هام جدا بالنسبة للاستقدام

[ابن القاهرة]

هل ينفع لما اروح مكتب الاستقدام واقدم شهادتي الدراسية هل يطلبوا انها تكون موثقة ولا ايه ارجو الرد للناس الا عملت استقدام وهل ينفع اقدمها متوثقة من الجامعة والخارجية المصرية فقط ارجو الرد لان

[redwany]

يا اخى خد كلامى ثقه انا عملت استقدام وما تلفش وتدور

مايتفعشى لازم تكون موثقه من الملحق الثقافى

وكونى بعت ليك رقم مكتب بس انا ما اعرفشى المكتب ولا باتاجر بيك

انت حر

[scorpionkotkot]

ويا ترى فين الملحق الثقافي ده ؟.......انا ايه الورق اللي محتاجه علشان استقدام الزوجة والاولاد مش عاوزهم يدوخوا عاوز اخلص الاوراق قبل ما اسافر اصلا

[essamlotfy]

السلام عليكم ورحمة الله وبركاته

الاوراق المطلوبة هي كالاتي :

1- أصل شهادة المؤهل موثقة من الجامعة + الخارجية المصرية + القنصلية السعودبة بالقاهرة + صورة

2- أصل وثيقة الزواج موثقة من محكمة الاسرة في مجمع التحرير +مجمع النيابات في مصر الجديدة + الخارجية المصرية + القنصلية السعودبة بالقاهرة + صورة

3 - صور جوازات الزوجة والاولاد

4 - صور شهادات الميلاد للأولاد عشان يعرفوا ان ان الام هي هي الزوجة مش أم تانية

5 - أصل وصورة اقامتك ان شاء الله في السعودية

6 - صورة من جوازك مختومة من الكفيل ولو الاصل يبقي أحسن

7 - خطاب تعريف من الكفيل موثق من الغرفة التجارية بالسعودية

8 - نموذج ببيانات الاولاد والزوجة بتملاه وتختمه من الكفيل (وده بتجيبه من مكتب الاستقدام في السعودية أو هتلاقيه عند الكفيل)

9 - سدا مبلغ 2000 ريال في بنك الرياض (لان هنا الوهاملات الحكومية ورسومها بتسددها في بنك الرياض)

طبعا لما تبعت التاشيرة ان شاء الله هايكون مطلوب الاتي

1- انت بتبعت لهم صورة التاشيرة وهما بيروحوا القنصلية (مكتب فهد نت بجوار القنصلية لان القنصلية لا تتعامل مع افراد) بيسجلوا التاشيرة

2- شهادة شلل الاطفال لأي طفل من سن يوم لحد 15 سنة من مكتب صحة المنيل - شارع المنيل (تدفع رسوم 25 جنيه وبيطعموا الطفل وبتاخد شهادة)

3- كشف طبي للزوجة في مركز جامكا بجوار القنصلية

4- تحليل فيروس (دم) في معامل وزارة الصحة في شارع الشيخ ريحان خلف الجامعة الامريكية - التحرير

5 - تقديم النتائج والجوازات لمكتب فهد نت وان شاء الله ياخدوا التاشيرات بعد حوالي اسبوع

وربنا ييسرك الحال

[mishoshow]

يا اخى خد كلامى ثقه انا عملت استقدام وما تلفش وتدور

مايتفعشى لازم تكون موثقه من الملحق الثقافى

وكونى بعت ليك رقم مكتب بس انا ما اعرفشى المكتب ولا باتاجر بيك

انت حر

اانت فعلا كلامك للاخ اللي كان بيسال ممكن تديني رقم المكتب لو سمحت هديله الشهادة وهو يعمل كدة حاجة بقة وشكرا

[saleh hasan]

السلام عليكم

كان ليا استفسار بخصوص الاستقدام

انا شغلي في منطقة حائل

عاوز اعرف الاستقدام لازم يتم من الرياض بس ولا ممكن من جده

شكرا جزيلا

[ابوعاصم]

السلام عليكم

كان ليا استفسار بخصوص الاستقدام

انا شغلي في منطقة حائل

عاوز اعرف الاستقدام لازم يتم من الرياض بس ولا ممكن من جده

شكرا جزيلا

[ابوعاصم]

السلام عليكم

كان ليا استفسار بخصوص الاستقدام

انا شغلي في منطقة حائل

عاوز اعرف الاستقدام لازم يتم من الرياض بس ولا ممكن من جده

شكرا جزيلا

معلش اخي الكريم انا هسألك سؤال بعيد عن موضوعك ممكن تتديني معلومات عن منطقة حائل عشان انشاء الله هسافر اليها للعمل بعد العيد الاضحي والمؤمن لأخوه المؤمن :D وجزاك الله خيرا

[saleh hasan]

اخى الكريم /

حائل مدينة هادئة جدا و تلقب بـ عروس الشمال

, هل ستاتى على حائل نفسها ام فى قرية من قراها ان كنت فى حائل نفسها فهى مكان جميل و الاسعار هنا زى كل السعودية واحدة بس تفرق انها ارخص كتير من الرياض و جده فى اسعار السكن بس مش اوى يعنى دلوقتى ابتدت تغلى بس , الجو هنا جاف جدا مفيش رطوبة و كتير بيقلب فجاة شوية صيف وشوية شتا و فى مطر كتير ساعات هات معاك شتوى كويس اوى اوى وربنا يسهلك الحال ان شاء الله

[mustafa]

عندى سؤال بخصوص الاستقدام هل يشترط مرور سنة فى البلد للسماح على الاستقدام عايز اكتب الكتاب قبل ماسافر وابعتلها تيجى بعد ماوصل بشهرين او تلاتة ارجو الرد

[OmarBak]

مفيش حاجة اسمها مرور سنة

ورقك يكون سليم ولو يوم واحد عادي