحت الترابيزة عرفت تتصرف الموضوع يمشي

انت ها تقد في الزمالة 1-5

تمام

ها يردوا عليك بعدها بيجي شهر تقريبا او يمكن اكتر

تكون انت قدمت في النيابة ولا من شاف ولا من دري

وما تجيبش سيرة الزمالة على اعتبار انك لسا ما عرفتش انت اتقبلت والا لا

انا عملت كدا

قدمت الزمالة و النيابة وبعدييييييييييين ظهرت نتيجة الزمالة اني اتقبلت فيها و مشيت نيابتي عادي جدا وهيا مستنياني دلوقتي..

موضوع النبطشيات دا اه

اضمنلك تاخد نبطشيات على كيف كيفك

لآنها مجاااااااااااااانا يعني انت بتعمل خدمة وهما مش ها يدفعوا مليم يبقى يعترضوا ليه

موضوع العمليات دا كنت بشوف زمايلنا في الطواري و الجراحة مخنوقين من النواب الأساسين و الدكاترة وان الموضوع كله كتاف دا اللي سمعته منهم والله اعلم لأني عمري ما دخلت العمليات انا كنت في الأشعة..

موضوع انك تسيب الزمالة عشان النيابة لالالالالالالالالالازم تسال عنه في الزمالة

لو تحب ممكن اديك نمرة تلفونهم

فيه هناك دكتورة اسمها رشا

دي اللي ماسكا كللللللللل حاجا وهيا اللي بتتصرفلك في اي مصيبة

بس هيا بغزالة

يعني حاول تكون بشوش معاها ومش غلس وهيا تعرفك راسك من رجليك

هيا الوحيدة اللي فاهما يعني ايه زمالة فعلا وبتقولك على اللي ها يحصل زي ما هوا

اي حد تاني

بيفتيييييييييييييييييييي

صدقني

وربنا معاك :o