قُرعة أراضي جديدة تبدأ يوم 18 يناير

[se_ Elsyed]

لما قرأت الخبر اليوم حسيت إنها قَرعة مش قُرعة ( بفتحه مش ضمه )

إيه التهريج بتاع أحمد المغربي ده ؟

ومن يستهدف بهذه القُرعة القَرعة ؟

طرح ٥٨٠٠ قطعة أرض بالقرعة العلنية فى ١٧ مدينة جديدة.. والحجز يبدأ ١٨ يناير

كتب وفاء بكرى ٦/ ١/ ٢٠٠٩

المغربى

أعلن المهندس أحمد المغربى، وزير الإسكان والمرافق والتنمية العمرانية، طرح ٥٨٣٢ قطعة أرض فى ١٧ مدينة جديدة بنظام القرعة العلنية، على أن يبدأ الحجز فى ١٨ يناير الحالى ولمدة شهر كامل.

وقرر المغربى زيادة مقدم الحجز إلى ٢٠٪ من القيمة الإجمالية لقطعة الأرض، بزيادة ١٠٪ عن القرعات الماضية، على أن يتم سداد باقى القيمة الإجمالية وقدره ٨٠٪ على ٤ سنوات بدفعات نصف سنوية، تبدأ من تاريخ إعلان نتيجة القرعة دون فترة سماح،

وهو ما انفردت به «المصرى اليوم» منذ أكثر من ٦ شهور، حيث كان يسدد ثمن الأرض بعد ٣ سنوات من تاريخ التسلم على أقساط سنوية لمدة ٧ سنوات بعد سداد قيمة ١٠٪ من إجمالى ثمن الأرض.

كما قرر الوزير زيادة المهلة المقررة لإنهاء الهيكل الخرسانى إلى ١٨ شهراً بعد أن كانت ١٢ شهراً فقط، وهو القرار الذى تم اتخاذه أوائل العام الماضى للفائزين فى القرعة الرابعة، بعد ارتفاع أسعار الحديد والأسمنت، على أن يتم استخراج التراخيص اللازمة للبناء خلال ٩ شهور من تاريخ تسلم الأرض،

فيما يتم الانتهاء من أعمال التشطيبات خلال ١٢ شهراً، مشدداً على أن الوزارة ستقوم بسحب الأرض فى حال الإخلال بالتوقيتات المشار إليها كل على حدة.

زيادة مقدم .. ومقبولة شوية

لكن مافيش فترة سماح والتسديد على 4 سنين ؟ ده كان ناقص يحدد أسامي الناس اللي هاتدخل القرعة !!!!!!!!!!!!!

وده مين إن شاء الله اللي الأرض هاتقف عليه مثلاً بنصف مليون ويبقى ملزم يسدد 20 % والباقي على 4 سنوات وفي نفس الوقت لازم يبني ويشطب خلال 3 سنوات ...

قمة التهريج

[عاشق]

الاخ الكريم سي السيد

في موضوع مفتوح بأسم القرعة الخامسة على نفس الموضوع المطروح من قبلك

ارجو ان تشركنا فيه وان تكون كل مقترحاتنا في هذا الموضع

لما له من الفائدة الكبيرة وعدم التشتت في فتح عدة موضوعات على نفس الموضوع المطروح للنقاش

ولك الشكر والتقدير

[مغتربة]

طب اللى عايز يقدم على القرعه دى هيكون فين يعنى وزارة الاسكان نفسها و لا من فين و معلش ايه كمان الاوراق المطلوبه لذلك

و لكم جزيل الشكر

[se_ Elsyed]

طب اللى عايز يقدم على القرعه دى هيكون فين يعنى وزارة الاسكان نفسها و لا من فين و معلش ايه كمان الاوراق المطلوبه لذلك

و لكم جزيل الشكر

غالباً بيبقى في بنك الإسكان والتعمير

وخدي برضوا موقع هيئة المجتمعات العمرانية الجديدة قوي عشان تتابعي الحركات بتاعتهم http://www.urban-comm.gov.eg

[abuAdham]

التقديم في اي فرع من فروع بنك الاسكان والتعمير بالقاهرة او المحافظات ولازم يكون معاكي صورة البطاقة ولو حضرتك متزوجة لازم صورة بطاقتك وصورة بطاقة زوجك مع اصول البطاقات يعني اصل وصورة وقبل ذلك تكوني محددة القطع ال هتقدمي فيها من خلال الاعلان وتكوني عارفة ال مقدم كام ومجهزة معاكي ال 20 % + 53 جنية رسوم للبنك وبما انهم بيقسمو الاراضي لمجموعات حسب الاحياء او المناطق فانصح بالتقديم في مجموعة بها عدد كبير من الاراضي ويجوز للزوج ان يقدم له ولزوجتة ( قطعة واحدة ) باسم الشخص الذي يقدم