خريطة المنتدي

[احمد عبده]

[وسط][/وسط]بسم الله الرحمن الرحيم

لو لسة جديد علي المنتدي وبدأت تفكر في الهجرة لكندا

فألف مبروك انت كده مشيت خطوتين مهمين جدا في حياتك

اول خطوة هي ان كندا احسن اختيار للهجرة

1- الهجرة ليها اسهل نسبيا

2- علي رأس افضل الدول للمعيشة لسنوات كتير ( الامم المتحدة بتطلع التقرير ده)

3-جالية اسلامية كبيرة وفعالة جدا

4- حرية كبيرة وديموقراطية عدم تمييز عنصري ( باستثناء كيبك الي حد ما وهي مقاطعة فرنساوي لها زي حكم ذاتي بيخلي ليها اجراءات تانية للهجرة ( سيبك منها الا اذا كنت بره اللستة اللي هانتكلم عنها دلوقت))

5- تعتبر صاحبة افضل نظام تعليمي وصحي

6- بتاخد فيزا 5 سنين بتجدد لو قعدت فيهم اكتر من سنتين وبتاخد جنسية بعد 3

7- الجنسية دي بتديلك مميزات كتير تقدر تسافر اي بلد - ليك احترامك في اي حتة ( احترام وتقدير مش زي الامريكاني بتدي خوف مع كره)

كمان بتعلي اسهمك بشدة في الخليج وللاسف في بلدك كمان

تاني خطوة هي ان المنتدي هنا هو احسن مكان بيتكلم عن الهجرة لكندا احسن من موقع الهجرة شخصيا

ندخل في المهم

الاول شوف شغلتك موجودة هنا ولا لا

0111 Financial Managers

0213 Computer and Information Systems Managers

0311 Managers in Health Care

0631 Restaurant and Food Service Managers

0632 Accommodation Service Managers

0711 Construction Managers

1111 Financial Auditors and Accountants

2113 Geologists, Geochemists and Geophysicists

2143 Mining Engineers

2144 Geological Engineers

2145 Petroleum Engineers

3111 Specialist Physicians

3112 General Practitioners and Family Physicians

3141 Audiologists and Speech Language Pathologists

3143 Occupational Therapists

3142 Physiotherapists

3151 Head Nurses and Supervisors

3152 Registered Nurses

3215 Medical Radiation Technologists

3233 Licensed Practical Nurses

4121 University Professors

4131 College and Other Vocational Instructors

6241 Chefs

6242 Cooks

7213 Contractors and Supervisors, Pipefitting Trades

7215 Contractors and Supervisors, Carpentry Trades

7217 Contractors and Supervisors, Heavy Construction Equipment Crews

7241 Electricians (Except Industrial and Power System)

7242 Industrial Electricians

7251 Plumbers

7252 Steamfitters, Pipefitters and Sprinkler System Installers

7265 Welders and Related Machine Operators

7312 Heavy-Duty Equipment Mechanics

7371 Crane Operators

7372 Drillers and Blasters – Surface Mining, Quarrying and Construction

8221 Supervisors, Mining and Quarrying

8222 Supervisors, Oil and Gas Drilling and Service

9212 Supervisors, Petroleum, Gas and Chemical Processing and Utilities

الموضوع اهو اللستة القاسية للدكتور قناوي السكرة ( عارف ان القافية مش ماشية بس مش عارف اظبطها :rolleyes:

لو شغلتك هنا يبقي انت تقدر تقدم فيدرال وتسافر في غضون ( حلوة غضون دي ) من 6 شهور لسنة طبعا مع مراعاة موضوع النقط وده هنتكلم عليه كمان شوية

لو لأ فيبقي الحل في كيبك بس الحق بسرعة قبل شهر 7 لأنهم هينزلوا لستة هما كمان وفي كيبك لك الحرية انك تكمل في كيبك او ترجع لأي حتة في كندا (بيقولوا عليها كندا فيدرال) ودي اهم المواضيع عن كيبك

كل شئ عن كيبك

المونتيريالية لآينيشتين

موضوع عن المقابلة

وهنا بقي ينزل اللي رايح كيبك واللي رايح باقي كندا يفضل قاعد

نظام النقط تقدر تحبسه من هنا الموقع الرسمي للهجرة

لو اكتر من 67 نقطة يبقي تقدر تسافر

اهم المواضيع اللي هتحتاجها

كل ما تريد معرفته عن (كندا), بنك المعلومات

دكتور الشامي وهو استشاري اشعة شغال في السعودية وهاجر بيحكي عن كندا (اخلاق اوي ذوق اوي وخدوم اوي وظريف اويييييييييييييييييييييييييي)

الدكتور التهامي دكتور كان بيشتغل علي بريمة بترول في السعودية وبيحكي عن ( كندا التي رأها) ( دماغه عالية اوي ونضيفة اوي ودمه زي العسل)

دكتور هشام ابراهيم دكتور تخدير في جامعة القاهرة هاجر علي fellowship في كندا ومن كام يوم بقي نايب و بيحكي قصته مع كندا وخصوصا الجزء الطبي ( موضوع اكتر من مهم لأي دكتور و الراجل ايه ده محترم اوي بزيادة يعني)

للصيادلة

واخيرا دكتور قناوي وله3 مواضيع في منتهي الجمال وعلي فكرة هو لسة ما سافرش لكن بقي موسوعة في اجراءات الهجرة اكتر من السفير نفسه و اكتر واحد هنا خدوم ربنا يبارك له

اللي عنده اي سؤال

ده قصته هو نفسه

ازاي تملا الورق بتاع الهجرة لو خلاص نويت

اسألكم الدعاء :)

[KOT KOT]

[great effort................ mashkourr]]

[newcomer]

اسألكم الدعاء :)

ربنا يجازيك خير يا استاذ احمد

[احمد عبده]

great effort................ mashkourr]]

ربنا يخليك ده من ذوقك

إقتباس(احمد عبده @ Jan 6 2009, 03:48 AM)

اسألكم الدعاء

ربنا يجازيك خير يا استاذ احمد

ايوه الله يكرمك ادعيلي كتير علشان عندي امتحان نسا يوم السبت

[newcomer]

ايوه الله يكرمك ادعيلي كتير علشان عندي امتحان نسا يوم السبت

يارب يكتب لك الخير يا دكتور

و يجعلك سبب فى تخفيف الام الناس

[Torontotruk]

مشكور..والله ما جصرت.

[kaplan]

ربنا يباركلك

الف شكر

[znaty]

WELL ORGANIZED BRAIN

[qenawy]

شكرا يا صديقي علي الاطراء

ومجهود لطيف ومباشر

[احمد عبده]

Torontotruk مشاركة بتاريخ اليوم, 04:17 AM

مشكور..والله ما جصرت.

ا/تورنتو عندنا يا مرحبا يا مرحبا

كنت متوقع منك تقول اكتر من كده

انت ماأخدتش بالك ولا ايه

اول خطوة هي ان كندا احسن اختيار للهجرة

وعلشان مشاهدينا في المنازل يبقوا فاهمين

ا/ تورنتو ده عايش في كندا من زمان

ولفها حتة حتة ويعرف دهاليزها

ومع ذلك بيكرهها جدا

وعايز يروح رومانيا علشان احسن ( سبحان الله)

والناحية التانية في المهندس ايهاب سالم رئيس فريق الفاغر فاه الشهيرة بكندا :lol:

بيموت في كندا وبيدافع عنها بالروح والدم

ومعاه اعضاء كتير هنا في المنتدي في نفس الفريق

وممكن نشبه م/ ايهاب بالاهلي لعيب بيعرض وجهة نظرة بتقارير دولية او احصائيات رسمية او اخبار اقتصادية ( بيعرف يبرهن كلامه كويس اوي)

وبالتالي ا/ تورنتو هيبقي الزمالك بيقول رأيه كده وخلاص و بيعمم كتير اوي لكن عل فكره له موضوع مهم ( الوحيد ) عن المحاميين

ولأن الجدال زاد اوي عن ان كندا حلوة ولا وحشة

فقد تكرم الدكتور التهامي بافتتاح استاد يلعب فيه اعضاء الفريقين من غير ما الكورة تيجي في باقي الحاجة اللي في البيت

اي حد يشوف خناقة يبعت اللي بيتخانقوا هنا

[احمد عبده]

الاخ كابلن , زناتي شكرا علي المجاملة كلكوا ذوق

دكتور قناوي منور والله

[ايناس احمد]

مجهود رائع يااستاذ احمد ربنا يبارك لك

[jundi]

مجهود رائع و شرح وافي, ممكن تطلعنا على وضع حضرتك في مشوار الهجرة وصلت فين؟؟؟؟

[Torontotruk]

Torontotruk مشاركة بتاريخ اليوم, 04:17 AM

مشكور..والله ما جصرت.

ا/تورنتو عندنا يا مرحبا يا مرحبا

كنت متوقع منك تقول اكتر من كده

انت ماأخدتش بالك ولا ايه

اول خطوة هي ان كندا احسن اختيار للهجرة

وعلشان مشاهدينا في المنازل يبقوا فاهمين

ا/ تورنتو ده عايش في كندا من زمان

ولفها حتة حتة ويعرف دهاليزها

ومع ذلك بيكرهها جدا

وعايز يروح رومانيا علشان احسن ( سبحان الله)

والناحية التانية في المهندس ايهاب سالم رئيس فريق الفاغر فاه الشهيرة بكندا :lol:

بيموت في كندا وبيدافع عنها بالروح والدم

ومعاه اعضاء كتير هنا في المنتدي في نفس الفريق

وممكن نشبه م/ ايهاب بالاهلي لعيب بيعرض وجهة نظرة بتقارير دولية او احصائيات رسمية او اخبار اقتصادية ( بيعرف يبرهن كلامه كويس اوي)

وبالتالي ا/ تورنتو هيبقي الزمالك بيقول رأيه كده وخلاص و بيعمم كتير اوي لكن عل فكره له موضوع مهم ( الوحيد ) عن المحاميين

ولأن الجدال زاد اوي عن ان كندا حلوة ولا وحشة

فقد تكرم الدكتور التهامي بافتتاح استاد يلعب فيه اعضاء الفريقين من غير ما الكورة تيجي في باقي الحاجة اللي في البيت

اي حد يشوف خناقة يبعت اللي بيتخانقوا هنا

مين قال ليك ان رومانيا احسن من كندا او العكس...هما في وجهة نظري واحد ...كل المميزات التي يلهث ورائها المهاجرين الي كندا موجودة في رومانيا وخاصة لو عايش في الاخيرة بصورة رسمية...يمكن الشئ الوحيد اللي احسن من كندا مئات المرات هو التامين الصحي...ولو فيه رومانين بيهاجروا كندا تاكد مش هروب من اضطهاد او تعذيب او نظام خكم ظالم او غلاء فاحش بدون سبب..او التمتع بمميزات الضمان الاجتماعي...او لا سمح الله علشان يحصلوا علي جنسية محترمة..كل ده عندهم في بلادهم...وفيه منهم بيهاجر كندا و بيفضل انه يرجع للعمل في اوروبا بعد شهور...بكل صراحة حقولك سبب هجرةالرومانين الي كندا هو الطمع,,,وحب اثبات الذات..وروح المغامرة المتمكنة في معظمهم..ومعظمهم ناجحين جدا...ويعلموا جيدا من اين تؤكل الكتف..

والحق اقول يوجد فارق اخير بين رومانيا وكندا ان الاعمال الكاجوال كما تسمونها متوفرة في كندا ويمكن للمهاجرين العمل بها من اول يوم...ولكن في رومانيا صعب ان تجد هذه الاعمال بسبب حاجز اللغة فقط ...لذلك تجد معظم المهاجرين لرومانيا يمتلكون اعمال خاصة بهم حتي بعد اتقانهم للغة و حصولهم علي الجنسية ....طبعا لو جيت سألت مصري كان في رومانيا بصورة غير شرعية...او كان عايز يهرب علي بلد تاني...او ماعرفش يلاقي شغل علشان ماعهوش كارت دي مونكا...او بيرميز دي مونكا...او معرفش يتزوج واحدة محترمة علشان تظبطلوا اقامة حتلاقيه حيسب و يلعن في اروبا كلها...

السؤال...معاليك كنت عايش في رومانيا او اى دولة اوروبية بصورة شرعية؟

السؤال الثاني...جنابك عايش فين دلوقت؟

السؤال الثالث...نيافتك لو كنت عايش برة كندا...هل قمت بزيارة كندا قبل ذلك؟وازاى كونت رايك عن كندا بهذه الصورة...هل بواسطة التلفاز...او الراديو...او الانترنت او عن طريق الاصدقاء والمنتديات؟

ياريت سموك ما تبخلش علي بالاجابات النموذجية النميسة..

يالة باى.

[ناوية ع الهجرة]

استاذ احمد جزاك الله خيرا وجعله في ميزان حسناتك وده مش غريب على اهل المنتدى اللي بيحبوا يساعدوا بعض من غير مقابل

وفعلا فكرة رائعة لان في ناس كتير جديدة ع المنتدى بتبقى تايهة ومش عارفة تبدأ منين

نرجوا من الإدارةمشكورين تثبيت الموضوع

[Torontotruk]

وبالتالي ا/ تورنتو هيبقي الزمالك بيقول رأيه كده وخلاص و بيعمم كتير اوي لكن عل فكره له موضوع مهم ( الوحيد ) عن المحاميين

يا راجل...

[مجبورة ان شاء الله]

السلام عليكم

مشكور استاذ احمد على المجهود الرائع وجزاك الله خير وربنا معاك فى الاختبار القادم bv:-

[احمد عبده]

ايناس احمد مشاركة بتاريخ أمس, 06:55 PM

مجهود رائع يااستاذ احمد ربنا يبارك لك

مجبورة ان شاء الله مشاركة بتاريخ اليوم, 12:52 AM

السلام عليكم

مشكور استاذ احمد على المجهود الرائع وجزاك الله خير وربنا معاك فى الاختبار القادم

الف شكر يا جماعة ده بس من ذوقكو

ناوية ع الهجرة مشاركة بتاريخ أمس, 11:29 PM

استاذ احمد جزاك الله خيرا وجعله في ميزان حسناتك وده مش غريب على اهل المنتدى اللي بيحبوا يساعدوا بعض من غير مقابل

وفعلا فكرة رائعة لان في ناس كتير جديدة ع المنتدى بتبقى تايهة ومش عارفة تبدأ منين

نرجوا من الإدارةمشكورين تثبيت الموضوع

ربنا يكرمك يا ناوية تثبيت مرة واحدة اذا كان مواضيع د/التهامي و د/ هشام ابراهيم وغيرهم كتير ما اتثبتتش

وعموما ربنا يجزيكي خير علي مجاملتك

jundi مشاركة بتاريخ أمس, 10:04 PM

مجهود رائع و شرح وافي, ممكن تطلعنا على وضع حضرتك في مشوار الهجرة وصلت فين؟؟؟؟

الحقيقة انا دلوقت طالب بالفرقة السادسة كلية الطب البشري جامعة الاسكندرية

بدأت السنة دي في تحسين اللغة ( انجليزي و فرنساوي)

السنة الجاية ان شاء الله امتياز ناوي اخد المرحلة الأولي من المعادلة

بعد امتياز ان شاء الله اقدر اقدم علي الهجرة ( حيث تحتسب امتياز كسنة خبرة)

لكن انا اصحابي اغلبهم أكبر مني سنا واللي أدي اغلبهم خلصوا ( كليات خمس سنين بس)

وعلشان كده الموضوع داخل في تفكيري ( لأن الحوار بينا كتير منه بيبقي عن الشغل والخيارات اللي قدامهم)

ده سبب في بدئي الاهتمام بالهجرة قبل ميعاده

كمان انا مقتنع بإن الواحد لازم يبقي ايجابي في تصرفاته وكمان تفكيره

يعني انا في حاجات كتير مش عاجباني في مصر

وحاجات كتير بتضايقني لو كان التفكير في الاتجاة ده بس هيجيلي احباط

وعلشان كده قبل ما أنام بدل ما يبقي كل اللي قدام عيني حيطة كبيرة

انا فتحت فيها كلها شبابيك ( كندا وغيرها) تدخلي نور لغاية ما أقدر اكسر الحيطة

[د هشام ابراهيم]

مجهود مشكور يا دكتورنا الفاضل و شكرا جزيلا علي كلمات الأطراء يا باشا

[Torontotruk]

كندا مش النعيم

ومصر مش الجحيم

اينشتاين. :unsure: